Mankuma 2
2
Madyeele, busina bwasweeke
1Mwaana waami, mbuti ye taamburi manyileele me,
na kebiri ntumu dzaami kintwaari na ye,
2mbuti ye tekiri kutu dyaaku mu kuyuka mya madyeele,
na talisiri mutima waaku kuri nyukulu,
3na mbuti mu ngwanwa ye teeriri madyeele mbila,
ye heeri mbeembu yaaku kuri nyukulu,
4mbuti ye sakiri mo bunu mboongo,
ye sakiri mo bunu busina,
5haho ye wubakula
bunu buri kibvumi kya Yaave,
sa dzuukila nyaabulu Nzaambi.
6Bukuri Yaave wuhaanaa madyeele,
na mu munwa waandi nyaabulu na mbakukulu.
7Nde wubakisaa basuunguma,
bunu kikakusulu nde wukakisilaa babo
badyaatilaa mu nsungumunu.
8Nde wukalaa wudyaata mu nzila yasuunguma,
nde wukebaa ndyaatulu ya bakwiikama.
9Haho ye tsuku wubakula nsungumunu, kuhele kwa mumpengeke, na nyirimunu mutima,
ma ngo manzila manataa kuri mamabwete.
10Madyeele sa miisa mu mutima waaku,
nyaabulu sa yasa luwu mu muheebulu waaku,
11nsimunu sa yakukebe,
nyukulu sa yakubvuukisa,
12sa byakukuula mu nzila bubi,
kuri baatu bateengeme,
bakwedzoonso mu myahele kusuunguma,
13babo bayeki bayekele manzila mansungumunu,
mu kweyende mu manzila ma mampimbisi.
14Bamono kiminu mu kuyirika mamabi,
bakwekeembe kunsa mbeelu yayibi.
15Manzila ma babo mateengeme,
na misoki myaaku miri na mankoondoko.
16Ye sa bvuuka mu myeete mya mukyeetu wakinkita,
mukyeetu wamunzeense wuri na maampu mamawunu,
17wunde wayeki wayekele munkuula waandi wa butuuti,
wayeki wadzimbikina lulelusunu lwa Nzaambi yaandi.
18Bukuri dzo yaandi yayeki yayekeme kuri lufwa,
misoki myaandi minataa kuri bidziimunu.
19Bobanso bapala na nde, babvutukaa ko,
badzuukilaa misoki mya kidziingu ko,
20Mu bubwo ye sa nama nzila baatu bababwe,
ye sa kebe misoki mya basuunguma.
21Bukuri baatu basuunguma, sa badzakala ha butoto.
Baatu bangwanwa sa badziingila ha butoto ;
22ngo bangaa-bubi sa babayusula ha butoto,
bababi sa babatsumuna ha butoto.
Currently Selected:
Mankuma 2: ATBABC
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Congo 2024