ESODƆS 19
19
SAATE Nwu Ladiki Suoto Aatuo Di Sinai Kobokote
1Dii le di Israel batii ladie ni di Egipte kasɔ suoto kɔwɛntɛ nɔɔ tiɛfa kaanya tututu ni baalaadu Sinai Ɔfaafuu suoto nɛ. 2Baadie ni di Refidim, ni baalaabuo Sinai Ɔfaafuu, ni di Israel batii lasi baapɛ akpaayo lɛma di ɔfaafuu nwu di kobokote nwu nkpaa nɛ.
3Ninfɛ di Mose lakata aakyɛ Yaa nfũ di kobokote nwu suoto nɛ. Ninfɛ di SAATE nwu lalɛɛ nwɔ di kobokote nwu suoto aatɔkɔ nwɔ alɛ, “Nnya ɔlaa wɔ faatɔkɔ ni Yakob leyo batii ku nnwɔ faatɔkɔ ni Israel batii: 4‘Aye bamu bianya lɛsaa le labla ni Egipte batii, ku mmle okle latuka ye ni di afoko nii suoto fɛ klikpo lakpaa ye lawako ni ɔkyɛ nii. 5Nunua, nse bibanu mi ɔlaa niimu kamɛ, mimufũ kanya ninii nii minklee yi, ni bibale mi batii finle bamu di nnle mmuu kamɛ. Kuntɛ kayi kamuu nle mi kale, 6ni bibale mi sɛka kalekɔ olebatatɛ ku kale klekle.’ Nse mmle ninle sɛlaa se faatɔkɔ ni Israel batii nɛ.”
7Nioso Mose lasoo di kobokote nwu nkpo suoto, ni aalɛɛ Israel banɔɔfotii aasiisa, ni aatɔkɔ ma ɔlaa biala di SAATE nwu lakpee nwɔ ni kufiofa nɛ. 8Ninfɛ di batii nwu bamuu lasi baabuɛ alɛ, “Ɔlaa biala di SAATE nwu lebuɛ bubabla.” Nioso Mose lakplesa batii nwu ntale aakyɛnko SAATE nwu.
9Ninfɛ di SAATE nwu latɔkɔ Mose alɛ, “Kamawa ɔkyɛ lɛfɔ di lelokonkyɛ kplɛ kamɛ, alɛ batii nwu kamanu mmle kɔkakatɛko fɔ nii, alɛ babafũ fɔ mannu obe lele.” Ninfɛ di Mose kafɔɔ latɔkɔ SAATE nwu ɔlaa wɔ di batii nwu labuɛ ni nɛ.
10Ninfɛ di SAATE nwu latɔkɔ Mose alɛ, “Soo faatɔɔkyɛ batii nwu nfũ faata balolaa suoto miɛ ku kɔsɛɛ. Faata ma bafoto asaa lɛma. 11Baalolaa suoto basoko di dii tiɛfa kamɛ, diekye di dii tiɛfa nwu suoto SAATE nwu kamasoo di Sinai Kobokote nwu suoto di batii nwu nkpo bamuu anu. 12Faatika kɔmɛ fata batii nwu nkpo fakyisa kobokote nwu alɛ balaataalɛ. Faatɔkɔ ma falɛ, ‘Bilolaa binyu bilɛ biɛkata bikyɛ kobokote nwu osi ee bikpanko kobokote nwu nkpaa. Otii lele niɛkpanko kobokote nwu nkpo dikpeni beelo nwɔ. 13Dikpeni bɛɛsafɔ nwɔ afuɔ ee bɛɛtaa nwɔ ataa beelo; otii kuonwii atankpanko nwɔ. Bɔkɛɛ ee otii niɛkpanko kobokote nwu, batantɔɔ aasiɛ nkpa.’ Kafɔɔ nse bɛɛfɛ dikunumuu lɛkya bɛɛklɛsa yi, ni batii nwu kakata mankyɛ kobokote nwu osi.”
14Nioso Mose lasoo aakye kobokote nwu osi aawa batii nwu nfũ, aata ma baakleklesa suoto, baafoto asaa lɛma kafɔɔ. 15Ninfɛ aatɔkɔ batii nwu alɛ, “Bilolaa suoto bita dii tiɛfa nwu, bitankyɛ basɔfɔ lee nfũ kafɔɔ”.
16Di dii tiɛfa nwu kolesɛtũ, kanto dikpududuu ku ɔpalalaa nimunaa kuɛ lelokonkyɛ kplɛ lasoo di kobokote nwu suoto. Kakyukyue sɛlɔ siene kafɔɔ latoodie. Otii biala di kasiɛkɔ lɛma nwu lakyako otũtũkũ ku lɛyɛkɛ. 17Ninfɛ di Mose lakpaa batii nwu nkpo aadieko di kasiɛkɔ lɛma alɛ bɔɔlakyakako Yaa nɛ. Ni baalayila di kobokote nwu nkpaa nɛ. 18Sinai kobokote nwu latĩi ku kɔyɔ, diekye SAATE nwu lasoo kũ di suoto fɛ ɔtɔ. Kɔyɔ ko niatoodie kũ ni di suoto late fɛ lɛfɛnku kɔyɔ, ni di kobokote nwu kumuu lakyako otũtũkũ osie kanya nɛ. 19Ninfɛ di kakyukyue nwu kanya latoodie osie ku osie nɛ. Ninfɛ di Mose lakakatɛ nɛ, ni di Yaa sɛlɔ latɔɔ ntale#19.19ku kanto dikpududuu nɛ.
20SAATE nwu lasoo di Sinai kobokote nwu suoto ni aalɛɛ Mose alɛ awa di kobokote nwu osi. Ni di Mose lakata aasifi kobokote nwu osi nɛ. 21Ni di SAATE nwu latɔkɔ nwɔ alɛ, “Soo fakyɛ faalaasĩ ɔlaa fata batii nwu nkpo, batantaalɛ kɔmɛ nwu nkpo alɛ bɔɔbanyu SAATE nwu alɛ kpinwu lɛma balaawɔɔ. 22Bia olebatatɛ ba ninwa ni SAATE nwu anu obe lele, dikpeni beekleklesa suoto, se diele nkpo ni SAATE kamatu ambuo ma di suoto.”
23Ni di Mose latɔkɔ SAATE nwu alɛ, “Batii nwu dilɔbafuo Sinai kobokote nwu osi ɔwa, diekye afɔ omu lɛfɔ niasĩ ɔlaa faata wo falɛ, ‘Faatika kɔmɛ fata batii nwu nkpo fakyisa kobokote nwu alɛ baadiki kũ manse klekle.’”
24Ninfɛ di SAATE nwu ladiki kanya alɛ, “Soo fatɔɔkyɛ, falaakpaa Aron fawako osi. Kafɔɔ olebatatɛ ku batii nwu batantaalɛ kɔmɛ nwu alɛ bɔɔwa SAATE nwu nfũ, se diele nkpo SAATE nwu kamatu ambuo ma di suoto.
25Nioso Mose lasoo aakyɛ batii nwu nfũ ni aalaatɔkɔ ma nɛ.”
Currently Selected:
ESODƆS 19: SNW
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Linguistics, Literacy and Bible Translation
ESODƆS 19
19
SAATE Nwu Ladiki Suoto Aatuo Di Sinai Kobokote
1Dii le di Israel batii ladie ni di Egipte kasɔ suoto kɔwɛntɛ nɔɔ tiɛfa kaanya tututu ni baalaadu Sinai Ɔfaafuu suoto nɛ. 2Baadie ni di Refidim, ni baalaabuo Sinai Ɔfaafuu, ni di Israel batii lasi baapɛ akpaayo lɛma di ɔfaafuu nwu di kobokote nwu nkpaa nɛ.
3Ninfɛ di Mose lakata aakyɛ Yaa nfũ di kobokote nwu suoto nɛ. Ninfɛ di SAATE nwu lalɛɛ nwɔ di kobokote nwu suoto aatɔkɔ nwɔ alɛ, “Nnya ɔlaa wɔ faatɔkɔ ni Yakob leyo batii ku nnwɔ faatɔkɔ ni Israel batii: 4‘Aye bamu bianya lɛsaa le labla ni Egipte batii, ku mmle okle latuka ye ni di afoko nii suoto fɛ klikpo lakpaa ye lawako ni ɔkyɛ nii. 5Nunua, nse bibanu mi ɔlaa niimu kamɛ, mimufũ kanya ninii nii minklee yi, ni bibale mi batii finle bamu di nnle mmuu kamɛ. Kuntɛ kayi kamuu nle mi kale, 6ni bibale mi sɛka kalekɔ olebatatɛ ku kale klekle.’ Nse mmle ninle sɛlaa se faatɔkɔ ni Israel batii nɛ.”
7Nioso Mose lasoo di kobokote nwu nkpo suoto, ni aalɛɛ Israel banɔɔfotii aasiisa, ni aatɔkɔ ma ɔlaa biala di SAATE nwu lakpee nwɔ ni kufiofa nɛ. 8Ninfɛ di batii nwu bamuu lasi baabuɛ alɛ, “Ɔlaa biala di SAATE nwu lebuɛ bubabla.” Nioso Mose lakplesa batii nwu ntale aakyɛnko SAATE nwu.
9Ninfɛ di SAATE nwu latɔkɔ Mose alɛ, “Kamawa ɔkyɛ lɛfɔ di lelokonkyɛ kplɛ kamɛ, alɛ batii nwu kamanu mmle kɔkakatɛko fɔ nii, alɛ babafũ fɔ mannu obe lele.” Ninfɛ di Mose kafɔɔ latɔkɔ SAATE nwu ɔlaa wɔ di batii nwu labuɛ ni nɛ.
10Ninfɛ di SAATE nwu latɔkɔ Mose alɛ, “Soo faatɔɔkyɛ batii nwu nfũ faata balolaa suoto miɛ ku kɔsɛɛ. Faata ma bafoto asaa lɛma. 11Baalolaa suoto basoko di dii tiɛfa kamɛ, diekye di dii tiɛfa nwu suoto SAATE nwu kamasoo di Sinai Kobokote nwu suoto di batii nwu nkpo bamuu anu. 12Faatika kɔmɛ fata batii nwu nkpo fakyisa kobokote nwu alɛ balaataalɛ. Faatɔkɔ ma falɛ, ‘Bilolaa binyu bilɛ biɛkata bikyɛ kobokote nwu osi ee bikpanko kobokote nwu nkpaa. Otii lele niɛkpanko kobokote nwu nkpo dikpeni beelo nwɔ. 13Dikpeni bɛɛsafɔ nwɔ afuɔ ee bɛɛtaa nwɔ ataa beelo; otii kuonwii atankpanko nwɔ. Bɔkɛɛ ee otii niɛkpanko kobokote nwu, batantɔɔ aasiɛ nkpa.’ Kafɔɔ nse bɛɛfɛ dikunumuu lɛkya bɛɛklɛsa yi, ni batii nwu kakata mankyɛ kobokote nwu osi.”
14Nioso Mose lasoo aakye kobokote nwu osi aawa batii nwu nfũ, aata ma baakleklesa suoto, baafoto asaa lɛma kafɔɔ. 15Ninfɛ aatɔkɔ batii nwu alɛ, “Bilolaa suoto bita dii tiɛfa nwu, bitankyɛ basɔfɔ lee nfũ kafɔɔ”.
16Di dii tiɛfa nwu kolesɛtũ, kanto dikpududuu ku ɔpalalaa nimunaa kuɛ lelokonkyɛ kplɛ lasoo di kobokote nwu suoto. Kakyukyue sɛlɔ siene kafɔɔ latoodie. Otii biala di kasiɛkɔ lɛma nwu lakyako otũtũkũ ku lɛyɛkɛ. 17Ninfɛ di Mose lakpaa batii nwu nkpo aadieko di kasiɛkɔ lɛma alɛ bɔɔlakyakako Yaa nɛ. Ni baalayila di kobokote nwu nkpaa nɛ. 18Sinai kobokote nwu latĩi ku kɔyɔ, diekye SAATE nwu lasoo kũ di suoto fɛ ɔtɔ. Kɔyɔ ko niatoodie kũ ni di suoto late fɛ lɛfɛnku kɔyɔ, ni di kobokote nwu kumuu lakyako otũtũkũ osie kanya nɛ. 19Ninfɛ di kakyukyue nwu kanya latoodie osie ku osie nɛ. Ninfɛ di Mose lakakatɛ nɛ, ni di Yaa sɛlɔ latɔɔ ntale#19.19ku kanto dikpududuu nɛ.
20SAATE nwu lasoo di Sinai kobokote nwu suoto ni aalɛɛ Mose alɛ awa di kobokote nwu osi. Ni di Mose lakata aasifi kobokote nwu osi nɛ. 21Ni di SAATE nwu latɔkɔ nwɔ alɛ, “Soo fakyɛ faalaasĩ ɔlaa fata batii nwu nkpo, batantaalɛ kɔmɛ nwu nkpo alɛ bɔɔbanyu SAATE nwu alɛ kpinwu lɛma balaawɔɔ. 22Bia olebatatɛ ba ninwa ni SAATE nwu anu obe lele, dikpeni beekleklesa suoto, se diele nkpo ni SAATE kamatu ambuo ma di suoto.”
23Ni di Mose latɔkɔ SAATE nwu alɛ, “Batii nwu dilɔbafuo Sinai kobokote nwu osi ɔwa, diekye afɔ omu lɛfɔ niasĩ ɔlaa faata wo falɛ, ‘Faatika kɔmɛ fata batii nwu nkpo fakyisa kobokote nwu alɛ baadiki kũ manse klekle.’”
24Ninfɛ di SAATE nwu ladiki kanya alɛ, “Soo fatɔɔkyɛ, falaakpaa Aron fawako osi. Kafɔɔ olebatatɛ ku batii nwu batantaalɛ kɔmɛ nwu alɛ bɔɔwa SAATE nwu nfũ, se diele nkpo SAATE nwu kamatu ambuo ma di suoto.
25Nioso Mose lasoo aakyɛ batii nwu nfũ ni aalaatɔkɔ ma nɛ.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Linguistics, Literacy and Bible Translation