Lukas 17
17
Ajaran Yesus mengenai kasala, iman tuntang tugas
1Yesus kea bapander umba kawan murid-Ah: Satiap uluh je jadi inyasat akan manguan kasala, tapi eweh bewei je manyasat uluh beken maka iye akan mangkeme kapehe je hai. 2Akan uluh je kilau jite meteng batu kilu te intu uyat ah tuntang impuseng huang danum bara iye manyasat uluh je dia sala manguan kasala. 3Jadi barendeng-rendeng ih mangat ikau dia manyasat uluh beken akan manguan kasala. Amun ije uluh je percaya umba-Aku manguan kasala, ningak ih iye. Amun iye batobat bara karen kasala'ah, iampun ih iye. 4Bahkan amun uluh jite manampa kasala umba ikau sampai uju kali huang ije andau, balalu satiap andau iye manampa kasala tuntang dumah umba ikau balalu bapander: “Aku batobat, maka ikau harus mangampun satiap kali iye dumah.”
5Balalu karen murid je jadi kana intih Yesus hamauh umba-Iye: “Dohop ih ikei akan percaya umba Allah dengan lebih sampurna.” 6Balalu Yesus manjawab auh ewen, amun ikau manempun iman je sekurik bawak sawi umba Allah, ikau tau manyuhu Kayu je hai jituh: “Nyawutih tuntang imbul ih arep mu kabuat intu laut, pasti'ih Kayu te akan pindah intu laut.”
Tuan tuntang pembantu
7Amun tege uluh bara ketun manempun pambantu je manajak petak atawa manjaga kawan pambelum'ah, enkah ketun mansanan akan pambatu te: “Yo, munduk intu hetuh tuntang kuman?” 8Tuntang sebalik'ah, iye te hamauh umba pambantuah, capat nyadia panginang ku! Tuntang nganti bajum mu tuntang kea nunggu aku umbet kuman. Limbas aku jadi kuman, harun ikau tau kuman panginammu. 9Enkah ikau batarima kasih umba'ah katika iye jadi manumun je ikau marentah'ah? 10kilau te kea ikau je sama kilau pembantu te. Amun ikau jadi manumun uras je inyuhu Allah te, ikau harus hamauh: Aku tuh cuma ije uluh pembantu. Aku hanya manguan narai je jadi manjadi tugasku.
Yesus mampakeleh Sapuluh biti kana panyakit Basamah
11Metuh Yesus malanjut jalanan umba karen murid-Ah mangguang kota Yerusalem, ewen mahalau daerah helat daerah Samaria tuntang daerah Galilea. 12Katika Yesus tuntang kawan murid-Ah maname ije lewu, tege sapuluh biti uluh je kana panyakit basamah je tau jangkit umba uluh beken: “Amun saling hatukep.” Ewen dia handak manukep Yesus. 13Balalu ewen mantehau Yesus dengan auh je nyaring: “Tuhan Yesus, pasi ikei tuh!” 14Balalu Yesus kea nanture ewen sambil marentah ewen: Tulak ih mangguang karen imam agama mangat ewen tau mamariksa ikau. Tuntang katika ewen metuh huang jalanan mangguang kawan imam te, Allah jadi mampakeleh ewen. 15Tuntang ewen uras'ah sadar bahwa ewen jadi impakeleh, tapi tege ije biti uluh bara ewen haluli mangguang Yesus sambil nangkariak hanjak tuntang manara Allah awi jadi mapakeleh iye. 16Iye dumah tuntang sujud dengan karandah ateiah intu pain Yesus akan manenga hormat tuntang batarima kasih umba-Iye. Tuntang uluh jite ba'asal bara daerah uluh Samaria beken uluh Yahudi. 17Balalu Yesus manjawab: “Aku jadi mampakeleh kasapuluh biti uluh te. Seharus'ah jalatien uluh je beken haluli kea sama kilau uluh bara Samaria jite.” 18Aku kacewa awi uluh je beken Yahudi jite yete baya ije biti uluh je haluli akan batarima kasih akan Allah; Tuntang jatun jalatien biti te haluli mangguang Aku! 19Yesus hamauh umba uluh Samaria te: “Hingkat ih tuntang tulak ih, ikau jadi inyalamat awi ikau percaya umba-Aku.”
Yesus majar mengenai katika Pandumah Karajaan Allah
(Mat. 24:23-28,36-41)
20Intu ije andau pire-pire uluh Farisi mamisek dengan Yesus, pea kea karajaan Allah te akan dumah. Yesus manjawab auh ewen: “Karajaan Allah akan dumah tapi ikau dia tau mampakira'ah, 21Sampai uluh te bapander, yu Ture ih, Mesias tege intu hetuh! atawa kea Mesias intu kanih! Awi je sabujur'ah karajaan Allah te jadi tege intu bentuk ketun.”
22Tuntang Yesus kea hamauh umba kawan murid-Ah: Katika harian andau kareh, ketun akan puna taharu umba Aku tuntang baharap akan mananture ije andau kilau Aku, Anak Kalunen, marentah, tapi ikau dia tau mananture'ah. 23Tuntang kea kare uluh akan mansanan umba ketun: Ture, metuh tuh Mesias tege intu hetuh! Atawa Mesias tege intu kanih! Tapi ela ih ketun percaya tuntang ela mangguang intu uka je ewen mander'ah. 24Awi pandumah-Ku kareh sama kilau kilat je hajalak je intu langit tuntang uras uluh intu dunia tuh tau manantureah, kilau te kea pandumah Anak Kalunen kareh. 25Tapi sahindai jite tarjadi, Aku harus mangkeme kapehen dengan karas tuntang dia inarima awi kare uluh intu dunia tuh. 26Tuntang ingatih narai je jadi tarjadi metuh zaman nabi Nuh bihin sahindai danum handalem je hai te dumah. Akan tarjadi kilau jite metuh sahindai Aku, Anak kalunen belum haluli. 27Sahindai danum handalem je hai te dumah, uras uluh manguan pambeluma'ah kilau biasa, kuman, mihup, tuntang kawin, balalu sampai ndai andau katika nabi Nuh tuntang kaluarga'ah tame akan jukung je hai tutu. balalu danum handalem je hai te dumah tuntang mampaleteng uras uluh je tege intu luar jukung je hai te. 28Tuntang pandumah-Ku sama kilau bencana jite kea metuh zaman Lot. Masyarakat kota Sodom belum kilau biasa'ah. Tege je kuman mihup, tege je bajualan, tege je pamalan tuntang tege kea je manampa huma'ah. 29Tapi metuh andau Lot buhau bara kota Sodom, Allah mampahujan'ah apui tuntang kare batu je ba'apui bara langit tuntang mampatei ewen uras'ah. 30Balalu, sama kilau jite kea amun andau ayung-Ku, Anak Kalunen mamparahan arepah, sama dia induga tuntang selenga-lenga. 31Katika jite jatunti ije bewei uluh je tege intu sapau huma je dia tau muhun mangguang huang huma akan manduan narai bewei bara huma'ah te. Tuntang jatunti ije bewei uluh je tege intu tana tau haluli intu huma'ah akan manduan ije taluh. 32Maka, balajar ih bara narai je tarjadi umba sawan Lot! Katika iye dia manaati Tuhan. 33Tuntang satiap uluh je ba'usaha manyalamat tahaseng'ah tatap akan matei. Tapi eweh uluh je nihau tahaseng'ah awi percaya umba Yesus, maka iye akan mandinu pambelum je katatahiah. 34Aku mansanan akam mu katika Aku dumah haluli, tege due biti uluh ije uka batiruh'ah. Allah akan manduan ije uluh tuntang malihi je beken. 35Amun Tege kea due biti uluh bawi je hayak matei, ije biti inyalamat tapi ije biti kea dia mandinu kasalamatan.
36Tege due biti uluh intu tana uka je sama, ije uluh akan i'imbit buhau, tapi je beken akan ilihi. 37Balalu ewen misek Yesus: “Intu kueh hal jite akan tarjadi, Tuhan?” Auh ewen injawab awi Yesus: “Awi intu kueh je tege karam'ah, intu hete kea are kawan burung hakumpul kuma'ah.”
Currently Selected:
Lukas 17: AMGV
Highlight
Copy
Compare
Share
Want to have your highlights saved across all your devices? Sign up or sign in
Manuhing Bible by Beyond Translation is licensed under Creative Commons Attribution-ShareAlike 4.0 License.
