Ovaroma Omuhangu
Omuhangu
Omukanda waPaulus mbwaa sonekelwa Ovaroma wa sonekelwa okulongekedha evalulo lye keongalo lyokoRoma. Ontanto ye okulonga ovakriste vahoka, opo a mone epopilo okuya koSpania. Paulus wa soneka omukanda hembu, opo a thitulule onkalamwenyo yopaukriste okutya otjitji. Etumwalaka lyaPaulus momukanda hembu lya kohoka okuhwila po.
Olutenga hiaa popitha eongalo moRoma, we ve heela okutya u ve kumbila.
We ve heela ouhunga nontanto yomukanda hembu. Ondaka mai hololola okutya Kalunga wa ninga ovantu va ile ovavyuuki kotjipala tje. Hehi matji ningwa keitavelo aliika okudha komautilo katee komaandelo (1:17).
Paulus wa tya ovantu avehe, Ovajuda novapaani, mava hepa ewaneneno naKalunga, mena lyokutya ovantu avehe ovalundhi, mava ningwa ovavyuuki kotjipala tjaKalunga himava itavele Jesus Kristus. Paulus wa thitulula wo omwenyo muKristus mbumau eta ewaneneno epe naKalunga. Ombepo yaKalunga ya kutulula omwiitaveli modhonkono dhoulundhi nodhet̯o, ma kala nouwa naKalunga. Momayandjwa 5--8 Paulus ma thitulula ontanto yoveta yaKalunga nodhonkono dhOmbepo yaKalunga monkalamwenyo yovaitaveli.
Wa thitulula epulo edheu ouhunga nOvajuda novapaani, ouhunga noluvedhe lwawo mondunge yaKalunga. Paulus kon̯ima wa soneka ouhunga nonkalamwenyo yovakriste hiva tha okukala, unene tuu hiva tha okukala ave lihole nokukala ave hole ovakwawo. Wa popya ovipuka ngahi tji li okuundapela Kalunga, otjilinga tjovakriste pokati kawo netumino nopokati komuntu nomuntu, nomapulo ouhunga nelityoo lyomuntu. Wa tetula omukanda hembu ama hivilike nokutumbaleka Kalunga.
Otjilimo
Etwalomo nehuku (1:1-17)
Omuntu ma hepa ehupitho (1:18--3:20)
Ondjila yaKalunga yehupitho (3:21--4:25)
Omwenyo omupe muKristus (5:1--8:39)
Israel montanto yaKalunga (9:1--11:36)
Onkalo yovakriste (12:1--15:13)
Omaandelo nomameneko (15:14--16:27)
Currently Selected:
Ovaroma Omuhangu: DBNT
Highlight
Copy
Compare
Share
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.