Lukas 19
19
Zakheus panagih pajak
1Huang ije andau Yesus tuntang kawan murid-Ah mananjung tame huang kota Yerikho tuntang mahalau intu kota te. 2Intu kota te tege uluh je ara Zakheus. Iye yete uluh kepala panagih pajak tuntang iye te uluh je tatau. 3Iye handak nanture kilenampi Yesus te, tapi awi uluh are tuntang iye pandak, sampai iye dia tau nanture-Ah 4Balalu Zakheus hadari manyahelu uluh are te intu jalan je akan inangkalau awi Yesus, balalu iye mandai Kayu ara mangat tau mananture Yesus. 5Metuh Yesus sampai uka Zakheus mandai te Yesus hamauh umba iye: “Zakheus, muhun ih awi Aku handak nyandehan intu humam mu andau tuh.” 6Balalu Zakheus muhun dengan capat tuntang iye manambang Yesus dengan kahanjak intu huang huma'ah. 7Tapi uluh are je nanture hal jite mangkeme kabaratan tuntang mangarunum: “Ture, Iye tulak nyandehan uka uluh je badosa jite.” 8Dia tahi limbas jite, Zakheus mendeng tuntang hamauh umba Tuhan Yesus: Tuhan, Aku akan manenga satengah bara panatau je ku tempu akan uluh susah, tuntang mangambaliah akan ewen epat kali lipet kareah bara je puji aku mandua ah. 9Balalu auh Yesus umba iye: “Andau jituh, ikau tuntang uras uluh je tege melai intu humam mu jadi inyalamat, awi ikau yete katurunan bara Abraham je percaya umba Tuhan.” 10Awi Anak Kalunen je dumah mangguang dunia tuh akan manggau uluh je badosa tuntang manyalamat ewen.
Suntu mengenai kaping amas je inenga'ah akan pambantu
(Mat. 25:14-30)
11Uluh are mahiningah uras je Yesus mansanan'ah. Yesus mansanan ije suntu akan ewen awi ewen handak sampai intu kota Yerusalem tuntang are uluh mangira bahwa karajaan Allah akan dumah katika Yesus maname kota jite. 12Balalu Yesus hamauh dengan ewen: Tege ije uluh je pintar tulak namuei mangguang daerah je kejau akan manarima kuasa bara raja akan manjadi imam intu wilayah'ah. Limbas iye manarima kekuasaan te, iye akan haluli intu wilayah'ah akan marentah. 13Tapi Sahindai iye tulak, iye manantehau sapuluh biti pembantu'ah tuntang iye manenga ewen masing-masing sapuluh kabawak kaping amas akan pambantu'ah. Tuntang iye mameteh umba ewen: “Guna ih jituh akan mandinu je lebih are hindai duit akangku sampai Aku haluli.” 14Tapi uluh ije kalewu te dia rajin umba iye, tuntang mayuhu ije biti uluh mansanan aka'ah: Ikei dia handak amun ikau jadi imam ikei. 15Tapi, iye mansanan akan tatap manjadi imam ewen tuntang iye buli akan huma'ah. balalu iye mantehau sapuluh pembantu'ah je jadi iye manenga duit te. iye kea handak katawan pire karen duit je jadi ewen mahasil'ah dengan duit te, 16Pambantu je kaije'ah hamauh umba Iye. Tuan, aku jadi mahasil sapuluh kabawak kaping amas hindai dengan duit je Ikau nenga'ah akangku. 17Raja hamauh dengan pembantu'ah: Jite puna bahalap! Ikau yete pembantu je bahalap. Ikau jadi bujur-bujur huang manguan hal je kurik akangku, awi kabujurmu te aku manenga kuasa sapuluh kota akam mu marentah'ah. 18Tinai je kadue kea hamauh umba iye: “Tuan, aku jadi mahasil lime kabawak bara ije kabawak je inengammu te.” 19Tuan mananjawab auh'ah: Ikau kea inenga ku kuasa akan lime kota. 20Balalu je katelu'ah hamauh: Tuan, duit tuan te tege ih, dia aku mahapa'ah. 21Aku mikeh umba tuan, awi tuan uluh kejam je manduan are bara usaha uluh beken. suntu'ah; Tuan ngimbul intu kueh Tuan dia puji mangimbul'ah, tuntang manduan hasil intu kueh Tuan dia puji manawur'ah. 22Balalu tinai Tuan te hamauh umba iye: Oi pambantu je jahat, awi auh mu je jadi kilau te aku akan manuntut ikau, awi auh mu kabuat. Ikau kabuat je mamander aku tuh yete uluh je kejam, tuntang aku manduan ije taluh bara uluh beken je dia ku manempu tuntang aku sama kilau buruh je mamutik bua gandum je jadi ingimbul awi buruh je beken. 23Amun kilau te seharusah ikau manabung duit ku jite intu bank, katika aku haluli, aku mandinu'ah duit te batambah dengan bunga'ah 24Balalu Tuan te mayuhu uluh manduan duit amas bara iye tuntang manenga akan uluh je mandinu sapuluh kabawak duit amas te. 25Tapi kawan pembantu te hamauh umba iye: Tapi Tuan, aku tuh jadi manempun sapuluh kabawak duit amas te! 26Tuan manjawab'ah: “Aku mansanan akam mu, uluh je tau impercaya maka iye akan inenga hasil'ah je hai. Tapi akan uluh je dia tau impercaya, maka uluh te dia mandinu hasil'ah je are. tuntang uluh dia akan manguna iye ndai. 27Tapi akan uras je bamusuh umba aku tuntang dia satuju aku jadi imam ewen, nekapih ewen tuntang patei ewen intu taharepku.”
Karen uluh Yerusalem manarima Yesus manjadi raja
(Mat. 21:1-9; Mrk. 11:1-10; Yoh. 12:12-15)
28Limbas Yesus mansanan uras te, Yesus malanjut jalanan'ah intu kota Yerusalem, mananjung intu baun kawan murid-Ah. 29Katika ewen jadi tukep umba lewu Betfage tuntang Betania, lewu te intu daerah Bukit Zaitun, Yesus manantehau due biti murid-Ah tuntang hamauh umba ewen, 30Auh-Ah: Tulak akan lewu je tege intu taharepmu. Katika ikau sampai intu kanih, ikau akan manampayah ije kungan kuda masih bujang je injarat intu kanih. Tuntang dia puji uluh mahapa'ah. Awi te lekak ih peteng'ah tuntang imbit akan hetuh akang-Ku. 31Amun tege tempu'ah misek umba ikau: Buhen ketun malekak peteng'ah? Jawab ih: “Tuhan je mamerlu'ah.” 32Balalu, due biti murid je inyuhu Yesus te tulak manyahelu Iye akan mangguang lewu jite. Maka ewen due mananture uras taluh intu kanih kilau je insanan Yesus akan ewen. 33Katika ewen due nampara malekak peteng kuda te, dumah uluh je tempu'ah misek umba ewen buhen ketun malekak peteng'ah. 34jawab ewen: “Tuhan handak mamerlu'ah.” 35Balalu murid-Ah mimbit kuda je bujang te akan Yesus. Tuntang Ewen kea malapik kuda te umba karen pakayan ewen balalu mandohop Yesus mandai akan hunjun'ah. 36Metuh Yesus miar hapan kuda te mangguang kota Yerusalem. Karen uluh halajur mapar pakayan ewen intu jalan akan mahormat Yesus. 37Metuh jalanan Yesus jadi sampai akan nampara muhun Bukit Zaitun mangguang kota Yerusalem. Uras murid-Ah hanjak tuntang ewen je pahayak Iye uras hanjak kea, sambil manara Allah awi karen mujisat je jadi ewen puji ture'ah je Yesus manguanah. 38balalu eweh hamauh: “Imberkat ih Iye je dumah kilau Raja dengan kuasa Tuhan, kamangat tuntang kasanang bara sorga tuntang kahalap akan Allah je pangkagantung'ah!”
39Tege pire-pire uluh Farisi intu helat uluh are te. Ewen hamauh umba Yesus: “Guru, ningak kawan murid-Mu te mangat ewen dia mansanan kare hal te.” 40Yesus manjawab'ah: “Aku mansanan akam mu, amun kawan murid-Ku dia manara Aku, maka kare batu te akan nangkariak mamuji.”
41Katika Yesus bakuda manukep kota Yerusalem tuntang manampayah kota te, Iye mangkeme kapehen atei awi masyarakat kota jite tuntang Iye nampara manangisi ewen. 42auh-Ah: Oi Yerusalem, seandai'ah ketun katawan bahwa andau tuh yete pandumah kasanang tuntang kadamai bara Allah akan ketun! Tapi metuh tuh, ketun dia mangatawan'ah 43Sabab ikau akan capat mangkeme kare katika je pehe. Tuntang kare musuh mu akan dumah mangapung ikau bara kueh bewei tuntang manguan dinding intu sakaliling ketun mangat ketun dia tau tame balua bara kota te. 44Ewen akan mahancur karen humam mu. Balalu uras uluh impatei tuntang ewen kea akan mangarak kotammu. Jituh akan tarjadi awi ikau dia katawan pea Tuhan dumah akan manyalamat ikau.
Yesus mamparasih huma Allah
(Mat. 21:12-13; Mrk. 11:15-18; Yoh. 2:13-16)
45Balalu Yesus tame akan kota Yerusalem tuntang mangguang akan baun halaman Huma Allah. Balalu Iye manyuhu kare uluh je metuh badagang intu hete buhau. 46Auh Yesus umba ewen: “Allah tege inulis huang Kitab Suci: Huma Allah uka uluh balaku doa umba Aku, tapi ketun manguna'ah leka bajualan.”
47Satiap andau, Yesus majar intu Huma Allah. Tapi, kawan imam hai, tuntang kawan guru hukum Musa, tuntang kea kawan tokoh Israel manggau hila handak mampatei Yesus. 48tapi ewen dia bahanyi awi uluh are jadi percaya umba Yesus tuntang rajin umba auh ajaran-Ah.
Currently Selected:
Lukas 19: AMGV
Highlight
Copy
Compare
Share
Want to have your highlights saved across all your devices? Sign up or sign in
Manuhing Bible by Beyond Translation is licensed under Creative Commons Attribution-ShareAlike 4.0 License.
