Lutaangu 2
2
Nyirumunu ya bikuutu ha manzo mangooto
1Yaave waleele kuri Moose na Aaroni : 2Mpisi muutu yelemini kutuunga nzo yangooto yaandi bebele na kimpeki kya bo-meene, hari kidiimbu kya kaanda dyaandi. Baala ba Iselili sa batuunga manzo mangooto maaku ha mankula ma nzo yangooto ya mbwanukunu, manzo mangooto mayelemene kuyidyengekele.
3Babo batuunga manzo mangooto ku esete, kupalilaa ntaangu, bakutukuna kuri kimpeki kya Yuuda. Babakala bakuka mu buyongolo sa baba batwaalisa kuri mukuutu mosi wa kaanda dyaaku. Mfumu mu baala ba Yuuda : Naasoni, mwaana wa Aminadabe.
4Mukaangu bayongolo waandi : 74 600 babataangiri. 5Ha mpele nde kibeendu kya manzo mangooto kya kaanda dya Isakari. Mfumu mu baala ba Isakari : Netanehele, mwaana Tsohari. 6Mukaangu bayongolo waandi : 54 400 babataangiri. 7Tumi kaanda dya Dzabuloni. Mfumu mu baala ba Dzabuloni : Elyabi, mwaana Heloni. 8Mukaangu bayongolo waandi 57 400 babataangiri. 9Lutaangu lwolunso lubataangiri mu kibeendu kya manzo mangooto kya Yuuda mu mpisi mukaangu bayongolo lwaba : 186 400. Bo sa beende batete.
10Ku suude kimpeki kya kibeendu kya manzo mangooto kya Lubeni, mu mpisi mukaangu bayongolo bayongolo. Mfumu mu baala ba Lubeni : Elisuri, mwaana wa Sedehure. 11Mukaangu bayongolo waandi : 46 500 babataangiri. 12Ha teke nde kaanda dya Simehoni. Mfumu mu baala ba Simehoni : Kelumweli, mwaana wa Surisadayi. 13Mukaangu bayongolo waandi : 59 300 babataangiri. 14Tumi kaanda dya Ngadi. Mfumu mu baala ba Ngadi : Elyasafe, mwaana Leweele. 15Mukaangu bayongolo waandi : 45 650 babataangiri. 16Lutaangu lwolunso lwa kibeendu kya manzo mangooto kya Lubeni, mu mpisi mukaangu bayongolo lwasa : 151 450. Bo sa baba kabu dyamoolo mu kweende. 17Ha mambisa haho, nzo yangooto ya mbwanukunu sa yeende, na manzo mangooto ma Baleevi mari ha kakati dya manzo mangooto. Sa beende mpisi nde mu muloongo, bunu bwa tuungila manzo mangooto maaku, bunu buri bimpeki byaaku. 18Ku wesete, kimpeki kya kibeendu kya manzo mangooto kya Efarayimi, mu mpisi mukaangu bayongolo. Mfumu mu baala ba Efarayimi : Elisama, mwaana Amihude. 19Mukaangu bayongolo waandi : 40 500 babataangiri. 20Ha teke nde kaanda dya Manase. Mfumu mu baala ba Manase : Ngamelyeli, mwaana Pedatsure. 21Mukaangu bayongolo waandi : 32 200 babataangiri. 22Tumi kaanda dya Benyami : Abidaani, mwaana Ngidehoni. 23Mukaangu bayongolo waandi : 35 400 babataangiri. 24Lutaangu lwolunso lubataangiri mu kibeendu kya manzo mangooto kya Efarayimi lwasa : 108 100 mu mikaangu myomitatu. Bo sa baba kabu dyamatatu mu kweende. 25Ku noode, kimpeki kya kibeendu kya manzo mangooto kya Daani, mu mpisi mukaangu bayongolo. Mfumu mu baala ba Daani : Ahyedzeri, mwaana wa Amisadayi. 26Mukaangu bayongolo waandi : 62 700 babataangiri. 27Ha mpele nde kaanda dya Aseere. Mfumu mu baala ba Aseere : Pangyeli, mwaana Okerani. 28Mukaangu bayongolo waandi : 41 500 babataangiri ; 29Tumi kaanda dya Nefetali. Mfumu mu baala ba Nefetali : Ahira, mwaana Eyinani. 30Mukaangu bayongolo waandi : 53 400 babataangiri. 31Lutaangu lwolunso lwa kibeendu kya manzo mangooto kya Daani lwasa : 157 600. Bo sa beende bampotulu, bunu buri bimpeki byaaku.
32Bubwo buri baala ba Iselili babataangiri, kaanda mu kaanda. Bobanso babataangiri mu bibeendu bya manzo mangooto, mu mpisi mukaangu bayongolo, baba 603 550. 33Baleevi basiiri kubataanga ko ha kakati dya baala ba Iselili, bunu bwatumini Yaave kuri Moose.
34Baala ba Iselili bayirikiri na deredee matumini Yaave kuri Moose. Bo batuunga manzo mangooto bebele na bidiimbu bya bimpeki byaaku ; na bubwo baba kweyeende, mpisi baatu bunu buri kaanda dyaaku, na buri nzo yaaku.
Currently Selected:
Lutaangu 2: ATBABC
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Congo 2024