Lukas 23
23
Gubernur Pilatus mamisek Yesus
(Mrk. 15:1-5; Yoh. 18:28-38)
1Balalu uras imam masyarakat Yahudi mimbit Yesus akan gubernur Pilatus. 2Balalu ewen nampara mansanan akan gubernur Pilatus tuduhan ewen akan Yesus, tuntang hamauh: “Ikei mangatawan bahwa uluh tuh manguan masalah intu helat kare uluh ikei. Tuntang Iye mangahana mambayar pajak akan Kaisar, tuntang Iye mansanan arep-Ah iye te Mesias, ije uluh Raja!” 3Maka Pilatus misek umba Yesus: “En Ikau kah Rajan uluh Yahudi?” Jawab Yesus: “Bujur ikau kabuat je mansanan te.” 4Balalu gubernur Pilatus hamauh umba kawan imam hai te tuntang uras uluh are je tege intu kanih: “Aku dia manyundau kasalan narai bewei bara uluh tuh.” 5Tapi ewen tatap malawan dengan masanan: “Iye tuh jadi nanjaru dengan ajaran-Ah intu uras daerah Yudea, Iye nampara manguan ajaran kilau te bara daerah Galilea palus sampai Yerusalem.” 6Katika gubernur Pilatus mahining hal te, iye mamisek ewen: “Enkah Iye tuh uluh Galilea?” 7Katika Pilatus mangatawan bahwa Yesus ba'asal bara daerah Galilea, daerah kakuasaan Herodes Antipas, awi te iye mangirim Yesus akan Herodes, katika saat te, Herodes kea melai intu kota Yerusalem.
Yesus intu taharep Herodes
8Metuh Herodes hasundau umba Yesus iye puna hanjak. Jadi tahi iye handak hasundau dengan Yesus. Tuntang iye rancak mahining auh mengenai Yesus tuntang iye balaku Yesus manguan semacam mujisat. 9Are tutu je isek Herodes umba Yesus, tapi Yesus dia manjawab'ah sama sinde. 10Kilau te kea kawan imam hai, guru Hukum Musa umba manuduh je babehat tutu akan Yesus. 11Balalu Herodes tuntang kawan tantara'ah, mampahawen tuntang mambaka Yesus, ewen mangkepan jubah karajaan akan Yesus, balalu Herodes mangirim Yesus haluli akan gubernur Pilatus. 12Katika masa jite kea, Herodes ewen due Pilatus halajur bamusuh, tapi metuh andau jite ewen due bakawal.
Yesus haluli intu taharep Pilatus
(Mat. 27:15-26; Mrk. 15:6-15)
13Balalu Pilatus mameteh auh akan manantehau kare imam hai, kawan ongko tuntang kea karen masyarakat Yahudi je beken. 14Balalu iye bapander umba ewen: “Ikau jadi mimbit Uluh tuh akangku, tuntang ikau mansanan bahwa Iye jadi mananjaru Masyarakat Romawi. Metuh Aku jadi mariksa Iye intu taharep ketun uras, tuntang aku manggau kasala tapi aku dia manyudau'ah. 15Sama kea Herodes jatun manyundau kasala-Ah, awi te Herodes manyarah Iye haluli akan ikei. Je katutu'ah Yesus tuh jatun kasalan narai bewei je satimpal akan ihukum matei. 16Awi te aku akan mamukul Iye, limbas te aku malekak-Iye.” 17Tuntang gubernur Pilatus mansanan hal te awi jadi manjadi kabiasaan bahwa iye harus mambebas ije tahanan uluh Yahudi akan ewen katika kare uluh Yahudi manampa pesta. 18Tapi uras uluh nangkariak: “Patei ih Yesus! Mambebas Barabas te akan ikei!” 19Barabas te tame panjara awi mambarontak dengan karen uluh beken intu kota Yerusalem tuntang mampatei ije uluh. 20Balalu Pilatus hamauh umba ewen, awi Pilatus handak mambebas Yesus te. 21Tapi ewen baulang kali: “nyalib ih iye! nyalib ih Iye!” 22Balalu gubernur Pilatus hamauh umba ewen akan katelu kali'ah, auh'ah: “Kasalan narai je katutu'ah jadi ih nguan-Ah? Awi jatun ku sundau kasalan te bara-Iye, jadi aku akan mamukul Iye, limbas te mambebas Yesus te.” 23Tatap ih ewen nangkariak dengan nyaring tutu mangat Yesus te inyalib, tuntang akhir'ah ewen manang kea. 24Balalu gubernur Pilatus manarima auh uluh are te. 25manumun kahandak ewen, gubernur Pilatus mambebas Barabas akan ewen, je jadi inpenjara awi manampa karusuh tuntang mampatei uluh. Balalu gubernur Pilatus mangutus kawan tentara'ah akan mimbit Yesus tuntang manguan narai je ingahandak uluh are.
Mimbit Yesus akan inyalib
26Kawan tentara mimbit Yesus tulak, tuntang huang jalanan, ewen hasundau dengan ije biti hatue intu kota Kirene je ara Simon. Iye dumah akan kota bara tana. Ewen manekap iye balalu ewen manyuhu Simon bara Kirene te mananggung salib, sambil manuntut Yesus bara likut. 27Are tutu uluh manuntut Iye. Tege kea pire-pire uluh bawi intu helat uluh are te. Ewen mananture dengan pehe atei balalu manangis tuntang masi, awi Yesus akan matei. 28Yesus mules nanture ewen te tuntang hamauh: “Oi bawin-bawin Yerusalem, ela ih ketun manangis awi Aku, tapi ngasih ih arep mu kabuat tuntang anak jariam mu! 29Hining! Akan sampai katika'ah kare uluh akan hamauh, hanjak ih bawi je tamanang atawa dia puji manak!” 30Balalu uluh are akan hamauh umba karen bukit: “Batusut ih mampenyet ikei atawa ngubur ih ikei! 31Awi amun uluh manguan kare hal je karas tutu umba Aku je sama kilau kayu belum, padahal kayu te belum, naraikah je akan tarjadi dengan kare uluh badosa je sama kilau kayu je matei?”
32Tuntang tege kea due biti uluh panjahat je nyalib umba Yesus akan ihukum matei.
Yesus inyalib
(Mat. 27:33-44; Mrk. 15:22-32; Yoh. 19:17-24)
33Metuh ewen jadi sampai intu uka Penyalibpan te ye ara bukit Karawang Kuluk, balalu ewen mamaku Yesus intu kayu salib akan matei, tuntang kea due panjahat te. Ije biti intu gantau-Ah ije biti kea intu hila sambil-Ah 34Yesus hamauh umba Allah: “Yuh Bapa, iampun ih ewen tuntang ela mahukum ewen te awi manyalib Aku, awi ewen dia mangatawan je ewen manguan'ah.” Balalu ewen kea bataruh akan mambagi pakayan Yesus eweh je akan mandinu satiap lambar rabit baju-Ah. 35Uluh are je mendeng intu hete tuntang nanture uras'ah. kawan imam te mambaka Yesus: “Uluh beken iye nyalamatah, tapi metuh tuh-Iye manyalamat arep-Ah kabuat amun puna iye Mesias uluh je jadi intih awi Allah akan manjadi panyalamat itah!” 36Kilau te kea kawan tentara mambaka Yesus. Ewen manenga anggur je masem akan Yesus tuntang hamauh “Duanih isut bara anggur jituh!” 37Balalu ewen hamauh: “Amun Ikau tuh rajan uluh Yahudi, nyalamat ih arep-Mu kabuat!” 38Tege kea tulisan intu papan hunjun salib intu hunjun tangkuluk Yesus: “Tuh ih raja uluh Yahudi.”
39Limbas tentara te mahina Yesus, tege ije biti panjahat je inyalib tukep iye umba mahina kea: “En Ikau tuh yete Mesias? Amun kilau te nyalamat ih arep-Mu tuntang ikei kea!” 40Tege ije tinai uluh maningak iye: “Buhen ikau mansanan kare hal je papa te? Ikau sabujur'ah mahormat Allah, awi ikau handak matei intu kayu salib tuh sama kilau Iye. 41Itah tuh puna harus ihukum awi sesuai kea dengan kasalan itah, tapi uluh tuh dia manguan kasalan.” 42balalu uluh te hamauh umba Yesus: “Tuhan Yesus, amun ikau dumah jadi Raja, ingatih aku tuntang pasi ih aku.” 43Balalu Yesus manjawab auh'ah: “Aku mansanan akam mu, je katutu'ah andau tuh kea ikau umba Aku intu sorga.”
Yesus matei
(Mat. 27:45-46; Mrk. 15:33-41; Yoh. 19:28-30)
44Andau te kira-kira jam due belas, uras daerah te manjadi kaput sampai jam telu halemei. 45Awi matanandau dia balawa. Metuh katika jite, horden intu Huma Allah manjadi tasila due. 46Limbas te Yesus Hamauh dengan suara je nyaring: “Bapa, intu huang lengem-Mu Aku nyarah tahaseng-Ku.” Tuntang limbas hamauh kilau jite Iye matei. 47Metuh kepala pasukan Romawi je mangawas intu hete nanture uras je jadi tarjadi te, iye manara Allah tuntang hamauh mangenai Yesus: “Aku yakin Iye tuh uluh je bujur dia manguan kasalan narai bewei!” 48Tuntang uluh are je hakumpul intu hete nanture pampatei te, katika ewen nanture narai je jadi tarjadi te, balalu ewen uras buli akan huma sambil mamukul arepah kabuat bahwan ewen puna pehe atei. 49Uras uluh je patuh umba Yesus te, kilau kawan uluh bawi je puji pahayak Yesus bara daerah Galilea, tinai je beken nanture bara kejau ih.
Yesus ingubur
(Mat. 27:57-61; Mrk. 15:42-47; Yoh. 19:38-42)
50Tege ije biti uluh ba'aran Yusuf bara kota Arimatea ije biti uluh anggota Majelis Hai, iye uluh tatau je bahalap budi bahasa'ah tinai uluh je bujur, je manunggu pandumah Karajaan Allah. 51Iye dia satuju umba kaputusan je malawan Yesus awi majelis je macam jite. Yusuf ba'asal bara Arimatea, ije kota intu wilayah Yahudi. Iye puna handak supaya Allah mangutus Masias akan mampendeng Karajaan-Ah 52Yusuf mangguang Pilatus, gubernur Romawi, tuntang balaku izin mangat tau mampuhun hantun Yesus tuntang mangubur'ah. Balalu Pilatus pun satuju. 53Balalu Yusuf mampuhun hantun Yesus bara salib te dengan pandohop kare uluh je beken. Tuntang mambungkus'ah umba kain bahalai Lenan, mangubur'ah intu rumbak batu je jadi ingali, intu hete uluh dia puji mangubur uluh matei. 54Andau jite jadi andau akan manyiap narai bewei je akan keperluan, tuntang katika matanandau leteng, andau Sabat handak sampai ndai.
55Kawan uluh bawi je puji bakawal umba Yesus bara daerah Galilea tulak umba Yusuf. Ewen manjenguk kubur te tuntang kilen ampin hantun Yesus je mina intu hete. 56Limbas te, kawan bawi te buli mangguang huma ewen intu kota. Hamalem te ewen manyiap manggau kambang tuntang minyak harum akan imbuwur intu hantun Yesus. Balalu ewen istirahat intu andau Sabat manumun auh Allah mengenai hal jite.
Currently Selected:
Lukas 23: AMGV
Highlight
Copy
Compare
Share
Want to have your highlights saved across all your devices? Sign up or sign in
Manuhing Bible by Beyond Translation is licensed under Creative Commons Attribution-ShareAlike 4.0 License.
Lukas 23
23
Gubernur Pilatus mamisek Yesus
(Mrk. 15:1-5; Yoh. 18:28-38)
1Balalu uras imam masyarakat Yahudi mimbit Yesus akan gubernur Pilatus. 2Balalu ewen nampara mansanan akan gubernur Pilatus tuduhan ewen akan Yesus, tuntang hamauh: “Ikei mangatawan bahwa uluh tuh manguan masalah intu helat kare uluh ikei. Tuntang Iye mangahana mambayar pajak akan Kaisar, tuntang Iye mansanan arep-Ah iye te Mesias, ije uluh Raja!” 3Maka Pilatus misek umba Yesus: “En Ikau kah Rajan uluh Yahudi?” Jawab Yesus: “Bujur ikau kabuat je mansanan te.” 4Balalu gubernur Pilatus hamauh umba kawan imam hai te tuntang uras uluh are je tege intu kanih: “Aku dia manyundau kasalan narai bewei bara uluh tuh.” 5Tapi ewen tatap malawan dengan masanan: “Iye tuh jadi nanjaru dengan ajaran-Ah intu uras daerah Yudea, Iye nampara manguan ajaran kilau te bara daerah Galilea palus sampai Yerusalem.” 6Katika gubernur Pilatus mahining hal te, iye mamisek ewen: “Enkah Iye tuh uluh Galilea?” 7Katika Pilatus mangatawan bahwa Yesus ba'asal bara daerah Galilea, daerah kakuasaan Herodes Antipas, awi te iye mangirim Yesus akan Herodes, katika saat te, Herodes kea melai intu kota Yerusalem.
Yesus intu taharep Herodes
8Metuh Herodes hasundau umba Yesus iye puna hanjak. Jadi tahi iye handak hasundau dengan Yesus. Tuntang iye rancak mahining auh mengenai Yesus tuntang iye balaku Yesus manguan semacam mujisat. 9Are tutu je isek Herodes umba Yesus, tapi Yesus dia manjawab'ah sama sinde. 10Kilau te kea kawan imam hai, guru Hukum Musa umba manuduh je babehat tutu akan Yesus. 11Balalu Herodes tuntang kawan tantara'ah, mampahawen tuntang mambaka Yesus, ewen mangkepan jubah karajaan akan Yesus, balalu Herodes mangirim Yesus haluli akan gubernur Pilatus. 12Katika masa jite kea, Herodes ewen due Pilatus halajur bamusuh, tapi metuh andau jite ewen due bakawal.
Yesus haluli intu taharep Pilatus
(Mat. 27:15-26; Mrk. 15:6-15)
13Balalu Pilatus mameteh auh akan manantehau kare imam hai, kawan ongko tuntang kea karen masyarakat Yahudi je beken. 14Balalu iye bapander umba ewen: “Ikau jadi mimbit Uluh tuh akangku, tuntang ikau mansanan bahwa Iye jadi mananjaru Masyarakat Romawi. Metuh Aku jadi mariksa Iye intu taharep ketun uras, tuntang aku manggau kasala tapi aku dia manyudau'ah. 15Sama kea Herodes jatun manyundau kasala-Ah, awi te Herodes manyarah Iye haluli akan ikei. Je katutu'ah Yesus tuh jatun kasalan narai bewei je satimpal akan ihukum matei. 16Awi te aku akan mamukul Iye, limbas te aku malekak-Iye.” 17Tuntang gubernur Pilatus mansanan hal te awi jadi manjadi kabiasaan bahwa iye harus mambebas ije tahanan uluh Yahudi akan ewen katika kare uluh Yahudi manampa pesta. 18Tapi uras uluh nangkariak: “Patei ih Yesus! Mambebas Barabas te akan ikei!” 19Barabas te tame panjara awi mambarontak dengan karen uluh beken intu kota Yerusalem tuntang mampatei ije uluh. 20Balalu Pilatus hamauh umba ewen, awi Pilatus handak mambebas Yesus te. 21Tapi ewen baulang kali: “nyalib ih iye! nyalib ih Iye!” 22Balalu gubernur Pilatus hamauh umba ewen akan katelu kali'ah, auh'ah: “Kasalan narai je katutu'ah jadi ih nguan-Ah? Awi jatun ku sundau kasalan te bara-Iye, jadi aku akan mamukul Iye, limbas te mambebas Yesus te.” 23Tatap ih ewen nangkariak dengan nyaring tutu mangat Yesus te inyalib, tuntang akhir'ah ewen manang kea. 24Balalu gubernur Pilatus manarima auh uluh are te. 25manumun kahandak ewen, gubernur Pilatus mambebas Barabas akan ewen, je jadi inpenjara awi manampa karusuh tuntang mampatei uluh. Balalu gubernur Pilatus mangutus kawan tentara'ah akan mimbit Yesus tuntang manguan narai je ingahandak uluh are.
Mimbit Yesus akan inyalib
26Kawan tentara mimbit Yesus tulak, tuntang huang jalanan, ewen hasundau dengan ije biti hatue intu kota Kirene je ara Simon. Iye dumah akan kota bara tana. Ewen manekap iye balalu ewen manyuhu Simon bara Kirene te mananggung salib, sambil manuntut Yesus bara likut. 27Are tutu uluh manuntut Iye. Tege kea pire-pire uluh bawi intu helat uluh are te. Ewen mananture dengan pehe atei balalu manangis tuntang masi, awi Yesus akan matei. 28Yesus mules nanture ewen te tuntang hamauh: “Oi bawin-bawin Yerusalem, ela ih ketun manangis awi Aku, tapi ngasih ih arep mu kabuat tuntang anak jariam mu! 29Hining! Akan sampai katika'ah kare uluh akan hamauh, hanjak ih bawi je tamanang atawa dia puji manak!” 30Balalu uluh are akan hamauh umba karen bukit: “Batusut ih mampenyet ikei atawa ngubur ih ikei! 31Awi amun uluh manguan kare hal je karas tutu umba Aku je sama kilau kayu belum, padahal kayu te belum, naraikah je akan tarjadi dengan kare uluh badosa je sama kilau kayu je matei?”
32Tuntang tege kea due biti uluh panjahat je nyalib umba Yesus akan ihukum matei.
Yesus inyalib
(Mat. 27:33-44; Mrk. 15:22-32; Yoh. 19:17-24)
33Metuh ewen jadi sampai intu uka Penyalibpan te ye ara bukit Karawang Kuluk, balalu ewen mamaku Yesus intu kayu salib akan matei, tuntang kea due panjahat te. Ije biti intu gantau-Ah ije biti kea intu hila sambil-Ah 34Yesus hamauh umba Allah: “Yuh Bapa, iampun ih ewen tuntang ela mahukum ewen te awi manyalib Aku, awi ewen dia mangatawan je ewen manguan'ah.” Balalu ewen kea bataruh akan mambagi pakayan Yesus eweh je akan mandinu satiap lambar rabit baju-Ah. 35Uluh are je mendeng intu hete tuntang nanture uras'ah. kawan imam te mambaka Yesus: “Uluh beken iye nyalamatah, tapi metuh tuh-Iye manyalamat arep-Ah kabuat amun puna iye Mesias uluh je jadi intih awi Allah akan manjadi panyalamat itah!” 36Kilau te kea kawan tentara mambaka Yesus. Ewen manenga anggur je masem akan Yesus tuntang hamauh “Duanih isut bara anggur jituh!” 37Balalu ewen hamauh: “Amun Ikau tuh rajan uluh Yahudi, nyalamat ih arep-Mu kabuat!” 38Tege kea tulisan intu papan hunjun salib intu hunjun tangkuluk Yesus: “Tuh ih raja uluh Yahudi.”
39Limbas tentara te mahina Yesus, tege ije biti panjahat je inyalib tukep iye umba mahina kea: “En Ikau tuh yete Mesias? Amun kilau te nyalamat ih arep-Mu tuntang ikei kea!” 40Tege ije tinai uluh maningak iye: “Buhen ikau mansanan kare hal je papa te? Ikau sabujur'ah mahormat Allah, awi ikau handak matei intu kayu salib tuh sama kilau Iye. 41Itah tuh puna harus ihukum awi sesuai kea dengan kasalan itah, tapi uluh tuh dia manguan kasalan.” 42balalu uluh te hamauh umba Yesus: “Tuhan Yesus, amun ikau dumah jadi Raja, ingatih aku tuntang pasi ih aku.” 43Balalu Yesus manjawab auh'ah: “Aku mansanan akam mu, je katutu'ah andau tuh kea ikau umba Aku intu sorga.”
Yesus matei
(Mat. 27:45-46; Mrk. 15:33-41; Yoh. 19:28-30)
44Andau te kira-kira jam due belas, uras daerah te manjadi kaput sampai jam telu halemei. 45Awi matanandau dia balawa. Metuh katika jite, horden intu Huma Allah manjadi tasila due. 46Limbas te Yesus Hamauh dengan suara je nyaring: “Bapa, intu huang lengem-Mu Aku nyarah tahaseng-Ku.” Tuntang limbas hamauh kilau jite Iye matei. 47Metuh kepala pasukan Romawi je mangawas intu hete nanture uras je jadi tarjadi te, iye manara Allah tuntang hamauh mangenai Yesus: “Aku yakin Iye tuh uluh je bujur dia manguan kasalan narai bewei!” 48Tuntang uluh are je hakumpul intu hete nanture pampatei te, katika ewen nanture narai je jadi tarjadi te, balalu ewen uras buli akan huma sambil mamukul arepah kabuat bahwan ewen puna pehe atei. 49Uras uluh je patuh umba Yesus te, kilau kawan uluh bawi je puji pahayak Yesus bara daerah Galilea, tinai je beken nanture bara kejau ih.
Yesus ingubur
(Mat. 27:57-61; Mrk. 15:42-47; Yoh. 19:38-42)
50Tege ije biti uluh ba'aran Yusuf bara kota Arimatea ije biti uluh anggota Majelis Hai, iye uluh tatau je bahalap budi bahasa'ah tinai uluh je bujur, je manunggu pandumah Karajaan Allah. 51Iye dia satuju umba kaputusan je malawan Yesus awi majelis je macam jite. Yusuf ba'asal bara Arimatea, ije kota intu wilayah Yahudi. Iye puna handak supaya Allah mangutus Masias akan mampendeng Karajaan-Ah 52Yusuf mangguang Pilatus, gubernur Romawi, tuntang balaku izin mangat tau mampuhun hantun Yesus tuntang mangubur'ah. Balalu Pilatus pun satuju. 53Balalu Yusuf mampuhun hantun Yesus bara salib te dengan pandohop kare uluh je beken. Tuntang mambungkus'ah umba kain bahalai Lenan, mangubur'ah intu rumbak batu je jadi ingali, intu hete uluh dia puji mangubur uluh matei. 54Andau jite jadi andau akan manyiap narai bewei je akan keperluan, tuntang katika matanandau leteng, andau Sabat handak sampai ndai.
55Kawan uluh bawi je puji bakawal umba Yesus bara daerah Galilea tulak umba Yusuf. Ewen manjenguk kubur te tuntang kilen ampin hantun Yesus je mina intu hete. 56Limbas te, kawan bawi te buli mangguang huma ewen intu kota. Hamalem te ewen manyiap manggau kambang tuntang minyak harum akan imbuwur intu hantun Yesus. Balalu ewen istirahat intu andau Sabat manumun auh Allah mengenai hal jite.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Manuhing Bible by Beyond Translation is licensed under Creative Commons Attribution-ShareAlike 4.0 License.