Lukas 21
21
Persembahan ije uluh balu susah
(Mrk. 12:41-44)
1Metuh Yesus tuntang kawan murid-Ah masih melai intu baun huma Allah, Iye nanture karen uluh tatau manenga persembahan ewen intu pati persembahan huma Allah te. 2Tuntang Iye kea nanture ije uluh balu je susah manenga due kabawak duit logam intu pati persembahan te. 3Balalu Yesus hamauh umba kawan murid-Ah: “Aku mansanan akan ketun, je sabujur'ah balu je susah tuh manenga are tutu bara uluh je tatau te. 4Awi ewen manenga sebagian isut bara kalabih panatau ewen, tapi balu tuh manenga bara katapas'ah, awi iye manenga uras bara pambelumah.”
Kare tanda
(Mat. 24:1-2; Mrk. 13:1-2)
5Limbas te pire-pire kawan murid-Ah nampara manahiu mengenai ampin huma Allah. Ewen hamauh: “Ture ih tampan bangunan te bahalap tutu ihias hapan karen batu! Tuntang, ture ih bahalap tutu kakaren ramu persembahan te!” Tapi Yesus hamauh. 6“Aku akan mansanan'ah akam mu ije taluh mengenai kare hal je ikau ture tuh. Akan dumah katika'ah satiap bangunan akan bakarak. Uras batu akan ihancur.”
Tamparan kapehe
(Mat. 24:3-14; Mrk. 13:3-13)
7Tuntang kawan murid-Ah kea misek umba iye: “Guru, pea Huma Allah akan ihancur tuntang narai kea ampin tanda'ah amun taluh te akan tarjadi?” 8Balalu Yesus manjawab'ah: Batawat-tawat ih mangat uluh beken dia tau manyasat ketun. Aku mansanan kilau te awi are uluh je dumah mahapan arang-Ku. tuntang ewen akan mangaku arepah Masias. Ewen kea hamauh: “Kahapus dunia tuh jadi tukep.” Awi te ela ih ketun percaya umba auh ewen. 9Tuntang amun tege ketun mahining kabar perang tuntang karen uluh pemberontak, ela ih ketun mikeh. Awi uras'ah te harus tarjadi helu, tuntang kiamat dia akan capat dumah.
10Balalu Yesus kea mansanan akan ewen: “Karen uluh are je dia percaya bara ije nagara akan dumah malawan nagara je beken. Kawan raja tuntang pasukan'ah akan baperang malawan kawan raja beken tuntang pasukan'ah. 11Tuntang akan tarjadi kea petak hagerek je daras tutu tuntang lembut kea karen panyakit samah, wayah kala'u tuntang akan tarjadi kea narai bewei je ampin kikeh tuntang karen tanda je aneh intu langit mansanan bahwa kahapus dunia jadi tukep. 12Tapi sahindai uras kare hal te tarjadi, ketun inangkap helu tuntang ingampehe. Ewen akan manuntut pire-pire uluh intu helat ikau setiap huma ibadah akan ihukum. Ikau akan i'imbit intu taharep kawan raja tuntang uluh je berkuasa awi ikau yete Murid-Ku. 13Awi te, kesempatan akam mu akan mansanan mengenai Karajaan Allah akan ewen. 14Tapi, ingatih akan dia mikeh mengenai narai je akan ikau mansanan'ah mangat ewen percaya bahwa sahindai'ah ikau dia sala. 15Awi Aku kabuat je manenga akam mu auh kapintar karati sampai jatun tege uluh bewei bara ewen je malawan ikau bahwa narai je ikau sanan'ah yete bujur. 16Tuntang ketun kea inuntut awi uluh bakas ketun, paharimmu, kawan keluargammu tuntang karen kawalmu tuntang kea pire-pire uluh intu kakaren ketun akan inpatei. 17Tuntang ikau akan injilek awi uras uluh karana ikau yete murid-Ku. 18Tapi Tuhan akan manjaga ikau bara bahaya je katatahi'ah. 19Katika ikau mangkeme kare hal je sulit te, ela ih malekak kapercayaan ketun umba Aku, sampai ikau akan manarima pambelum je katatahi'ah.”
Mengenai kahancuran kota Yerusalem
(Mat. 24:15-21; Mrk. 13:14-19)
20Amun ketun nanture Yerusalem te ingapung awi karen tentara, maka ikau tau yakin bahwa tantara te akan capat mahancur ewen. 21Katika saat jite, uluh je tege intu daerah Yudea harus mambuhau arepah mangguang bukit. kilau je melai intu kota Yerusalem harus buhau bara hete, tuntang ikau je melai intu kare tana ela ih haluli tame kanahuang kota. 22Awi metuh saat jite Tuhan akan mahukum masyarakat Yerusalem. Hukuman jituh jadi inulis akan ilalus huang Kitab Suci. 23Jituh akan manjadi waktu je puna pehe akan uluh bawi je metuh batihi atawa metuh patusu kawan anak'ah metuh wayah tuh! Tuntang kasusah je hai tutu akan lembut intu uras daerah tuh, tuntang Allah akan basingi tutu umba karen uluh. 24Tuntang ewen uras matei awi tantara dengan pisau, sebagian ewen inangkap akan ingirim intu daerah uluh je beken, tuntang kea Yerusalem akan inyarang awi uluh are je dia percaya umba Allah, maka sampai ndai wayah je jadi irancang Allah akan ewen intu kahapus'ah.
Pandumah Anak Kalunen tuntang suntu mengenai kayu ara
(Mat. 24:29-35; Mrk. 13:24-31)
25Limbas te, tege lembut tanda intu matanandau, bulan, bintang, tuntang intu hunjun petak uras uluh kalunen akan mikeh bahwa tanda jite kahapus dunia tuh jadi tukep. Tuntang uras uluh are intu dunia tuh mikeh tuntang bingung awi mahining suara galumbang danum intu laut. 26Karen uluh akan tujah awi takikeh katika ewen manunggu tanda bancanan je akan tarjadi intu dunia tuh. Awi uras banda intu langit akan imindah bara uka asal'ah. 27Huang katika jite, Aku, Anak Kalunen akan mampalembut arepah akan uluh are. Aku akan dumah intu hunjun langit je mansanan'ah kuasa-Ku je hai tuntang kemuliaan-Ku je hai. 28Amun taluh te uras tarjadi, hingkat tuntang ela mikeh. Awi Tuhan akan capat manyalamat ikau bara kapapa tuntang kapehe.
29Balalu kea Yesus mansanan ije suntu tuh akan manjelas katika naharep tuh. Iye hamauh: “Barima ih kayu ara atawa kayu narai bewei. 30Katika kare uluh nanture karen batang kayu te jadi nyalundik, ewen tau mananture arep ewen kabuat tuntang wayah pandang jadi dumah. 31Kilau te kea, amun ketun nanture narai bewei je tarjadi, katawam ih, bahwa karajaan Allah akan capat dumah. 32Sanan Ku kea akan ketun: Je sabujur'ah uras uluh je belum metuh jituh dia akan matei sahindai uras hal te tarjadi. 33Langit tuntang petak ije katika kareh akan nihau. Tapi, auh-Ku dia tau akan nihau.” atawa, kare auh je jadi Ku sanan pasti akan tarjadi dia akan balang.
Tingak mangat batawat-tawat
34“Batawat-tawat ih, bara kare hal je tau manampa ikau laya bara kapercayaan mu umba Aku, kilau umba karen karami, mihup je are, atawa deruh akan karen hal je ikau merlu'ah intu dunia tuh. Amun ikau manderoh arep mu dengan kare hal jite, ikau dia siap akan pandumah-Ku haluli. Pandumah-Ku haluli akan tarjadi secara dia induga kilau jarat je mandinu ije metu. 35Uras uluh intu dunia tuh akan takana akibat'ah katika andau te. 36Awi te barendeng-rendeng ih tiap saat. Balaku doa ih umba Tuhan akan mandinu kagancang manaharep uras masalah te, balalu mangat ketun kea kuat mendeng jatun mangkeme kahawen intu taharep-Ku, tuntang Anak Kalunen.”
37Huang bentuk andau Yesus majar intu huma Allah, tuntang tiap andau hamalem Iye balua bara kota batiruh intu bukit Zaitun. 38Tuntang hanjewu andau uras uluh are mangguang-Iye intu huang huma Allah akan mahining auh ajar-Ah.
Currently Selected:
Lukas 21: AMGV
Highlight
Copy
Compare
Share
Want to have your highlights saved across all your devices? Sign up or sign in
Manuhing Bible by Beyond Translation is licensed under Creative Commons Attribution-ShareAlike 4.0 License.
