Masmur 137
137
Ransyerano weotor Israel maemembe akare Sion rai
1Nai mana akokoeyo njam anyi no munijo Babel ama tuga,
wantantuna wamoyov wansaemembe akato Sion rai.
2Nai mana tuga umaso,
wamo wama itari#137:2 itari ranigwano ‘‘kecapi’’ rai. ravesea nsaawa#137:2 itari ravesea nsaawa: ama ine mare vatano Israel wonae wo awa itari so raeyambe akato no munijo aroo ratuije, weye mansaemen akare awa munijo Sion rai. inyo gandarusa rai.
3Weye vatano wo wansaijaro arove wo wansantitidi
wangkinyo ransyerane raijo mansai.
Vatano wo wansatawanto umaso wo wansantitidi
indamu wangkinyo ransyerano marinsawane rai, muno wo wansakekebe ware:
‘‘Wakinyo ransyerano wakiny dai we no Sion inta raijo reansai!’’
4Abo! Ransyerano wangkiny daive AMISY Ai mamo,
no munijo marane so, mamaisyo wangkiny dai ramu!
5Inya, Yerusalem, ranivara inaemen akato winai jewen,
weamo inanem ngkove so maindi kai,
ti mo itari raeyan akato kakai!
6Ranivara inanimari Yerusalem winai,
muno rinanayanambe manakoe winai akato rave jewen,
weamo inaunane so ntumainy kai indamu rikiny akatoe jewen.
7Sya AMISY, syare naemeno vatano Edom awa ana udave rai, muno Nyo mangke rasakinavo mai.
Onawamo arono naito Babel wo Yerusalem randujai we,
wo raura ware: ‘‘Randamisyi! Randamisyi rave ramu masyo ruke rai rave!’’
8Inya, munijo Babel, winyamo indati naupaeta ti nakanive!
Weye nyo reansave tatugadi,
weti syare kove ngkov irati vatano indati po mangke rasakinavo winai ai.
9Kove ngkov irati vatano po Babel nya arikainyo tuvane marigwainye ai,
muno po maugaje mavari no orame rai ai.#137:9 Wusyinoe, arono naite wo awa marova mapinde, weamo wo marova awa arikainye maugaje mavari no orame rai. 2Raj. 8:12; Yes. 13:16; Nahum 3:10
Currently Selected:
Masmur 137: yva
Highlight
Copy
Compare
Share
Want to have your highlights saved across all your devices? Sign up or sign in
© 2011 Yayasan Sumber Sejahtera (New Testament)
@ 2019 Yayasan Kartidaya (Psalms)
