Pangiraan Suku Israel 13
13
Datugas tau itiang maintai lo’a negeri Kana’an
1Jaji maminna ira mamalin lo’a Paran, manjarum barik i Yahuwe lo’a baki’ Musa, 2“Na, manyuro’ tauko itiang maintai lo’a negeri Kana’an dinen, tana’ yang to’ kutawa’i lo’a ambata anak kanturunanna baki’ Israelen. Maira anaka baki’ Israel yang dua belas pariin arung andian kanturunan tata sera yang itugasen, tau maminen padari panguluanen.”
3Jaji dalola’ani paba’ina i Yahuwe kole’a baki’ Musa. Datugas lamba’ tarangkat dari kasik Paran dinen. Yang datugas lamba’ dinen samuana panguluanen di antarana ambata anak kanturunanna baki’ Israel. 4Jaji asanda’ yang datugasen kenang,
Dari kanturunanna baki’ Ruben, baki’ Samua anaka baki’ Sakur.
5Dari kanturunanna baki’ Simeon, baki’ Sapat anaka baki’ Hori.
6Dari kanturunanna baki’ Yehuda, baki’ Kaleb anaka baki’ Yepune.
7Dari kanturunanna baki’ Isakar, baki’ Yigal anaka baki’ Yusup.
8Dari kanturunanna baki’ Epraim, baki’ Hosea anaka baki’ Nun.
9Dari kanturunanna baki’ Benyamin, baki’ Palti anaka baki’ Rapu.
10Dari kanturunanna baki’ Sebulon, baki’ Gadiel anaka baki’ Sodi.
11Dari kanturunanna baki’ Manase, baki’ Gadi anaka baki’ Susi. Baki’ Manase dinen anaka baki’ Yusup.
12Dari kanturunanna baki’ Dan, baki’ Amiel anaka baki’ Gemali.
13Dari kanturunanna baki’ Aser, baki’ Setur anaka baki’ Mikael.
14Dari kanturunanna baki’ Naptali, baki’ Nahbi anaka baki’ Wopsi.
15Dari kanturunanna baki’ Gad, baki’ Guel anaka baki’ Maki.
16Kenang asanna ambata tau datugasen kole’ baki’ Musa itiang maintai lo’a negeri Kana’an. Jaji baki’ Hosea anaka baki’ Nun dinen dapalinang asanna kole’a baki’ Musa, iasan barik i Yosua.
17Jaji nanga datugasa ira dinen itiang maintai lo’a negeri Kana’an, andian jaruma lo’da’, “Jaji lamba’in dinen, lamba’ malaloi daerah Negeb lalo poang inait lo’a gulungan ukiten. 18Mamelekin tana’ dinen. Tau malalako’iin tana’ negeri dinen belekin ati’en bakajung, ati’en alowe’, ati’en bayu’, ati’en kakapit. 19Tana’da’ dinen bele bea ati’en ai balu’a, ti’ maam, ti’ ajau’. Banuada’ dinen bele, andian kosan pakar tagapa dapakadeng kulilingen. 20Tana’da’ dinen bele ti’en bainyak, ti’en ajau’. Kenang bea bua’ asela tana’ dinen suba-suba iawa sapadua mainto’ ibelena iki’,” ingka kenang paba’ina baki’ Musa lo’da’. Jaji musim dinen, mamin musim mondok bua’ bungasa di kobon angguren.
21Jaji barik tangkat lalo ira lo’a dinen, lo’a negeri Kana’an. Lamba’ ira kuliling mamariksa dari kasik Sin sampai mondok lo’a Rehob maro lo’a Hamat inang. 22Lamba’ ira malaloi Negeb lalaong mondok lo’a banua Hebron kosan lalako’a i Abiham, i Sesai, nanna i Talmai dinen, anak kanturunanna i Enak. Banua Hebron dinen dapola memen tuju taun nampina banua Soar di negeri Mesir dinen. 23Mondok ira barik lo’a tana’ antarana gulungan ukiten, asan yang Eskol, dala satundun bua’ angguren. Tunduna aborat jaji, datangkun tau duaan tagantung di kayuun nanna bua’ bokanen kakapit, ambata bua’ delima nanna bua’ araan. 24Dameang asan Eskol lo’a kosan dinen, kole’a raana tundun bua’ angguren yang daalaan inangen.#13:24 Ratina eskol ilalam jarum Ibrani, tundun. 25Jaji akaus ampat pulo’ aso lamba’da’ kukuliling maintaien, baru’ mole’ balik ira.
26Jaji mole’ balik ira lo’a baki’ Musa, baki’ Harun nanna samuana ambata anak kanturunanna baki’ Israel dinen, inang di daerah Kades di kasik Paran. Jaji malapor barik ira di aroda’ nanna samuana tau bayu’en. Sarata dapayoang lo’da’ ambata bua’ asel tana’ indinangen.
27Jaji laporanda’ lo’a baki’ Musa kenang, “Jaji lamba’kam lo’a negeri dinen awan lalo jarumu manyuro’en lo’am. Ibele ikam tana’ indinangen, palin barasel. Ne, di’ lalo bua’ asela ialaan ikam,” ingka kenang. 28“Poangsi tau lalako’en di negeri dinen, palin bakuasaan. Banuada’pi dinen dakulilingi nanna pakar tagapen itiang manyagai lo’da’. Kenang banuada’ baraa kausana. Ikita bea ikam kanturunan raksasa dinen, ambata anak kanturunan Enak.#13:28 Baraa jaji tio’a ambata anak kanturunanna Enak. Daasan kole’a tauen suku raksasa. 29Daerah Negeb dinen dalalako’i kole’a suku Amalek. Daerah ukiten dalalako’i kole’a tau suku Hewi, suku Yebusi, nanna suku Amori. Ira suku Kana’an lalako’ mainso’ lo’a biring kabang jawaan nanna di biringa sunge Yordan,” ingka kenang jarumda’ ilalam laporanna.
30Jaji mamin mulai madan unyina tau bayu’en mandalingaan. Atakut. Jaji dasuro’ maneeng barik di arona baki’ Musa kole’a baki’ Kaleb dinen. Jaji manjarum, “Maam. Se’, lamba’ki’ lalo lo’a dinen mala tana’ dinen lo’da’ itiang dudukanka’. Ikule’ bua iki’, pastiki’ manalo,” ingka kenang manjaruma lo’da’.
31Poangsi manyauti barik ambata arakawanna yang sama datugas itiang maintai dinen, “Na’an. Na’an ikule’ iki’ malawan lo’a suku dinen. Ira indinangen bakajung lo’ka’,” ingka kenang jarumda’. 32Jaji ajau’ barik laporanda’ yang daamborangen antarana tau bayu’en dinen, tutulanda’ lo’a tana’ daintaien dinen. “Negeri ipariksaan ikam dinen, mainya’ angkaan rayata. Tau lalako’en inang ibele ikam, baraa kausana. 33Ikita ikam inang tau suku raksasa dinen,” ingka kenang. Suku Enak lalo dinen kanturunan dari i Nepilim yang tau baraa jajiin tio’a. “Daikam,” ingka, “dalam pamelenam marasa kalenam tungan buntak poang di aroda’. Dalam pameleanda’pi tentu kenang,” ingka kenang jarumda’ manyuro’ aruun lo’a tauen.
Currently Selected:
Pangiraan Suku Israel 13: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
Pangiraan Suku Israel 13
13
Datugas tau itiang maintai lo’a negeri Kana’an
1Jaji maminna ira mamalin lo’a Paran, manjarum barik i Yahuwe lo’a baki’ Musa, 2“Na, manyuro’ tauko itiang maintai lo’a negeri Kana’an dinen, tana’ yang to’ kutawa’i lo’a ambata anak kanturunanna baki’ Israelen. Maira anaka baki’ Israel yang dua belas pariin arung andian kanturunan tata sera yang itugasen, tau maminen padari panguluanen.”
3Jaji dalola’ani paba’ina i Yahuwe kole’a baki’ Musa. Datugas lamba’ tarangkat dari kasik Paran dinen. Yang datugas lamba’ dinen samuana panguluanen di antarana ambata anak kanturunanna baki’ Israel. 4Jaji asanda’ yang datugasen kenang,
Dari kanturunanna baki’ Ruben, baki’ Samua anaka baki’ Sakur.
5Dari kanturunanna baki’ Simeon, baki’ Sapat anaka baki’ Hori.
6Dari kanturunanna baki’ Yehuda, baki’ Kaleb anaka baki’ Yepune.
7Dari kanturunanna baki’ Isakar, baki’ Yigal anaka baki’ Yusup.
8Dari kanturunanna baki’ Epraim, baki’ Hosea anaka baki’ Nun.
9Dari kanturunanna baki’ Benyamin, baki’ Palti anaka baki’ Rapu.
10Dari kanturunanna baki’ Sebulon, baki’ Gadiel anaka baki’ Sodi.
11Dari kanturunanna baki’ Manase, baki’ Gadi anaka baki’ Susi. Baki’ Manase dinen anaka baki’ Yusup.
12Dari kanturunanna baki’ Dan, baki’ Amiel anaka baki’ Gemali.
13Dari kanturunanna baki’ Aser, baki’ Setur anaka baki’ Mikael.
14Dari kanturunanna baki’ Naptali, baki’ Nahbi anaka baki’ Wopsi.
15Dari kanturunanna baki’ Gad, baki’ Guel anaka baki’ Maki.
16Kenang asanna ambata tau datugasen kole’ baki’ Musa itiang maintai lo’a negeri Kana’an. Jaji baki’ Hosea anaka baki’ Nun dinen dapalinang asanna kole’a baki’ Musa, iasan barik i Yosua.
17Jaji nanga datugasa ira dinen itiang maintai lo’a negeri Kana’an, andian jaruma lo’da’, “Jaji lamba’in dinen, lamba’ malaloi daerah Negeb lalo poang inait lo’a gulungan ukiten. 18Mamelekin tana’ dinen. Tau malalako’iin tana’ negeri dinen belekin ati’en bakajung, ati’en alowe’, ati’en bayu’, ati’en kakapit. 19Tana’da’ dinen bele bea ati’en ai balu’a, ti’ maam, ti’ ajau’. Banuada’ dinen bele, andian kosan pakar tagapa dapakadeng kulilingen. 20Tana’da’ dinen bele ti’en bainyak, ti’en ajau’. Kenang bea bua’ asela tana’ dinen suba-suba iawa sapadua mainto’ ibelena iki’,” ingka kenang paba’ina baki’ Musa lo’da’. Jaji musim dinen, mamin musim mondok bua’ bungasa di kobon angguren.
21Jaji barik tangkat lalo ira lo’a dinen, lo’a negeri Kana’an. Lamba’ ira kuliling mamariksa dari kasik Sin sampai mondok lo’a Rehob maro lo’a Hamat inang. 22Lamba’ ira malaloi Negeb lalaong mondok lo’a banua Hebron kosan lalako’a i Abiham, i Sesai, nanna i Talmai dinen, anak kanturunanna i Enak. Banua Hebron dinen dapola memen tuju taun nampina banua Soar di negeri Mesir dinen. 23Mondok ira barik lo’a tana’ antarana gulungan ukiten, asan yang Eskol, dala satundun bua’ angguren. Tunduna aborat jaji, datangkun tau duaan tagantung di kayuun nanna bua’ bokanen kakapit, ambata bua’ delima nanna bua’ araan. 24Dameang asan Eskol lo’a kosan dinen, kole’a raana tundun bua’ angguren yang daalaan inangen.#13:24 Ratina eskol ilalam jarum Ibrani, tundun. 25Jaji akaus ampat pulo’ aso lamba’da’ kukuliling maintaien, baru’ mole’ balik ira.
26Jaji mole’ balik ira lo’a baki’ Musa, baki’ Harun nanna samuana ambata anak kanturunanna baki’ Israel dinen, inang di daerah Kades di kasik Paran. Jaji malapor barik ira di aroda’ nanna samuana tau bayu’en. Sarata dapayoang lo’da’ ambata bua’ asel tana’ indinangen.
27Jaji laporanda’ lo’a baki’ Musa kenang, “Jaji lamba’kam lo’a negeri dinen awan lalo jarumu manyuro’en lo’am. Ibele ikam tana’ indinangen, palin barasel. Ne, di’ lalo bua’ asela ialaan ikam,” ingka kenang. 28“Poangsi tau lalako’en di negeri dinen, palin bakuasaan. Banuada’pi dinen dakulilingi nanna pakar tagapen itiang manyagai lo’da’. Kenang banuada’ baraa kausana. Ikita bea ikam kanturunan raksasa dinen, ambata anak kanturunan Enak.#13:28 Baraa jaji tio’a ambata anak kanturunanna Enak. Daasan kole’a tauen suku raksasa. 29Daerah Negeb dinen dalalako’i kole’a suku Amalek. Daerah ukiten dalalako’i kole’a tau suku Hewi, suku Yebusi, nanna suku Amori. Ira suku Kana’an lalako’ mainso’ lo’a biring kabang jawaan nanna di biringa sunge Yordan,” ingka kenang jarumda’ ilalam laporanna.
30Jaji mamin mulai madan unyina tau bayu’en mandalingaan. Atakut. Jaji dasuro’ maneeng barik di arona baki’ Musa kole’a baki’ Kaleb dinen. Jaji manjarum, “Maam. Se’, lamba’ki’ lalo lo’a dinen mala tana’ dinen lo’da’ itiang dudukanka’. Ikule’ bua iki’, pastiki’ manalo,” ingka kenang manjaruma lo’da’.
31Poangsi manyauti barik ambata arakawanna yang sama datugas itiang maintai dinen, “Na’an. Na’an ikule’ iki’ malawan lo’a suku dinen. Ira indinangen bakajung lo’ka’,” ingka kenang jarumda’. 32Jaji ajau’ barik laporanda’ yang daamborangen antarana tau bayu’en dinen, tutulanda’ lo’a tana’ daintaien dinen. “Negeri ipariksaan ikam dinen, mainya’ angkaan rayata. Tau lalako’en inang ibele ikam, baraa kausana. 33Ikita ikam inang tau suku raksasa dinen,” ingka kenang. Suku Enak lalo dinen kanturunan dari i Nepilim yang tau baraa jajiin tio’a. “Daikam,” ingka, “dalam pamelenam marasa kalenam tungan buntak poang di aroda’. Dalam pameleanda’pi tentu kenang,” ingka kenang jarumda’ manyuro’ aruun lo’a tauen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997