Biyiriki bya Bantumu 25
25
Poolo waloombo kaba wutsuundisa ha busu bwa Sedzare
1Ha mambisa ma biluumbu bitatu bi katubukiri, Fesetusi wayisika ku Sedzare, mu kutoomboko ku Yerusalemi. 2Bakuutu ba bangaanga-nzaambi, na Bayudayo balukiinsu, bafuunda Poolo, na bayingukila Fesetusi. 3Bo baloombo bweese kuri nde, mpisi kaba bvutukila Poolo ku Yerusalemi, na kukwo, bamulebekele mweete mu nzila mu kumudzusa. 4Ngo nde wabvutula ti : Poolo wuri mu boroko ku Sedzare, na me-meene Fesetusi nyiri mu kubvutuka mu mawasu. 5Nde wabweese kuleele ti : "Hango babo bamono ti bakuka, ngo bari basunduka ha kimosi na me ; mbuti bari na kibila mu muutu wunde, lo bamufuunda !" 6Bu kalutisa biluumbu mpoomo, bunu pele kuumi, nde wasunduka ku Sedzare. Kiluumbu kyanama, bu kaba kadzakala mu nzo ya mutsuundu, waloombo ti bamutwaalikila Poolo. 7Bu kayisa, Bayudayo bafumini ku Yerusalemi bamudyengekele, bamufuunda mu myalaka, miri bahele kubangisina kusoongo. 8Poolo wakalila nyutu yaandi waleele ti : "Me nyahele kuyirika sumu ti dimosi, ti ha busu bwa Mangisi ma Bayudayo, ti mu mya mu Nzo-Nzaambi, ti mu mitariri Sedzare."
9Fesetusi bu katya kubweeye ha busu bwa Bayudayo, mu mpeelu mvutu kuri Poolo, waleele kuri nde ti : "Buri ye tiiri kutoomboko ku Yerusalemi, mu mimami, mpisi bakutsuundisa, kuri me nyiri ha nsi ?" 10Poolo waleele ti : "Me nyateleme ha busu bwa mutsuundu wa Sedzare, kukwo me ntiiri ti bansuundisa. Me nyahele kuyirika dyadibi kuri Bayudayo, bunu bu yirikiri ye kuyaaba. 11Mbuti me nyasa lumvuki, na nyayirika ntoono, yiri me nyayelemene kufwa, lo me nyahele kubisa kufwa. Ngo mbuti kwahele ntoono yangwanwa, mu mibari mu kumfuundila, lo kuri muutu wuri na miswa mu kuyekele me mu myooko mya bo ko. Ngo me ndoombiri bansuundisa ha busu bwa Sedzare" 12Haho Fesetusi, bu kayende ku mfuunda na ba nde, wabvutula ti : "Ku Sedzare ye loombiri mu kweende, kunu kwo ye wukweende."
Poolo ha busu bwa Angiripa na Berenike
13Mwa biluumbu bu byaluta, mbyaasi Angiripa na Berenike batubuka ku Sedzare, baha Fesetusi mboto. 14Bo badzakala kukwo biluumbu byalaka ; Fesetusi wayala mampolo kuri mbyaasi, mu mitariri Poolo, waleele ti : "Boroko dimosi Felikese kasiisiri. 15Me bu nyayensi ku Yerusalemi, bakuutu ba bangaanga-nzaambi, na bakulu bababakala ba Bayudayo banyaabisiri misamu mya mu nde, na baloombiri ti me nyimukesele mukanu. 16Me nyabvutiri kuri bo ti, bari Looma bahele na kifu kya kuyekele mu myooko mya baatu, muutu wu bafuundiri, tekesele kabaka mpwaanyi ha busu bwa bamufuundiri, mu kukalila nyutu, mu mi bamufuundiri. 17Hango bobanso bayisiri ha, kwahele kumpa laki. Bu bukyeeri, me nzakiri mu nzo muyalu, na ntumisini bantwalikila muutu wunde. 18Bu twadzakala, bafuundi bateleme, ngo kuri ti dimosi ko, mu mi bamufuundiri myabwanikina na mi nyabee tsima me myamibi. 19Ngo dzini mwaa mpaka mu mitariri nsaambukulu yaaku ; mibari bamubelele mitariri muutu mosi, nkuumbu yaandi Yisu, wuri wafwa, ngo Poolo wuri mu kuleele ti wuri mwooyo. 20Nkani kuri me nyahele kuyaaba mi nyisa, me mfuuriri Poolo, mbuti tiiri kweende ku Yerusalemi, na kukwo bamutsuundisa mu mimyo. 21Ngo Poolo waloombo ti, musamu nde kaba wakebe, natee Onguste lalimini nde. Mu bubwo, me nyatuma ti bamukebe natee ku nyimuheeke me kuri Sedzare. 22Angiripa waleele kuri Fesetusi ti : "Me se ntiiri kuywiila muutu wunde." Fesetusi wabvutula ti : "Bweepari sa wumuywiila."
23Hango, bu bwakya, Angiripa bo na Berenike bayisa mu lukiinsu na mpuumbu baatu, na bakoto mu nzo mutsuundu kintwaari, na bakuutu ba mikaangu mya fuunda, na baatu bari bunu, buri lukiinsu lwaaku mu bvula. Fesetusi bu kaha lutumu, batwaala Poolo. 24Fesetusi waleele ti : "Mbyaasi Angiripa na beenu bobanso luri hamaha, monee muutu wuri mu ntoono nde, mpuumbu Bayudayo yoyinso, yayisiri kuri me, ku Yerusalemi, na hamaha se, mu kuloombo me mu misaakulu ti, yaa kabweese kuba mwooyo ko. 25Mu bitsimi bya me, me nyahele kumono dikari kasa, mu kubwiilikila mukanu wa lufwa. Mu bukuri nde waloombo ti musamu waandi, Onguste wuyelemini kudzoonso nde, na me nyakaangiri kitsimi mu kumuheeke. 26Me nyahele na dya butswitswikii dya kutinina mukuutu, mu didyo me nyikutwesikiri nde hamaha, mpisi heki ha lumbisa lwa bifuuri bya beenu, me mbaka mya kutina. 27Me madyeele mawa, mu kuheeke ku Looma boroko kwahele kusoongo bubi, bu bari mu kumufuundila.
Currently Selected:
Biyiriki bya Bantumu 25: ATBABC
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Congo 2024