Jo Eburania 9

Kabedo acil me lobo kede me polo

1Anaka cikere me agege ca rik daŋ obedo kede cikkogo me woro Obaŋa, dok daŋ obedo kede kabedo acilloro me lobo man. 2#Yaa 26.1-30; 25.23-30, 31-40Pien rik tye kema ame oyiko, en me oko ame olwoŋo ni Kabedo Acil, ame tye iye gi-cibo tara kede meja, kede ogati ame oketo i nyim Obaŋa. 3#Yaa 26.31-33I yoŋe boŋo icika me aryo rik tye iye kema ame olwoŋo ni Kabedo Acil Meicel. 4#Yaa 30.1-6; 25.10-16; 16.33; Wel 17.8-10; Yaa 25.16; Lodo 10.3-5Kuno tye iye keno me waŋo odok akur ame otio kede jabu, kede canduk me cikere ame omwono kome luŋ kede jabu. Iyi canduk me cikere rik tye iye tabo alibi me jabu kede manna i yie, kede abiro Aron a rik lot ca, kede kiddi apada a nwaŋ ocoo iye kop me cikere. 5#Yaa 25.18-22I wi canduk yam tye iye okerubi me kwogo, ame owumo komme-kica kede bwomgi. Jami magi mom otwero kobo ginnoro iye i yore i yore aman.

6 # Wel 18.2-6 Mano en kite a rik oyiko kede. Olamdog yam donyo i kema me agege didik pi cobo ticgi me woro Obaŋa. 7#Olev. 16.2-34Ento kema me aryo alamdog adwoŋ kene en ame donyo iye, en daŋ donyo icel keken i mwaka acel acel, kun mom woto aboŋo remo, ame en mio pire en ikome kede pi roc a lwak. 8Kit man Cuny Acil cimo kannaler ni, yo me tuno i kabedo acil mom ru oyabo ka kema me agege pwod ocuŋ. 9Man en cal me kare man. Te koppere ni, mot kede gin ame oŋolo me yalo Obaŋa mom twero miyo ŋat oworo Obaŋa doko dano a cunye ler doki odoco, 10pien gin otiko ka cem kede mat kede kite lwokere apapat. Magu luŋ obedo cik i oko me kom ame tye atic ituno naka i kare ame Obaŋa bino loko jami ducu bedo anyen.

11Ento aman Kricito doŋ obino, ame en alamdog adwoŋ me jami abeco ame bibino. Kema a en tio iye dit kato maca, daŋ ber odoco kato maca, pien mom otio kede ciŋ, te koppere ni, mom gin me lobo man. 12En odonyo i Kabedo Acil icel iloŋ ame oromo meicel, kun mom otero remo dyegi kede itino twoni, ento otero remo mere en ikome, te lakorowa doŋ atwal. 13#Olev. 16.15-16; Wel 19.9, 17-19Remo dyegi kede twoni, kede buru roa ame owaŋo, ka okiro i kom jo ame obalo kwer, romo lonyogi, kun yiko komgi bedo acil. 14Remo a Kricito mom kato maca atek ateka? Pi Cuny Acil ame perakino atwal, omio en omiye kene baŋ Obaŋa kun roccoro mom i kome, me elony cunywa ame lille pi tiyo tic me to, me obed a yiwa ler, ote woro Obaŋa akwo.

15Mano en omio Kricito rik obedo ŋat oyiko cikere anyen, me wek jo ame olwoŋo nwoŋo lim ame perakino ame Obaŋa ociko miyo; pien pi to ame otimere, jo a rik okalo wi cik i te cikere me agege aman doŋ olakorogi oko. 16Pien kan ame cikere me leyo lim tye iye, myero doŋ mok ni, ŋat ociko doŋ oto. 17Kodi cikere-nono twero tic ka i ŋe to keken; mom tye i twerroro ka ŋat ociko pwod kwo. 18Pi mannono anaka cikere me agege ca rik omoko kede remo. 19#Yaa 24.6-8Pien ka Muca rik otyeko rabbi lwak icwil ducu ame tye iyi cik, en te kwanyo remo roce kede dyegi, karacel kede pii, kede uci yer romo arema, kede yat acalo ogudo, kiro i kom buk ikome, kede dok i kom lwak luŋ, 20kun kobo ni, “Man en remo me cikere ame Obaŋa ocikowu iye.” 21#Olev. 8.15Dok i, yore acellono, Muca okiro remo i kom kema kede jami luŋ ame otio kede me woro Obaŋa. 22#Olev. 17.11I te cik, jami luŋ obuco lonyo kede remo; kan ame mom oonyo iye remo, weko bal daŋ pe iye.

Miye a Kricito kene okelo kwanyo bal

23Kakare, jami ame obedo apor keken me gin a tye i polo rik myero olony i kodi ginnono, ento jami me polo ikomgi myero olony i mot aŋola abeco akato magi-nono oko. 24Pien Kricito mom odonyo i kabedo acil ame ciŋ dano otio, ame obedo apor i kabedo acil me ateni mere, ento odonyo i polo ikome, ame aman en tye a nen iye i nyim Obaŋa pirwa. 25Dok daŋ pe odonyo me miye kene kare i kare bala alamdog ame donyo i kabedo acil mwaka i mwaka kun tero remo a mom mere en ikome. 26Kono ka amanno, kono en onwoo to kare i kare geye i acakki piny. Ento kit a tye kede-ni, en onen icel keken i agikki kare wek ekwany bal oko pi miye kene acalo gin ame oŋolo. 27Dok kite acalo oyiko ni, dano to icel, eka i ŋe mano te bedo ŋolo kop, 28#Ica. 53.12amanno daŋ Kricito omio icel me yeyo bal a jo apol, dok bino nen tyen me aryo, mom dok pi tic i kom bal, ento pi laro jo ame tye akure.

Currently Selected:

Jo Eburania 9: La79

Highlight

Compare

Copy