Biyiriki bya Bantumu 6
6
Baatu nsaamu basoolu mu kubakisa bantumu
1Mu biluumbu bibyo, bayiki baba beki balaka. Bangereke bamunguta mu ntoono Bahebereho, bukuri bakyeetu ba bo bafwiila balumi, baba banyaafunu mu nkabukulu byandya, ya kiluumbu ngo kiluumbu. 2Bo kuumi na boolo, bateele mpuumbu bayiki, baleele ti : "Bwahele kuyelemene, ti beetu tubwoongolo Maampu ma Nzaambi, mu ntoono kisalu kya kukabila byandya. 3Sakeenu bampaangi nsaamu, ha kakati dya beenu, bari na kimbaangi kyakibwete, baluula mu Mpeeve na mu madyeele, batuheenee kisalu kikyo. 4Beetu ngo bari, tunamitina mu lusaambulu, na mu kisalu kya kuyikisa. 5Mpuumbu yoyinso yamono kiminu mu musamu wunde. Bo basoolo Esetefano, muutu waluula mu kanyi, na mu Mpeeve Yangisi, basoolo Filipo, Porokore, Nikanori, Timoni, Paremena na Nikola munsaambiri wa ku Antyoke. 6Tumi ha babasoongo kuri bantumu, bu basaambila, babatetekele myooko. 7Maampu ma Nzaambi maba mayabakana kwalaka, na lutaangu lwa bayiki lwaba kwefununa kwalaka ku Yerusalemi, na mpuumbu ya Bangaanga-Nzaambi, yaba yatumuma mu kanyi.
Nkaangulu Esetefano.
8Esetefano. waba waluula mu bweese na mu mpinu, waba kweyirikaa bimaangu na bidiimbu byabinene, ha kakati dya baatu. 9Ngo kwateleme mwaa ndaambu baatu ba nzo-nkutukunu, yi bakooteelaa ti ya baatu bakuuluka, bari ku Kirene, bari Alekandere, bari Silisi, na bari Adzya, basa mpaka na Esetefano. 10Bo baba bahele na makwa ma kutungukila madyeele, na mpeeve byamonoko mu nzoonsulu Esetefano. 11Bo baha mboongo kuri baatu, mpisi baleele ti beetu twayukiri, nde wusa nzoonsulu dza nsaanunu mu Moose na mu Nzaambi. 12Bo basinda baatu, bakulu bababakala na Batini ba mangisi ; bu batubuka, bakwaata Esetefano. na bamunata ku kikuutu. 13Bo batelemese bambaangi bampya mu kuleele ti : "Muutu wumawu wahele kuhoto kwedzoonsolo bwabubi, mu Kibeendu kyangisi na mu Mangisi. 14Beetu twamuyukiri wukweleele ti, Yisu wa ku Nadzareti, sa katsaamuna Kibeendu kyangisi ki, na sa kayiinga bifu bya tusisikila Moose. 15Bobanso baba badzakala ha kikuutu bamusungumina kisoosi, na bamono kidziri kyaandi, bunu kidziri kya mbasi-Nzaambi.
Currently Selected:
Biyiriki bya Bantumu 6: ATBABC
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Congo 2024