Yakobo 5
5
Okwenyoro olonyo
1Eno ba wun olonyo, ollakino wunu, redu, pi can ame abinniwu. 2#Mat. 6.19Lonyowu doŋ otop oko, anaka rukwu nyenye doŋ onaŋo oko. 3Jabu kede ryalwu, nyalli doŋ omwodo oko; nyalli i komgi bino bedo caden i komwu, dok bino camo komwu bala mac. Wun doŋ ikano wunu lonyowu pi kare me agikki. 4#Lodo 24.14-15Nen ocara otic a rik otio i pottiwu ame itwono wunugi oko, tye akoko, koko okac doŋ owinyere i yit Rwot me mony. 5Wun doŋ ibedo wunu i jami amalo meicel kede yomcuny i wi loba; ipitte wunu, icwe wunu doŋ giwu, aco kare me nekowu doŋ oromo! 6Doŋ iŋolli wunu dano a kite atir kop, en gire mom ogeŋowu.
Mwolo kede kwac
7Kittono omegona, di cunywu tuno waŋ ame Rwot bino dwogo. Nen wunu kite ame apur kuro kede gin ame pire tek a cek i lobo; dio cunye tuno waŋ ame kot me cwir kede me oro ocwe. 8Wun daŋ di wunu cunywu, cuŋ wunu atek, pien dwogo a Rwot doŋ ceggi. 9Kur iŋuŋura wunu omegona, ŋat man i kom awottere, me kur ŋolliwu kop. Nen, Aŋolkop tye ocuŋ i doggola. 10Omegona, anen me kanyo can kede diyo cuny nen i kom odwarpiny a rik okobo i nyiŋ Rwot. 11#Yubu 1.21-22; 2.10; Jab. 103.8Jo a rik okanyo atek, wan olwoŋogi ni komgi i winyo. Ityeko wunu winyo kite a rik Yubu okanyo kede, dok ineno wunu daŋ agikki tic a Rwot i kome, kit a Rwot won kica, timo kede jo ber.
12 #
Mat. 5.34-37
Akato mere luŋ omegona, kur ikwoŋ wunu kwoŋ, kadi i nyiŋ polo, kadi i nyiŋ lobo, kadi kit kwoŋ ocele luŋ; ento yewu kede kwerowu luŋ myero bed, “Ee ta”, onyo ni, “Pe”, me kur ŋolliwu kop.
13Ŋattoro iyi akinawu tye kede can? Myero en kwa Obaŋa. Tye ŋattoro a tye i yomcuny? Myero en wer wer me pako Obaŋa. 14#Mar. 6.13Tye ŋattoro iyi akinawu ame kome lit? Myero en lwoŋ odite a lwak jo oye Kricito, me kwa Obaŋa pire kun owire kede moo i nyiŋ Rwot. 15Kwac ame iyee tye iye bino caŋo atwo, Rwot bino tiŋe malo; ka ce onwoŋo rik otimo balloro, obino timme iye kica. 16Tuc wunu balwu, ŋat man baŋ awottere, dok daŋ ŋat acel acel myero kwa Obaŋa pi awottere, me icaŋ wunu. Kwac a dano a kite atir tek, tye kede twer adwoŋ. 17#1 Obak. 17.1; 18.1Elia rik obedo dano ame kite rom i megwa, rik obin okwao Obaŋa atek ni kot kur cwe, omio kot mom ocwe i wi lobo pi mwaka adek kede dwete abicel. 18#1 Obak. 18.42-45Eka dok te kwayo, omio kot te cwe, loba te ceko cem.
19Omegona, ka ce dano moro i akinawu ogak oko i kop me ateni, eka ŋattoro te dwoggo en cen, 20#Caro. 10.12; 1 Pet. 4.8myero iŋe wunu ni, ka ŋattoro odwoggo abalo cen i yo mere ogom, ŋattoro-nu bino laro kwo mere oko iya i to, dok bino wumo ballere apol.
Currently Selected:
Yakobo 5: La79
Highlight
Share
Copy
Want to have your highlights saved across all your devices? Sign up or sign in
Lango New Testament © Bible Society of Uganda, 1979.