Lukas 10
10
Yesus manyuhu uju puluh biti murid-Ah
1Limbas te, Tuhan Yesus mintih uju puluh murid je beken tuntang manyuhu ewen tulak huang kare kalompok je badue biti satiap kalompokah mangguang satiap kota tuntang lewu je akan ingguang Yesus. 2Tuntang sahindai manyuhu ewen, Yesus hamauh umba ewen, Are uluh handak manarima kabar je bahalap. Ewen sama kilau tana je siap imutik. Tana jite hai, tapi panggawiah dia cukup akan mamutikah. Awi te, balaku doa ih akan Allah, mangat Iye mangirim labih are uluh panggawi akan mamutikah. 3Metuh tuh buhau ih, tapi hining ih! Limbah Aku manyuhu ikau, ikau akan manaharep bahaya sama kilau anak domba intu bentuk helat serigala je basiak. 4Tuntang ela mimbit duit, atawa tas, atawa kea sapatu. Ela bapander dengan uluh je Ikau manyundau intu jalan. Awi te Ikau dia cukup waktu 5Tuntang satiap kali Ikau tame ije huma, je pangkasulakah ikau manenga tabe akan keluarga jite dengan mansanan: “semoga Tuhan manenga damai sajahtra akan uras je tege intu huma tuh.” 6Amun ewen je melai intu hete handak manarima kadamai tuntang berkat bara Tuhan, badoa ih Ikau akan kadamai tuntang imberkat ewen; amun ewen dia mangahandakah, Tuhan dia akan menenga kadamai tuntang berkat akan ewen. 7Melai ih umba kaluarga jite. Kuman tuntang mihup ih narai bewei je ewen manenga akam mu awi ikau tau manduan upah bara ewen je ikau mandohopah. Ela bapindah-pindah bara ije huma akan huma je beken. 8Balalu satiap kali ikau tame akan ije kota tuntang kare uluh intu hete manarima Ikau, kuman ih panginan narai bewei je ewen nyiap'ah akam Mu. 9Tuntang impakeleh ih kare uluh haban intu kota tuh tuntang sananih akan ewen: “Karajaan Allah jadi tukep umba ikau.” 10Tapi, satiap kali Ikau mangguang ije kota tuntang kare uluh intu kota jite dia manarima Ikau, buhau ih akan uka intu kueh uras uluh tau mahining Ikau tuntang hamauh, 11ikei mampuas kawu kotamu je maleket intu pain ikei akan pangingat bahwa Allah akan mahukum Ikau. Tapi, ikei handak Ikau mangatawan hal jituh: Karajaan Allah jadi tukep umba Ikau! 12Limbas manenga patunjuk jite, Yesus hamauh: “Aku memastiah umba ikau bahwa katika Allah menghakimi satiap uluh, Iye akan mahukum kare uluh intu kota jite labih babehat bara kare uluh jahat je belum zaman bihin intu kota Sodom te.”
Yesus manpingat pire-pire kota
(Mat. 11:20-24)
13Tapi masyarakat kota Korazin tuntang Betsaida akan mandinu kasulitan hai, awi ewen dia batobat. Masyarakat Tirus tuntang Sidon dia puji nanture kare mujisat je Aku nguanah intu kotammu. Amun ewen nantureah, maka ewen akan batobat dengan mahapan kapehen atei tuntang mambuwuh kawu intu arep ewen kabuat kilau akan tanda bahwa ewen jadi batobat bara karen kasalan ewen. 14Jadi, intu andau penghakiman Tuhan akan mamparahan kapasi je hai tutu akan kare uluh intu kota Tirus tuntang Sidon bara akan uluh intu kota Korazin tuntang Betsaida. 15Tapi akan uluh intu kota Kapernaum, ela ih ikau mangira bahwa Allah akan manenga kahormatan akam mu intu sorga. Tapi sebalikah, Allah akan patame ikau intu huang neraka. 16Limbas te Yesus hamauh umba kawan murid-Ah: “Eweh uluh je manarima auh mu, kilau iye kea manarima Aku, tuntang eweh uluh je dia manarima'ah, berarti iye manolak Aku kea. Uluh je manolak Aku bararti manolak Allah je manyuhu Aku.”
Uju puluh murid te jadi haluli
17Maka tulak ndai ka uju puluh biti murid te tuntang manguan narai je inyuhu Yesus akan ewen. Metuh ewen te haluli, ewen hanjak tutu sambil hamauh: “Guru, kare roh je papa tunduk umba ikei metuh ikei mangguna kuasam-Mu mambuhau ewen bara kare uluh!” 18Yesus manjawab auh ewen te, metuh kare roh je papa te manumun auh ketun, Aku nanture roh je papa te jadi ingalah dengan salenga manjatu bara langit sama kilau kilat je manyambar. 19Awi te hining ih, Aku jadi manenga akam mu kuasa akan umba kare handipe tuntang kala. Dengan auh je beken kea, Aku jadi manenga akam mu kuasa akan mangalah uras kekuatan musuh itah, roh je papa. Sama sinde jatun je tau mangampehe Ikau. 20Tapi ela ih hanjak awi Ikau tege mingkes kuasa umba kare roh je papa. Tapi sebalikah, hanjak ih awi Allah jadi manulis aram mu intu kitab-Ah intu sorga.
Yesus maucap syukur umba Bapa
(Mat. 11:25-27; 13:16-17)
21Balalu Yesus huang katika jite hanjak intu huang Roh Barasih tuntang Iye balaku doa umba Allah, Bapa-Ku, ikau ih Tuhan hunjun langit tuntang petak, Aku basukur dengam-Mu awi Ikau jadi manyahukan kabujur tuh bara ewen je pintar harati, tapi Ikau jadi mamparahan akan ewen je sama kilau anak kurik. Yoh, Bapa, ikau handak manguanah dengan cara jituh. 22Limbas te Yesus hamauh, Bapa-Ku jadi manenga akang-Ku uras kuasa. Jatun uluh je katawan eweh Aku tuh, Anak, selain Bapa. Kilau te kea eweh Bapa selain Aku, Anak, tuntang ewen je Aku mintih'ah akan mansanan'ah.
23Balalu Yesus mules nanture kawan murid-Ah tuntang hamauh umba ewen: “Uras uluh je jadi nanture narai je jadi ikau ture puna baruntung ih.” 24Aku mansanan akam mu, are nabi tuntang kare raja zaman huran je handak nanture narai je jadi ikau tureah, tapi ewen dia tau nantureah. Tuntang ewen handak tutu mahining narai jadi ikau hining ah, tapi ewen dia tau mahiningah.
Uluh Samaria je murah ateiah
25Katika Yesus metuh majar, ije biti uluh guru hukum Musa mangguang Yesus tuntang misek akan mangatawan narai je akan injawab-Ah. Balalu iye misek: “Guru, narai je harus aku nguanah mangat Allah manenga pambelum je katatahi akangku?” 26Tapi Yesus manjawab'ah: “Narai je jadi inulis huang Hukum Musa mengenai hal te? Kilenampi ikau mamikir'ah?” 27Guru hukum Musa te manjwab'ah: Kasihi Tuhan, Allah mu, dengan katutun ateimu tuntang dengan katutun tahaseng mu tuntang kea dengan uras kagancang mu tuntang kea dengan uras kare kapintar karatimmu. Tuntang kea: “Kasihih sesama arep mu kalunen sama kilau ikau mangasihi arep mu kabuat.” 28Balalu Yesus manjawab'ah: “Auh mu te bujur, tapi amun ikau tatap manguanah hal jituh maka ikau akan mandinu pambelum je katatahi.” 29Tapi uluh jite mamparahan arepah bahwa auh te bujur, maka iye misek umba Yesus: “Eweh je sesama kalunen te?”
30Yesus manjawab'ah dengan ije kesah, ije andau, ije biti uluh hatue bara kota Yerusalem akan kota Yerikho metuh kawan parampok manyarang'ah. Sambil kea ewen mamukul'ah tuntang nantalua iye handak matei. 31Metuh iye tapenter intu jalan te, ije biti imam mahalau jalan jite. Imam jite nanture uluh je bahimang tapenter intu jalan te, tapi iye mahalau jalan je beken. 32Kilau te kea uluh bara suku Lewi metuh mahalau jalan je sama. Iye nanture uluh tapenter intu jalan te tapi iye mananjung maliut uluh te intu jalan je beken. 33Akhir'ah, ije biti uluh Samaria je metuh huang perjalanan akan arah te mangguang kaluka uluh te tapenter. Metuh iye nanture uluh je bahimang te, iye masi tutu umba'ah. 34Balalu iye mangguang uluh te tuntang manantamba kare himangah dengan manyiram minyak harum tuntang anggur intu himangah akan obat'ah. Limbas te iye manggatang uluh te intu hunjun keledai tuntang mimbitah mangguang panginapan tuntang marawatah. 35Hanjewu andau'ah, iye manenga duit akan kadue andau tuntang manenga'ah akan je tempun panginapan sambil hamauh umba'ah: “Rawat uluh tuh. Amun ikau mampelepah labih bara jituh, aku akan mambayarmu metuh aku buli kareh.” 36Balalu Yesus misek umba guru Hukum Musa te: “Manumun pandapat mu, eweh intu antara ewen telu biti te je kalunen sejati akan uluh je kana rampok te?” 37guru Hukum Musa te manjawab'ah: “Uluh je mamparahan kapasiah aka'ah.” Yesus hamauh kea umba iye: “Tulak ih tuntang nguanih sama kilau je inguanah.”
Maria tuntang Marta
38Katika Yesus tuntang kawan murid-Ah malanjut perjalanan'ah akan kota Yerusalem. Metuh ewen sampai intu ije lewu, tege uluh bawi are te Marta marawei ewen maja akan huma'ah. 39Tuntang Marta tege ije biti andi bawi je ara te Maria. Metuh te Maria munduk tukep pain Tuhan Yesus tuntang handak mahining auh ajaran-Ah 40Tapi Marta basingi umba Maria awi iye dia mandohop gawi Marta te, balalu Marta mangguang Yesus tuntang hamauh, Tuhan, paharingku te dia mandohop aku huang gawi tuh. Iye nantalua aku manguan kabuat. Ander aka nyuhu iye mandohop aku! 41Tapi Tuhan Yesus hamauh umba Marta: “Marta je terkasih, ikau kalute mikeh mengenai kare hal 42Tapi hanya ije hal je penting tutu tuntang Maria jadi mamintih akan manguan hal penting te. Awi jatun je tau manduanah bara iye.”
Currently Selected:
Lukas 10: AMGV
Highlight
Copy
Compare
Share
Want to have your highlights saved across all your devices? Sign up or sign in
Manuhing Bible by Beyond Translation is licensed under Creative Commons Attribution-ShareAlike 4.0 License.
