ESODƆS 11
11
Dibuo Fosile: Egipte Batii Babisuɔtɔbi Kasale Lakpi.
1Ninfɛ di SAATE nwu latɔkɔ Mose alɛ, “Diebu dibuo ninwii makple n-yɔ nwako ni Farao ku batii nɔɔ di Egipte. Nni kamaa abata ye mindie ninfũ mmle minsifi. Nwaako otososa abatososa ye minsifi ɔtɔɔtɔ. 2Tɔkɔ Israel batii bamuu, basuɔtɔ ku basanko falɛ, bakaalɛ Egipte batii nwu manko mma basi bakaako ni bawo koto fututu asaa ku koto sɛɛle asaa.” 3(Nwaako SAATE nwu lata Egipte batii nwu labu Israel batii nwu nkpo osie kanya. Kyenkye Farao banɔɔfotii nɔɔ nwu ku Egipte batii nwu bamuu lanyu Mose fɛ tunletɛ kplɛ di anu lɛma.)
4Nioso Mose labuɛ alɛ, “Nnya ɔlaa wɔ di SAATE nwu kobuɛ ni: ‘Miɛ nkyɛntɛɛ kamafe di Egipte kasɔ suoto. 5Obisuɔtɔ bi kasale biala di Egipte kamakpi. Diɛyɔ ni di Farao obisuɔtɔbi kasale suoto, nnwɔ ninsiɛ ni di lɛkakpomii suoto, diɛlaase bia di ɔlanle sanko wɔ ninsi ookuɔ ni di kukuɔ obisuɔtɔbi kasale suoto. Bia babɔkɛɛ sele biala dibi suɔtɔbi kasale. 6Kaku owi osie kanya kamawɛ di Egipte kasɔ suoto kanadiwa ni diidii, kanamasinwa ni kafɔɔ diidii. 7Kafɔɔ di Israel batii kamɛ yi, atoko ɔkyɛ ole kamawɛ bia weewee dilabakpowu otii ee bɔkɛɛ kuonwii.’ Ninfɛ bibatofo bilɛ nwaako, ami SAATE nwu lekpee kasɛ di Egipte batii ku Israel batii ntɛɛ nɛ. 8Banɔɔfotii lɛfɔ ba mmle bamuu kamawa ɔkyɛ nii mamapɛ akunkyi di katũ nii, mambuɛ alɛ, ‘Tɔɔkyɛ, kpaa mba nintikanko fɔ ni bamuu fasifiko!’ Nni kamaa kamasifi.” Ninfɛ di Mose lakyɛ di Farao anu ku ɔblɔ aasifi nɛ.
9SAATE nwu latɔkɔ Mose alɛ, “Farao kamasĩ fɔ ɔlaa onu, nni nimata alɛ atuosaa nii kamataka katoo di Egipte nɛ.” 10Mose ku Aron labla sɛkpɛ se mmle niabla ni ɔkpɛ simuu di Farao anu, kafɔɔ SAATE nwu lata Farao otu lawɛ osie, nioso ataatootuna alɛ oodiɛ Israel batii ndie kaale nɔɔ mansifi.
Currently Selected:
ESODƆS 11: SNW
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Linguistics, Literacy and Bible Translation
