Matius 23
23
Dapase'angki' malola'ani sontona tau Parisiin
Mk. 12:38-40; Lk. 11:37-52; 20:45-47
1Jaji barik manjarum i Yesus lo'a gulungan tau babangkulungen, lo'a palola'a, 2-3“Na di'en gulungan tau toa adaten, gulungan tau Parisiin, arung ilola'ani ikin kausa jarum pangajaranda' dinen. Kole'a daira dinen aduduk bua di ale' kasan mawa tugasa baki' Musajo dinen. Ada' poang ilola'anina sontoda'. Kole'a ira dinen datamu manjarumi tau, na'an datamu malola'ani pangajaran jarum diri'a. 4Sama' jarumku', mainya' ira mangamasang jalu aboraten. Pangajaran dari Ukuma Alatala dakadani nanna atoran pamola kadiri'. Dajaratang, dasuro' san lo'a tauen. Poangsi diri'a dinen na'an mainya' tamba manyan. Na'an dampe pakaji' anak tunjuka itiang manju' lo'a ambenanda' yang aboraten,” ingka kenang manjaruma i Yesus lo'da'.
5“Gulungan ambata basada' dinen, kosan laan, mainto' datamu tauna. Belejo raana jalu dapalakaten di takiara, di uluna, panuan Jaruma Alatala yang datulisangen. Belejo langkena rombo kainda'.Bil. 15:38; Ul. 6:8; Mat. 6:1. 6Mainya' jaji to' aduduk di kosan tau baraa'en pakaina di gulungan rami-rami tauen, di gulungan sao sambayangen. 7Mainya' jaji di pasaren dasalam tau. Mainya' jaji daasan kole'a tauen dinen, Pa' Guru yang terhormat,” ingka kenang i Yesus lo'da'.
Dapase'angki' bagap lo'a arasairunka' ilalam i Yesus
8“Poangsi daikin di'en antaraka', ada' yang iasanen Pa' Guru. Kole'a sera poang gurunin. Samuanin di'en sairunkin,” ingka kenang. 9“Ada' bea panguluan gulunganka' indi'angen di duniaan iasan Bapak. Kole'a sera poang Ama'ka', ialalo Ama'ka' di Surga. 10Ada' bea yang iasanen Pak Pendeta yang terhormat. Kole'a sera poang panguluannin yang patuten ihormatiin awan dinen, ialalo Kristus,” ingka kenang. 11“Yang tau palin baraa'en antaranin, arung ia jaji suro'annin.Mat. 20:26-27; Mk. 9:35; 10:43-44; Lk. 22:26. 12Kole'a intain paraa'en kalena, dinen ona' to' dapakeke'. Kenang bapi intain pakeke'en kalena, ia ona' yang to' daparaa'en,” ingka kenang lo'da'. Lk. 14:11; 18:14.
I Yesus manjarumi lo'a gulungan toa adaten nanna tau Parisiin
13“Mase' poang nyawanin ona' ikin toa adaten nanna tau Parisiin! Tau mamis baba'in masam atenin. Ikaputi ikin mambanganen yang lo'aan kangkaman Surga, ipase'ang lo'a tauen intama. Daikin diri'in na'ankin intama padari panduduk kangkaman Surga. Tau bokanenpi yang bainginen to' intama, ipase'ang bapi ikin,” ingka kenang lo'da'.
14[“Mase' poang nyawanin ona', ikin toa adaten nanna tau Parisiin! Tau mamis baba'in masam atenin. Ibalakanga tauen makal-akalkin itiang marampas saona gulungan bainye baluun. Barik dinen di arona tauen bado'akin balangke-langke mainto' kalo'in na'anna paita kajau'annin. Daikin ona' labi baraa ukumin kole'a basanin dinen,” ingka kenang lo'da'.] .
15“Mase' poang nyawanin ona', ikin toa adaten nanna tau Parisiin. Tau mamis baba'in masam atenin. Sampai bayokin manyari tau to' isuro' masok lo'a agamanin. Kapisi mantuari sera poang, sampai bayokin! Barik dinen ti' mamin masok, iajar ikin ipadari ikin panduduk Banua Apiin. Ipola ikin duang kali lipat ajau'a lo'in,” ingka kenang lo'da'.
16“Mase' poang nyawanin ona', ikin tau panguluan bautaan! Asi lo'a pangajarannin? Ti' tau to' pakarasang lo'a jaruma mainto' daparasaya'i tauna, ti', Kapisi Saona Alatala, ingka kenang, na'an jaji ai kalo'in, na'an balasa. Ti' demi amasen yang di saona Alatala inang, baru' balasa. Baru' atakut masan sambarangen,” ingka kenang i Yesus lo'da'. 17“Tau bautakin, tau rabor-raborkin. Suba pikir, inde baraa'en, amasen atau saona Alatala. Amasen dinen, yang manyuro' suci bareseen lo'a, kole'a lalo inang di sao dalalako'iin kole'a Alatala. Dinen yang manyuro' bareseen lo'a,” ingka kenang.
18“Asi lo'a pangajarannin di'en? Ti' tau to' pakarasang lo'a jaruma mainto' daparasaya'i tauna, ti' kapisi kas pamindaraan ingka kenang, na'an jaji ai kalo'in. Na'an balasa. Ti'en demi jalu dapamindaraan inang, baru' balasa. Baru' atakut masan sambarangen,” ingka kenang i Yesus. 19“Ikin lalo tau bautaan! Inde baraa'en, jalu dapamindaraan atau kas pamindaraan. Jalu dapamindaraan inang, yang manyuro' suci bareseen lo'a, kole'a lalo dapamindaraan lo'a Alatala inang,” ingka kenang.
20“Jaji kenang. Ti' tau to' pakarasang jaruma, ti' kapisi kas pamindaraan ingka kenang, talola' kausa inang, maam kas pamindaraan, maam jalu dapamindaraan inang. 21Kenang bapi ti' tau to' pakarasang jaruma demi saona Alatala, talola' kausa jalu ilalam saona inang. Tamba bea Alatalaka' yang lalako'en inang dala saksiin. 22Kenang bapi ti' tau pakarasangen jaruma demi Surga, tamba kausa inang, maam ale' kasanna Alatala, maam bea diri'a yang aduduken inang. Talola' samuana dala pakarasang jaruma. Kenang ratina,” ingka kenang i Yesus lo'da'.Yes. 66:1; Mat. 5:33-36.
23“Mase' poang nyawanin ona', ikin toa adaten nanna tau Parisiin! Tau mamis baba'in masam atenin. Bayokkin tapat mamayar paresen. Gulungan asel bumbu dampe, jalu itanamen ikin, imeang kausa ikin sapulo' paresen. Maam selasih, maam adas mamis, maam jintanen, ibayar kausa ikin paresenna. Padahal yang jalu bajao' pentinga di Ukuma Alatala, dinen pande ilaloi ikin, yang basa tapatka' lo'a tauen, yang basa mangamase'iin tauen, yang basa pandeen iparasaya'iin kole'a tauen,” ingka kenang. “Yang mandua'en, arung dinen ilola'aniin, sarata nanna yang bokanen dinen de'i arung ilola'ani bea.Im. 27:30. 24Panguluan bautaankin manyeledikinin! Danum isaring ikin paunjang kutu danumen, padahal inatang unta pande italan ikin!” ingka kenang i Yesus lo'da'.
25“Mase' poang nyawanin ona', ikin toa adaten nanna tau Parisiin. Tau mamis baba'in masam atenin. Ambata sawannin, ambata pinggannin ikusuk. Bayokkin mamareseen. Poangsi sama'a, mamaresenin dinen, balu' jalu balakanga poang ibareseen, ikusuken ikin. Arona na'an ikusuk. Awan lalo jalu apano'pi nanna kotorannen, ambata asel jalu irampasen ikin lo'a tauen, jalu manyari kasenangan diri'in. 26Tau Parisiin bautakin! Suba arona ibareseen tajolo, dinen gelasen, pinggananen. Ti' mamin barese ilalam, tentu talola' barese bua samuana,” ingka kenang i Yesus lo'da'.
27“Mase' poang nyawanin ona', ikin toa adaten nanna tau Parisiin! Tau mamis baba' masam atenin. Daikin di'en awan lalo kuburen, isaten insaluan nanna sat ute'-ute'en. Maam tapat beleanna insaluanen. Padahal ilalama kuburen, apano' nanna gulungan tolang tau mateen, gulungan jalu kotoren,” ingka kenang manjaruma i Yesus lo'da'.PalPa. 23:3. 28“Sabangon bua daikin nanna kuburen dinen. Insaluanen dinen, beleannin tau tapat. Ilalama atenin dinen apano' nanna pikiran pako-akoon, apano' nanna basa kajau'annen,” ingka kenang i Yesus lo'da'.
29“Mase' poang nyawanin ona', ikin toa adaten nanna tau Parisiin! Tau mamis baba'in masam atenin. Mangulambuangkin lo'a ambata panjaruma Alatala yang tau ijoloon. Ipamaami ikin ambata kulambuna tau ijoloon yang tau tapaten yang dauno'enjo kole'a arabakinin dinen. 30Barik dinen manjarumkin, Ti' ikamjo tio'en, na'ankam mauno', na'ankam malola'ani basana arabakinam, arapiangam yang ijoloon, ingka kenang jarumin. 31Jaji nanna jarumin lalo dinen ikin mangaku' diri'in kanturunan tau mauno'en lo'a panjaruma Alatala. 32Na, kenang mainya'. Patuli jaji ikin kajau'anna arapiangin, arabakinin mainto' sukupa kole'in,” ingka kenang i Yesus lo'da'.
33“Daikin di'en, ikin lalo sarang uraren, urar yang balasaan. Ai lo'a pasutanga kalenin yang tau to' daukumen di Nerakaan?” ingka kenang manjaruma i Yesus lo'da'.Mat. 3:7; 12:34; Lk. 3:7. 34“Dinen lalo ratina to' kusuro'a tauen mondok lo'in. Ambata tau panjarumen, ambata tau datamuun pasitimbangang jalu ajau'en nanna jalu maamen, ambata guruun kusuro'en lo'in. Sapa dua ona' to' iduno' ikin, to' isalip. Sapa dua ona' to' isupet ikin di sao sambayangen. To iririaan ikin, ilola'-lola' ikin dari banua sera lo'a banua seraan. 35Dinen lalo ratina to' lo'in alao'a ukuma samuana basa ajau'in nanna arabakinin. Tarangkat nanna baki' Habeljo, yang tau tapaten dinen, mondok lo'a baki' Sakaria anaka baki' Berekia yang iduno'en ikinjo inang antarana kosan bareseen nanna kas pamindaraan, samuana dinen alao' barik lo'in,” ingka kenang i Yesus.Mul. 4:8; 2Taw. 24:20-21. 36“Manjarumak tapat-tapat, samuana parabasanin nanna arabakinin dinen tulak ijoloon mondok awandi'en, mondok di ona'en to' isuro' tanggung kausa lo'in di tatakka' di'en,” ingka kenang i Yesus lo'da'.
I Yesus manangisi banua Yerusalem
Lk. 13:34-35
37Barik dinen manjarum i Yesus lo'a tau banua Yerusalem, “Yerusalem, O Yerusalem, ikin lalo tau yang mauno'en dinen lo'a panjaruma Alatala, yang mamaratiin nanna batuun lo'a tau mondoken, yang isuro'en lo'in. Baingin jajiak lo'in. Arapatku' mamin to' mangumpulang lo'in, to' malindungin awan lalo manuken mangumpulungang anaka inyaunga sapa,” ingka kenang. “Poangsi daikin, alibakkin. 38Na, kenang mainya'. Bele ona', kosan di'en ateenga. Kurantang iak poang kenang. Na'an lagi' ikaruangi,” ingka kenang. 39“Manjarumak lo'in, na'ankin to' sidua' bapi nanku'. Sidua' na'an sidua', to' ipaba'iak ikin, Ipamaamko yang tau mondoken atas asanna Parampuanen! ikin ona' lo'ku!” ingka kenang i Yesus lo'da'.Msm. 118:26.
Currently Selected:
Matius 23: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
Matius 23
23
Dapase'angki' malola'ani sontona tau Parisiin
Mk. 12:38-40; Lk. 11:37-52; 20:45-47
1Jaji barik manjarum i Yesus lo'a gulungan tau babangkulungen, lo'a palola'a, 2-3“Na di'en gulungan tau toa adaten, gulungan tau Parisiin, arung ilola'ani ikin kausa jarum pangajaranda' dinen. Kole'a daira dinen aduduk bua di ale' kasan mawa tugasa baki' Musajo dinen. Ada' poang ilola'anina sontoda'. Kole'a ira dinen datamu manjarumi tau, na'an datamu malola'ani pangajaran jarum diri'a. 4Sama' jarumku', mainya' ira mangamasang jalu aboraten. Pangajaran dari Ukuma Alatala dakadani nanna atoran pamola kadiri'. Dajaratang, dasuro' san lo'a tauen. Poangsi diri'a dinen na'an mainya' tamba manyan. Na'an dampe pakaji' anak tunjuka itiang manju' lo'a ambenanda' yang aboraten,” ingka kenang manjaruma i Yesus lo'da'.
5“Gulungan ambata basada' dinen, kosan laan, mainto' datamu tauna. Belejo raana jalu dapalakaten di takiara, di uluna, panuan Jaruma Alatala yang datulisangen. Belejo langkena rombo kainda'.Bil. 15:38; Ul. 6:8; Mat. 6:1. 6Mainya' jaji to' aduduk di kosan tau baraa'en pakaina di gulungan rami-rami tauen, di gulungan sao sambayangen. 7Mainya' jaji di pasaren dasalam tau. Mainya' jaji daasan kole'a tauen dinen, Pa' Guru yang terhormat,” ingka kenang i Yesus lo'da'.
Dapase'angki' bagap lo'a arasairunka' ilalam i Yesus
8“Poangsi daikin di'en antaraka', ada' yang iasanen Pa' Guru. Kole'a sera poang gurunin. Samuanin di'en sairunkin,” ingka kenang. 9“Ada' bea panguluan gulunganka' indi'angen di duniaan iasan Bapak. Kole'a sera poang Ama'ka', ialalo Ama'ka' di Surga. 10Ada' bea yang iasanen Pak Pendeta yang terhormat. Kole'a sera poang panguluannin yang patuten ihormatiin awan dinen, ialalo Kristus,” ingka kenang. 11“Yang tau palin baraa'en antaranin, arung ia jaji suro'annin.Mat. 20:26-27; Mk. 9:35; 10:43-44; Lk. 22:26. 12Kole'a intain paraa'en kalena, dinen ona' to' dapakeke'. Kenang bapi intain pakeke'en kalena, ia ona' yang to' daparaa'en,” ingka kenang lo'da'. Lk. 14:11; 18:14.
I Yesus manjarumi lo'a gulungan toa adaten nanna tau Parisiin
13“Mase' poang nyawanin ona' ikin toa adaten nanna tau Parisiin! Tau mamis baba'in masam atenin. Ikaputi ikin mambanganen yang lo'aan kangkaman Surga, ipase'ang lo'a tauen intama. Daikin diri'in na'ankin intama padari panduduk kangkaman Surga. Tau bokanenpi yang bainginen to' intama, ipase'ang bapi ikin,” ingka kenang lo'da'.
14[“Mase' poang nyawanin ona', ikin toa adaten nanna tau Parisiin! Tau mamis baba'in masam atenin. Ibalakanga tauen makal-akalkin itiang marampas saona gulungan bainye baluun. Barik dinen di arona tauen bado'akin balangke-langke mainto' kalo'in na'anna paita kajau'annin. Daikin ona' labi baraa ukumin kole'a basanin dinen,” ingka kenang lo'da'.] .
15“Mase' poang nyawanin ona', ikin toa adaten nanna tau Parisiin. Tau mamis baba'in masam atenin. Sampai bayokin manyari tau to' isuro' masok lo'a agamanin. Kapisi mantuari sera poang, sampai bayokin! Barik dinen ti' mamin masok, iajar ikin ipadari ikin panduduk Banua Apiin. Ipola ikin duang kali lipat ajau'a lo'in,” ingka kenang lo'da'.
16“Mase' poang nyawanin ona', ikin tau panguluan bautaan! Asi lo'a pangajarannin? Ti' tau to' pakarasang lo'a jaruma mainto' daparasaya'i tauna, ti', Kapisi Saona Alatala, ingka kenang, na'an jaji ai kalo'in, na'an balasa. Ti' demi amasen yang di saona Alatala inang, baru' balasa. Baru' atakut masan sambarangen,” ingka kenang i Yesus lo'da'. 17“Tau bautakin, tau rabor-raborkin. Suba pikir, inde baraa'en, amasen atau saona Alatala. Amasen dinen, yang manyuro' suci bareseen lo'a, kole'a lalo inang di sao dalalako'iin kole'a Alatala. Dinen yang manyuro' bareseen lo'a,” ingka kenang.
18“Asi lo'a pangajarannin di'en? Ti' tau to' pakarasang lo'a jaruma mainto' daparasaya'i tauna, ti' kapisi kas pamindaraan ingka kenang, na'an jaji ai kalo'in. Na'an balasa. Ti'en demi jalu dapamindaraan inang, baru' balasa. Baru' atakut masan sambarangen,” ingka kenang i Yesus. 19“Ikin lalo tau bautaan! Inde baraa'en, jalu dapamindaraan atau kas pamindaraan. Jalu dapamindaraan inang, yang manyuro' suci bareseen lo'a, kole'a lalo dapamindaraan lo'a Alatala inang,” ingka kenang.
20“Jaji kenang. Ti' tau to' pakarasang jaruma, ti' kapisi kas pamindaraan ingka kenang, talola' kausa inang, maam kas pamindaraan, maam jalu dapamindaraan inang. 21Kenang bapi ti' tau to' pakarasang jaruma demi saona Alatala, talola' kausa jalu ilalam saona inang. Tamba bea Alatalaka' yang lalako'en inang dala saksiin. 22Kenang bapi ti' tau pakarasangen jaruma demi Surga, tamba kausa inang, maam ale' kasanna Alatala, maam bea diri'a yang aduduken inang. Talola' samuana dala pakarasang jaruma. Kenang ratina,” ingka kenang i Yesus lo'da'.Yes. 66:1; Mat. 5:33-36.
23“Mase' poang nyawanin ona', ikin toa adaten nanna tau Parisiin! Tau mamis baba'in masam atenin. Bayokkin tapat mamayar paresen. Gulungan asel bumbu dampe, jalu itanamen ikin, imeang kausa ikin sapulo' paresen. Maam selasih, maam adas mamis, maam jintanen, ibayar kausa ikin paresenna. Padahal yang jalu bajao' pentinga di Ukuma Alatala, dinen pande ilaloi ikin, yang basa tapatka' lo'a tauen, yang basa mangamase'iin tauen, yang basa pandeen iparasaya'iin kole'a tauen,” ingka kenang. “Yang mandua'en, arung dinen ilola'aniin, sarata nanna yang bokanen dinen de'i arung ilola'ani bea.Im. 27:30. 24Panguluan bautaankin manyeledikinin! Danum isaring ikin paunjang kutu danumen, padahal inatang unta pande italan ikin!” ingka kenang i Yesus lo'da'.
25“Mase' poang nyawanin ona', ikin toa adaten nanna tau Parisiin. Tau mamis baba'in masam atenin. Ambata sawannin, ambata pinggannin ikusuk. Bayokkin mamareseen. Poangsi sama'a, mamaresenin dinen, balu' jalu balakanga poang ibareseen, ikusuken ikin. Arona na'an ikusuk. Awan lalo jalu apano'pi nanna kotorannen, ambata asel jalu irampasen ikin lo'a tauen, jalu manyari kasenangan diri'in. 26Tau Parisiin bautakin! Suba arona ibareseen tajolo, dinen gelasen, pinggananen. Ti' mamin barese ilalam, tentu talola' barese bua samuana,” ingka kenang i Yesus lo'da'.
27“Mase' poang nyawanin ona', ikin toa adaten nanna tau Parisiin! Tau mamis baba' masam atenin. Daikin di'en awan lalo kuburen, isaten insaluan nanna sat ute'-ute'en. Maam tapat beleanna insaluanen. Padahal ilalama kuburen, apano' nanna gulungan tolang tau mateen, gulungan jalu kotoren,” ingka kenang manjaruma i Yesus lo'da'.PalPa. 23:3. 28“Sabangon bua daikin nanna kuburen dinen. Insaluanen dinen, beleannin tau tapat. Ilalama atenin dinen apano' nanna pikiran pako-akoon, apano' nanna basa kajau'annen,” ingka kenang i Yesus lo'da'.
29“Mase' poang nyawanin ona', ikin toa adaten nanna tau Parisiin! Tau mamis baba'in masam atenin. Mangulambuangkin lo'a ambata panjaruma Alatala yang tau ijoloon. Ipamaami ikin ambata kulambuna tau ijoloon yang tau tapaten yang dauno'enjo kole'a arabakinin dinen. 30Barik dinen manjarumkin, Ti' ikamjo tio'en, na'ankam mauno', na'ankam malola'ani basana arabakinam, arapiangam yang ijoloon, ingka kenang jarumin. 31Jaji nanna jarumin lalo dinen ikin mangaku' diri'in kanturunan tau mauno'en lo'a panjaruma Alatala. 32Na, kenang mainya'. Patuli jaji ikin kajau'anna arapiangin, arabakinin mainto' sukupa kole'in,” ingka kenang i Yesus lo'da'.
33“Daikin di'en, ikin lalo sarang uraren, urar yang balasaan. Ai lo'a pasutanga kalenin yang tau to' daukumen di Nerakaan?” ingka kenang manjaruma i Yesus lo'da'.Mat. 3:7; 12:34; Lk. 3:7. 34“Dinen lalo ratina to' kusuro'a tauen mondok lo'in. Ambata tau panjarumen, ambata tau datamuun pasitimbangang jalu ajau'en nanna jalu maamen, ambata guruun kusuro'en lo'in. Sapa dua ona' to' iduno' ikin, to' isalip. Sapa dua ona' to' isupet ikin di sao sambayangen. To iririaan ikin, ilola'-lola' ikin dari banua sera lo'a banua seraan. 35Dinen lalo ratina to' lo'in alao'a ukuma samuana basa ajau'in nanna arabakinin. Tarangkat nanna baki' Habeljo, yang tau tapaten dinen, mondok lo'a baki' Sakaria anaka baki' Berekia yang iduno'en ikinjo inang antarana kosan bareseen nanna kas pamindaraan, samuana dinen alao' barik lo'in,” ingka kenang i Yesus.Mul. 4:8; 2Taw. 24:20-21. 36“Manjarumak tapat-tapat, samuana parabasanin nanna arabakinin dinen tulak ijoloon mondok awandi'en, mondok di ona'en to' isuro' tanggung kausa lo'in di tatakka' di'en,” ingka kenang i Yesus lo'da'.
I Yesus manangisi banua Yerusalem
Lk. 13:34-35
37Barik dinen manjarum i Yesus lo'a tau banua Yerusalem, “Yerusalem, O Yerusalem, ikin lalo tau yang mauno'en dinen lo'a panjaruma Alatala, yang mamaratiin nanna batuun lo'a tau mondoken, yang isuro'en lo'in. Baingin jajiak lo'in. Arapatku' mamin to' mangumpulang lo'in, to' malindungin awan lalo manuken mangumpulungang anaka inyaunga sapa,” ingka kenang. “Poangsi daikin, alibakkin. 38Na, kenang mainya'. Bele ona', kosan di'en ateenga. Kurantang iak poang kenang. Na'an lagi' ikaruangi,” ingka kenang. 39“Manjarumak lo'in, na'ankin to' sidua' bapi nanku'. Sidua' na'an sidua', to' ipaba'iak ikin, Ipamaamko yang tau mondoken atas asanna Parampuanen! ikin ona' lo'ku!” ingka kenang i Yesus lo'da'.Msm. 118:26.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997