Biyiriki bya Bantumu 12
12
Lufwa lwa Yaakobo, na boroko dya Peetelo
1Mu ntaangu yiyo, mbyaasi Eroode wakwaata bamosi mu bari mu dibuundu, mu kubakwaamisa. 2Nde wadzusa Yaakobo, mpaangi Yowane, mu mbeesi yayila. 3Bu kamono ti mimyo myaba myamibwe kuri Bayudayo, nde wakaanga kitsimi, mu kusa Peetelo mu boroko. Byaba biluumbu bya munkeembu wa mampa, mahele lufunusu. 4Nde wamukwaata, na wamusoko mu boroko, na wamukebese kuri mampuumbu mana, ma bayongolo bana-bana, watya ti ha mambisa ma munkeembu wa Paaka, nde kamutsuundisa, ha busu baatu. 5Peetelo waba mu boroko, ngo dibuundu dyasaambila Nzaambi mu makwa mu ntoono nde.
Peetelo wapala mu boroko
6Eroode watya kutsuundisa Peetelo. Mu butsuku bubwo, Peetelo wabwa tolo ha kakati dya bayongolo boolo, bamukaanga mu bikonyi bya biseengu ; ha mweelu boroko, basuusiri bakebi boolo. 7Mono, mbasi Mfumu yamonokono na buungi bwaluulusa nzo. Bu kamulata mu lubaansi, wasiimbila Peetelo na wamuleele : "Teleme mu mawasu !" Na bikonyi byasonoko mu myooko myaandi. 8Mbasi yamuleele ti : "Lwaata musweele waaku, na masaapatu maaku, nde wasa bubwo ; mbasi yabweese kuleele kuri nde ti : "Teeteke kiyuungu kyaaku na nama me." 9Peetelo bu kapala, wamunama wahele kuyaaba, ti mari mu kweyirika mbasi mangwanwa ; nde waba kutsima ti mamono-miisu kari mu kumono. 10Bu bataba kihekiri kyatete, na kyabyoolo kya bakebi, batubuka ha mweelu wa biseengu, wa kweende kunsa bvula. Mweelu nde-meene dzibumini mu bo, bu bapala, banamitina kweende mu nzila yoyimosi, na hanaho, mbasi yasasika na Peetelo.
11Peetelo bu kabvutuka mu nde-meene, waleele ti : "Mu lumalu, me nyaari mu ngwanwa, ti Mfumu heekirye mbasi yaandi, mu kutaandala me mu myooko mya Eroode, na mu bubi, bubabee bwataasila kaanda dya Bayudayo." 12Bu kamana kubakula, nde wayende ku nzo Maari, nguri Yowane, Yowane wuri nkuumbu se Malako, kwaba kwakutukina baatu balaka, na bari mukusaambilaana. 13Bu kakomboto ha mweelu, kisari kyamukyeetu kiri nkuumbu Lode, kyakokosolo mu kuywiila, 14na nde wayaabila ti yiyo mbeembu Peetelo ; mu kiminu, nde wahele kudzibula mweelu, wabvutuka munsa nzo, mu kweyaabisa ti wukombitiri Peetelo. 15Bo baleele kuri nde ti : "Ye walawuka !" Nde wasika ti ngwanwa nde. Bo baleele ti : "Ngo lo mbasi yaandi." 16Peetelo wanamitina mu kukomboto. Bu badzibula, bamumono na bapamuka. 17Nde wabawurisa mu naangukunu kooko, nde wayaabisa kuri bo, dyaburi Mfumu kamupalisiri mu boroko, na waleele ti : "Yaabisee mamama kuri Yaakobo na bampaangi. Bu kapala, wayende ku kibeendu kikimi. 18Bwiisi bu bwakya, kisaangala kyabwa ha kakati dya bayongolo, bakwefulusina ti : "Bee Peetelo, na keki. 19Eroode waloombo ti bamunatina Peetelo, ngo bahele kumumono. Bafuula bakebi na waha lutumu mpisi babadzusa. Bu kasunduka ku Yuuda, wayende ku Sedzare na wadzakala kukwo.
Lufwa lwa Eroode
20Eroode waba na nkesi dzamakwa mu baatu ba ku Tire, na bari ku Sidoni. Mu nyukusunu mosi, bo baba haho, ha busu bwa nde. Bu bayukusa Balaseto, kisari kya mbyaasi mu mitariri kihekiri kya tolo, baloombo kiyeengi, bukuri mansi ma bo, maba taambulaa byalaka mu nsi Eroode. 21Mu kiluumbu kya nyukusunu, Eroode waba walwaata binkutu bya bumbyaasi, na wadzakala ha yulu mboloko, nde wuri mu kubadzoonsolo. 22Baatu babikisa ti : "Mbeembu yiyo, mbeembu Nzaambi nkani ka ya muutu ko !" 23Hanaho mbasi ya Mfumu yamulata, bukuri nde kasii ha nkeembu kuri Nzaambi ko ; na mitaka bu myamudya, nde wafwa.
24Hango maampu ma Nzaambi manamitina mu kweyukukuna na kwefununa. 25Baranaba bo na Sawuli babvutuka ku Yerusalemi, bamana kusala kisalu, ha banata Yowane wu bateelaana, ti Malako.
Currently Selected:
Biyiriki bya Bantumu 12: ATBABC
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Congo 2024