Ovaroma 14
14
Hó koyo omukwen̯i
1Tambulen̯i ovingone meitavelo, iya hámu litetha nawo ombata ouhunga nomalipulo awo.#Kol. 2:16 2Omuntu umo u na eitavelo okulya ovipuka avihe, iya umo nguu li otjingone meitavelo, u lya vala ombidhi. 3Nguu lya ovipuka avihe, há tombo nguha li. Nanguha li ovipuka avihe, há tombo nguu lya, mena lyokutya Kalunga wa tambula omuntu ngoka. 4Oove an̯i ngumo koyo omuundapi womukwen̯i? Omuhona we oye me mu koyo okutya omuundapi ngoka ma mono elao ne omupya. Ma mono elao, mena lyokutya Muhona ma ulu oku mu popila e li mone.
5Omuntu umo u mona okutya etango limo lya pon̯a omakwawo, iya omukwawo u mona okutya omatango aehe e litha. Omuntu auhe nga kale aa kolo momalipulo e. 6Nguu mona etango limo okutya lya pon̯a omakwawo, u tji ninga ama tumbaleke Muhona. Nguu lya ovipuka avihe, u lya ama tumbaleke Muhona, ha yandja ompandu kuKalunga. Nguha li ovipuka avihe, u tji ninga ama tumbaleke Muhona, ha yandja ompandu kuKalunga. 7Kape na tja omuntu noumo munt̯e ngume likalele omwene, po kape na tja omuntu ngume lit̯ile omwene. 8Iya amatu kala nomwenyo, matu kalele Muhona ne andaa matu t̯i, matu t̯ile Muhona. Iya kutya tu na omwenyo ne matu t̯i tuvaMuhona. 9Iya hehi Kristus otjo a t̯ila, tjo otjo a imukila kout̯e, opo a kale Muhona wovat̯e nowovanamwenyo. 10Iya ove, omena lyatji u koya omukwen̯i? Ne ove, omena lyatji wa tomba omukwen̯i? Iya nt̯e atuhe matu ka kulama kotjipala tjaKalunga, ye he tu koyo.#2 Kor. 5:10 11Omusonekwa mau tyaa:
“Muhona ma tyaa:
‘Otjatjili, ame ngahi ndji na omwenyo,
omuntu auhe ma ka twika odhongolo kotjipala tjandje,
elaka alihe mali ka hipulula okutya aame Kalunga.’ ”#Jes. 45:23
12Omuntu auhe munt̯e me ke lihipulula omwene kuKalunga.
Hó putaletha omukwen̯i
13Hátu likoyo uke, iya tokolen̯i okuninga hihamatji putaletha omukwen̯i ne oku mu twaa moulundhi. 14Ame hindji na oukumo naMuhona Jesus, ndji tji i nawa okutya kape na tja otjipuka hitji sila kutjo otjene. Iya andaa omuntu ma tala okutya otjongandi tja sila, okutya kuye tja sila. 15Andaa omukwen̯i mo mu ningitha navi novikulya mbimo li, okutya omukwen̯i ngoka ku mu hole. Hó yetha ovikulya mbyoka mbimo li, vi lundhe omuntu ngwaa t̯ilwa kuKristus. 16Hámu yetha ouwa wen̯i u penywe. 17Iya otjilongo tjaKalunga hákulya nokunwa, iya otjouvyuuki, ouwa nehuluko, hembi mavi dhi kOmbepo Ondhilikwa. 18Iya nguma undapele Kristus movipuka hembi, ma hopwa kuKalunga, novantu mave mu tambula.
19Iya ngatu kondjele ovipuka mbimavi eta ouwa novipuka mbimavi tungu. 20Hó han̯auna po otjilinga tjaKalunga mena lyovikulya. Ovikulya avihe mavi ulu okuliwa, iya tja puka okulya ovikulya mbimavi twala omukwen̯i moulundhi. 21Onawa ahamo li onyama, ahamo nu ovinyu ne ahamo ningi otjipuka himatji putaletha omukwen̯i. 22Kala awa itavela soka ove omwene himo tala okutya tja vyuuka kotjipala tjaKalunga. Omunalao onguhame lipa ouhima ye omwene movipuka mbima mono okutya oviwa. 23Iya nguma li ae limbililwa, okutya omuntu ngoka ma koywa kuKalunga, mena lyokutya hima li katji dhile meitavelo, iya atjihe hihatji dhile meitavelo, oulundhi.
Currently Selected:
Ovaroma 14: DBNT
Highlight
Copy
Compare
Share
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.
Ovaroma 14
14
Hó koyo omukwen̯i
1Tambulen̯i ovingone meitavelo, iya hámu litetha nawo ombata ouhunga nomalipulo awo.#Kol. 2:16 2Omuntu umo u na eitavelo okulya ovipuka avihe, iya umo nguu li otjingone meitavelo, u lya vala ombidhi. 3Nguu lya ovipuka avihe, há tombo nguha li. Nanguha li ovipuka avihe, há tombo nguu lya, mena lyokutya Kalunga wa tambula omuntu ngoka. 4Oove an̯i ngumo koyo omuundapi womukwen̯i? Omuhona we oye me mu koyo okutya omuundapi ngoka ma mono elao ne omupya. Ma mono elao, mena lyokutya Muhona ma ulu oku mu popila e li mone.
5Omuntu umo u mona okutya etango limo lya pon̯a omakwawo, iya omukwawo u mona okutya omatango aehe e litha. Omuntu auhe nga kale aa kolo momalipulo e. 6Nguu mona etango limo okutya lya pon̯a omakwawo, u tji ninga ama tumbaleke Muhona. Nguu lya ovipuka avihe, u lya ama tumbaleke Muhona, ha yandja ompandu kuKalunga. Nguha li ovipuka avihe, u tji ninga ama tumbaleke Muhona, ha yandja ompandu kuKalunga. 7Kape na tja omuntu noumo munt̯e ngume likalele omwene, po kape na tja omuntu ngume lit̯ile omwene. 8Iya amatu kala nomwenyo, matu kalele Muhona ne andaa matu t̯i, matu t̯ile Muhona. Iya kutya tu na omwenyo ne matu t̯i tuvaMuhona. 9Iya hehi Kristus otjo a t̯ila, tjo otjo a imukila kout̯e, opo a kale Muhona wovat̯e nowovanamwenyo. 10Iya ove, omena lyatji u koya omukwen̯i? Ne ove, omena lyatji wa tomba omukwen̯i? Iya nt̯e atuhe matu ka kulama kotjipala tjaKalunga, ye he tu koyo.#2 Kor. 5:10 11Omusonekwa mau tyaa:
“Muhona ma tyaa:
‘Otjatjili, ame ngahi ndji na omwenyo,
omuntu auhe ma ka twika odhongolo kotjipala tjandje,
elaka alihe mali ka hipulula okutya aame Kalunga.’ ”#Jes. 45:23
12Omuntu auhe munt̯e me ke lihipulula omwene kuKalunga.
Hó putaletha omukwen̯i
13Hátu likoyo uke, iya tokolen̯i okuninga hihamatji putaletha omukwen̯i ne oku mu twaa moulundhi. 14Ame hindji na oukumo naMuhona Jesus, ndji tji i nawa okutya kape na tja otjipuka hitji sila kutjo otjene. Iya andaa omuntu ma tala okutya otjongandi tja sila, okutya kuye tja sila. 15Andaa omukwen̯i mo mu ningitha navi novikulya mbimo li, okutya omukwen̯i ngoka ku mu hole. Hó yetha ovikulya mbyoka mbimo li, vi lundhe omuntu ngwaa t̯ilwa kuKristus. 16Hámu yetha ouwa wen̯i u penywe. 17Iya otjilongo tjaKalunga hákulya nokunwa, iya otjouvyuuki, ouwa nehuluko, hembi mavi dhi kOmbepo Ondhilikwa. 18Iya nguma undapele Kristus movipuka hembi, ma hopwa kuKalunga, novantu mave mu tambula.
19Iya ngatu kondjele ovipuka mbimavi eta ouwa novipuka mbimavi tungu. 20Hó han̯auna po otjilinga tjaKalunga mena lyovikulya. Ovikulya avihe mavi ulu okuliwa, iya tja puka okulya ovikulya mbimavi twala omukwen̯i moulundhi. 21Onawa ahamo li onyama, ahamo nu ovinyu ne ahamo ningi otjipuka himatji putaletha omukwen̯i. 22Kala awa itavela soka ove omwene himo tala okutya tja vyuuka kotjipala tjaKalunga. Omunalao onguhame lipa ouhima ye omwene movipuka mbima mono okutya oviwa. 23Iya nguma li ae limbililwa, okutya omuntu ngoka ma koywa kuKalunga, mena lyokutya hima li katji dhile meitavelo, iya atjihe hihatji dhile meitavelo, oulundhi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.