Lutaangu 7
7
Bikokolo bi baheeri mu nzo yangisi
1Kiluumbu kya meeni Moose mu kutuunga nzo yangisi, nde waseme yo na bisalulu byobinso mu nyitukulu maasi ; bwobumosi se mu dziku na bisalulu byobinso : Nde waseme byo. 2Bakuutu ba Iselili, bamfumu ba makaanda baha bikabu. Bo baba bakuutu ba bitsuumbu batwaalisiri kisalu kya ntaangulu. 3Bo babatwaalaa bikabu ha busu bwa Yaave : Bikokolo bisaamunu byafuka, na bangoombo kuumi na boolo. Mu mpisi kikokolo bakuutu boolo, na mu mpisi ngoombo mukuutu mosi. 4Yaave waleele kuri Moose ti : 5« Taambula bikabu bibatweesi bo, mu kusalila byo mu bisalu bya nzo yangooto ya mbwanukunu, sa wayakisa byo kuri Baleevi, mpisi nde bunu buri kisalu kyaandi. » 6Moose waholo bikokolo bibyo na bangoombo, waha byo kuri Baleevi. 7Waha bikokolo byoolo na bangoombo bana kuri baala ba Ngeresoni, bunu buri kisalu kyaaku. 8Bikokolo bina na bangoombo mpoomo, wabiha kuri baala ba Merari, bunu buri kisalu kyaaku, mu lutumu lwa Itamari, mwaana Aaroni, ngaanga-Nzaambi. 9Ngo kuri baala ba Kehati, Moose wahele kuha kitotolo, bukuri bari na kisalu kya kunata bitotolo byangisi ha yulu maheembu.
Bikabu bya kusakumuna dziku dya Nzaambi
10Bamfumu batwaala kikabu mu ntoono kusakumuna dziku, mu kiluumbu kya kusakumuna bamfumu baha kimbwanga kyaaku ha mankula ma dziku. 11Yaave waleele kuri Moose ti : Bamfumu sa biisa, mosi mu kiluumbu, mu kuha kimbwanga kyaaku mu ntoono kusakumuna kwa dziku.
12Wunde waheeri kimbwanga kyaandi kiluumbu kyatete waba Naasoni, mwaana Aminadabe, wa mu kaanda dya Yuuda. 13Kimbwangi kyaandi : Lukoombo lwapalata lwa nkama na makuumi matatu ma makilo, mbasa ya makuumi nsaamu ma makilo, bunu buri kilo kya kibeendu kyangisi, byobyoolo byaluula mu farine dyasobo mu maasi, mu kikabu kyabikunu ; 14mbasa yawoolo ya makilo kuumi, yaluula mu mananaasi ; 15mulumi ngoombo mosi, mulumi kimeeme mosi, mwaana kimeeme mosi wa mvula mosi, mu kikabu kya kuyoko ; 16ntaba mosi, mu kikabu kya masumu ; 17na, mu kikabu kya kiyeengi, bangoombo boolo, balumi ba bimeeme boolo, bantaba bataanu, baala ba bimeeme bataanu ba mvula mosi. Bubwo bwaba kimbwangi kya Naasoni, mwaana Aminadabe.
18Mu kiluumbu kyabyoolo, Netanehele, mwaana Tsohari, mfumu ya Isakari, wanata kikabu kyaandi. 19Nde waha kimbwangi kya nde : Lukoombo lumosi lwapalata lwa nkama na makuumi matatu ma makilo, mbasa mosi ya makuumi nsaamu ma makilo, bunu kilo kya kibeendu kyangisi, byabyoolo byobinso byaluula mu farine di basobo mu maasi, mu ntoono kikabu kyabikunu ; 20mbasa yawoolo ya makilo kuumi, yaluula mu mananaasi ; 21mulumi ngoombo mosi, mulumi kimeeme mosi, mwaana kimeeme wa mvula mosi, mu ntoono kikabu kya kuyoko ; 22ntaba mosi mu kikabu kya masumu ; 23na mu kikabu kya kiyeengi, bangoombo boolo, balumi ba bimeeme bataanu, bantaba bataanu, baala ba bimeeme ba mvula mosi bataanu. Bubwo bwaba kimbwanga kya Netanehele, mwaana Tsohari.
24Mu Kiluumbu kyabitatu, yaba mfumu baala ba Dzabuloni, Elyabi, mwaana Heloni. 25Kimbwanga kyaandi : Lukoombo lumosi lwapalata lwa 130 dza makilo, mbasa yapalata ya 70 ma makilo bunu buri makilo ma kibeendu kyangisi, byobyoolo byaluula mu farine dyasobo na maasi, mu ntoono kikabu kyabikunu ; 26mbasa mosi yawoolo ya makilo 10, yaluula mu mananaasi ; 27mulumi ngoombo mosi, mulumi kimeeme mosi, mwaana kimeeme mosi wa mvula mosi, mu ntoono kikabu kya kuyoko ; 28ntaba mosi, mu kikabu kya masumu ; 29na, mu ntoono kikabu kya kiyeengi, bangoombo boolo, balumi ba bimeeme bataanu, bantaba bataanu, baala ba bimeeme bya mvula mosi. Bubwo bwaba kimbwanga kya Elyabi, mwaana Heloni.
30Mu kiluumbu kyabina yaba mfumu baala ba Lubeni, Elisuri, mwaana Sedehure. 31Kimbwanga kyaandi : Lukoombo lumosi lwapalata lwa 130 dza makilo, mbasa yapalata ya 70 ma makilo bunu buri makilo ma kibeendu kyangisi, byobyoolo byaluula mu farine dyasobo na maasi, mu ntoono kikabu kyabikunu ; 32mbasa mosi yawoolo ya makilo 10, yaluula mu mananaasi ; 33mulumi ngoombo mosi, mulumi kimeeme mosi, mwaana kimeeme mosi wa mvula mosi, mu ntoono kikabu kya kuyoko ; 34ntaba mosi, mu kikabu kya masumu ; 35na, mu ntoono kikabu kya kiyeengi, bangoombo boolo, balumi ba bimeeme bataanu, bantaba bataanu, baala ba bimeeme bya mvula mosi. Bubwo bwaba kimbwanga kya Elisuri, mwaana Sedehure.
36Mu kiluumbu kyabitaanu, yaba mfumu baala ba Simehoni, Selumyeli, mwaana Surisadayi. 37Kimbwanga kyaandi : Lukoombo lumosi lwapalata lwa 130 dza makilo, mbasa yapalata ya 70 ma makilo bunu buri makilo ma kibeendu kyangisi, byobyoolo byaluula mu farine dyasobo na maasi, mu ntoono kikabu kyabikunu ; 38mbasa mosi yawoolo ya makilo 10, yaluula mu mananaasi ; 39mulumi ngoombo mosi, mulumi kimeeme mosi, mwaana kimeeme mosi wa mvula mosi, mu ntoono kikabu kya kuyoko ; 40ntaba mosi, mu kikabu kya masumu ; 41na, mu ntoono kikabu kya kiyeengi, bangoombo boolo, balumi ba bimeeme bataanu, bantaba bataanu, baala ba bimeeme bya mvula mosi. Bubwo bwaba kimbwanga kya Selumyeli, mwaana Surisadayi.
42Mu kiluumbu kyabisaamunu, yaba mfumu baala ba Ngadi, Elyasafe, mwaana Leweele. 43Kimbwanga kyaandi : Lukoombo lumosi lwapalata lwa 130 dza makilo, mbasa yapalata ya 70 ma makilo bunu buri makilo ma kibeendu kyangisi, byobyoolo byaluula mu farine dyasobo na maasi, mu ntoono kikabu kyabikunu ; 44mbasa mosi yawoolo ya makilo 10, yaluula mu mananaasi, 45mulumi ngoombo mosi, mulumi kimeeme mosi, mwaana kimeeme mosi wa mvula mosi, mu ntoono kikabu kya kuyoko ; 46ntaba mosi, mu kikabu kya masumu ; 47na, mu ntoono kikabu kya kiyeengi, bangoombo boolo, balumi ba bimeeme bataanu, bantaba bataanu, baala ba bimeeme bya mvula mosi. Bubwo bwaba kimbwanga kya Elyasafe, mwaana Leweele.
48Kiluumbu kyansaamu, yaba mfumu baala ba Efarayimi, Elisama, mwaana Amihude. 49Kimbwanga kyaandi : Lukoombo lumosi lwapalata lwa 130 dza makilo, mbasa yapalata ya 70 ma makilo bunu buri makilo ma kibeendu kyangisi, byobyoolo byaluula mu farine dyasobo na maasi, mu ntoono kikabu kyabikunu ; 50mbasa mosi yawoolo ya makilo 10, yaluula mu mananaasi, 51mulumi ngoombo mosi, mulumi kimeeme mosi, mwaana kimeeme mosi wa mvula mosi, mu ntoono kikabu kya kuyoko, 52ntaba mosi, mu kikabu kya masumu ; 53na, mu ntoono kikabu kya kiyeengi, bangoombo boolo, balumi ba bimeeme bataanu, bantaba bataanu, baala ba bimeeme bya mvula mosi. Bubwo bwaba kimbwanga kya Elisama, mwaana Amihude.
54Kiluumbu kyampoomo, kyaba mfumu baala ba Manase, Ngamelyeli, mwaana Pedatsure. 55Kimbwanga kyaandi : Lukoombo lumosi lwapalata lwa 130 dza makilo, mbasa yapalata ya 70 ma makilo bunu buri makilo ma kibeendu kyangisi, byobyoolo byaluula mu farine dyasobo na maasi, mu ntoono kikabu kyabikunu ; 56mbasa mosi yawoolo ya makilo 10, yaluula mu mananaasi ; 57mulumi ngoombo mosi, mulumi kimeeme mosi, mwaana kimeeme mosi wa mvula mosi, mu ntoono kikabu kya kuyoko ; 58ntaba mosi, mu kikabu kya masumu ; 59na, mu ntoono kikabu kya kiyeengi, bangoombo boolo, balumi ba bimeeme bataanu, bantaba bataanu, baala ba bimeeme bya mvula mosi. Bubwo bwaba kimbwanga kya Ngamelyeli, mwaana Pedatsure.
60Kiluumbu kyawa, kyaba mfumu baala ba Benyami, Abidaani, mwaana Ngidehoni. 61Kimbwanga kyaandi : Lukoombo lumosi lwapalata lwa 130 dza makilo, mbasa yapalata ya 70 ma makilo bunu buri makilo ma kibeendu kyangisi, byobyoolo byaluula mu farine dyasobo na maasi, mu ntoono kikabu kyabikunu ; 62mbasa mosi yawoolo ya makilo 10, yaluula mu mananaasi ; 63mulumi ngoombo mosi, mulumi kimeeme mosi, mwaana kimeeme mosi wa mvula mosi, mu ntoono kikabu kya kuyoko, 64ntaba mosi, mu kikabu kya masumu ; 65na, mu ntoono kikabu kya kiyeengi, bangoombo boolo, balumi ba bimeeme bataanu, bantaba bataanu, baala ba bimeeme bya mvula mosi. Bubwo bwaba kimbwanga kya Abidaani, mwaana Ngidehoni.
66Kiluumbu kyakuumi, kyaba mfumu baala ba Daani, Ayedzere, mwaana Amisadayi. 67Kimbwanga kyaandi : Lukoombo lumosi lwapalata lwa 130 dza makilo, mbasa yapalata ya 70 ma makilo bunu buri makilo ma kibeendu kyangisi, byobyoolo byaluula mu farine dyasobo na maasi, mu ntoono kikabu kyabikunu ; 68mbasa mosi yawoolo ya makilo 10, yaluula mu mananaasi ; 69mulumi ngoombo mosi, mulumi kimeeme mosi, mwaana kimeeme mosi wa mvula mosi, mu ntoono kikabu kya kuyoko, 70ntaba mosi, mu kikabu kya masumu ; 71na, mu ntoono kikabu kya kiyeengi, bangoombo boolo, balumi ba bimeeme bataanu, bantaba bataanu, baala ba bimeeme bya mvula mosi. Bubwo bwaba kimbwanga kya Ayedzere, mwaana Amisadayi.
72Kiluumbu kyakuumi na kimosi, kyaba mfumu baala ba Aseere, mwaana Okerani. 73Kimbwanga kyaandi : Lukoombo lumosi lwapalata lwa 130 dza makilo, mbasa yapalata ya 70 ma makilo bunu buri makilo ma kibeendu kyangisi, byobyoolo byaluula mu farine dyasobo na maasi, mu ntoono kikabu kyabikunu ; 74mbasa mosi yawoolo ya makilo 10, yaluula mu mananaasi ; 75mulumi ngoombo mosi, mulumi kimeeme mosi, mwaana kimeeme mosi wa mvula mosi, mu ntoono kikabu kya kuyoko, 76ntaba mosi, mu kikabu kya masumu ; 77na, mu ntoono kikabu kya kiyeengi, bangoombo boolo, balumi ba bimeeme bataanu, bantaba bataanu, baala ba bimeeme bya mvula mosi. Bubwo bwaba kimbwanga kya Pangyeli, mwaana Okerani.
78Kiluumbu kyakuumi na byoolo, kyaba mfumu baala ba Nefetali, Ahira, mwaana Ehinani. 79Kimbwanga kyaandi : Lukoombo lumosi lwapalata lwa 130 dza makilo, mbasa yapalata ya 70 ma makilo bunu buri makilo ma kibeendu kyangisi, byobyoolo byaluula mu farine dyasobo na maasi, mu ntoono kikabu kyabikunu ; 80mbasa mosi yawoolo ya makilo 10, yaluula mu mananaasi ; 81mulumi ngoombo mosi, mulumi kimeeme mosi, mwaana kimeeme mosi wa mvula mosi, mu ntoono kikabu kya kuyoko, 82ntaba mosi, mu kikabu kya masumu ; 83na, mu ntoono kikabu kya kiyeengi, bangoombo boolo, balumi ba bimeeme bataanu, bantaba bataanu, baala ba bimeeme bya mvula mosi. Bubwo bwaba kimbwanga kya Ahira, mwaana Ehinani.
84Bubwo bwaba bikabu bya bamfumu ba Iselili mu ntoono kusakumuna dziku, kiluumbu kya lusakumunu. Nkoombo kuumi na dzoolo dza palata, biyobi kuumi na byoolo byapalata, mambasa kuumi na moolo ma woolo ; 85mpisi lukoombo lwaba lwaleme mu 1 300 mu mangarame, na mpisi kiyobi 700 mu mangarame. Byobinso byaba kiteesu kya 2 400 byapalata, bunu buri kipeesulu kimosi mu nzo yangisi. 86Mpisi koopo dyawoolo dyaba lemaana mangarame 100 ; makoopo kuumi na moolo, 120 ma mangarame. Mo maba maluula mu mananaasi ma kuyoko. 87Bibulu byobinso bya kikabu kya kuyoko byaba balumi ba bangoombo kuumi na boolo, bimeeme byabalumi kuumi na byoolo, baala ba bimeeme ba mubvu mosi kuumi na boolo, kintwaari na bikabu bya bikunu, na bantaba kuumi na boolo mu kikabu kya mpemusunu masumu. 88Bibulu byobinso bya kikabu kya kiyeengi : Balumi ba bangoombo makuumi moolo na bana, bimeeme makuumi masaamunu, bantaba makuumi masaamunu, na baala ba bimeeme ba mubvu mosi se makuumi masaamunu. Bibyo ngo bikabu bya nyekukulu dziku ha mambisa ma lusakumunu.
89Mu ntaangu ya bakotaa Moose ku nzo yangooto ya mbwanukunu mu kuyolo na Yaave, nde wabayukaa mbeembu yabadzoonsaa kuri nde ha yulu kipu kya nkobo ya lulelusunu, ha kakati dya bakeruba. Na wabadzoonsaana na nde.
Currently Selected:
Lutaangu 7: ATBABC
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Congo 2024