Rômə 15
15
Bwə baʼ bápə́pə̂ bá wú munyɛŋgɛ suká wəmə̌m
1Sə́ ábə́ dúbɛ lí sɛ lí kpútí, sí wɔ́ŋí álí wúnján baʼ ábə́ dúbɛ́ lí bɔ lí kpútiyǎ. Sí si bwə wɔ̂ mísam ámə́ mí lɔ́lɔ́ní sə́. 2Sɛ́ mɔʼ na mɔtɛ́ sí lɔ́lí ɛ bwə misam á nya ɛyə̌ mwǎn-n-nyǎ n sɛ ǎ wúní munyɛŋgɛ álí kpútí dúbɛ lí mɔ. 3Ndé ká Krísto a bíliyǎ ɛ bwə misam á nya ɛyə̌ ɛ bílí mɔ́ ɛ bwə a wú munyɛŋgɛ. Ndé a bílí ɛ bwə ngə ɛ́ tílání á kâti ɛ Dyǔ nána, “Ɛlwíya ɛ́sə́sə̌n ábə́ baʼ bá bílíní wə ɛ lwî, bí tímbí á mi.” 4Yǔm tɛ́ ɛ́yə́ bâ n tilní á kâti ɛ Dyǔ á púndá ɛ nyakə́ bâ n tíl yɔ́ álí lɛ́fú sə́. Ɛ́yínán ɛ́ bílí nána sí wɔ́ŋ libán lí nlə́m álə́ lí fí á ɛ́yala ɛ́ Dyǔ álə́ lí bwə́lí ka sí wɛnsán na lí kpútí sə́ milə́m. 5Nǎn káni nána, Dyǔ álə́ lí bwə́lí ka sí wɛnsáníyá na álə́ lí kpútí sə́ milə́m, lí bwə nyə́ nyí bá nsu nfɔ́ á mɔʼ na mɔtɛ́ ngə nyí nan ní Yésu Krísto. 6Ɛ́yínán ɛ́ bwəlan nána, ngə nyí látíní nyí bá nsu nfɔ́ álí kasí Dyǔ, Sáŋ n Sáŋgúwə́ n sɛ Yésu Krísto.
Nyí kási mɔʼ na mɔtɛ́
7Áfánikə̌, nyí kási mɔʼ na mɔtɛ́ ngə Krísto a kasíní nyə́ nána baʼ bá kɛ́si Dyǔ. 8Nǎn pɔ̌ŋ nyə́ nána Krísto a timbí mbwəlâ á baʼ bá Júda, nána a lwínji likaʼ álə́ Dyǔ lî n bəní basáŋ bá nyákə́ bá bɔ. Ɛ́yî ɛ́ lúfú nána Dyǔ lí byá mbálɛ. 9A pílí nána baʼ ábə́ bá shiyǎ baʼ bá Júda, bá kɛsí Dyǔ á ɛ́tútú likini lí nlə́m álə́ lí wɔ́ŋíní á bɔ́. Nânə́ ɛ́ tílání á kâti Dyǔ nána,
“Áfánikə̌ n kɛsí wə átítin a baʼ ábə́ bá shiyǎ baʼ bá Júda,
na n kɔ́nákí míkɔ́ni álí kɛsí dǐn lí wə.”
10Ɛ́ tílání pə́ nána,
“Nyə́ baʼ ábə́ nyí shiyǎ baʼ bá Júda, nyí wúkan baʼ bá Dyǔ munyɛŋgɛ!”
11Ɛ tílání pə́ nána,
“Nyə́ ábə́ nyí shiyǎ baʼ bá Júda, nyí kɛ́si Dyǔ,
na baʼ básə́sə̌n á nkínshíyə bá kɛ́si lɔ́.”
12Nlakuwa-a-mudî Ayzáya mɔ́ pə́ a m byá ngə ɛ́ tílání nána,
“Mɔʼ nfɔ́ á fí á njaʼ mú Jɛ́sɛ
awə̌ á paʼ álí janiya baʼ ábə́ bá shiyǎ baʼ bá Júda.
Na á mɔ́ baʼ ábə́ bá shiyǎ baʼ bá Júda bá bán ní milə́m mí bɔ.”
13Nǎn káni nána, Dyǔ álə́ lí bə nyə́ libán lí nlə́m, lí bwə nyí lwínj na munyɛŋgɛ nsə́sə̌n, na nyí bá á músaŋgu á ɛ́tútú ɛ́ dúbɛ lí nyə. Ɛ́yínán ɛ bwə ngínya ɛ Mudî ámə́ n Sáŋí ɛ bwə dúbɛ lí nyə lí kə́ á wúsú álí kɔʼ.
Yándá álə́ Pɔ́lə á tilíní kâti ɛnín
14Bǎn-bá-nyǎ bá myə, mimə̌n m bí bwǎm nána nyí wɔ́ŋí milə́m mí mbâ álí bwə̌ misam ámə́ Dyǔ lí pɔ́ŋíní nána nyí bwə. Nyí sɔ́ntání misam bwǎm, na nyí púl álí lɛ́fú nyə́mə̌n. 15Kánâwə̌, duŋgu lí mísam mí dí ámə́ n tilíní á nyə́ á kâti ɛnín. N tilí bɔ́ álí kaní nyə́ misam mínán mísə́sə̌n ɛ́yə́ n səní ɛ báŋ ká yúm. Nsimá ámə́ Dyǔ lí bə́kíní mi mɔ́ m bwə́lí ka n tîl mísam mín. 16Dyǔ lí bə́kí mi nsimá m mû álí bá mbwəlâ a Yésu Krísto, álí pɔ̌ŋ ndúm ɛ mbâ á baʼ ábə́ bá shiyǎ baʼ bá Júda. Nǎn bwə̂ ɛ́bulú ɛ́yín ngə prísə álí pɔ̌ŋ ndúm ɛ mbâ ɛyə̌ ɛ fí á Dyǔ, nána baʼ ábə́ bá shiyǎ baʼ bá Júda bá bá ngə jabeya álə́ mi m bəkíní, álí kwisán á wusú wú Dyǔ. Dyǔ lí kasí bɔ́ á ɛ́tútú nána, Mudî ámə́ n Sáŋí lí mə́ bɔ́ ɛ bwə bá sáŋí á wusú wú Dyǔ. 17Áfánikə̌, ngə n díní mɔ nfɔ́ na Yésu Krísto, ŋ wɔ́ŋí njɔm álí kfum ɛkɛ́ ɛ́ myə á ngingi á ɛ́tútú ɛ́ ɛbulú ɛ́yə́ nǎn bwəlíní Dyǔ. 18N tíŋganiyǎ ɛ́ byá yǔm ká ɛ́fɔ́ ɛ́sitúm álí byá tɛ́ŋgɛnɛ ɛbulú ɛ́yə́ Krísto a bwəlíní ti m púl ɛ́ bwə, nána baʼ ábə́ bá shiyǎ baʼ bá Júda bá bwə ngə Dyǔ lí saní nána bá bwə. Misam ámə́ m byábíní na ámə́ m bwəlíní mɔ́ mí dí misam ámə́ bá tíŋgání ɛ byá na álí bwə. 19M bwəlí misam mî á ngínya ɛ biyəmblan na manyáká, na ngínya ɛ Mudî n Dyǔ. Ɛ́yínán ɛ́ bwə́lí m pɔŋí Ndúmɛ ɛ Mbâ ɛ́ Krísto bwǎm ngə m bílíní ɛ kə á Jerúsálɛmə álí paʼ á pɛsi ɛ Ilíríkum. 20M mə̌ ɛ wɔ́ŋ nyɔ́ngí álí pɔ̌ŋ Ndúm ɛ Mbâ, á mabú ámə́ mɔʼ ká nfɔ́ a nan bə́ŋyání dǐn lí Krísto. M bwəlí nâni nána n si kə̂ á fə́ mɔʼ ampə́pə̂ a m mə́ní ɛ butí ɛ́ bwə ɛ́bulú. 21Ɛ́yínán ɛ́ dí ngə ɛ́ tílání á kâti ɛ Dyǔ nána,
“Baʼ ábə́ bá nan wúkíyǎ wə́ ngə m pɔ́ŋíní tɛ́ŋgɛnɛ mɔ́ bá mín,
na ábə́ bá nan wúkíyá tɛ́ŋgɛnɛ mɔ́, bá sɔ́ntan.”
Pɔ̂lə tyəsí mwanu álí kə á Rómə
22Bikə bín ábə́ m bílíní ɛ kə bɔ́ bí bwə́lí ka mi n si paʼ á nyə́. 23Ngə m məní ɛ ma ɛbulú ɛ́ myə á pɛsi ɛnín, n wɔ́ŋí nlə́m álí paʼ á nyə́, ngə m məní ɛ wɔ́ŋ mimbvú na mimbvú tɛ́. 24N túm á nyə́ njí nǎn kə á ɛ́kumbu ɛ́ Spênə. N wɔ́ŋí nlə́m nána n mín nyə́ njí nǎn kə, na nána nyí wúnján mî álí kə áwə́. Ndé kánâwə̌, n dyɛ na nyə́ á mǎ púndá, na sí pyɛ́ti nlə́m m mɔʼ na mɔtɛ́ ti n kǐ. 25Ndé sɔnsɔ́nǎn n dí á mbuka álí kə á Jerúsálɛmə, álí kə̌ ɛ́ wúnján baʼ bá Dyǔ ábə́ bá dí á wə́. 26Baʼ bá Krísto ábə́ bá dí á pɛsi ɛ́ Masɛdóniya na á pɛsi ɛ Akáya bá mə́ mín nána ɛ́ lɔ́lí álí laʼ ngáʼ álí lúm á baʼ bá líban ábə́ bá dí átítin ábə́ bá dí á Jerúsálɛmə. 27Bá mə́ ɛ mín nána ɛ́ lɔ́lí á bɔ́ álí bwə nâ, na bá lɔ́lí bɔ́ ɛ wúnjan. Ngə ɛ́ díní na wunam ábə́ Dyǔ lí bə́kíní á baʼ bá Júda, bá bwəlan bɔ́ na baʼ ábə́ bá shiyǎ baʼ bá Júda, ɛ́ bá bwǎm nána baʼ ábə́ bá shiyǎ baʼ bá Júda, bɔ́ bá wúnjan baʼ ábə́ bá Júda na byə̌m ngə lidyá, ngáʼ na mabaʼ. 28Wə̌ti m malí ɛbulú ɛ́yín á Jerúsálɛmə, njí m malí álí bə bɔ́ ngáʼ ɛyə̌ bá shwínjíní á bɔ́, m maku álí kə á ɛkumbu ɛ́ Spênə. Ti á púndá ɛni, yɔ́ n tyə́ní álí mín nyə́. 29M bí nána njí n pilí á nyə́ li paʼ lí myə lí bwə nyí kwísí wunam wú Krísto ábə́ wú lwínjí.
30Bǎn-bá-nyǎ bá myə a dǐn lí Sáŋgúwə́ Yésu Krísto, na á ɛ́tútú ɛ ɛ́niŋgán ɛ́yə́ ɛ́ fí á Mudî, nǎn yɔ́m nyə́ nána sí búnjan makɛ́ na sí káni na ngínya nána Dyǔ lí wúnjan mi. 31Nyí káni nána Dyǔ lí táti mi nána baʼ ábə́ bá dúbɛ̌ Krísto bá si bwə mî yǔm ɛ́bî ká ɛ́fɔ́ njí n dí á Judéya. Na nyí káni nána ngáʼ ɛyə̌ n kanání á baʼ bá líban, ábə́ bá dí wútitîn wú baʼ bá Dyǔ á Jerúsálɛmə, bá kwísi yɔ́. 32Á mbís ɛ púndá, yɔ̂ m paní á nyə́ na munyɛŋgɛ, njí Dyǔ lí sa nána ɛ́ bá nâ nána n kɔ́mbɛ njí n dí na nyə́. 33Dyǔ lí músaŋgu lí bá na nyə́ mɔʼ ansə́sə̌n. Ɛ́bánâ.
Currently Selected:
Rômə 15: bwt
Highlight
Copy
Compare
Share
Want to have your highlights saved across all your devices? Sign up or sign in
Rômə 15
15
Bwə baʼ bápə́pə̂ bá wú munyɛŋgɛ suká wəmə̌m
1Sə́ ábə́ dúbɛ lí sɛ lí kpútí, sí wɔ́ŋí álí wúnján baʼ ábə́ dúbɛ́ lí bɔ lí kpútiyǎ. Sí si bwə wɔ̂ mísam ámə́ mí lɔ́lɔ́ní sə́. 2Sɛ́ mɔʼ na mɔtɛ́ sí lɔ́lí ɛ bwə misam á nya ɛyə̌ mwǎn-n-nyǎ n sɛ ǎ wúní munyɛŋgɛ álí kpútí dúbɛ lí mɔ. 3Ndé ká Krísto a bíliyǎ ɛ bwə misam á nya ɛyə̌ ɛ bílí mɔ́ ɛ bwə a wú munyɛŋgɛ. Ndé a bílí ɛ bwə ngə ɛ́ tílání á kâti ɛ Dyǔ nána, “Ɛlwíya ɛ́sə́sə̌n ábə́ baʼ bá bílíní wə ɛ lwî, bí tímbí á mi.” 4Yǔm tɛ́ ɛ́yə́ bâ n tilní á kâti ɛ Dyǔ á púndá ɛ nyakə́ bâ n tíl yɔ́ álí lɛ́fú sə́. Ɛ́yínán ɛ́ bílí nána sí wɔ́ŋ libán lí nlə́m álə́ lí fí á ɛ́yala ɛ́ Dyǔ álə́ lí bwə́lí ka sí wɛnsán na lí kpútí sə́ milə́m. 5Nǎn káni nána, Dyǔ álə́ lí bwə́lí ka sí wɛnsáníyá na álə́ lí kpútí sə́ milə́m, lí bwə nyə́ nyí bá nsu nfɔ́ á mɔʼ na mɔtɛ́ ngə nyí nan ní Yésu Krísto. 6Ɛ́yínán ɛ́ bwəlan nána, ngə nyí látíní nyí bá nsu nfɔ́ álí kasí Dyǔ, Sáŋ n Sáŋgúwə́ n sɛ Yésu Krísto.
Nyí kási mɔʼ na mɔtɛ́
7Áfánikə̌, nyí kási mɔʼ na mɔtɛ́ ngə Krísto a kasíní nyə́ nána baʼ bá kɛ́si Dyǔ. 8Nǎn pɔ̌ŋ nyə́ nána Krísto a timbí mbwəlâ á baʼ bá Júda, nána a lwínji likaʼ álə́ Dyǔ lî n bəní basáŋ bá nyákə́ bá bɔ. Ɛ́yî ɛ́ lúfú nána Dyǔ lí byá mbálɛ. 9A pílí nána baʼ ábə́ bá shiyǎ baʼ bá Júda, bá kɛsí Dyǔ á ɛ́tútú likini lí nlə́m álə́ lí wɔ́ŋíní á bɔ́. Nânə́ ɛ́ tílání á kâti Dyǔ nána,
“Áfánikə̌ n kɛsí wə átítin a baʼ ábə́ bá shiyǎ baʼ bá Júda,
na n kɔ́nákí míkɔ́ni álí kɛsí dǐn lí wə.”
10Ɛ́ tílání pə́ nána,
“Nyə́ baʼ ábə́ nyí shiyǎ baʼ bá Júda, nyí wúkan baʼ bá Dyǔ munyɛŋgɛ!”
11Ɛ tílání pə́ nána,
“Nyə́ ábə́ nyí shiyǎ baʼ bá Júda, nyí kɛ́si Dyǔ,
na baʼ básə́sə̌n á nkínshíyə bá kɛ́si lɔ́.”
12Nlakuwa-a-mudî Ayzáya mɔ́ pə́ a m byá ngə ɛ́ tílání nána,
“Mɔʼ nfɔ́ á fí á njaʼ mú Jɛ́sɛ
awə̌ á paʼ álí janiya baʼ ábə́ bá shiyǎ baʼ bá Júda.
Na á mɔ́ baʼ ábə́ bá shiyǎ baʼ bá Júda bá bán ní milə́m mí bɔ.”
13Nǎn káni nána, Dyǔ álə́ lí bə nyə́ libán lí nlə́m, lí bwə nyí lwínj na munyɛŋgɛ nsə́sə̌n, na nyí bá á músaŋgu á ɛ́tútú ɛ́ dúbɛ lí nyə. Ɛ́yínán ɛ bwə ngínya ɛ Mudî ámə́ n Sáŋí ɛ bwə dúbɛ lí nyə lí kə́ á wúsú álí kɔʼ.
Yándá álə́ Pɔ́lə á tilíní kâti ɛnín
14Bǎn-bá-nyǎ bá myə, mimə̌n m bí bwǎm nána nyí wɔ́ŋí milə́m mí mbâ álí bwə̌ misam ámə́ Dyǔ lí pɔ́ŋíní nána nyí bwə. Nyí sɔ́ntání misam bwǎm, na nyí púl álí lɛ́fú nyə́mə̌n. 15Kánâwə̌, duŋgu lí mísam mí dí ámə́ n tilíní á nyə́ á kâti ɛnín. N tilí bɔ́ álí kaní nyə́ misam mínán mísə́sə̌n ɛ́yə́ n səní ɛ báŋ ká yúm. Nsimá ámə́ Dyǔ lí bə́kíní mi mɔ́ m bwə́lí ka n tîl mísam mín. 16Dyǔ lí bə́kí mi nsimá m mû álí bá mbwəlâ a Yésu Krísto, álí pɔ̌ŋ ndúm ɛ mbâ á baʼ ábə́ bá shiyǎ baʼ bá Júda. Nǎn bwə̂ ɛ́bulú ɛ́yín ngə prísə álí pɔ̌ŋ ndúm ɛ mbâ ɛyə̌ ɛ fí á Dyǔ, nána baʼ ábə́ bá shiyǎ baʼ bá Júda bá bá ngə jabeya álə́ mi m bəkíní, álí kwisán á wusú wú Dyǔ. Dyǔ lí kasí bɔ́ á ɛ́tútú nána, Mudî ámə́ n Sáŋí lí mə́ bɔ́ ɛ bwə bá sáŋí á wusú wú Dyǔ. 17Áfánikə̌, ngə n díní mɔ nfɔ́ na Yésu Krísto, ŋ wɔ́ŋí njɔm álí kfum ɛkɛ́ ɛ́ myə á ngingi á ɛ́tútú ɛ́ ɛbulú ɛ́yə́ nǎn bwəlíní Dyǔ. 18N tíŋganiyǎ ɛ́ byá yǔm ká ɛ́fɔ́ ɛ́sitúm álí byá tɛ́ŋgɛnɛ ɛbulú ɛ́yə́ Krísto a bwəlíní ti m púl ɛ́ bwə, nána baʼ ábə́ bá shiyǎ baʼ bá Júda bá bwə ngə Dyǔ lí saní nána bá bwə. Misam ámə́ m byábíní na ámə́ m bwəlíní mɔ́ mí dí misam ámə́ bá tíŋgání ɛ byá na álí bwə. 19M bwəlí misam mî á ngínya ɛ biyəmblan na manyáká, na ngínya ɛ Mudî n Dyǔ. Ɛ́yínán ɛ́ bwə́lí m pɔŋí Ndúmɛ ɛ Mbâ ɛ́ Krísto bwǎm ngə m bílíní ɛ kə á Jerúsálɛmə álí paʼ á pɛsi ɛ Ilíríkum. 20M mə̌ ɛ wɔ́ŋ nyɔ́ngí álí pɔ̌ŋ Ndúm ɛ Mbâ, á mabú ámə́ mɔʼ ká nfɔ́ a nan bə́ŋyání dǐn lí Krísto. M bwəlí nâni nána n si kə̂ á fə́ mɔʼ ampə́pə̂ a m mə́ní ɛ butí ɛ́ bwə ɛ́bulú. 21Ɛ́yínán ɛ́ dí ngə ɛ́ tílání á kâti ɛ Dyǔ nána,
“Baʼ ábə́ bá nan wúkíyǎ wə́ ngə m pɔ́ŋíní tɛ́ŋgɛnɛ mɔ́ bá mín,
na ábə́ bá nan wúkíyá tɛ́ŋgɛnɛ mɔ́, bá sɔ́ntan.”
Pɔ̂lə tyəsí mwanu álí kə á Rómə
22Bikə bín ábə́ m bílíní ɛ kə bɔ́ bí bwə́lí ka mi n si paʼ á nyə́. 23Ngə m məní ɛ ma ɛbulú ɛ́ myə á pɛsi ɛnín, n wɔ́ŋí nlə́m álí paʼ á nyə́, ngə m məní ɛ wɔ́ŋ mimbvú na mimbvú tɛ́. 24N túm á nyə́ njí nǎn kə á ɛ́kumbu ɛ́ Spênə. N wɔ́ŋí nlə́m nána n mín nyə́ njí nǎn kə, na nána nyí wúnján mî álí kə áwə́. Ndé kánâwə̌, n dyɛ na nyə́ á mǎ púndá, na sí pyɛ́ti nlə́m m mɔʼ na mɔtɛ́ ti n kǐ. 25Ndé sɔnsɔ́nǎn n dí á mbuka álí kə á Jerúsálɛmə, álí kə̌ ɛ́ wúnján baʼ bá Dyǔ ábə́ bá dí á wə́. 26Baʼ bá Krísto ábə́ bá dí á pɛsi ɛ́ Masɛdóniya na á pɛsi ɛ Akáya bá mə́ mín nána ɛ́ lɔ́lí álí laʼ ngáʼ álí lúm á baʼ bá líban ábə́ bá dí átítin ábə́ bá dí á Jerúsálɛmə. 27Bá mə́ ɛ mín nána ɛ́ lɔ́lí á bɔ́ álí bwə nâ, na bá lɔ́lí bɔ́ ɛ wúnjan. Ngə ɛ́ díní na wunam ábə́ Dyǔ lí bə́kíní á baʼ bá Júda, bá bwəlan bɔ́ na baʼ ábə́ bá shiyǎ baʼ bá Júda, ɛ́ bá bwǎm nána baʼ ábə́ bá shiyǎ baʼ bá Júda, bɔ́ bá wúnjan baʼ ábə́ bá Júda na byə̌m ngə lidyá, ngáʼ na mabaʼ. 28Wə̌ti m malí ɛbulú ɛ́yín á Jerúsálɛmə, njí m malí álí bə bɔ́ ngáʼ ɛyə̌ bá shwínjíní á bɔ́, m maku álí kə á ɛkumbu ɛ́ Spênə. Ti á púndá ɛni, yɔ́ n tyə́ní álí mín nyə́. 29M bí nána njí n pilí á nyə́ li paʼ lí myə lí bwə nyí kwísí wunam wú Krísto ábə́ wú lwínjí.
30Bǎn-bá-nyǎ bá myə a dǐn lí Sáŋgúwə́ Yésu Krísto, na á ɛ́tútú ɛ ɛ́niŋgán ɛ́yə́ ɛ́ fí á Mudî, nǎn yɔ́m nyə́ nána sí búnjan makɛ́ na sí káni na ngínya nána Dyǔ lí wúnjan mi. 31Nyí káni nána Dyǔ lí táti mi nána baʼ ábə́ bá dúbɛ̌ Krísto bá si bwə mî yǔm ɛ́bî ká ɛ́fɔ́ njí n dí á Judéya. Na nyí káni nána ngáʼ ɛyə̌ n kanání á baʼ bá líban, ábə́ bá dí wútitîn wú baʼ bá Dyǔ á Jerúsálɛmə, bá kwísi yɔ́. 32Á mbís ɛ púndá, yɔ̂ m paní á nyə́ na munyɛŋgɛ, njí Dyǔ lí sa nána ɛ́ bá nâ nána n kɔ́mbɛ njí n dí na nyə́. 33Dyǔ lí músaŋgu lí bá na nyə́ mɔʼ ansə́sə̌n. Ɛ́bánâ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in