1 Lakana 5
5
Iyee en ame loo lobo
1Dano acel acel ame ye ni Yecu en Kricito, dano-nono atin Obaŋa, dok dano acel acel ame maro ŋat onywalo atin, myero mar atin daŋ. 2Ka wan omaro Obaŋa dok olubo cikkere, en gin a mio wan oŋeo ni omaro otino Obaŋa. 3#Lak. 14.15Pien maro Obaŋa gire en gwoko cikkere. Dok cikkere mom nuowa gire, 4pien ŋattoro luŋ ame Obaŋa onywalo loo lobo. Gin ame oloo kede lobo en iyeewa. 5Kara ŋa ame loo lobo? Mom en ŋat ame ye ni, Yecu en Wot Obaŋa?
Caden i kom Yecu Kricito
6Man ŋat ame rik obino kede pii kede remo, en Yecu Kricito. Mom obino i pii keken, ento i pii karacel kede remo daŋ. 7Cuny Acil daŋ obedo acaden, pien Cuny en ateni. 8Ocaden tye adek: Cuny kede pii kede remo; gin adek-ku cadengi orwatte. 9Ka ce wan ogamo wunu caden a dano, caden Obaŋa dwoŋ kato oko. Aco macanaca en caden Obaŋa, pien en omio caden i kom Wode. 10Ŋat ame ye Wot Obaŋa tye doŋ i caden i yie kene. Ŋat ame mom ye Obaŋa doŋ omio Obaŋa odoko agoba oko, pien nwoŋo en mom oye caden ame Obaŋa omio i kom Wode. 11#Lak. 3.36Cadennono en ene ni, Obaŋa otyeko miyowa kwo a perakino odoco, dok kwo-nono tye i Wode. 12Ŋat ame tye kede Wod, tye kede kwo daŋ; ŋat ame mom tye kede Wot Obaŋa, mom tye kede kwo.
Kwo a perakino odoco
13Acoo kop man baŋwu, wun jo ame oye nyiŋ Wot Obaŋa, me iŋe wunu ni, itye wunu doŋ kede kwo a perakino odoco. 14Gin a mio wan obedo i tekcuny i nyime en ene ni, ka wan okwao ginnoro kun olubo mittere, en winyowa.
15Dok ka wan oŋeo ni en winyowa i gin luŋ ame wan okwao, oŋeo ni wan otyeko nwoŋo gin ame wan okwao i baŋe.
16Ka ce ŋattoro oneno ominnere kun tye a timo balloro a mom kelo to, en bino kwayo Obaŋa, Obaŋa bino miye kwo pi jo-nu ame balgi mom kelo to. Tye bal ame kela to; kodi ballogo mom akobo ni myero kwa Obaŋa pire. 17Gin ducu arac ame dano timo en bal, ento tye ballogo a mom kelo to.
18Wan oŋeo ni mom tye ŋattoro ame Obaŋa onywalo, ame pwod dok bedo timo bal, ento Wot Obaŋa gwoke aber, mio Arac mom gude.
19Wan oŋeo ni wan otino Obaŋa, ento lobo luŋ tye i te loc Arac.
20Dok wan oŋeo ni Wot Obaŋa doŋ obino, daŋ omiowa ryeko me niaŋ, wek wan oŋe ŋat a tye me ateni. Dok wan obedo iyi ŋat a tye me ateni, pien obedo iyi Wode, en Yecu Kricito. Man en Obaŋa me ateni, dok man en kwo a perakino. 21Itinona, gwokere wunu, kur iwor wunu cal jogi.
Currently Selected:
1 Lakana 5: La79
Highlight
Share
Copy
Want to have your highlights saved across all your devices? Sign up or sign in
Lango New Testament © Bible Society of Uganda, 1979.