Matius 3

I Yohanes Pambaptis manjarum di kosan ateengen

Mk. 1:1-8; Lk. 3:3-18; Yoh. 1:19-28

1Jaji waktu nanga dinen mondok i Yohanes Pambaptis di propinsi Yudea di kosan ateengen. 2Jaji manyuro' lo'a tau yang mondoken, “Rantangikin pikirannin yang sala'en. Kole'a mainso' mamin baya dinen, baya Surga to' mangkama lo'ka'”, Mat. 4:17; Mk. 1:15. ingka kenang. 3Jaji i Yohanes ia lalo dinen yang dabayaangen memen kole'a panjaruma Alatalajo yang daasanen baki' Yesaya. Jaji dalam jaruma dinen,

Andian ona' tau nanna unyi baraana manjarum di kosan ateengen, Kamas-kamaskin pamaami dalan to' mondoka Paraampuanka' mainto' salalasa, ingka kenang ona' manjaruma, Yes. 40:3.

ingka kenangjo manjaruma baki' Yesaya.

4I Yohanes lalo dinen yang arakain nanna kain kasaren yang daanam nanna bulu inatang unta, sarata mamakai katinggang kulit inatangen di awaka. Kaananna dinen buntaken nanna danum wanyiin.#3:4 Yohanes dinen kainna awan biasa dapakaien kole'a panjaruma Alatala. 2Raj. 1:8; Sak. 13:4 5-6Bayu' bua tauen yang mondok lo'a i Yohanes indinangen. Daaku'i kajau'anda' sarata dabaptis di sunge Yordan. Yang mondoken dinen, andian dari banua Yerusalem, andian dari propinsi Yudea, andian bea dari gulungan banua sibiring-biringanen nanna sunge Yordan dinen.Im. 5:5; PalPa. 19:18.

7Jaji andian bea tau mondoken, ambata panguluan agama Yahudiin, tau golongan Parisiin nanna tau golongan Sadukiin. Jaji dakita kole'a i Yohanes ira mondoken dinen, manjarum barik lo'da', “Daikin lalo di'en yang sarang jalu ajau'en. Tungan urarkin. Mai daikin mondokin lo'a di'en? Ai, to' suro' baptis kalenin itiang pasutang kalenin lo'a arasina Alatala yang to' dalao'en lo'in? Intain poang manjarumiin lo'in manyuro' kenang?” ingka kenang i Yohanes lo'da'.PalPa. 23:8.

8“Daikin dinen, na'ankin mainya' to' maunjang pikirannin yang sala'en. Ti'enkin tapat-tapat to' maunjang kasala'annin, to' mamakai panamuna Alatala, arung andian bua' asela itiang buktina. Arung tapalin basanin,” ingka kenang. 9“Ada' jarumina kalenin ilalam atenin, Maam. Daikam lalo di'en kanturunanna baki' Abraham. Kosan mai, ikin kenang kakaru'. Kapisikin kanturunan baki' Abraham ti'kin alibak maunjang pikirannin yang sala'en. Manjarumak tapat-tapat lo'in, ti' kapentingan kanturunanna baki' Abraham, dari batuunpi di'en pande dari purina kole'a Alatala,” ingka kenang i Yohanes manjaruma lo'da' dinen.Yoh. 8:33.

10“Jaji daiak mamakai sama' jarumak. Kapaken mamin dakamasang to' manabang akat kayuun. Gulungan kayu yang ajau'en bua'a to' databang, to' datampeang di apiin,” ingka kenang lo'da'.Mat. 7:19; Yoh. 15:1-4.

11“Daiak di'en, kubaptiskin nanna danumen, iala manjarumang kalenin to' idunjang barik ikin pikirannin yang sala'en. Poangsi andian ona' tau mondoken lo'in imundiku' di'en. Daia dinen baraa pakaina, baraa pangkata, baraa lagi' lo'ku'. Daiakpi di'en na'anak patut mainso'i lo'a kole'a baraana dinen. Kapisi karaja pangkat yang palin akeke'en, kapisi pamben sandala, na'anak patut mangarajaang,” ingka kenang. “Daia dinen to' mambaptis lo'in nanna Sumangat Bareseen, to' mambaptis lo'in sapa dua nanna apiin. 12Isama'ang lo'a musim matamen. Di tanganna dinen daawa tapanen, datapi dinen ase kombongen. Awanga dinen datutung di apiin yang na'anen mainya' imasami. Yang isina dinen lalo yang dakapulungangen, daapis di pamoranen,” ingka kenang i Yohanes lo'da' tau Parisiin nanna tau Sadukiin.

I Yesus dabaptis kole'a i Yohanes

Mk. 1:9-11; Lk. 3:21-22; Yoh. 1:32-34

13Jaji barik maminna dinen de'i, mondok barik i Yesus lo'a i Yohanes, mondok dari Galilea lo'a sunge Yordan. Daia suro' baptis kalena lo'a i Yohanes. 14To' alibak bua i Yohanes mambaptis lo'a, “Mondokko kakaru' lo'ku'. Sapatuta arung iak ibaptis iko!” ingka kenang i Yohanes lo'a i Yesus.

15Jaji dasauti kole'a i Yesus, “Kenang poang ijolo, mainto' adarina kole'ka' panamuna Alatala,” ingka kenang i Yesus lo'a i Yohanes. Mamin dinen mainya' barik i Yohanes mambaptis lo'a.

16Jaji maminna barik dabaptis, mobos barik dari danumen, dakita barik suanen tabae'. Tador barik Sumangat Bareseen balu' burung merpatiin yang manando' lo'a. 17Laloang dadalinga andian unyi baraa'en yang mondoken dari suanen, “Di'en lalo anak kukasaangen,” ingka kenang. “Sasau tapat nyawaku' lo'a,” ingka kenang unyi baraa'en dinen.Mul. 22:2; Msm. 2:7; Yes. 42:1; Mat. 12:18; 17:5; Lk. 9:35.

Currently Selected:

Matius 3: EBE

Highlight

Copy

Compare