Titus 2
2
Elongo ndyaa vyuuka
1Iya ove longa ovipuka mbyaa vyuuka. 2Odhombwale ngava kale ovalidhiliki wonkalo ndjaa tumbala, mbave likambula nawa, ovakohoki meitavelo, mohole nomelikambulithilo. 3Ovakulukadhi nawo ngava kale nonkalo ndjee thevelwa ovavyuuki, havakuminini, havapika wovikunwa ovingi, iya ngava kale ovalongi wouwa, 4opo ve tjiiwe okupukulula ovakadhintu, ovakadhintu mboka va kale ave hole ovalumentu vawo, wo va kale ave hole ovana. 5Iya va kale nonkalo ombwa, novakohoki, mbave tji i okutekula odhonganda dhawo, ovaundapi wouwa, mbava tyaa kovalumentu vawo, ondaka yaKalunga opo hái penywa.
6Ovalumentu nawo ve pukulula, ve liyunge nawa. 7Movipuka avihe ove ila omuholelwa wovilinga oviwa, nelongo lyoye ngali kale alya kohoka, lyo alya tumbala. 8Popya odhondaka ndhihamadhi ku lalulitha, opo ovakondjethi woye va t̯ithwe ohon̯i, ahamava ulu uke oku ku popila mouvi.
9Ovapika ngava tyee kovahona vawo, wo ve ve hulukithwe movipuka avihe, ahamave ve yaka, 10ahamave ve vaka, iya ngava yulike okutya wo ovantu ovawa, ovaliun̯ikwa, opo va tumbalekethe elongo ndyoka ndimali popi Kalunga Omuhupithi wetu, movipuka avihe mbyoka mbimava ningi.
11Iya et̯ilonkenda lyaKalunga lye ya, li etele ovantu avehe ehupitho, 12iya mali tu longo, nt̯e tu yethe okutomba Kalunga, nehalo lyouye, nt̯e tu likambule nawa mouvyuuki nokutumbaleka Kalunga mouye hembu wanapano, 13mokukevelela kwetu ehwithilopo lyekevelelo lyelao nokuya kwetumbalo lyaKalunga omunene nolyOmuhupithi wetu Jesus Kristus, 14ngwee liyandja omwene poluvedhe lwetu okutya e tu yowole mo mouvi auhe, ye omwene e tu kohole, tu kale otjiwan̯a tje, himatji kambulitha tjatjili ovilinga oviwa.#Eks. 19:5; Deut. 4:20; 7:6; 14:2; Eps. 130:8; 1 Pet. 2:9
15Popya ovipuka hembi, ove u ve ilikin̯e, u ve tjaele nodhonkono adhihe ndhiwa pewa. Hápa kala omuntu noumo ngume ku tombo.
Currently Selected:
Titus 2: DBNT
Highlight
Share
Copy
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.