Lukas 24
24
Yesus belum haluli
1Intu hanjewu tutu minggu je tampara, kawan bawi te tulak akan kubur Yesus. Ewen mimbit kare kambang tuntang minyak harum je jadi nyadia ewen. 2Sampai kuburan te ewen nanture kuburan jadi tabuka. 3Lalu ewen tame nanture hantun Yesus jatun bara hete. 4Ewen bingung awi je macam te ampi. Balalu due biti uluh hatue salenga lembut tukep ewen mahapan baju hakalendang. 5Balalu kawan bawi te mikeh tuntang manyuntup kuluk ewen akan petak sebagai tanda hormat, tapi kadue uluh te bapander umba ewen: “Buhen ketun manggau Yesus je jadi belum bara helat uluh je matei? 6Iye jatunti intu hetuh. Allah jadi mampelum Iye haluli. Dia kah ketun mingat je jadi sanan Yesus akan ketun, metuh Yesus intu daerah Galilea? 7Tuntang Iye hamauh bahwa Iye, Anak kalunen harus inyarah intu lengen kare uluh je badosa akan impatei intu hunjun kayu salib te awi ewen, tapi intu andau katelu'ah Iye akan belum haluli.” 8Maka ingat ndai ewen umba pander Yesus metuh jite. 9Jadi mahining auh jite ewen haluli mangguang ewen je beken yete sebelas biti murid Yesus tuntang kawan pahari je beken. 10Ewen te yete ara Maria Magdalena, Yohana, Maria indu Yakobus. Tuntang kea kawan bawi je beken umba mangesah akan kawan murid Yesus. 11Tapi kasebelas murid je mahining auh kesah jite dia percaya narai je ander'ah akan ewen te.
12Balalu Petrus capat tulak akan kuburan mambukti'ah. Katika sampai intu kanih, huang ateiah hamauh. Puna tutu narai je insanan awi kawan bawi te akan ewen. balalu Petrus buli akan huma, sambil huang ateiah mamisek narai je sabujur'ah tarjadi.
Yesus mamparahan arepah akan due biti murid-Ah intu jalan akan Emaus
13Katika andau jite kea due biti bara kawan murid Yesus tulak akan lewu Emaus. Kakejauah sakitar seblas kilometer bara kota Yerusalem. 14Huang jalanan, ewen nahiyu manganai masalah je jadi tarjadi. 15Metuh ewen nahiyu auh jite, Yesus lembut tuntang manukep ewen tuntang sama-sama mananjung umba ewen. 16Walaupun ewen mananture'ah, tapi ewen dia mangasene Yesus te. 17Balalu Yesus hamauh umba ewen: “Kare hal narai je ngesah ketun nah sambil mananjung?” auh Yesus misek ewen. balalu ewen tende mananjung tuntang tampan baun ewen puna pehe atei. 18Balalu ije biti bara ewen, Kleopas ara'ah hamauh umba Yesus: “Ikau dia mangatawan je jadi tarjadi intu Yerusalem metuh tuh?” awi Ikau uluh harun intu hetuh. 19Yesus misek ewen: “Narai je tarjadi te?” ewen manjawab: Masalah ampin je mawi Yesus uluh bara Nazaret te. Iye te nabi Bara Allah uluh je puna bakuasa intu karen gawi tuntang manguan mujisat bahalap intu taharep Allah tuntang kalunen. 20Tapi kawan imam hai tuntang imam agama je beken manangkap Iye manenga akan gubernur Romawi akan ihukum matei, tuntang manyalib-Ah. 21Padahal ikei percaya umba Iye je tau manyalamat uluh Israel bara uluh Romawi. Tuntang dia hanya jite. Andau tuh yete andau je katelu katika Iye matei. 22Tuntang intu hanjewu jite pire-pire uluh bawi huang kalompok ikei tulak akan kubur-Ah. Ewen mansanan bahwa ewen dia manyundau hantun Yesus, tapi ewen manampayah utusan Tuhan je mamander bahwa Yesus masih belum! Ikei puna takijut katika kawan bawi te mansanan hal jite. 23Tapi ewen dia nanture hantun Yesus te bara hete. Balalu ewen dumah tuntang mansanan bahwa utusan Tuhan mamparahan arep akan ewen, je mansanan'ah bahwa Yesus jadi belum haluli! 24Limbas jite, pire-pire uluh intu helat ikei tulak akan kubur. Ewen mananture bahwa hantun Yesus jadi jatun, sama kilau je insanan awi kawan bawi te, tapi ewen dia mananture Yesus. 25Balalu Yesus hamauh umba kawan murid-Ah: “OI ketun uluh je dia percaya, narai je sanan awi kawan nabi Allah tuntang Mesias intu huang Kitab barasih te akan ketun! 26Ikau sebujur'ah katawan Bahwa Mesias harus mangkeme uras'ah te tuntang matei, balu mandinu kamangat-Ah?” 27Yesus kea sanan akan ewen manganai Iye intu huang Kitab Barasih, bara hukum Musa sampai kitab kawan nabi.
28Lewu je kangguang ewen jadi sampai, Yesus pura-pura handak malanjut tanjung-Ah. 29Tapi ewen manahan Iye: “Melai ih umba ikei, awi andau jadi halemei tuntang bamalem ih umba ikei.” Balalu Yesus tame akan huma tuntang melai umba ewen. 30Limbas ewen munduk kuman, Yesus manduan roti tuntang balaku doa. Balalu Yesus mambagi tuntang manenga'ah akan ewen. 31Metuh jite kea ewen jadi mangasene Yesus, tuntang Yesus lenyap bara tampayah ewen! 32Balalu ewen hapander sama arepah: “Dia kah tagarak atei itah Metuh Iye bapander umba itah intu jalan mansanan auh je tege intu Kitab Barasih akan itah?”
33Tuntang metuh katika jite kea ewen tulak mangguang haluli akan Yerusalem. Intu hete ewen sundau umba je beken. Ewen hakumpul uras intu hete. 34Katika ewen jadi sampai, uras uluh nampara mansanan akan kadue murid te: “Puna tutu! Yesus te jadi belum haluli awi Iye tege mamparahan arep-Ah akan Simon Petrus!” 35Balalu kadue murid je harun ih haluli bara lewu Emaus, ewen due kea mansanan kilenampi Yesus mamparahan arep akan ewen katika intu benteng jalan te, tuntang kilen nampi ewen tau mangasene-Ah metuh Iye mambagi-bagi roti te.
Yesus mamparahan arep akan kawan murid-Ah
(Yoh. 20:19-23)
36Metuh ewen nahiyu auh jite, Yesus lembut salenga intu helat ewen tuntang hamauh: “Kamangat kasanang akam mu!” 37Ewen jadi takijut mikeh, awi ewen ngira ewen nanture kambe. 38Tapi Yesus misek ewen: “Buhen ketun takijut tuntang mikeh? en tege alasan ketun je dia percaya intu atei ketun? bahwa Aku tuh jadi belum haluli. 39Nure ih lengeng tuntang paing-Ku tuntang ngatawan ih bahwa Aku kabuat tege intu hetuh! nekapih Aku tuntang ngatawan ih bahwa jituh bujur Aku. Awi kambe jatun bara isi, tulang'ah, dia kilau Aku tuh.” 40Limbas Yesus hamauh kilau jite, Yesus mamparahan hawan himang intu lenge pai-Ah akan ewen. 41Balalu ewen hanjak sanang tuntang masih dia percaya bahwa Iye belum haluli. awi jite Yesus misek ewen: “Enkah intu hetuh tege panginan akan ikinan?” 42Ewen manenga Yesus panginan ewen aka-Ah ije katasang lauk je bagoreng. 43Balalu Yesus kuman panginan te intu taharep ewen.
44Limbas jadi kuman Yesus pander umba kawan murid-Ah: “Katika Aku umba ketun sahindai Aku matei. Tuh je auh-Ku bihin je jadi Aku sanan'ah akan ketun bahwa uras je jadi inulis intu hukum Musa, kawan nabi, kitab Mazmur harus ingalalus uras'ah.” 45Yesus mambuka atei, pikiran ewen mangat ewen katawan auh je tege intu Kitab Barasih te. 46Balalu Yesus mansanan akan ewen: “Tege inulis huang Kitab barasih Bahwa Mesias harus pehe tuntang impatei, balalu Iye akan belum haluli bara helat uluh matei intu andau katelu,” 47Huang Kitab barasih tege inulis bahwa kawan murid Mesias harus mayampai peteh tuh akan karen uluh: “Huang ara-Ah tege kasalamatan tuntang mangampun kasala akan uluh je batobat. Ewen harus mansanan akan uluh are, nampara bara kota Yerusalem balalu akan uras uluh intu dunia tuh. 48Tuntang ikau akan manjadi saksi bara uras'ah tuh. 49Tuntang Aku akan capat mangutus Roh Barasih akan hunjun ikau, kilau je jadi injaji awi Bapa-Ku. Tapi ikau harus tatap melai intu kota tuh, sampai Roh barasih dumah tuntang manenga akam mu kuasa bara sorga.”
Yesus haluli akan Sorga
50Balalu Yesus mimbit ewen balua bara kota Yerusalem ketika ewen jadi sampai tukep lewu Betania. Intu hete Yesus memberkati ewen. 51Metuh Yesus memberkat ewen, Iye ta'angkat tapisah umba ewen, Yesus mandai akan sorga. 52Kawan murid-Ah kea sujud tuntang manyembah-Ah, lalu ewen buli haluli akan kota Yerusalem sambil angat hanjak sanang. 53Intu hete ewen halajur tulak mangguang huma Allah akan manara mamuji Allah.
Currently Selected:
Lukas 24: AMGV
Highlight
Copy
Compare
Share
Want to have your highlights saved across all your devices? Sign up or sign in
Manuhing Bible by Beyond Translation is licensed under Creative Commons Attribution-ShareAlike 4.0 License.
