Palapasang 30
30
Dasuro’ mamola kas panutung kamanyanen
1“Jaji arungkin mamola bapi kosan itiang panutung kamanyanen, ipola dari kayu akasiaan. 2Arung ipola segi ampat. Langkena arung 45 sentimeter, buka’a kenang bea 45 sentimeter. Kadenga inait arung 90 sentimeter. Tanduka dinen arung ipola sanyadi nanna kas dinen. 3Ibona kas dinen nanna tanduka kenang kuliling, arung ilapisi nanna amas itanak isilongiin. Laloang arung ipola bea bingke kulilinga dari amasen. 4Mamin dinen arung ipolaang kangkalung amasen, ipalakat inyaunga bingkena di susu’ duaan sabala’-sabala’. Ipola itiang marurukang kayu itiang manangkun kas dinen. 5Kayu gugulungen itiang panangkun kasen arung ipola dari kayu akasiaan, laloang arung ilapisi barik nanna amasen. 6Jaji maminna adari kosan panutungan manyanen, arung ipaduduk barik ikin inang di arona kain yang manyiringiin lo’a kas bukti kaputusan bayaku’. Arung inang aduduka di arona kosan maurusiin amponaan dosaan yang manolopiin lo’a tanda bukti kaputusan bayaku’ yang kupolaan nannin. Inang kosan sidua’ka’.
7“Jaji maira makap-maira makap i Harun dinen nanga lamba’a datiang maurus palitaan dinen, arung daia manutung bea manyanen di kosan panutungan manyanen dinen. 8Rabarik pamamalamen kenang bea. Nanga dakatio’a palitaan dinen, arung daia manutung bapi manyanen mainto’ andian lapoang manyanen atutungen ijolona arona i Yahuwe sampai turun-manurun. 9Ada’ manutunga jalu bokanen di kas dinen, kapi jalu maamen bauna bokanen yang itutungen, kapi jalu ipamindarangen, kapi ambata jenis baras asel umaan. Ada’ bea idolongang inang danum aien itiang pamindaranin lo’a i Yahuwe. 10Sakali sataun i Harun arung malulukang dara’ inang di tanduka itiang maurus amponan dosaan. Urusan amponan dosaan yang sakali sataunen dinen, arung ipakai dara’ dari inatang ipamindarangen itiang maurus dosaan. Arung kenang polana maira taun turun-manurun. Kosan panutung manyanen dinen mamin ilaanang itiang lo’a i Yahuwe,” ingka kenang paba’ina i Yahuwe.
Dasuro’ mamola basikom baraa’en ipakaien ilalam adat pamareseanen
17Jaji manjarum bapi i Yahuwe lo’a baki’ Musa, 18“Mamola basikom baraa’enkin dari tamagaan, basikom yang ipakaien ilalam adat pamereseanen. Arung ipola nanna dudukanna. Laloang arung ipaduduk inang antarana kakalang kosan sidua’ka’ nanna kas panutung pamindaraan. Maminna ipaduduk inang arung idisi’i nanna danumen. 19-20Jaji nanga inde i Harun nanna araanaka to’ intamana lo’a kakalang kosan sidua’ka’ dinen, 21arung ira mangusuk tanganna nanna kakina mamakai danum ilapangen inang di basikomen mainto’ na’anna ira mate. Kenang bea nanga inde to’ dainso’ina kosan panutung pamindaraan itiang manutung jalu ipamindaraangen lo’a i Yahuwe di apiin, 22arung ira mangusuk tangan kakina mainto’ na’anna ira mate. Dinen lalo paratoranen kurantangen nanna i Harun nanna ambata anaka turun-manurun,” ingka kenang manjaruma i Yahuwe.
....................
Currently Selected:
Palapasang 30: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
