Rômə 9
9
Dyǔ na baʼ bá mɔ bá Ísrɛl
1Nǎn pɔ̌ŋ mbálɛ ngə mɔʼ awə̌ a dúbɛ́ Krísto, n sə̌ ɛ́ pɔ̌ŋ matúm. Nlə́m m myə ámə́ Mudî ámə́ n Sáŋí nǎn dyɛ́lɛ́ní, nǎn pɔ̌ŋ mî nána n sə̌ pɔ̌ŋ matúm. 2Ndutu ɛnə̂n na mutaka n nə̂n n dí mi á nlə́m. 3Á ɛ́tútú ɛ́ baʼ bá myə, bǎn-bá-nyǎ bá myə ábə́ síyabɔ́ sí dí makǐ mafɔ́. Á ɛ́tútú ɛ́ bɔ́, nəŋákí nána Dyǔ lí bə̂ mî ɛbómán na lí bwə́ n si bá á Krísto. 4Baʼ bá myə bá dí baʼ bá Ísrɛl. Dyǔ lî n byá nána lî m mə́ bɔ́ ɛ nuŋ ngə bǎn bá mɔ, ti lí lúfú bɔ́ wulɔʼ wú mɔ. Dyǔ lí mwílí nguʼ na bɔ́ ti lí bə́kí bɔ́ mbéndá ɛ́ mɔ. Lî n lúfú bɔ́ ngə bá lɔ́líní lɔ́ ɛ dúbɛ. Ti lí fílí bɔ́ likaʼ nána lí bwə yə̌ ɛ́yə́ lí pɔŋíní nána lí bwə. 5Bá fí á nja mú basáŋ bá sɛ bá nyákə́ bá Híbru. Ɛtî ɛ́yə́ bá yɛ́ní Krísto, mɔ́ pə́ ngə mɔ̌nyuŋ, á nja m bɔ a fíní. Sí kɛ́si Dyǔ álə́ lí janiya misam mísə́sə̌n kə́ŋ ta á bwindeya! Ɛ́bánâ.
6N sə̌ byá nána Dyǔ lí sî bwəlá yə̌ ɛ́yə́ lî n pɔŋní nána lí bwə. Ɛ́ dí nána suká baʼ básə́sə̌n ábə́ bá fí á nja mú baʼ bá Ísrɛl bɔ́ bá dí baʼ bá Dyǔ. 7Na suká baʼ bá nja m Ábrahâmə básə́sə̌n bɔ́ bá dí bǎn bá Dyǔ. Dyǔ lî n pɔ̌ŋ Ábrahâmə nána, “Á nja mú bǎn bá wə Áyzikə, awə̌ bǎn ábə́ m pɔŋíní nána m bə wə̂ bá fíní.” 8Ɛ́yínán ɛ́ dí wɔ̂ nána, bǎn ábə́ bá yɛ́ní ngə bǎnyûŋ bá shiyǎ bǎn bá Dyǔ. Ndé bǎn ábə́ bá yɛ́ní á likaʼ álə́ Dyǔ lí bə́kíní Ábrahâmə, á mbálɛ bɔ́ bá nuŋíní ngə bǎn bá nja mú Ábrahâmə. 9Likaʼ lí Dyǔ á Ábrahâmə lí bílí nána, “Wə̌ti púndá ɛ pilí n tǐm mbǐ. Ɛtî ɛ́yî, Sará á yɛ̌ mǎ mumân.” 10Suká ɛ́sə́sə̌n yɔ́ yín, á ɛ́tútú nána sáŋ nfɔ́ yɔ̂ bǎn bá bumân bábɛ̂ bá Rɛbɛ́ka bâ n wɔ́ŋní. Sáŋ ani a bílí sáŋ sɛ a ntína Áyzikə. 11Ndé, byáná mafɛ̂ má yátan, tɔ byáná bɔ́ lí bwə yə̌ ɛ́yə́ ɛ dí wúbî tɔ ɛ́ mbâ, Rɛbɛ́ka, a n kwisí ndúm á Dyǔ. Ndúm ɛni ɛ bílí álí lúfú nána, Dyǔ lí pwɛ bâ ngə ǎ saní bɔ́ ɛ bwəlan. 12Suká ɛ́tútú ɛ́ misam ámə́ bá bwəní ndé á ɛ́tútú nána lí nə́ŋí. Áfánikə̌, Dyǔ lî m pɔ̌ŋ Rɛbɛ́ka nána, “Mwǎn a wukɔndɛ á bwəlí mǎ-nyǎ m mɔ a ntə́kə̂n.” 13Ɛ́ tílání á kâti ɛ Dyǔ ngə Dyǔ lí byábíní nána, “N nəŋí Jekɔ́bə, ndé n kfwɛ́ Ɛ́sawə.”
14Sɔnsɔ́nǎn yə̌ sí tíŋgání ɛ byá? Sí byá nána Dyǔ lí dí wupusan? Ǎyi, ɛ shiyǎ nâ. 15Ɛtfûm Dyǔ lî n byá á Mósisə nána, “N wɔ́ŋ líkini á ká njá awə̌ n nəŋíní álí wú líkini. N lúfú wulɔʼ wú nlə́m á ká njá awə̌ n nəŋíní álí lúfú wulɔʼ.” 16Áfánikə̌, yǔm ɛ́yə́ Dyǔ lí pwɛ́síní álí bwə ɛ́ wɔ́ŋiyǎ ká yǔm álí bwə na yǔm ɛ́yə́ baʼ bá saní nána ɛ́ bwə́lan tɔ ɛ́yə́ bá bwəní. Dyǔ lí bwəlán nlə́m mú líkini lí mɔ́ álí bwə ká yə̌ ɛ́yə́ lí saní ɛ bwə. 17Ɛ́ tílání á kâti ɛ Dyǔ nána, Dyǔ lî n pɔ̌ŋ Fárahɔ nána, M pwɛsí wə kə̂ŋ álí bwə nána m bwə́lan wə álí lúfú ngínya ɛ́ myə, na dǐn lí myə lí wúsi á nkínshíyə nsə́sə̌n. 18Áfánikə̌, Dyǔ lí wɔ́ŋí likini lí nlə́m á mɔʼ awə̌ lí nə́ŋíní álí lúfú likini lí nlə́m, ti lí kpútí nlə́m á ká njá awə̌ lí nə́ŋíní álí kpútí nlə́m.
Ɛkfwíya na likini lí nlə́m lí Dyǔ
19Ndé nyə́ mɔʼ nfɔ́ ǎ kɔndɛ mî nána, “Njí ɛ́ dí nâ, yə̌ ɛ́ bwə́lí ka Dyǔ lí dí wɔ̂ ɛ́ byá nána baʼ bá bwə̌ máwusɛ́? Sí bí nána mɔʼ ká nfɔ́ a tíŋganiyǎ ɛ́ bwə yǔm ɛ́yə́ Dyǔ lí pɔ́ŋíní nána a bwə?” 20Ndé wə mɔ̌nyuŋ ɛ dí njá álí kɔndɛ́ Dyǔ yǔm? Mbə̌ ɛ ndɔʼ ɛ tíŋganiyǎ ɛ́ kɔndɛ mɔ awə̌ ǎ tambú yɔ́ nána, yán ɛ támbúní mi á nyay ɛnín? 21Mɔʼ awə̌ ǎ bwə mbə̌ na ndɔʼ a wɔ́ŋí wunja álí bwəlán ndɔʼ ɛni ngə a nə́ŋíní. Njí a nəŋí, a tiŋgání a núŋ ndɔʼ a bwə́ mbə̌ ɛbɛ̂; pɔ́ ɛ bá mbə̌ ɛ ɛdúbɛ́, ɛpə́pə̌ ɛ bá mbə̌ ɛyə̌ bá bwəlání ɛtîtɛ́.
22Ɛbwəlafâ Dyǔ lî n pəpə́ ɛ́ lufú ɛkfwíya ɛ́ mɔ na lí bílí ɛ sa nána baʼ bá mín ngínya ɛ́ mɔ. Ndé lî n wɛnsán jǐta na baʼ ábə́ bâ m bwə mɔ́ a kfwî. Baʼ á bâ bá sî n lɔʼ ɛ́ kwisí kɔ́ksɛ lí Dyǔ. 23Dyu lí bílí ɛ sa álí lúfú ngínya ɛ́ wulɔʼ wú minyə́ a baʼ ábə́ lî n lúfúní wulɔʼ wú nlə́m wú mɔ. Lî m mə̌ bunsán baʼ bánán álí kwisí wulɔʼ wú mɔ. 24Síyanyə́ sí dí átítin a baʼ ábə́ Dyǔ lí bə́ŋíní. Ɛ́ shiyǎ wɔ̂ átitîn á baʼ bá Júda yɔ̂ lí bə́ŋíní sɛ́. Á mə́ duŋgu lí sɛ pə́ ɛ bəŋ átítin a baʼ ábə́ bá shiyǎ baʼ bá Júda. 25Á kâti ɛ Hósɛya, Dyǔ lí byábí nána,
“Baʼ ábə́ bá bíliyǎ baʼ bá myə,
m bəŋ bɔ́ nána, ‘Baʼ bá myə.’
Ɛkumbu ɛ́yə́ mi n sî nəŋní, n pɔŋ yɔ́ nána yɔ́ ɛ́ dí ‘Ɛkumbu ɛ́yə́ n nəŋíní.’
26Ti á mulimlim mú líbú álə́ m pɔŋní bɔ́ nána, ‘Nyí shiyǎ baʼ bá myə,’
Áwə́ m bəŋní bɔ́ nána bá dí bǎn bá myə, bǎn bá Dyǔ álə́ lí bə̌ luŋgɛ́.”
27Nlakuwa-mudî-Ayzáya a fə́mí ɛsakí tɛ́ŋgɛnɛ baʼ bá Ísrɛl nána, “Ká baʼ bá Ísrɛl bá bwí ngə fyangú á nsǎŋ mbô, ngushu ɛ́ bɔ, yɔ́ ɛ́ kwísí lishuŋgɛ. 28Sáŋgúwə́ ǎ nyítí mbakú ɛ́ mɔ á nkínshíyə pɛ́m pɛ́m ti a malí.” 29Ɛ dí ngə nlakuwa-mudî-Ayzáya a m byání nána, “Njí Sáŋgúwə́, Dyǔ lí ngvum awə̌ a wɔ́ŋí ngínya ɛsə́sə̌n a sî mwisan sɛ́ ngushí ɛ́ baʼ á nja m mɔ, ní sí timbí ngə nkí n nə̂n n Sódom, ní sí nywɛ́ ngə Gomóra.”
Pɔ́lə á kání á baʼ bá Ísrɛl
30Yə̌ kə́ sí tíŋgání ɛ byá? Baʼ ábə́ bá shiyǎ baʼ bá Júda, bá tímbí ɛ tyə́ sîm á wusú wú Dyǔ, á ɛ́tútú nána bá dúbɛ́ Dyǔ, ká ngə bá bílíní ɛ wanan álí tyə́ sîm á wusú wú Dyǔ. 31Ndé baʼ bá Ísrɛl ábə́ bá bílí ɛ nǎn mbéndá álí tyə́ sîm á wusú wú Dyǔ bá púliyǎ. 32Yə̌ ɛ́ bwə́lí ka bá si púl? Bá sî n púl álí tyə́ sǐm á wusú wú Dyǔ á ɛ́tútú nána bá bílí ɛ wanan álí tyə́ sîm á wusú wú Dyǔ á ɛbulú ɛ́yə́ bɔ́mə̌n bá bwə́líní na suká á ɛ́tútú nána bá dúbɛ́ Dyǔ. Áfánikə̌, bá kúmbí ɛkwi á lílɛ́ álə́ baʼ bá kfúmní ɛkwi ti bá kfúndí. 33Ɛ́ tílání á kâti ɛ Dyǔ nána,
“Nyí táti, n shumí lilɛ́ á Záyɔnə
álə́ lí bwə̂ bâ bá kumbiya mákwi
lilɛ́ álə́ lí bwə baʼ bá kfúndá.
Ndé ká njá awə̌ a dúbɛ́ mɔ́, a sî fíyá makɛ́ ngɛ̂ŋ.”
Currently Selected:
Rômə 9: bwt
Highlight
Copy
Compare
Share
Want to have your highlights saved across all your devices? Sign up or sign in
Rômə 9
9
Dyǔ na baʼ bá mɔ bá Ísrɛl
1Nǎn pɔ̌ŋ mbálɛ ngə mɔʼ awə̌ a dúbɛ́ Krísto, n sə̌ ɛ́ pɔ̌ŋ matúm. Nlə́m m myə ámə́ Mudî ámə́ n Sáŋí nǎn dyɛ́lɛ́ní, nǎn pɔ̌ŋ mî nána n sə̌ pɔ̌ŋ matúm. 2Ndutu ɛnə̂n na mutaka n nə̂n n dí mi á nlə́m. 3Á ɛ́tútú ɛ́ baʼ bá myə, bǎn-bá-nyǎ bá myə ábə́ síyabɔ́ sí dí makǐ mafɔ́. Á ɛ́tútú ɛ́ bɔ́, nəŋákí nána Dyǔ lí bə̂ mî ɛbómán na lí bwə́ n si bá á Krísto. 4Baʼ bá myə bá dí baʼ bá Ísrɛl. Dyǔ lî n byá nána lî m mə́ bɔ́ ɛ nuŋ ngə bǎn bá mɔ, ti lí lúfú bɔ́ wulɔʼ wú mɔ. Dyǔ lí mwílí nguʼ na bɔ́ ti lí bə́kí bɔ́ mbéndá ɛ́ mɔ. Lî n lúfú bɔ́ ngə bá lɔ́líní lɔ́ ɛ dúbɛ. Ti lí fílí bɔ́ likaʼ nána lí bwə yə̌ ɛ́yə́ lí pɔŋíní nána lí bwə. 5Bá fí á nja mú basáŋ bá sɛ bá nyákə́ bá Híbru. Ɛtî ɛ́yə́ bá yɛ́ní Krísto, mɔ́ pə́ ngə mɔ̌nyuŋ, á nja m bɔ a fíní. Sí kɛ́si Dyǔ álə́ lí janiya misam mísə́sə̌n kə́ŋ ta á bwindeya! Ɛ́bánâ.
6N sə̌ byá nána Dyǔ lí sî bwəlá yə̌ ɛ́yə́ lî n pɔŋní nána lí bwə. Ɛ́ dí nána suká baʼ básə́sə̌n ábə́ bá fí á nja mú baʼ bá Ísrɛl bɔ́ bá dí baʼ bá Dyǔ. 7Na suká baʼ bá nja m Ábrahâmə básə́sə̌n bɔ́ bá dí bǎn bá Dyǔ. Dyǔ lî n pɔ̌ŋ Ábrahâmə nána, “Á nja mú bǎn bá wə Áyzikə, awə̌ bǎn ábə́ m pɔŋíní nána m bə wə̂ bá fíní.” 8Ɛ́yínán ɛ́ dí wɔ̂ nána, bǎn ábə́ bá yɛ́ní ngə bǎnyûŋ bá shiyǎ bǎn bá Dyǔ. Ndé bǎn ábə́ bá yɛ́ní á likaʼ álə́ Dyǔ lí bə́kíní Ábrahâmə, á mbálɛ bɔ́ bá nuŋíní ngə bǎn bá nja mú Ábrahâmə. 9Likaʼ lí Dyǔ á Ábrahâmə lí bílí nána, “Wə̌ti púndá ɛ pilí n tǐm mbǐ. Ɛtî ɛ́yî, Sará á yɛ̌ mǎ mumân.” 10Suká ɛ́sə́sə̌n yɔ́ yín, á ɛ́tútú nána sáŋ nfɔ́ yɔ̂ bǎn bá bumân bábɛ̂ bá Rɛbɛ́ka bâ n wɔ́ŋní. Sáŋ ani a bílí sáŋ sɛ a ntína Áyzikə. 11Ndé, byáná mafɛ̂ má yátan, tɔ byáná bɔ́ lí bwə yə̌ ɛ́yə́ ɛ dí wúbî tɔ ɛ́ mbâ, Rɛbɛ́ka, a n kwisí ndúm á Dyǔ. Ndúm ɛni ɛ bílí álí lúfú nána, Dyǔ lí pwɛ bâ ngə ǎ saní bɔ́ ɛ bwəlan. 12Suká ɛ́tútú ɛ́ misam ámə́ bá bwəní ndé á ɛ́tútú nána lí nə́ŋí. Áfánikə̌, Dyǔ lî m pɔ̌ŋ Rɛbɛ́ka nána, “Mwǎn a wukɔndɛ á bwəlí mǎ-nyǎ m mɔ a ntə́kə̂n.” 13Ɛ́ tílání á kâti ɛ Dyǔ ngə Dyǔ lí byábíní nána, “N nəŋí Jekɔ́bə, ndé n kfwɛ́ Ɛ́sawə.”
14Sɔnsɔ́nǎn yə̌ sí tíŋgání ɛ byá? Sí byá nána Dyǔ lí dí wupusan? Ǎyi, ɛ shiyǎ nâ. 15Ɛtfûm Dyǔ lî n byá á Mósisə nána, “N wɔ́ŋ líkini á ká njá awə̌ n nəŋíní álí wú líkini. N lúfú wulɔʼ wú nlə́m á ká njá awə̌ n nəŋíní álí lúfú wulɔʼ.” 16Áfánikə̌, yǔm ɛ́yə́ Dyǔ lí pwɛ́síní álí bwə ɛ́ wɔ́ŋiyǎ ká yǔm álí bwə na yǔm ɛ́yə́ baʼ bá saní nána ɛ́ bwə́lan tɔ ɛ́yə́ bá bwəní. Dyǔ lí bwəlán nlə́m mú líkini lí mɔ́ álí bwə ká yə̌ ɛ́yə́ lí saní ɛ bwə. 17Ɛ́ tílání á kâti ɛ Dyǔ nána, Dyǔ lî n pɔ̌ŋ Fárahɔ nána, M pwɛsí wə kə̂ŋ álí bwə nána m bwə́lan wə álí lúfú ngínya ɛ́ myə, na dǐn lí myə lí wúsi á nkínshíyə nsə́sə̌n. 18Áfánikə̌, Dyǔ lí wɔ́ŋí likini lí nlə́m á mɔʼ awə̌ lí nə́ŋíní álí lúfú likini lí nlə́m, ti lí kpútí nlə́m á ká njá awə̌ lí nə́ŋíní álí kpútí nlə́m.
Ɛkfwíya na likini lí nlə́m lí Dyǔ
19Ndé nyə́ mɔʼ nfɔ́ ǎ kɔndɛ mî nána, “Njí ɛ́ dí nâ, yə̌ ɛ́ bwə́lí ka Dyǔ lí dí wɔ̂ ɛ́ byá nána baʼ bá bwə̌ máwusɛ́? Sí bí nána mɔʼ ká nfɔ́ a tíŋganiyǎ ɛ́ bwə yǔm ɛ́yə́ Dyǔ lí pɔ́ŋíní nána a bwə?” 20Ndé wə mɔ̌nyuŋ ɛ dí njá álí kɔndɛ́ Dyǔ yǔm? Mbə̌ ɛ ndɔʼ ɛ tíŋganiyǎ ɛ́ kɔndɛ mɔ awə̌ ǎ tambú yɔ́ nána, yán ɛ támbúní mi á nyay ɛnín? 21Mɔʼ awə̌ ǎ bwə mbə̌ na ndɔʼ a wɔ́ŋí wunja álí bwəlán ndɔʼ ɛni ngə a nə́ŋíní. Njí a nəŋí, a tiŋgání a núŋ ndɔʼ a bwə́ mbə̌ ɛbɛ̂; pɔ́ ɛ bá mbə̌ ɛ ɛdúbɛ́, ɛpə́pə̌ ɛ bá mbə̌ ɛyə̌ bá bwəlání ɛtîtɛ́.
22Ɛbwəlafâ Dyǔ lî n pəpə́ ɛ́ lufú ɛkfwíya ɛ́ mɔ na lí bílí ɛ sa nána baʼ bá mín ngínya ɛ́ mɔ. Ndé lî n wɛnsán jǐta na baʼ ábə́ bâ m bwə mɔ́ a kfwî. Baʼ á bâ bá sî n lɔʼ ɛ́ kwisí kɔ́ksɛ lí Dyǔ. 23Dyu lí bílí ɛ sa álí lúfú ngínya ɛ́ wulɔʼ wú minyə́ a baʼ ábə́ lî n lúfúní wulɔʼ wú nlə́m wú mɔ. Lî m mə̌ bunsán baʼ bánán álí kwisí wulɔʼ wú mɔ. 24Síyanyə́ sí dí átítin a baʼ ábə́ Dyǔ lí bə́ŋíní. Ɛ́ shiyǎ wɔ̂ átitîn á baʼ bá Júda yɔ̂ lí bə́ŋíní sɛ́. Á mə́ duŋgu lí sɛ pə́ ɛ bəŋ átítin a baʼ ábə́ bá shiyǎ baʼ bá Júda. 25Á kâti ɛ Hósɛya, Dyǔ lí byábí nána,
“Baʼ ábə́ bá bíliyǎ baʼ bá myə,
m bəŋ bɔ́ nána, ‘Baʼ bá myə.’
Ɛkumbu ɛ́yə́ mi n sî nəŋní, n pɔŋ yɔ́ nána yɔ́ ɛ́ dí ‘Ɛkumbu ɛ́yə́ n nəŋíní.’
26Ti á mulimlim mú líbú álə́ m pɔŋní bɔ́ nána, ‘Nyí shiyǎ baʼ bá myə,’
Áwə́ m bəŋní bɔ́ nána bá dí bǎn bá myə, bǎn bá Dyǔ álə́ lí bə̌ luŋgɛ́.”
27Nlakuwa-mudî-Ayzáya a fə́mí ɛsakí tɛ́ŋgɛnɛ baʼ bá Ísrɛl nána, “Ká baʼ bá Ísrɛl bá bwí ngə fyangú á nsǎŋ mbô, ngushu ɛ́ bɔ, yɔ́ ɛ́ kwísí lishuŋgɛ. 28Sáŋgúwə́ ǎ nyítí mbakú ɛ́ mɔ á nkínshíyə pɛ́m pɛ́m ti a malí.” 29Ɛ dí ngə nlakuwa-mudî-Ayzáya a m byání nána, “Njí Sáŋgúwə́, Dyǔ lí ngvum awə̌ a wɔ́ŋí ngínya ɛsə́sə̌n a sî mwisan sɛ́ ngushí ɛ́ baʼ á nja m mɔ, ní sí timbí ngə nkí n nə̂n n Sódom, ní sí nywɛ́ ngə Gomóra.”
Pɔ́lə á kání á baʼ bá Ísrɛl
30Yə̌ kə́ sí tíŋgání ɛ byá? Baʼ ábə́ bá shiyǎ baʼ bá Júda, bá tímbí ɛ tyə́ sîm á wusú wú Dyǔ, á ɛ́tútú nána bá dúbɛ́ Dyǔ, ká ngə bá bílíní ɛ wanan álí tyə́ sîm á wusú wú Dyǔ. 31Ndé baʼ bá Ísrɛl ábə́ bá bílí ɛ nǎn mbéndá álí tyə́ sîm á wusú wú Dyǔ bá púliyǎ. 32Yə̌ ɛ́ bwə́lí ka bá si púl? Bá sî n púl álí tyə́ sǐm á wusú wú Dyǔ á ɛ́tútú nána bá bílí ɛ wanan álí tyə́ sîm á wusú wú Dyǔ á ɛbulú ɛ́yə́ bɔ́mə̌n bá bwə́líní na suká á ɛ́tútú nána bá dúbɛ́ Dyǔ. Áfánikə̌, bá kúmbí ɛkwi á lílɛ́ álə́ baʼ bá kfúmní ɛkwi ti bá kfúndí. 33Ɛ́ tílání á kâti ɛ Dyǔ nána,
“Nyí táti, n shumí lilɛ́ á Záyɔnə
álə́ lí bwə̂ bâ bá kumbiya mákwi
lilɛ́ álə́ lí bwə baʼ bá kfúndá.
Ndé ká njá awə̌ a dúbɛ́ mɔ́, a sî fíyá makɛ́ ngɛ̂ŋ.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in