Pangiraan Suku Israel 14
14
Alibak tau Israelen intama lo’a negeri Kana’an
1Rabarik malam dinen anangis samuana ambata tau bayu’en. Baraa unyida’ anangisen. 2Amumut ateda’ lo’a baki’ Musa nanna baki’ Harun. Jaji manjarum lo’da’, “Maam alit ti’kam mate memen inang di negeri Mesir. Maam alit mate indi’angen di kasik baraa’en dari pada awan dinen. 3Ai dinen i Yahuwe mawana lo’am lo’a negeri dinen manyuro’ mate dadua’ sapa’ nanna pedangen? Ona’ pasti dala pangkam kausa arabainyenam, araanakam. Na’an te’ labi maam ati’enki’ mole’ balik poang lo’a negeri Mesir,” ingka kenang. 4Jaji sijaruman sera nanna seraan, “Arungki’ maile’i panguluanka’ laloang mole’ balik lo’a Mesir,” ingka kenang.
5Jaji mandalinga jarum awan dinen, baki’ Musa nanna baki’ Harun barik laloang paraba’ kalena di arona samuana ambata anak kanturunanna baki’ Israelen yang bakumpul inang. 6Baki’ Yosuapi barik nanna baki’ Kaleb yang tambaan de’i maintai di negeri Kana’an, ira duaan daripak barik sape dapakaien dinen lasana susana mandalingaan jarumda’ awan dinen. Baki’ Yosua daia anaka baki’ Nun. Baki’ Kaleb daia anaka baki’ Yepune. 7Jaji manjarum lo’da’ samuana yang bakumpulen inang, “Tana’ ilamba’iin ikam, yang iparaksain, palin maam tana’ dinen. 8Ati’enki’ dakamainya’i kole’a i Yahuwe, tentu daawaki’ lo’a tana’ negeri dinen, tana’ palin baraselen. Tentu datawa’i lo’ka’. 9Ada’ poangki’ malawanen lo’a. Ada’ki’ atakuten lo’a tau lalako’en inang. Iki’ ona’ manalanen lo’da’. Ira dinen kosan palindunganna. Poangsi daiki’ andian i Yahuwe nanka’. Ada’kin atakuten lo’da’,” ingka kenang jarumda’ duaan.
Tau Israelen daukum barik kole’a i Yahuwe
10Mandalinga jarumda’ duaan rabarik, bajao’ ira tau bayu’en to’ manaantalinga. Sijaruman ira inangen to’ mamarati lo’da’ nanna batuun. Jaji paita barik kamaamanna i Yahuwe yang palin arawangen dinen inang di Kakalang Pasidua’ang Kaleen nanna i Yahuwe, dakita kole’da’ samuana ambata anak kanturunanna baki’ Israel dinen. 11Jaji manjarum i Yahuwe lo’a baki’ Musa, “Launnasi ira di’en mangalibakanga lo’ku’. Launnasi ira dinen alibaka parasaya’. Kapisi bayu’ mamin ambata gulungan panyunyuaku’ kupolaan di matada’, na’an lagi’ dapaduli. 12Ona’jo. Ira di’en kulao’i poang nanna panyakit sampar manampusiin lo’da’. Dari nannu poang kupolana banuaan, yang labi baraa’en lo’da’, yang labi bakuasaan lo’da’,” ingka kenang manjaruma i Yahuwe lo’a baki’ Musa.
13Jaji manjarum barik baki’ Musa lo’a i Yahuwe, “Ati’en awan dinen ona’ mamolanu, pasti tadongo bea lo’a tau negeri Mesiren. Padahal mamin nanna kuasanu ipainsaluannam anak katio’annu lo’a negerida’ dinen. 14Na, ti’ laloang itampusi iko, ti’ mamin dadalinga dongo dinen kole’a tau Mesiren, tentu dajarumang bapi lo’a tau negeri di’en. Mamin lalo tadongo lo’da’ indi’angen kole’a andianko lalako’ nannam suku di’en, Yahuwe. Dadalinga dongo kole’a maminko dakita kole’a tauen lindo’ sama lindo’. Dadalinga kole’a andian lapoang pakayu domu dinen lalako’ ibonam. Dadalinga kole’a daiko lamba’ lapoang mauluang ijolonam ilalam pakayu domen di asoon, ilalam pakayu api di malamen. 15Na, ati’en ona’ akaus iduno’ iko suku di’en dalam saso, samuana ambata negeri yang maminen mandalinga dongonu dinen tentu manjarum barik pajau’ lo’u. 16Insa’ka memenna, nanga indejo? I Yahuwe dinen na’an dakule’ mawa lo’da’ malalako’i negeri Kana’an dinen yang dabayaangen lo’da’ nanna jarum basumpaan. Ialalo barik dauno’a inang di kasik baraa’en, tentu ingka kenang,” ingka kenang jaruma baki’ Musa lo’a i Yahuwe.
17“Asi dinen jarumu memen manjarumangen kalenu lo’ku’? Suba ipayoang jaji kuasanu lo’da’ awan bua jarumu dinen lo’ku’. 18Iak lalo di’en i Yahuwe, ikoen. Balaun baru’ timbul arasiku’. Palin mainya’ak mamayoang pangasaangku’ lo’a tauen. Kuamponi basa ajau’en, ambata basa malawanen, iko kenangla’. Poangsi tau maminen mamola dosaan, na’an kupalaloang. Tetap kudukum dosa tauen sampai mondok lo’a anaka, sampai mondok lo’a ampuna, sampai mondok lo’a puita, iko kenang lo’ku’. 19Ialalo kupitana jaji lo’u, Paraampuane, sikule’ nanna pangasaangu yang ijarumangen lo’ku’ dinen. Amponila dosana ira di’en, awan mamponinu yang maminen launna di’en maminna irantang negeri Mesir dinen,” ingka kenang manjaruma baki’ Musa lo’a i Yahuwe. Pal. 34:6-7.
20Jaji manyauti barik dinen i Yahuwe, “Mamin ira kuamponi, awan bua jarumu. 21-22Poangsi ira malawanen lo’ku’ launna di’en, kosan to’ sera maitaan ona’ tana’ kubayaangen dinen. Daiak tetapak tio’. Disa-isa inyaunga galung suanen, tetap kasuangan nanna kamaamanku’. Jalu kujarumangen di’en, tetap adari. Launna maminnin anyap dari negeri Mesir, mamin ira maita kamaamanku’ yang palin arawangen. Mamin maita tanda panyunyuaku’ kupolaan inang di Mesir, inang di kasik baraa’en. Poangsi maminna dakita awan dinen, laloang dalawan barik panamuku’. Mamin sapulo’ kali mangilalaina lo’ku’. Jaji yang maminen mamola kenang lo’ku’, kosan to’ sera ona’ 23yang maitaan tana’ kubayaangen lo’a arabakina nanna jarum basumpaku’. Tau maminen mangalibakang kenang lo’ku’, kosan to’ sera ona’ yang maitaan tana’ dinen. 24Poangsi i Kaleb dinen kuawa intama lo’a tana’ negeri dalamba’iin dinen. Kole’a daia laan atena. Nanna ate gugulunga daia malola’a lo’ku’. Ialalo kuawana lo’a negeri dinen. Anak kanturunanna ona’ to’ manuduki tana’ dinen,” ingka kenang. 25Jaji kenang. Lamba’in mina’, arungkin mole’ balik manuju lo’a kasiken yang di dalanen lo’a Laut Dadara’en dinen. Kenanga parintaku’ dinen, kole’a ira tau Amalek nanna tau Kana’an lalako’ di tana’ antarana ukiten di’en. Ungka’en ona’ mawa sikayo.
26Jaji manjarum bapi i Yahuwe lo’a baki’ Musa nanna baki’ Harun, 27“Ira banua kakanjianen di’en yang alibaken malola’ lo’ku’, insa’pi launna to’ amumuta ira dinen lo’ku’. Mamin kudalinga ambata jaruma tau Israelen di’en yang sipat amumuten. 28Jaji awa jarumku’ di’en lo’da’. Andian jalu tetap adariin kole’ku’ i Yahuwe. Daiak tetapak tio’. Awan bua jarum amumutin dinen, awan dinen bua kupolana lo’in. 29Indi’angen lalo di kasik baraa’en alao’a ona’ bangkayoannin. Maira mantuariin yang maminen mondok dua pulo’ taun umura, yang maminen dadua’ ditung ilalam sensusjo dinen, yang maminen bea amumut lo’ku’, to’ mate kausana. 30Kosan to’ sera antaranin yang to’ intama lo’a tana’ negeri dinen yang kubayaangen nanna jarum basumpaku’, nanna tanganku’ iangkaten. Suma poang yang intamaan dinen anaka baki’ Yepune yang iasanen i Kaleb nanna anaka baki’ Nun yang iasanen i Yosua. Dinen poang ona’ yang intamaan,” ingka kenang.
31“Na, awan anakin yang iasanen ikin to’ darariang padari pangkamen, ira dinen bua kuawaan ona’ intama lo’a tana’ negeri yang ikalibakangen ikin. 32Poangsi daikin tamatoaan, to’ alao’ ona’ bangkayoannin indi’angen di kasik baraa’en. 33Ambata gulungan araanakin barik dinen to’ manuntuani inatangen indi’angen di kasik baraa’en ampat pulo’ taun launna. Ira yang to’ tio’ marinsa’en rabarik kole’a basanin yang alibaken malola’ barik lo’ku’, yang tungan babainye siuken to’ malola’ lapoangen lo’a bokanen. Tio’ marinsa’ lapoang ira sampai akaus ikubur bangkayoannin tamatoaan indi’angen di kasik baraa’en. 34Ampat pulo’ aso launna ira lamba’da’ maintai di negeri Kana’an. Ampat pulo’ bea taunna ona’ lamba’in kukuliling di kasik baraa’en di’en. Arung itanggung akibat basanin dinen, arung tarasa lo’in balu’ ai rasana ti’en iak malawanen lo’in,” ingka kenang. 35“Iak lalo i Yahuwe yang manjarumen. Tetap kupola awan bua jarumku’ dinen, lo’a samuanin sabanuaan yang tau basa palin ajau’en, yang sigulunganen to’ malawanna lo’ku’. Indi’angen bua di kasik baraa’en tampusa tio’in, indi’angen matenin,” ingka kenang manjaruma i Yahuwe lo’a baki’ Musa.
36-37Jaji dalao’i ukum rabarik ira dinen yang datugasen kole’a baki’ Musa itiang mamaraksa tana’ negeri Kana’an, yang laloang mole’ mawa laporan ajau’en dinen manyuro’ amumut kausa barik sabanuaan lo’a. Laloang mate takarang ira dinen dadua’ sampar inang ijolona arona i Yahuwe. 38Antarana tau yang lamba’ mamaraksa tana’ dinen, yang tio’en barik’ suma poang anaka baki’ Nun yang iasanen i Yosua, nanna anaka baki’ Yepune yang iasanen i Kaleb dinen. Ira poang duaan yang tio’en, yang na’anen mate.
Tau Israelen malawan bapi
39Jaji barik maminna tau bayu’en mandalinga dongo ukuma i Yahuwe, susa tapat ateda’. 40Makap-makap barik lamba’ ira maro lo’a daerah ukiten dinen. Jaji manjarum, “Daikam maminkam badosa,” ingka kenang. “Jaji daikam barik to’ tangkatkam lo’a tana’ yang dabayaangen lo’ka’ kole’a i Yahuwe,” ingka kenang jarumda’.
41Poangsi manyauti barik baki’ Musa, “Ada’. Maikin to’ malawan bapi lo’a parintana i Yahuwe? Na’an mainya’ barasel jalu yang awan dinen. 42-43Ada’kin inaiten kole’a angkosan barik Alatala tamba manggulungi lo’in. Mondokin ona’ madap nanna suku tau Amalek, tau Kana’an, tetapkin atalo. Kole’a maminkin imalam mangalibakang lo’a panamuna i Yahuwe. Angkosan barik manggulungina lo’in. Tetapkin mate dakaan pedang ati’enkin lo’a dinen,” ingka kenang manjaruma baki’ Musa lo’da’.
44Na, kapi awan dinen jaruma baki’ Musa, baraa ira lo’a panamu diri’a. Kapi na’an tangkat baki’ Musa, na’an bea tangkat kas bukti bayana i Yahuwe, na’an takisik dari banuaan, tangkat bua ira lo’a daerah ukit balangkeen dinen. 45Jaji tador barik tau Amalek nanna tau Kana’an yang lalako’en di daerah ukit dinen. Damansangi tau Israelen kole’da’, laloang dariria sampai mondok lo’a Horma.
Currently Selected:
Pangiraan Suku Israel 14: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
Pangiraan Suku Israel 14
14
Alibak tau Israelen intama lo’a negeri Kana’an
1Rabarik malam dinen anangis samuana ambata tau bayu’en. Baraa unyida’ anangisen. 2Amumut ateda’ lo’a baki’ Musa nanna baki’ Harun. Jaji manjarum lo’da’, “Maam alit ti’kam mate memen inang di negeri Mesir. Maam alit mate indi’angen di kasik baraa’en dari pada awan dinen. 3Ai dinen i Yahuwe mawana lo’am lo’a negeri dinen manyuro’ mate dadua’ sapa’ nanna pedangen? Ona’ pasti dala pangkam kausa arabainyenam, araanakam. Na’an te’ labi maam ati’enki’ mole’ balik poang lo’a negeri Mesir,” ingka kenang. 4Jaji sijaruman sera nanna seraan, “Arungki’ maile’i panguluanka’ laloang mole’ balik lo’a Mesir,” ingka kenang.
5Jaji mandalinga jarum awan dinen, baki’ Musa nanna baki’ Harun barik laloang paraba’ kalena di arona samuana ambata anak kanturunanna baki’ Israelen yang bakumpul inang. 6Baki’ Yosuapi barik nanna baki’ Kaleb yang tambaan de’i maintai di negeri Kana’an, ira duaan daripak barik sape dapakaien dinen lasana susana mandalingaan jarumda’ awan dinen. Baki’ Yosua daia anaka baki’ Nun. Baki’ Kaleb daia anaka baki’ Yepune. 7Jaji manjarum lo’da’ samuana yang bakumpulen inang, “Tana’ ilamba’iin ikam, yang iparaksain, palin maam tana’ dinen. 8Ati’enki’ dakamainya’i kole’a i Yahuwe, tentu daawaki’ lo’a tana’ negeri dinen, tana’ palin baraselen. Tentu datawa’i lo’ka’. 9Ada’ poangki’ malawanen lo’a. Ada’ki’ atakuten lo’a tau lalako’en inang. Iki’ ona’ manalanen lo’da’. Ira dinen kosan palindunganna. Poangsi daiki’ andian i Yahuwe nanka’. Ada’kin atakuten lo’da’,” ingka kenang jarumda’ duaan.
Tau Israelen daukum barik kole’a i Yahuwe
10Mandalinga jarumda’ duaan rabarik, bajao’ ira tau bayu’en to’ manaantalinga. Sijaruman ira inangen to’ mamarati lo’da’ nanna batuun. Jaji paita barik kamaamanna i Yahuwe yang palin arawangen dinen inang di Kakalang Pasidua’ang Kaleen nanna i Yahuwe, dakita kole’da’ samuana ambata anak kanturunanna baki’ Israel dinen. 11Jaji manjarum i Yahuwe lo’a baki’ Musa, “Launnasi ira di’en mangalibakanga lo’ku’. Launnasi ira dinen alibaka parasaya’. Kapisi bayu’ mamin ambata gulungan panyunyuaku’ kupolaan di matada’, na’an lagi’ dapaduli. 12Ona’jo. Ira di’en kulao’i poang nanna panyakit sampar manampusiin lo’da’. Dari nannu poang kupolana banuaan, yang labi baraa’en lo’da’, yang labi bakuasaan lo’da’,” ingka kenang manjaruma i Yahuwe lo’a baki’ Musa.
13Jaji manjarum barik baki’ Musa lo’a i Yahuwe, “Ati’en awan dinen ona’ mamolanu, pasti tadongo bea lo’a tau negeri Mesiren. Padahal mamin nanna kuasanu ipainsaluannam anak katio’annu lo’a negerida’ dinen. 14Na, ti’ laloang itampusi iko, ti’ mamin dadalinga dongo dinen kole’a tau Mesiren, tentu dajarumang bapi lo’a tau negeri di’en. Mamin lalo tadongo lo’da’ indi’angen kole’a andianko lalako’ nannam suku di’en, Yahuwe. Dadalinga dongo kole’a maminko dakita kole’a tauen lindo’ sama lindo’. Dadalinga kole’a andian lapoang pakayu domu dinen lalako’ ibonam. Dadalinga kole’a daiko lamba’ lapoang mauluang ijolonam ilalam pakayu domen di asoon, ilalam pakayu api di malamen. 15Na, ati’en ona’ akaus iduno’ iko suku di’en dalam saso, samuana ambata negeri yang maminen mandalinga dongonu dinen tentu manjarum barik pajau’ lo’u. 16Insa’ka memenna, nanga indejo? I Yahuwe dinen na’an dakule’ mawa lo’da’ malalako’i negeri Kana’an dinen yang dabayaangen lo’da’ nanna jarum basumpaan. Ialalo barik dauno’a inang di kasik baraa’en, tentu ingka kenang,” ingka kenang jaruma baki’ Musa lo’a i Yahuwe.
17“Asi dinen jarumu memen manjarumangen kalenu lo’ku’? Suba ipayoang jaji kuasanu lo’da’ awan bua jarumu dinen lo’ku’. 18Iak lalo di’en i Yahuwe, ikoen. Balaun baru’ timbul arasiku’. Palin mainya’ak mamayoang pangasaangku’ lo’a tauen. Kuamponi basa ajau’en, ambata basa malawanen, iko kenangla’. Poangsi tau maminen mamola dosaan, na’an kupalaloang. Tetap kudukum dosa tauen sampai mondok lo’a anaka, sampai mondok lo’a ampuna, sampai mondok lo’a puita, iko kenang lo’ku’. 19Ialalo kupitana jaji lo’u, Paraampuane, sikule’ nanna pangasaangu yang ijarumangen lo’ku’ dinen. Amponila dosana ira di’en, awan mamponinu yang maminen launna di’en maminna irantang negeri Mesir dinen,” ingka kenang manjaruma baki’ Musa lo’a i Yahuwe. Pal. 34:6-7.
20Jaji manyauti barik dinen i Yahuwe, “Mamin ira kuamponi, awan bua jarumu. 21-22Poangsi ira malawanen lo’ku’ launna di’en, kosan to’ sera maitaan ona’ tana’ kubayaangen dinen. Daiak tetapak tio’. Disa-isa inyaunga galung suanen, tetap kasuangan nanna kamaamanku’. Jalu kujarumangen di’en, tetap adari. Launna maminnin anyap dari negeri Mesir, mamin ira maita kamaamanku’ yang palin arawangen. Mamin maita tanda panyunyuaku’ kupolaan inang di Mesir, inang di kasik baraa’en. Poangsi maminna dakita awan dinen, laloang dalawan barik panamuku’. Mamin sapulo’ kali mangilalaina lo’ku’. Jaji yang maminen mamola kenang lo’ku’, kosan to’ sera ona’ 23yang maitaan tana’ kubayaangen lo’a arabakina nanna jarum basumpaku’. Tau maminen mangalibakang kenang lo’ku’, kosan to’ sera ona’ yang maitaan tana’ dinen. 24Poangsi i Kaleb dinen kuawa intama lo’a tana’ negeri dalamba’iin dinen. Kole’a daia laan atena. Nanna ate gugulunga daia malola’a lo’ku’. Ialalo kuawana lo’a negeri dinen. Anak kanturunanna ona’ to’ manuduki tana’ dinen,” ingka kenang. 25Jaji kenang. Lamba’in mina’, arungkin mole’ balik manuju lo’a kasiken yang di dalanen lo’a Laut Dadara’en dinen. Kenanga parintaku’ dinen, kole’a ira tau Amalek nanna tau Kana’an lalako’ di tana’ antarana ukiten di’en. Ungka’en ona’ mawa sikayo.
26Jaji manjarum bapi i Yahuwe lo’a baki’ Musa nanna baki’ Harun, 27“Ira banua kakanjianen di’en yang alibaken malola’ lo’ku’, insa’pi launna to’ amumuta ira dinen lo’ku’. Mamin kudalinga ambata jaruma tau Israelen di’en yang sipat amumuten. 28Jaji awa jarumku’ di’en lo’da’. Andian jalu tetap adariin kole’ku’ i Yahuwe. Daiak tetapak tio’. Awan bua jarum amumutin dinen, awan dinen bua kupolana lo’in. 29Indi’angen lalo di kasik baraa’en alao’a ona’ bangkayoannin. Maira mantuariin yang maminen mondok dua pulo’ taun umura, yang maminen dadua’ ditung ilalam sensusjo dinen, yang maminen bea amumut lo’ku’, to’ mate kausana. 30Kosan to’ sera antaranin yang to’ intama lo’a tana’ negeri dinen yang kubayaangen nanna jarum basumpaku’, nanna tanganku’ iangkaten. Suma poang yang intamaan dinen anaka baki’ Yepune yang iasanen i Kaleb nanna anaka baki’ Nun yang iasanen i Yosua. Dinen poang ona’ yang intamaan,” ingka kenang.
31“Na, awan anakin yang iasanen ikin to’ darariang padari pangkamen, ira dinen bua kuawaan ona’ intama lo’a tana’ negeri yang ikalibakangen ikin. 32Poangsi daikin tamatoaan, to’ alao’ ona’ bangkayoannin indi’angen di kasik baraa’en. 33Ambata gulungan araanakin barik dinen to’ manuntuani inatangen indi’angen di kasik baraa’en ampat pulo’ taun launna. Ira yang to’ tio’ marinsa’en rabarik kole’a basanin yang alibaken malola’ barik lo’ku’, yang tungan babainye siuken to’ malola’ lapoangen lo’a bokanen. Tio’ marinsa’ lapoang ira sampai akaus ikubur bangkayoannin tamatoaan indi’angen di kasik baraa’en. 34Ampat pulo’ aso launna ira lamba’da’ maintai di negeri Kana’an. Ampat pulo’ bea taunna ona’ lamba’in kukuliling di kasik baraa’en di’en. Arung itanggung akibat basanin dinen, arung tarasa lo’in balu’ ai rasana ti’en iak malawanen lo’in,” ingka kenang. 35“Iak lalo i Yahuwe yang manjarumen. Tetap kupola awan bua jarumku’ dinen, lo’a samuanin sabanuaan yang tau basa palin ajau’en, yang sigulunganen to’ malawanna lo’ku’. Indi’angen bua di kasik baraa’en tampusa tio’in, indi’angen matenin,” ingka kenang manjaruma i Yahuwe lo’a baki’ Musa.
36-37Jaji dalao’i ukum rabarik ira dinen yang datugasen kole’a baki’ Musa itiang mamaraksa tana’ negeri Kana’an, yang laloang mole’ mawa laporan ajau’en dinen manyuro’ amumut kausa barik sabanuaan lo’a. Laloang mate takarang ira dinen dadua’ sampar inang ijolona arona i Yahuwe. 38Antarana tau yang lamba’ mamaraksa tana’ dinen, yang tio’en barik’ suma poang anaka baki’ Nun yang iasanen i Yosua, nanna anaka baki’ Yepune yang iasanen i Kaleb dinen. Ira poang duaan yang tio’en, yang na’anen mate.
Tau Israelen malawan bapi
39Jaji barik maminna tau bayu’en mandalinga dongo ukuma i Yahuwe, susa tapat ateda’. 40Makap-makap barik lamba’ ira maro lo’a daerah ukiten dinen. Jaji manjarum, “Daikam maminkam badosa,” ingka kenang. “Jaji daikam barik to’ tangkatkam lo’a tana’ yang dabayaangen lo’ka’ kole’a i Yahuwe,” ingka kenang jarumda’.
41Poangsi manyauti barik baki’ Musa, “Ada’. Maikin to’ malawan bapi lo’a parintana i Yahuwe? Na’an mainya’ barasel jalu yang awan dinen. 42-43Ada’kin inaiten kole’a angkosan barik Alatala tamba manggulungi lo’in. Mondokin ona’ madap nanna suku tau Amalek, tau Kana’an, tetapkin atalo. Kole’a maminkin imalam mangalibakang lo’a panamuna i Yahuwe. Angkosan barik manggulungina lo’in. Tetapkin mate dakaan pedang ati’enkin lo’a dinen,” ingka kenang manjaruma baki’ Musa lo’da’.
44Na, kapi awan dinen jaruma baki’ Musa, baraa ira lo’a panamu diri’a. Kapi na’an tangkat baki’ Musa, na’an bea tangkat kas bukti bayana i Yahuwe, na’an takisik dari banuaan, tangkat bua ira lo’a daerah ukit balangkeen dinen. 45Jaji tador barik tau Amalek nanna tau Kana’an yang lalako’en di daerah ukit dinen. Damansangi tau Israelen kole’da’, laloang dariria sampai mondok lo’a Horma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997