Matius 22
22
Rami-rami tau sialaan dala sama' jarum
Lk. 14:15-24
1Jaji i Yesus mamakai sama' jarum bapi lo'da', 2“Kenang lalo kangkamanna Alatala adarina, awan tutulan di'en,” ingka kenang. "Andian tau raja dinen to' pasialaang lo'a anaka, dakamasang ambata jalu kaan pangkaan lo'a pangabangen. 3Mamin barik dakamasang jalu kaanen, suro'anna dinen dasuro' mala tau yang dakampitangen dinen, dasuro' mondok lo'a rami-ramiin. Poangsi kosan tau paduli, kosan tau mainya' malola' lo'a.
4"Jaji dasuro' bapi suro'anna. Manjarumikin lo'da', ingka, mamin kamas jalu kaanen. Mamin kusembeli anak sapiin umur sataunen. Ambata sapi babago'en mamin bea kusembeli. Samuana mamin kamas. Se' tambakin rami-rami nanku', ingka kenang paba'ina.
5"Jaji barik, suro'anna dinen manjarumanga lo'a tauen, kosan tau paduli, kosan mainya'en tamba. Inyap tauen. Sera inyap lo'a umaan, sera inyap badagang. 6Yang bokanpi dinen laloang maningkam lo'a suro'anna dinen. Daparinsa'i barik, dauno'. 7Jaji arabulu tapat atena dinen rajaan, dasuro' dinen tentarana mamalas lo'da'. Tau pauno'en dinen de'i dauno'. Datutung barik banuada' dinen.
8"Jaji manjarum bapi rajaan lo'a suro'anna, Na, di' mamin kamas rami-ramika' to' pasialaang lo'a anakka'. Poangsi gulungan tau ikampitangen de'i, ajau'. 9Se' tarangkatkin bapi lo'a ambata dalan baraa'en manyari tau. Baranga poang tau sidua'en nannin awa kausa ikin kampitang lo'a rami-ramika', ingka kenang manjaruma rajaan lo'a suro'anna. 10Jaji barik dalola'ani jarum dinen, lamba' lo'a ambata dalan baraa'en. Baranga poang tau mainya'en yang sidua'en nanna, tau ajau' basana, tau maam basana, takampit kausa lo'a ramina araanaka dinen. Rabarik dinen apano' barik saoen mamondokiin ramina anaka.
11"Poangsi barik tauen rami inang, intama barik rajaan to' mamele pangabanga. Jaji dabele tau inangen andian sera na'anen mamakai kain tau pangabangen, na'an mamakai kain adaten. 12Jaji barik manjarum dinen rajaan, O kawan, ai daiko mondoku intama lo'a di'en, na'annu mamakai kain adat pangamasang pangabangen? ingka kenang lo'a tau dinen. Jaji na'an dapat manyauti lo'a jaruma rajaan.
13“Jaji barik manjarum raja lo'a suro'anna, Tau dinen ingkat poang ikin, kakina tanganna. Tampeang poang insaluan lo'a jalu araunen. Inang to' manyanyarawang anangisa, dapasikokotang isina lasana susana inangen, ingka kenang manjaruma rajaan lo'a suro'anna,” ingka kenang tutulanna i Yesus.Mat. 8:12; 25:30; Lk. 13:28.
14“Kole'a bayu' lalo yang tau dakampitangen. Poangsi kakapit bua yang daile'iin,” ingka kenang i Yesus lo'da'.
Tauen mangatoanang lo'a bayaran sukaien
Mk. 12:13-17; Lk. 20:20-26
15Jaji barik lamba' dinen tau Parisiin, to' maimpa' lo'a, mawa sala' lo'a i Yesus ilalam jaruma. 16Jaji barik dasuro' tauen lo'a i Yesus, ambata palola'a tau Parisiin dinen nanna tau golongan Herodes sapa dua. Jaji manjarum ira majo'-ajo' lo'a i Yesus, “O Pa' Guru,” ingka, “Daiko di'en, tau tapatko. Na'anko atakut lo'a tauen, mamin itamu ikam. Na'anko manampi' lo'a tau sera labi lo'a seraan. Sama ratako manjarumang dalanna Alatala yang jalu tapaten lo'a tauen,” ingka kenang ira lo'a i Yesus. 17“Jaji ai lo'a di adatka'. Daikam di'en mamayar sukainam, pande te' lo'a Raja Kaisar, na'an te'? Ai lo'a pandua'angu?” ingka kenang matoanina lo'a i Yesus, to' manyari sala'a.
18Poangsi datamu ateda' yang ajau'en kole'a i Yesus. Jaji manjarum lo'da', “Ajau' jajikin. Ikin yang tau mamis baba'in masam atenin! Maisi daikin mangilalainin lo'ku'? 19Subakin mamayoang lo'ku' sapapak duiten yang pamayar sukaien dinen. To' kubele,” ingka kenang i Yesus lo'da'. Jaji daawa barik lo'a sadinar. 20“Na, gambara intain di', capa intain di',” ingka kenang i Yesus lo'da'.
21“Cap Kaisar Raja Roma,” ingka kenang ira lo'a.
“Jaji kenang kausa jaluun. Jalu maminen itamu Kaisar ampunaan, lo'a Kaisar bea mameangin. Jalu maminen itamu Alatala ampunaan, lo'a Alatala bea mameangin,” ingka kenang i Yesus lo'da'.
22Ira dinenpi barik tatakau mandalingana lo'a jaruma i Yesus awan dinen. Jaji inyap barik ira marantang unjang lo'a.
Tauen mangatoaang lo'a tio' balika tauen
Mk. 12:18-27; Lk. 20:27-40
23Jaji barik aso dinen bua andian mondok lo'a i Yesus tau dari golongan Saduki. Jaji kaparasaya'anda' tau Sadukiin, kalo'a kosan tau tio' baliken yang tau maminen mate. Ti' mate mamin akaus poang inang kalo'a. Jaji andian jalu to' dakatoanang lo'a i Yesus,PalPa. 23:8. 24“Pa' Guru,” ingka, “andian datulisangen kole'a baki' Musajo ijolo, parintana lo'ka'. Umpamana tau babakaan mate marantang bainyena poangsi kosan anaka, arung dinen sairunna sialaan barik nanna babainye baluun dinen itiang patio' puri itiang lo'a sairunna,” ingka kenang ira lo'a i Yesus. Ul. 25:5. 25“Jaji manutulkam lo'u. Andian antaraka' tau tuju pariin. Yang atoaan dinen arainye. Maminna barik arainye, mate barik babaka dinen. Jaji marantang bainyena lo'a sairunna, kole'a daia kosan anaka. 26Nanna kaduaan ka' kenanga. Jaji kenang samuana ira tuju pariin, sampai mondok lo'a katujuun. 27Imundina rabarik mate bea babainye dinen,” ingka kenang ira. 28“Jaji mangatoanangkam lo'u, ati'en awan dinen, ai lo'a di asona tauen tio' balika, intain ampunaan babainye dinen, yang ampunaan tapat? Kole'a samuana tuju pariin dinen arainye kausa lo'a babainye dinen,” ingka kenang mangilalaina lo'a i Yesus, dala panaloan kole'a kosan tau tio' baliken kalo'aan. “Na, asi lo'a adarina?” ingka kenang.
29Jaji barik dasauti kole'a i Yesus, “Daikin sala' tapat. Kole'a na'an itamu ikin jalu datulisangen ilalam Jaruma Alatala, na'an bea itamu kuasana Alatala,” ingka kenang. 30“Kole'a tauen maminna tio' balik, na'an lagi' siala arainye. Tio'a dinen barik sabangon nanna gulungan malaikaten di Surga,” ingka kenang lo'da'. 31"Poangsi lo'a soal tauen tio' baliken, ai daikin na'ankin kala' mambasa jaruma Alatala yang datulisangen di'en,
32 “Iak lalo di'en Alatalana arabaki'. Lo'ku' manyembana baki' Abraham, baki' Isak, nanna baki' Yakub, Pal. 3:6.
ingka kenangjo ilalam Jaruma Alatala. Na, arabaki'ka' daasan inang manyemba lo'a Alatala. Ratina tio'pi bua, kapisi daia mamin talalo. Kole'a okan dinen tau mateen yang dapaten manyemba lo'a Alatala, tau tio'en lalo yang manyembaan lo'a Alatala. Daikin di'en sala' tapat,” ingka kenang i Yesus lo'da'.
33Jaji ira dinen tatakau jaji mandalingana lo'a pangajaranna i Yesus.
Inde Ukuma Alatala yang baraa'en gunana?
Mk. 12:28-34; Lk. 10:25-28
34Jaji ira tau Parisiin mandalinga dongo dinen, atalona dinen tau Sadukiin sampai na'an dapat kakaji'. 35Jaji tau Parisiinpi dinen barik bakumpul to' maimpa' bapi. Jaji andian tau sera nanda' yang toa adaten mangatoanang jalu lo'a i Yesus, 36“O Pa' Guru, mangatoanangkam lo'u. Jaji di Ukuma Alatala yang dapamondokangen malaloi baki' Musa, inde yang labi penting lo'a yang bokanen?” ingka kenang lo'a i Yesus.
37Jaji manyauti i Yesus, “Yang pentingen ia di'en,
Arung sajangka'-jangka'a ateka' mangasaangen lo'a Paraampuan Alatalaka'. Arung sajangka'-jangka'a nyawaka', sajangka'-jangka'a pikiranka' mangasaangen. Ul. 6:5.
38Dinen lalo ukum yang labiin, yang baraa'en lo'a yang bokanen. 39Jaji yang kaduaan awan dinen bua,
Balu'ai mangasaangka' lo'a diri'ka' arung awan dinen bea mangasaangka' lo'a tauen, Im. 19:18.
ingka kenang. 40Gulungan ambata Ukuma Alatala, gulungan jaruma panjaruma Alatala dinen, samuana araakat lo'a parinta duaan dinen,” ingka kenang i Yesus lo'da'.
I Yesus mangatoanang kanturunanna baki' Daud
Mk. 12:35-37; Lk. 20:41-44
41Jaji gulungan tau Parisiin babangkulungpi kulilinga i Yesus. Jaji i Yesus mangatoani lo'da', 42“Ai lo'a daikin pikirannin? Kanturunanna intain dinen Kristus yang tau dabayaangen dinen?” ingka kenang lo'da'.
“Kanturunanna baki' Raja Daud,” ingka kenang manyautina ira.
43Jaji manjarum bapi i Yesus, “Jaji ati' kenang, ai lo'a baki' Daud dinen nanga dauluanga kole'a Sumangat Bareseen, pandena daia masan Paraampuan lo'a Kristus? Kole'a kenangjo jalu datulisangen kole'a baki' Daud manjarumangen tau dabayaangen dinen,
44 Paraampuanen manjarum lo'a Paraampuanku', Adudukko indi'angen ibiring katoku' sampai akaus atalona gulungan lawannu kole'ku', Msm. 110:1.
ingka kenang jaruma baki' Daud yang ilalam Jaruma Alatala yang datulisangen. 45Na, pande te' iasan anak kanturunanna ti' mamin diri'a mangaku' Paraampuan lo'a? Poangsi daia pangkata dinen, labi baraa pan dari pada kanturunan awan biasaan,” ingka kenang i Yesus lo'da'. 46Jaji kosan tau kakaji' lo'a. Mulai aso dinen barik kosan tau barani barik mangatoanang jalu lo'a.
Currently Selected:
Matius 22: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
Matius 22
22
Rami-rami tau sialaan dala sama' jarum
Lk. 14:15-24
1Jaji i Yesus mamakai sama' jarum bapi lo'da', 2“Kenang lalo kangkamanna Alatala adarina, awan tutulan di'en,” ingka kenang. "Andian tau raja dinen to' pasialaang lo'a anaka, dakamasang ambata jalu kaan pangkaan lo'a pangabangen. 3Mamin barik dakamasang jalu kaanen, suro'anna dinen dasuro' mala tau yang dakampitangen dinen, dasuro' mondok lo'a rami-ramiin. Poangsi kosan tau paduli, kosan tau mainya' malola' lo'a.
4"Jaji dasuro' bapi suro'anna. Manjarumikin lo'da', ingka, mamin kamas jalu kaanen. Mamin kusembeli anak sapiin umur sataunen. Ambata sapi babago'en mamin bea kusembeli. Samuana mamin kamas. Se' tambakin rami-rami nanku', ingka kenang paba'ina.
5"Jaji barik, suro'anna dinen manjarumanga lo'a tauen, kosan tau paduli, kosan mainya'en tamba. Inyap tauen. Sera inyap lo'a umaan, sera inyap badagang. 6Yang bokanpi dinen laloang maningkam lo'a suro'anna dinen. Daparinsa'i barik, dauno'. 7Jaji arabulu tapat atena dinen rajaan, dasuro' dinen tentarana mamalas lo'da'. Tau pauno'en dinen de'i dauno'. Datutung barik banuada' dinen.
8"Jaji manjarum bapi rajaan lo'a suro'anna, Na, di' mamin kamas rami-ramika' to' pasialaang lo'a anakka'. Poangsi gulungan tau ikampitangen de'i, ajau'. 9Se' tarangkatkin bapi lo'a ambata dalan baraa'en manyari tau. Baranga poang tau sidua'en nannin awa kausa ikin kampitang lo'a rami-ramika', ingka kenang manjaruma rajaan lo'a suro'anna. 10Jaji barik dalola'ani jarum dinen, lamba' lo'a ambata dalan baraa'en. Baranga poang tau mainya'en yang sidua'en nanna, tau ajau' basana, tau maam basana, takampit kausa lo'a ramina araanaka dinen. Rabarik dinen apano' barik saoen mamondokiin ramina anaka.
11"Poangsi barik tauen rami inang, intama barik rajaan to' mamele pangabanga. Jaji dabele tau inangen andian sera na'anen mamakai kain tau pangabangen, na'an mamakai kain adaten. 12Jaji barik manjarum dinen rajaan, O kawan, ai daiko mondoku intama lo'a di'en, na'annu mamakai kain adat pangamasang pangabangen? ingka kenang lo'a tau dinen. Jaji na'an dapat manyauti lo'a jaruma rajaan.
13“Jaji barik manjarum raja lo'a suro'anna, Tau dinen ingkat poang ikin, kakina tanganna. Tampeang poang insaluan lo'a jalu araunen. Inang to' manyanyarawang anangisa, dapasikokotang isina lasana susana inangen, ingka kenang manjaruma rajaan lo'a suro'anna,” ingka kenang tutulanna i Yesus.Mat. 8:12; 25:30; Lk. 13:28.
14“Kole'a bayu' lalo yang tau dakampitangen. Poangsi kakapit bua yang daile'iin,” ingka kenang i Yesus lo'da'.
Tauen mangatoanang lo'a bayaran sukaien
Mk. 12:13-17; Lk. 20:20-26
15Jaji barik lamba' dinen tau Parisiin, to' maimpa' lo'a, mawa sala' lo'a i Yesus ilalam jaruma. 16Jaji barik dasuro' tauen lo'a i Yesus, ambata palola'a tau Parisiin dinen nanna tau golongan Herodes sapa dua. Jaji manjarum ira majo'-ajo' lo'a i Yesus, “O Pa' Guru,” ingka, “Daiko di'en, tau tapatko. Na'anko atakut lo'a tauen, mamin itamu ikam. Na'anko manampi' lo'a tau sera labi lo'a seraan. Sama ratako manjarumang dalanna Alatala yang jalu tapaten lo'a tauen,” ingka kenang ira lo'a i Yesus. 17“Jaji ai lo'a di adatka'. Daikam di'en mamayar sukainam, pande te' lo'a Raja Kaisar, na'an te'? Ai lo'a pandua'angu?” ingka kenang matoanina lo'a i Yesus, to' manyari sala'a.
18Poangsi datamu ateda' yang ajau'en kole'a i Yesus. Jaji manjarum lo'da', “Ajau' jajikin. Ikin yang tau mamis baba'in masam atenin! Maisi daikin mangilalainin lo'ku'? 19Subakin mamayoang lo'ku' sapapak duiten yang pamayar sukaien dinen. To' kubele,” ingka kenang i Yesus lo'da'. Jaji daawa barik lo'a sadinar. 20“Na, gambara intain di', capa intain di',” ingka kenang i Yesus lo'da'.
21“Cap Kaisar Raja Roma,” ingka kenang ira lo'a.
“Jaji kenang kausa jaluun. Jalu maminen itamu Kaisar ampunaan, lo'a Kaisar bea mameangin. Jalu maminen itamu Alatala ampunaan, lo'a Alatala bea mameangin,” ingka kenang i Yesus lo'da'.
22Ira dinenpi barik tatakau mandalingana lo'a jaruma i Yesus awan dinen. Jaji inyap barik ira marantang unjang lo'a.
Tauen mangatoaang lo'a tio' balika tauen
Mk. 12:18-27; Lk. 20:27-40
23Jaji barik aso dinen bua andian mondok lo'a i Yesus tau dari golongan Saduki. Jaji kaparasaya'anda' tau Sadukiin, kalo'a kosan tau tio' baliken yang tau maminen mate. Ti' mate mamin akaus poang inang kalo'a. Jaji andian jalu to' dakatoanang lo'a i Yesus,PalPa. 23:8. 24“Pa' Guru,” ingka, “andian datulisangen kole'a baki' Musajo ijolo, parintana lo'ka'. Umpamana tau babakaan mate marantang bainyena poangsi kosan anaka, arung dinen sairunna sialaan barik nanna babainye baluun dinen itiang patio' puri itiang lo'a sairunna,” ingka kenang ira lo'a i Yesus. Ul. 25:5. 25“Jaji manutulkam lo'u. Andian antaraka' tau tuju pariin. Yang atoaan dinen arainye. Maminna barik arainye, mate barik babaka dinen. Jaji marantang bainyena lo'a sairunna, kole'a daia kosan anaka. 26Nanna kaduaan ka' kenanga. Jaji kenang samuana ira tuju pariin, sampai mondok lo'a katujuun. 27Imundina rabarik mate bea babainye dinen,” ingka kenang ira. 28“Jaji mangatoanangkam lo'u, ati'en awan dinen, ai lo'a di asona tauen tio' balika, intain ampunaan babainye dinen, yang ampunaan tapat? Kole'a samuana tuju pariin dinen arainye kausa lo'a babainye dinen,” ingka kenang mangilalaina lo'a i Yesus, dala panaloan kole'a kosan tau tio' baliken kalo'aan. “Na, asi lo'a adarina?” ingka kenang.
29Jaji barik dasauti kole'a i Yesus, “Daikin sala' tapat. Kole'a na'an itamu ikin jalu datulisangen ilalam Jaruma Alatala, na'an bea itamu kuasana Alatala,” ingka kenang. 30“Kole'a tauen maminna tio' balik, na'an lagi' siala arainye. Tio'a dinen barik sabangon nanna gulungan malaikaten di Surga,” ingka kenang lo'da'. 31"Poangsi lo'a soal tauen tio' baliken, ai daikin na'ankin kala' mambasa jaruma Alatala yang datulisangen di'en,
32 “Iak lalo di'en Alatalana arabaki'. Lo'ku' manyembana baki' Abraham, baki' Isak, nanna baki' Yakub, Pal. 3:6.
ingka kenangjo ilalam Jaruma Alatala. Na, arabaki'ka' daasan inang manyemba lo'a Alatala. Ratina tio'pi bua, kapisi daia mamin talalo. Kole'a okan dinen tau mateen yang dapaten manyemba lo'a Alatala, tau tio'en lalo yang manyembaan lo'a Alatala. Daikin di'en sala' tapat,” ingka kenang i Yesus lo'da'.
33Jaji ira dinen tatakau jaji mandalingana lo'a pangajaranna i Yesus.
Inde Ukuma Alatala yang baraa'en gunana?
Mk. 12:28-34; Lk. 10:25-28
34Jaji ira tau Parisiin mandalinga dongo dinen, atalona dinen tau Sadukiin sampai na'an dapat kakaji'. 35Jaji tau Parisiinpi dinen barik bakumpul to' maimpa' bapi. Jaji andian tau sera nanda' yang toa adaten mangatoanang jalu lo'a i Yesus, 36“O Pa' Guru, mangatoanangkam lo'u. Jaji di Ukuma Alatala yang dapamondokangen malaloi baki' Musa, inde yang labi penting lo'a yang bokanen?” ingka kenang lo'a i Yesus.
37Jaji manyauti i Yesus, “Yang pentingen ia di'en,
Arung sajangka'-jangka'a ateka' mangasaangen lo'a Paraampuan Alatalaka'. Arung sajangka'-jangka'a nyawaka', sajangka'-jangka'a pikiranka' mangasaangen. Ul. 6:5.
38Dinen lalo ukum yang labiin, yang baraa'en lo'a yang bokanen. 39Jaji yang kaduaan awan dinen bua,
Balu'ai mangasaangka' lo'a diri'ka' arung awan dinen bea mangasaangka' lo'a tauen, Im. 19:18.
ingka kenang. 40Gulungan ambata Ukuma Alatala, gulungan jaruma panjaruma Alatala dinen, samuana araakat lo'a parinta duaan dinen,” ingka kenang i Yesus lo'da'.
I Yesus mangatoanang kanturunanna baki' Daud
Mk. 12:35-37; Lk. 20:41-44
41Jaji gulungan tau Parisiin babangkulungpi kulilinga i Yesus. Jaji i Yesus mangatoani lo'da', 42“Ai lo'a daikin pikirannin? Kanturunanna intain dinen Kristus yang tau dabayaangen dinen?” ingka kenang lo'da'.
“Kanturunanna baki' Raja Daud,” ingka kenang manyautina ira.
43Jaji manjarum bapi i Yesus, “Jaji ati' kenang, ai lo'a baki' Daud dinen nanga dauluanga kole'a Sumangat Bareseen, pandena daia masan Paraampuan lo'a Kristus? Kole'a kenangjo jalu datulisangen kole'a baki' Daud manjarumangen tau dabayaangen dinen,
44 Paraampuanen manjarum lo'a Paraampuanku', Adudukko indi'angen ibiring katoku' sampai akaus atalona gulungan lawannu kole'ku', Msm. 110:1.
ingka kenang jaruma baki' Daud yang ilalam Jaruma Alatala yang datulisangen. 45Na, pande te' iasan anak kanturunanna ti' mamin diri'a mangaku' Paraampuan lo'a? Poangsi daia pangkata dinen, labi baraa pan dari pada kanturunan awan biasaan,” ingka kenang i Yesus lo'da'. 46Jaji kosan tau kakaji' lo'a. Mulai aso dinen barik kosan tau barani barik mangatoanang jalu lo'a.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997