مَتّی 5
5
موعظۀ سَرِ کُوء
1وَختی عیسی او جَماعتا نِه دی، اَ کُوء بالا رَفت وُ دِ اونچو نِشِس. اوسِه شایِرداش آمان وَرِشُ 2او تعلیمِ خُیِشِه شروع کِرد و گُفت:
3«خوشالِ اونایی که دِ روح فَقیرَن
وِرَ ایکه پادشاییِ آسِمو
مالِ اوناس.
4خوشال اونا که عَزادارَن
وِرَ ایکه اونا تَسَلی مِیرَن.
5خوشالِ اونا که حَلیمَن
وِرَ ایکه اونا وارثِ زِمی مِشَن
6خوشالِ کِسایی که مِث گُسنه آ
وُ تشنِه آ دِ دُمِ صالح شیَنَن
وِرَ ایکه اونا سیر مِشن.
7خوشال اونایی که وِ دییَریا رَحم مُکُنَن،
وِرَ ایکه وِ اونا رَحم مِشَه.
8خوشال پاکدِلا
وِرَ ایکه اونا خدانِه مُویینَن
9خوشال اونایی که صُلح مُکُنَن،
وِرَ ایکه اونا اولادای خدا
خُنَه مِشَن.
10خوش وِحال کِسایی که وِ خاطِرِ صالح شیَن آزار مُوینَن،
وِرَ ایکه پادشاییِ آسِمو وِرَ اوناس.
11خوشال شما او وَخت که مردِم و خاطرِ مَه وِ شما دِشنام بَیَن وُ آزار بَرَسُنَن وُ وِ ضِدِتو تُهمَتِ دُرُو بَزَنَن. 12خوشال بايْد وُ خوشی کنید که پاداشتو دِ آسِمو خیلی بزرگَ. وِرَ ایکه همیجور وِ انبیایی که قبلِ شما بییِن آزار رَسُنَن.
نور و نَمک
13شما نَمَک جهانید. امّا اَیَر نَمَک خاصیِتشِه اَ دَس بَیه چِجوری مِشَه اونِه هَنی نَمَکیش کِرد؟ دیَه وِ کار نِمیا مَیَر اییکه رِختَه با دَر وُ زیر پا مَردِم اَ بین بَرَ .
14شما نُورِ جَهانید. شَری نِه که وِ رو كُویی بَنا شییَه نِمِشه قایِم كِرد. 15هوشکه چراغِ نِه رُوشَن نِمُکُنه که اونِ زیر سَر پوشی بَلَ ، بلکه اون دِ چِراغدُ مَله تا نورِشِ وِ هَمَه اونایی که دِ خُونَه هِسِن بَزِنَه. 16پَ بَلید نورِ شما بِفتَه وِ مردِم تا کارای خویِ شمانِ بُوینَن وُ بُوآِ شمانِه که دِ آسِموُنَه، جلال بَیَن.
مسیح موعود وِرَ کامل کِردِن شریعت آما
17گُمو نَکنید كه مَه آمیَم تا تُورات وُ نِوِشته آ انبیانِ نِه رَد کُنِم،نیامیَم تا اونان رَد کُنِم بلکه آمیَم تا اونانِ وِ انجام بَرَسونِم. 18وِرِ اییکه وِ راسی وِ شما موئِم، تا آسمُونُو زِمی اَ بین نَرَ نقطَه یا هَمزه ایی اَ تُورات هوچ وَخت اَ بین نِمِرَه تا اییکه تَمامِش وِ انجام بَرَسَه. 19پَ هرکَه یِکی اَ كوچوكتَرینِ ایی دَستورانِه بی اهمیت بَشمُرَه وُ وِ بقیه اَم ایجوری تَعلیم بیَه دِ پادشایی آسِمو، کُوچوکتَرین وِحِساو میایَ. امّا هر کَه ایی دَستوراتِ اجرا کُنه وُ وِ بقیه ام تَعلیم بَیه دِ پادشایی آسِمو بزرگ خُنَه مِشَه. 20وِرِ اییکه وِ شما موئِم، تا صالح بیَن شما بالاتَر اَ صالح بیَن معلما تورات وُ عُلمایِ فَریسی نَوا هوچ وخت وِ پادشایی آسِمو را پیا نِمُکنید.
خشم وَ غَضب
21شِنُفتِید كه وِ قَدیمیا گُفتَه شییَ ”قتل نَكُ، وُ هر کَه قتل کُنَه سزاوار محاکمِیَه.“ 22امّا مَه وِ شما مُوئِم، هر که وِ بِرارِ خُیِش عصبانی با سزاوارِ محاکِمِیَه وُ هر که بِرارِ خُیِشِه اهانت کُنَه سِزاوارِ محاکمه دِ حُضورِ شُورا یهودَ؛ وُ هر که وِ بِرارِ خُیِش بُوئَه احمق سزاوارِ آتِشِ جَنِمَ. 23پَ اَیَر موقَع تقدیمِ پیشکِش وِ مذبحِ خداوند، وِ یاد بیاری که بِرارِت اَ تُو کُدورَتی دِ دل دارَه، 24پیشکَشِ نِه دِ جِلو مذبح بَل زِمی وُ اول بَرو وا بِرارِ خُیِت آشتی کُ وُ اوسِه وُریَردُ پیشکَشِتِ تَقدیم کُ. 25وا شاکی خُیِت که تونِ وِ مَحکَمهَ مُورَ تا هَنی واش دِ را مَحکَمَه هِسی صُلح کُ، نَکُنَه تُونِه وِ دَسِ قاضی بَسپُرَ وُ قاضی تُونِه وِ مامورا تحویل بیَه وُ بِفتی زِندان، 26وِ راسی وِت موئِم تا قرُن آخَرِ نِه وِش نَپردازی اَ زندان نمیایی دَر.
شَهوت
27شِنُفتِید كه دِ تورات گُفته شیَ ”زِنا نَكُ.“ 28امّا مَه وِ شما مُوئِم، هر کَه وا شَهوت وِ زنی سِیل کُنَه دِ دلِ خُیِش وا او زِنا کرِدَه. 29پَ اَیَر چِشِ راسِت، تونِ وِ گنا مِنازَ اونِ دِرارُ بَنازش دور. وِرَ ایکه وِرَت بِهتَرَ عُضوی اَ بدَنِت نابود با تا ایکه تمام بَدَنِت وِ جَنِم اناختَه با، 30وُ اَیَر دَسِ راسِت، تُونِه وِ گناه مِنازَ اونِه قَطع کُ وُ بَنازِش دور وِرَ ایکه وِرَت بِهتَرَ عُضوی اَ بَدَنِتَ نابود با تا ایکه تمام بَدَنِت وِ جَنِم اناختَه با.
طِلاق
31همیجور دِ تورات گُفته شیَ ”هر که زَن خُیِشِه طِلاق بَیَه باید وِش طِلاقنامِهایی بَیَه.“ 32اما مَه وِ شما مُوئِم، هرکَسی که زَنِ خُیِشِه بِجُز زِنا طِلاق بَیَه باعِثِ زِناکاری او زَ مِشَه وُ هَر کَس زَنِ طِلاق گِرفته ایی نِه بیرَ زِنا مُکُنه.
قسم
33وُ هَنی شِنُفتِید كه وِ قَدیمیا گُفتَه شییَ ”قَسَم دُرُو نَخُور، بلکه وِ قَسَما خُیِت وِ خداوند وَفا کُ.“ 34امّا مَه وِ شما مُوئِم، وِ هوچ وَجه قَسَم نخورید نَه وِ آسِمو، وِرَ ایكه تختِ پادشایی خداَ ، 35وُ نَه وِ زِمی، وِرَ ایکه کُرسیِ زیر پا اونَه، وُ نَه وِ اُورشلیم، وِرَ ایَکه شَرِ او پادشا بزرگیَه. 36وُ وِ سَرِ خُیِتَم قسم نَخور وِرَ ایَکه نِمِتونی حتی موُیی اَ اُونِ سیاه یا سفید کُنی. 37پَ بله شما هَمو ”بله“ با وُ ”نَه“ شما نَه، وِرَ ایکه هر چی بیشتَر اَیی نِشو میَه مَری چییِ گنی پُشتِشَ.
انتقام
38هَم شِنُفتِید كه گُفته شیَ ”چِش دِ عوَضِ چِش وُ دِنُّو دِ عَوضِ دِنُّو.“ 39اما مَه وِ شما مُوئِم، دِ بِراوَرِ آیِمِ شَرور واینِسید، اَیَر کَسی وِ طرف راسِ روت سیلی زَا طرف دیَرِ روتِ وُرییَردُ وِ طرفِش. 40وُ هروخت کسی بَخوا تُونِه وِ مَحکَمَه بکَشُونَ که قَباتِ بَسونَه عَباتَم وِش بَ. 41اَیَر یِکی تونِ مجبور کُنَه دو کیلومتر واش را بَری چار کیلومتر واش بَرو. 42اَیَر کَسی چییِ اَ تُو بَخوا وِش بَ وُ اَ کَسی که اَ تُو قَرض ماخا رو وُرنِیَردُ.
مُحَبت وِ دُشمَنا
43شِنُفتید كه گُفته شیَ ”هَمسایَتِ محبت کُ وُ وا دُشمِنت دُشمنی کُ.“ 44امّا مَه وِ شما مُوئِم دُشمَنا خُیِتونِ محبَت کنید وُ وِرَ اونایی که وِ شما آزار مِرسُنن دُعا کُنید. 45تا اولادای بُوآ آسِمونی خُیِتُو بَشید. وِرَ ایکه او اَفتُو خُیِشِ مِنازَ رو آیِمیا بَد وُ آیمیا خو وَ بارُونِ خُیِشِه مِوارونَ وِ رو آیِمیا عادل وُ ظالِم. 46وِرِ اییکه اَیَر فقط وِ اونایی که شُمانِه محَبَت مُکُنَن مُحَبَت کنید چه پاداشی میرید ؟ حتی خراجگیرا اهم ایجور نِمُکُنَن؟ 47وُ اَیَر فقط وِ بِرارا خُیِتُو سِلام کنید چه چیِ بیشتری نسبت وِ باقی انجام مییی؟ مَیَرحتی غیر یهودیا هم ایجور نِمُکُنَن؟ 48پَ شما کامِل باید هَمو جوری که بُواِ آسِمُونیِ شما کامِلَه.»
Currently Selected:
مَتّی 5: NLBB
Highlight
Copy
Compare
Share
Want to have your highlights saved across all your devices? Sign up or sign in
@ 2026 Korpu Company
