Masmur 138
138
Ransyeran kangkamambe AMISY Ai, weye aemeno wansai
1Masmur Daud po ratoe.
Sya AMISY, syare syo kove raura seo Nai inanuga ntenami rautan,
nai ana akokoe#138:1 ana akokoe: Kuruno Ayao Amisy inta wo ratantona ware ayao so ama ine mare naito Amisy muno ana akokoe bambunin una no Manunggara, yara kuruno kaijinta ware ama ine mare ana akokoe wangkarive. ubambunin no Manunggara mansamun,
risyo ransyeran kangkamane veano nangkakivambe.
2Rinamumbeto no Nya Yavaro ndandinit,
ribeaje Nai muno syo Nya tame rararimbe.
Weye Winyamo Nya muinye no tawan muno winteto Nya urairi rai;
weye Nya tame muno Nya urairi mamo Nyo raijaseo titive mo anakotaro kaijinta rakivan.
3Arono syo winanonae, Winyo sya ana idanonae ore raveti mamaisy,
Winyo inanuga raveti mbambunin, weti rijanive jewen.
4Sya AMISY, vatan tenambe ube akarive no mine so nawamo indati wo nararimbe,
weye wo Nya ayao ranaun to.
5Onawamo indati ukinyo ransyerane rai wo AMISY Nya ana ndave rangkakivambe,
weye Nya kovo ntiti manakoe rave.
6AMISY Winyamo ntiti rave, weramu naemeno vatano awa tame maje rave mai,
yara vatano umararine nawamo winggwaravainyo mansai.
7Ranivara rino irati ana nsosobe ama uga rai,
Winyi Nyo rinayaranande ti rikov tutir.
Winyavakare muno nanemo vambunine mo rinapaya,
mo rinapaya irati marova awa parije rai.
8AMISY, Winya urairi mamo indati Nyo raveti mamaisyo rinai,
sya AMISY, Nya muinyo no tawane mamo ntoa nuge nuganui.
Syare vemo naneme mpaya Nya kawasae reansai jinya!
Currently Selected:
Masmur 138: yva
Highlight
Copy
Compare
Share
Want to have your highlights saved across all your devices? Sign up or sign in
© 2011 Yayasan Sumber Sejahtera (New Testament)
@ 2019 Yayasan Kartidaya (Psalms)
