Masmur 68
68
Vovambe Amisye Apa anasineko rai
1Masmur Daud po ratoe. Nto irati akari po vatano matayao ukiny maugavo ransyerane rai ai.
2Syare Amisye seo augananave inda Po Apa marova mangkat,
muno vatano manuga mamuno Ai nanawamo unanajibe tatugadi aora.
3Amisye Po mawatan ti uta, maisyare kijao ovare po ramawita ti rakanive,
maisyare inunijo#68:3 inuni: No ayao Ibrani raijamo mo ‘‘lilin’’ ratoe. taname mo ranen ti ninimi.
Maisyare omaisy tavon vatano wonae Amisye Ai nanawamo
indati muenen ti makanive ta no Amisye Amun.
4Weramu syare vatano ubeta Amisye Ai nawamo indati mananibe,
muno manayanambe, ugwain mananibe no Amisye Amun.
5Wakinyo ransyerane raijo Amisy Ai, wapo Apa tame rararimbe!
Wapo unanui ratayao Ai, Wepirati Po kamure rave nyomambe no naume warae ti seo rai.
Apa tame mirati AMISY; wasananibe no Amun!
6Opamo be ajaeve irati arikainyo wawate mai,
muno be marimbe wanya kavini mansai,
wepirati Amisy no no Apa Yavaro ndandinit rai.
7Po vatano apa arakove meweno ai augav ti no irati yavaruga inta matavon.
Muno Po vatano maijaro arove mapaya aroo rai, weti ukiny mananibe.
Yara vatano wonae ubeta Amisye Ai wenawamo
una kopa ngkanembe mana mewen dai rai.#68:7 kopa ngkanembe mana mewen dai rai ama ntunato rai mare vatano anakotare maweso mai jewen muno una irati ana sosobe ama uga rai.
8Sya Amisy, arono Nyo Nya kawasae maugav ti wuje Mesir raora,
Nyo maugav ti wanya no anoko ngkanembe raita.
9Arono naije mungki nande munije ntutar,
muno maru pape no no naume warae ti ntemaje,
weye Amisye Winde nanasine raroron no unato Sinai,#68:9 Kel. 19:16-25
Winyirati Amisy, vatano Israel ubeaje Nai.
10Sya Amisy, Winyo maru pape raugaje ntapekambe,
mo kove raugavo Nya kopa ngkanembe rai.
11Nya kawasae una tawano rai no ratuije;
sya Amisy, Winyirati Nyo vatano awa ana jajewembe mai mansayaranande,
weye Nya kove manakoeyo mai.
12Amisye Po Apa ayao raura,
weti vatano wanuije wo ravov, ware:
13Akari titi nanawe awa naite nao unanajibe.
Muno wanya nanawirati una yavare rai wo ananugo raugav no marova rai ratodi mai tavon.
14Muno vatano utavondi marova rai jewen weye una ti wo domba mayaranande nao tavon,
awa ura irati ana ratotov ti ranari insani punambe muno perakije veano apa pepake ranari,
muno ananemane mamo emasije veano ranari ti ngkenav dave rai tavon.
15Arono Amisy, Wepi Bambunin dave, Po akari titi umawe mangkat,
omamo maisyare salju#68:15 salju: omamo ama nanayao mo esije ramaisy weramu nsaon maisyare kapum ti mo nuge ratatuv. maje unato Salmona rai.
16Tugae unato muni Basan, nya papukame ngkov dave,
muno nya papukame manui rave.
17Weti unato Basan nya papukame manui rave nai winy,
mbetai ruimaisy irati mparijo unato Sion Amisy Po ratayao terave amarom indamu tuna rai we rai?
Omirati unato indati Amisye pare tuna rai ntoa nuge nuganui!
18Amisye Apa kereta marova mamo mo ribuge tename rakivan,
muno ama manuije mamo ratore kakai;
Amisy no no Sinai ti de to, de siso no Apa Yavaro ndandinit rai.
19Sya AMISY, arono winseo no Nya ntuna ri ntiti#68:19 ntuna ri ntiti: ayao so ama ine mare unato Sion. Aneme so ratoe akato no Epesus 4:8. rai,
Nyo vatano maijaro arove wanui rave maugav;
Onawamo Nyo mataopon no marova rai ti wo romane raugaje Nai.
Muno vatano wonae ubeta Nai nao wo romane raugaje Nai tavon kobe.
AMISY Winyi sya Amisy, Winyi ntuna tawan no we.
20Akoe ararimbe!
Opirati Amisy Wepi Po wama ana nsosobe wansai ranawano masyote yanteter;
muno Wepi Po wansapaya kakai rai.
21Wama Amisy Wepirati Amisyo Po wansapaya irati wama marova mai pije.
Opirati AMISY, Wepi Akoe Po wama marova mapinde weti wo wansaove jewen.
22Tugae rave, indati Amisye Po Apa marova makari rakupi,
Po makari pae rakupi, weye ayao kakai ntapekano mai.
23Akoe Po raura pare: ‘‘Inya Sya kawasae,
indati Syo wapa marova awa pae ntuna no mayan ate raugav akasen,
muno nai unato Basan Syo wapa marova awa koke raugav akare tavon,
24indamu wasea wapananave awa mavu rai,
muno wapa make wo awa mavu ranenev anyija manobone mbinanebe rai.’’
25Sya Amisy, vatane mami ntami Nya vovambe anasine ugav rai,
omamo sya Amisy muno sya Akari Titi Nya vovano nyakaseo no Nya tuna ri ndandinit rai mije.
26Nai vovambe umaso vatano ukinyo ransyerane rai wanya no uisy,
muno wanya kokovainyo wo airape#68:26 airape ranigwano ‘‘rebana’’ rai. ranepate una no yasyin
umba vatano wo itari#68:26 itari ranigwano ‘‘kecapi’’ rai. raeyane udijat no makiri.
27Ukiny ware: ‘‘Amisye Apa kawasae weap, wapo ararimbe no wapa anugane rai!
Inya, weapirati Yakop apa ajavi weap, wapo AMISY ararimbe!’’
28Susyo Benyamin nanawirati susyo mamaun dave wanya no wuisy,
muno vatano ube akarive no susyo Yehuda wanugan wanya no yasyin,
umba susyo Sebulon muno susyo Naptali aya vatano ube akarive udijat dave no makiri.
29Sya Amisy, reamare Nya vambunine rauguje,
sya Amisy, Nya vambunine raroron,
Nyo rave akato maisyare arono wusyin Nyo rarorombe reansai to wemaisy.
30Akari titi wo awa romane raugavere Nai,
indamu ude ubeaje Nai no Nya Yavar, no Yerusalem.
31Sya AMISY, syare winsoowato Mesir mai weye awa vambunine rangkakeraive.
Wenawamo maisyare sapi sivuinyo ukaokaibe no kuwae uga,
muno maisyare sapi anya usivuiny dave ti awa tuvane ujaniv.
Weti syare Winyo awa vambunine rapinde muno Nyo mataopon,
indamu wo awa romano peraki raugavere ubeaje Nai.
Tugae Amisy, indati Nyo susyo ubekero usisa marova raije mampusyek.
32Weti vatano akokoe Mesir wo ananugo ama mangke nseo raugavere Amisye Ai,
maisyare omai tavon vatano akokoe Sudan#68:32 Sudan raura tavonamo ‘‘Etiopia,’’ omamo ntami no Mesir ama ranijo wanampui. wavave ude maneme reanande
indamu mbe rarorombe wenawamo manuga mpayaje Ai tavon.
33Inya, susyo mine tename weap, wakiny wapo Amisye ararimbe,
wakinyo ransyerano kangkamane rai wapo Akoe ararimbe.
34Weye Wepi seo Apa nyomane rai ti toe de no naumo no pitawabe warae.
Wadaniv Amisye payao, anamote ransyean maisyare katitire we, weti wadasyaniv.
35Susyo mine weap, syare wasakari ranseyai, wapo Amisye Apa vambunine ravovo,
weye Wepirati be Akari anakoeve Israel mansai,
muno wapo Apa vambunine we raen no naume rai.
36Amisy, Winyamo anaaniv arono nyuje no Nya ntuna ri ndandinit rai;
Amisy Israel Wepi Apa vambunino manakoe raunande Apa kawasae mansai.
Amisye ararimbe!
Currently Selected:
Masmur 68: yva
Highlight
Copy
Compare
Share
Want to have your highlights saved across all your devices? Sign up or sign in
© 2011 Yayasan Sumber Sejahtera (New Testament)
@ 2019 Yayasan Kartidaya (Psalms)
