Mataayi 19
19
Nyikusulu dza Yisu mu nzusulu makweele
(Mal 10.1-12)
1Yisu kamana kudzoonso misamu mimyo, ha kayisika ku Ngalile, na wayende mu mankoonsi ma nsi ya Yuuda, ku simu dya Yorodaani. 2Mampuumbu ma baatu malaka mamunama, na nde wabatsinikisa haho.
3Bafarisi bakokosolo kuri nde, bamutsiitsa, bamufuula ti : « Buri muutu wuri na miswa mya kubinga mukasi waandi, mu mpisi lumvuki ? » 4Nde wabvutula waleele ti : « Buri beenu luyaa ko ti : "Muyiriki, kunu mbandukulu, wabayirika bakala na mukyeetu ?" 5Tumi nde wabweese kuleele ti : "Mu ntoono yiyo, bakala yelemini kusiisa taayi na nguri, na kukaangama mu mukasi waandi, na boboolo sa baba muswiinyi mosi." 6Mu didyo, babweese kuba boolo ko, ngo beki muswiinyi mosi. Hango, muutu yaa kahaambila byabvuuta Nzaambi ko. » 7Bafarisi bafuula nde ti : « Mu nki ntoono, Moose kari katuma kutina mukaanda, wa nzusulu makweele na kubinga mukasi ? » 8Yisu wabvutula kuri bo ti : « Mu ntoono nkubulu mitima myeenu, ngo Moose kaluheeri miswa mya kubinga bakasi beenu ; kunu mbandukulu kwaba kahele bubwo. 9Ngo me nyiluleele ti : Mpisi wunde wubinga mukasi waandi, mbuti ka kuri wabwa mu mvuutunu yadika ko, ngo kweeriri mukyeetu mukimi, lo nde teeri kimpala. »
10Bayiki baandi baleele kuri nde ti : « Mbuti mbeelu ya bakala na mukyeetu bubwo yiri, lo kwahele ndaandu mu kukweele. » 11Yisu wabvutula kuri bo ti : « Bobanso bahele kutaambula musamu [wunde]. Ngo kunu kuri babo, babari baha miswa mu kutaambula. 12Mukwongo, kuri baatu babutuka bampokoro, kuholosono mu myooyo mya banguri ; bakaka bampokoro mu nyirikulu ya baatu ; bakimi bari bampokoro, mu ntiilu ya bo-meene, mu ntoono Kimfumu kya mayulu. Wubangisina kubakula, kabakula ! »
Yisu wasakumuna mwaa baala
(Mal 10.13-16; Luk 18.15-17)
13Hanaho, baatu banata baala bantele kuri Yisu, mpisi kabatetekele myooko na kabasambikila, ngo bayiki babaŋaŋana. 14Ngo Yisu waleele : « Hemeseenu mwaa baala, yaa lubakakisila mu kwiisa kuri me ko, bukuri Kimfumu kya mayulu, kiri kya bari bunu bo. » 15Bu kamana kubatetekele myooko, wasiisa kibeendu kikyo.
Kifuuri kya mwaa munkuula wakisina
(Mal 10.17-31; Luk 18.18-30)
16Na mono, muutu mosi wakokosolo kuri Yisu, wamuleele ti : « Muyikisi, nki byabibwete me nyisa, mpisi mbaka mwooyo wa bibvu ngo bibvu ? » 17Nde wamuleele ti : « Buri ye wuri mu kuha me kifuuri mu mamabwete ? Mosi kitsu wuri ngaa-bubwete. Mbuti heki ye tiiri kubaka mwooyo, lo kebe mangisi. » 18Nde wabvutula kuri Yisu ti : « Nkya mo ? » Yisu waleele : « Yaa dzusa ko, yaa ta kimpala ko, yaa yiba ko, yaa ta kimbaangi kyampya ko, 19kiinsa taayi na nguri, na tya mbaasi yaaku bunu ye-meene. » 20Munkuula wunde waleele kuri Yisu ti : « Myominso mimyo me nyabvumina. Nki nyiri nyakoono ? » 21Yisu waleele kuri nde ti : « Mbuti ye tiiri kuba wakuka, lo yende, yarika biwuri na byo, ha kuri bawelu, na ye sa baka busina mu mayulu, na wasa nama me. » 22Mwaa munkuula wunde bu kayuka maampu mamo, wayende kunsa ngebe ; bukuri nde waba na lubaku lwalaka.
23Yisu waleele kuri bayiki byaandi ti : « Mu ngwanwa me nyiluleeriri dyo ; diri dyampasi kuri wakisina mu kukoto mu Kimfumu kya mayulu. 24Nyiluleele lukimi, bubvuriri kuleenge kuri kamelo, mu kuluta ha wuri dya noongo, ti na kisina mu kukoto mu Kimfumu kya mayulu. » 25Bayiki ba Yisu bu bayuka dyo, bakimuka kwalaka na baleele ti : « Hango, na wubangisina kubvuuka ? » 26Bu kabasungumina kisoosi, Yisu waleele ti : « Kuri baatu, lo kubangisina pe ; ngo kuri Nzaambi kuri bwa kubangisina. »
27Hango Peetelo waleele kuri Yisu ti : « Mono, beetu twasiisiri byobinso na twakunemi, heki nki biba kuri beetu ? » 28Yisu wabvutula kuri bo ti : « Mu ngwanwa me nyiluleeriri ti, mu ntaangu yikitika byobinso byamoono, Mwaana muutu bu kadzakala ha mboloko ya munkeembu, beenu lwanemi me, beenu se sa lwaba lwadzakala mu mamboloko kuumi na moolo, mu kutsuundisa makaanda kuumi na moolo ma Iselili. 29Mpisi wunde wasiisa manzo, bunu pele bampaangi, bunu pele bibusi, bunu pele taayi, bunu pele nguri, bunu pele baala, bunu pele manseke mu ntoono nkuumbu yaami, lo sa kataambula byo mu minkama, na sa kataambula mwooyo wa bibvu ngo bibvu bunu saala. 30Balaka batekesele sa basyeelele, na basyeelele sa batekesele. »
Currently Selected:
Mataayi 19: ATBABC
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Congo 2024