Lukas 14
14
Yesus mampakeleh uluh je haban intu andau Sabat
1Katika andau Sabat, Yesus mangguang huma ije imam uluh Farisi tuntang guru Hukum Musa kuman intu hete. Uras uluh je intu hete manaliti ampin Yesus dengan taliti akan manggau kasalan Yesus. 2Intu hete salenga dumah uluh je kana panyakit kembang biti bereng'ah mendeng intu taharep Yesus. 3Yesus misek kawan guru Hukum Musa, kawan uluh Farisi auh-Ah, en tau dia mampakeleh uluh huang andau Sabat atawa dia tau? 4Uras ewen te dia manjawab'ah. Yesus mimbing lengen uluh te mampakeleh'ah tuntang manyuhu iye buli. 5Balalu Yesus hamauh umba ewen, eweh je antara ketun je dia capat manunda mampalua amun anak keledai'ah manjatu intu sumur, walaupun te huang andau Sabat. 6Ewen uras dia ulih manjawab auh Yesus te.
Yesus majar mengenai karandahan atei tuntang kataun
7Yesus kea mananture kakaren uluh je dumah te handak munduk intu baun, Yesus mansanan suntu akan ewen, auh-Ah, 8Amun tege uluh marawei ikau mangguang pesta kawin, ela ih munduk intu baun. Awi uluh je tempun pesta te jadi marawei ije uluh je ihormatah bara ikau. 9Katika uluh je marawei ikau te tuntang iye dia dumah, tuntang hamauh umba ikau, nyuhu uluh tuh munduk hetuh. Balalu ikau te akan mahamen awi ikau inyuhu munduk akan likut. 10Tapi, amun ikau irawei, guang ih, tuntang munduk ih intu likut. Katika Je tempun pesta dumah mangguang ikau tuntang hamauh: Oi kawal ku, ayu munduk intu baun. Amun kilau te ikau jadi mandinu kahormatan intu taharep uras parawei je beken. 11Awi eweh uluh je mampagantung arepah, maka iye akan imparandah'ah tuntang eweh uluh je marandah arepah, maka iye akan impagantungah.
Eweh je seharusah irawei
12Tinai kea Yesus hamauh umba uluh je marawei Iye: “Amun ikau manguan pesta, ela ikau marawei karen kawalmu, paharimmu, keluargammu, tetanggammu je tatau, awi ewen tau mambaleh'ah amun ewen marawei ikau kea amun kilau te ikau tau mandinu baleh'ah. 13Tapi sebalikah, rawei ih uluh je susah, je cacat, uluh batimpang, tuntang uluh babute. 14Maka Allah akan memberkati ikau, awi ewen jatun hapan mambaleh'ah akam mu. Awi ikau mandinu baleh'ah huang andau kamisik uluh je bujur.”
Suntu mengenai kare alasan'ah
(Mat. 22:1-10)
15Mahining auh jite, bapander ndai ije biti uluh je parawei te hamauh umba Yesus: “Puna hanjak ih akan uluh je impakanan intu karajaan Allah.” 16Balalu Yesus mansanan aka'ah, Tege ije biti uluh manguan pesta hai tuntang iye marawei uluh are akan dumah. 17Pesta te handak nampara, iye marentah pambantu'ah mansanan akan kawan paraweiah: Guang ndai, awi uras jadi inyiap. 18Tapi ewen uras tege alasan dia mangguangah. Uluh je sulakah hamauh, maafih, awi aku tege mamili tana awi te aku tulak nanture'ah helu, duem ih aku tulak. 19Uluh je beken kea hamauh, maafih, awi aku jadi mamili lime kapasang sapi hatue awi te aku akan tulak nanture'ah helu, duem ih aku tulak. 20Hamauh kea je beken: “Maafih, awi aku tuh harun kawin ih, awi te kea aku dia tau dumah. 21Maka haluli ndai pambantu te tuntang mansanan auh ewen akan tuanah. Uluh je tempun pesta balalu basingi tuntang kea marentah ewen. Capatih tulak akan satiap karen jalan, sampai seruk sare lewu te imbit uluh je susah, uluh je cacat, uluh je babute tuntang uluh je batimpang akan mangguang pesta tuh. 22Limbas jite pambantuah mansanan'ah, Tuan, narai je rentah awimmu jadi inguan, tapi masih tege pire-pire bangku je kosong. 23Haluli tinai tuan te marentah'ah, Tulak ih kea akan uras karen jalan, karen simpang'ah tuntang imbit uluh je tege intu hete, mangguang pestaku, awi humangku tuh harus kuntep. 24Awi sanan-Ku akam mu: Jatun ije biti uluh bewei bara kakaren uluh je irawei te tau mangkeme panginan intu pestang-Ku!”
Karen syarat amun manjadi murid Yesus
25Huang sinde katika uluh are dumah-dumaha mampahayak jalanan Yesus mangguang kota Yerusalem. Sambil manajung te Yesus bapander umba ewen, 26Amun uluh je handak manjadi murid-Ku, tapi iye tatap masi umba uluh bakas'ah, sawa'ah, kawan anak ah, kawan pahari'ah hatue bawi, bahkan tahaseng'ah kabuat. Maka iye dia tau manjadi murid-Ku. 27Eweh uluh je dia mananggung salib ah tuntang umba Aku, iye dia tau manjadi murid-Ku.
28Awi eweh uluh amun handak manampa gedung je gantung, iye harus marinci karen ongkos'ah, awi mikeh dia cukup hapa pajadi gawi te. 29Amun ikau jatun rincian'ah, maka dia ulih pajadiah, awi mikeh uluh are je nantureah tau mambaka ikau! 30Ewen hamauh, Uluh jite tau manampa'ah, tapi iye dia ulih mampajadiah, awi dia cukup ongkos'ah!
31Atawa kea, raja je kueh ih amun handak tulak baperang je dia mahitung kakaren musuh'ah, en cuma sapuluh ribu prajurit'ah ulih dia malawan due puluh ribu musuh'ah? 32Amun raja mangatawan dia mungkintau manang, iye mangirim utusan'ah manyundau raja musuh'ah sementara pasukan je beken masih kejau akan mansanan, narai je harus itah nguan'ah mangat tau damai? 33Kilau te kea satiap uluh kalunen, je masih manganang karen panatauah, kecuali ikau malekak uras panataumu maka ikau tau manjadi murid-Ku.
34Balalu Yesus hamauh: “Awi uyah te tutu baguna, tau kea uyah te manjadi batawah, awi te hapan narai uyah te tau ingahing'ah? 35Amun jadi batawah ndai dia tau inguna akan karen balut, maka uyah te tau inganan awi uluh bewei. Awi eweh je tege bapinding keleh inguna hapa mahining, keleh iye te mahiningah.”
Currently Selected:
Lukas 14: AMGV
Highlight
Copy
Compare
Share
Want to have your highlights saved across all your devices? Sign up or sign in
Manuhing Bible by Beyond Translation is licensed under Creative Commons Attribution-ShareAlike 4.0 License.
