Jo Roma 9

Obaŋa rik oyero jo Icrael

1Atye akobbo kop ateni i Kricito, pe akobo goba; ŋec ame i cunya ame nyutta bal daŋ bedo caden karacel keda pi Cunya Acil, 2ni, atye kede waŋcuny atek, rem i cunya mom gik. 3Pi mit mera, kono rik ocena an ikoma me kwanya oko ibaŋ Kricito, pi omegona, ame gin watina me rokka. 4#Yaa 4.22Gin jo Icrael, jo ame Obaŋa oloko odoko otino mere, omiogi kwogo mere kede cikere luŋ, omiogi daŋ cik kede kite me wore, dok daŋ gin en a rik ociko pi miyogi gigi mogo abeco. 5Kwariwa acon obedo megi, dok Kricito daŋ onywalo i akinagi i kite me kom. Obaŋa aloo jami luŋmyero opwoo nakanaka. Amen.

6Cite pe ni kop Obaŋa oto nono; pien anywalli Icrael pe gin luŋjo Icrael, 7#Age. 21.12dok daŋ mom gin ducu itino Iburaim, ni, pien gin ikwae mere; cite yam ocoo ni, “Itino Icaka en ame obino cwano ni ikwaeni.” 8Ame te koppere ni, mom ikwae me kome ame gin itino Obaŋa, ento ikwae ame rik ociko pirgi gin en ame obino kwano ni gin ikwae mere. 9#Age. 18.10Pien kop ame ociko baŋe en ene, ni, “Abino dwogo i kare ame aciko, eka Cara te nywalo atin awobi.” 10Mom mannono keken, ento daŋ Lebeka oyac kede dano moro acel, en kwarowa Icaka, 11cite a mom ru onywal, ame itino ca mom ru itimo ginnoro aber onyo arac, 12#Age. 25.23rik okobbi Lebeka ni, “Atin atidi bino loyo atin kao,” me wek yer ame Obaŋa oyiko moki, ame pe cuŋ i kom ticgi, ento i kom lwoŋo mere. 13#Mal. 1.2-3Obedo acalo rik ocoo ni, “Ceŋ amaro Yakobo, ento akwero Ecau.”

14Kara wan dok okob iŋo? Ni Obaŋa tiyo gin a mom atira? Mom amanno gire. 15#Yaa 33.19En rik okobbi Muca ni, “Abino timo kica baŋ jo ame abino timogi kica, dok abino timo ber baŋ jo ame abino timogi ber.” 16Doŋ pe cuŋ i kom mit a dano, onyo i kom lolle mere, ento i kom kica Obaŋa. 17#Yaa 9.16 Coc a yam ocoo okobbi Parao ni, “Pi kop man omio atini malo, me wek anyut twer mera i komi, me rab nyiŋa i wi podo luŋ.” 18Kittono en timo kica baŋ ŋat a en mito ni etime kica, dok ŋat a en mito loko cunye doko nwaŋ, en loko doko nwaŋ.

Akemo Obaŋa kede kica mere

19Gwok ibino penya ni, “Piŋo en pwod kobo ni wan obalo? Kara ŋa a twero geŋo gin a en mito?” 20#Ica. 29.16; 45.9Kara yin dano yin iŋa, ame igamo dog Obaŋa? Gin ame ocweo twero penyo ŋat ocwee ni, “Pi ŋo icwea kit man?” 21Acwec mom tye kede twer i kom lobo, me cweyo kede aŋina lobo acel, tabo acel me wel kede moro ocele ame pe me wel? 22Kara bedo ni ŋo ka Obaŋa odio cunye pi kare alac i kom tabbi mogo me akemo ame doŋ oromo me aneka, pi mito nyuto akemo mere kede miyo teko mere ŋeye? 23Otimo man wek emi lonyo me kwogo mere ŋeye i kom tabbi me kica, ame en rik oyiko con me bed i kwogo, 24en wan ikomwa, wan jo ame en olwoŋo, mom i akina a jo Icrael keken, cite anaka iyi akina Orok daŋ. 25#Koc. 2.23Acalo en daŋ rik okobo i buk a Kocea, ni,

“Jo a nwaŋ mom jona abino lwoŋogi ni ‘jona’,

dako a rik mom amaro abino lwoŋo ni, ‘dako ame amaro.’ ”

26 # Koc. 1.10 “Dok daŋ i kabedo ame rik okobbigi iye ni, ‘Wun mom i jona wunu’,

obino cwanogi iye ni, ‘itino Obaŋa akwo.’ ”

27 # Ica. 10.22-23 Icaya daŋ rik olemo kede dwoŋ aloŋo i kom jo Icrael ni,

“Kadi wel jo Icrael rom i kwoo me dog nam,

jo odoŋ anonok keken en a bino bwot;

28pien kop a Rwot oŋolo i wi lobo en bino cobo me oyotoyot”

29 # Ica. 1.9 Dok tye acalo kaya yam okobo con,

“Ka kono Rwot me mony mom owekkiwa ikwaewa mogo,

kono wan obedo calo Codoma, onyo kono odoko bala Gomorra.”

Icrael kede amut aber

30Kara man wan dok okob iŋo? Ni mano, Orok a yam pe lolle pi doko jo a kitegi atir doŋ okwanogi ni kitegi atir, cite kitegi atirrono gin onwoŋo pi iyee. 31Ento jo Icrael ame yam lolle pi cobo cik me gin bed jo a kitegi atir, cobo oloogi oko. 32Piŋo? Pien gin mom oyenyo i yo me iyee, ento i yo me tic. Gin otwomere i gweŋ me twomere ca, 33#Ica. 28.16 acalo rik ocoo ni,

“Nen, aketo i Cion gweŋ me twomere,

lela a mio jo rette;

ŋat ame oye en, lewic mom bino make.”

Currently Selected:

Jo Roma 9: La79

Highlight

Copy

Compare