Ovaroma 11
11
Et̯ilonkenda lyaKalunga kOvaisraeli
1Iya me pula ame tyaa, Kalunga wa yetha ovantu ve? Hatjo nokanunu. Ame omwene ndjiMwiisraeli, ndjiwoluyumuko lwaAbraham, mba dha meanda lyaBenjamin.#Filp. 3:5 2Kalunga ka yethele ovantu ve mbae i ae lukulu. Nan̯i kamu tji i omusonekwa himau popi, Elia hiaa popya Israel kuKalunga ha tyaa: 3“Muhona, va dhipaa ovaprofeti woye, hava han̯auna po oviyambelo vyoye, aame vala aika mba hupa po. Va mbandela, va hala okundhipaa.”#1 Hamb. 19:10,14 4Kalunga we mu yaka vi? We mu yaka ama tyaa: “Ame mbe lithiila po ovalumentu omayovi epanduvali mbahava kumbile kotjikalunga Baal.”#1 Hamb. 19:18 5Iya nanapano otjo tji li, pe na otjihupe otjinunu vala tjovantu mbava holowolwa kuKalunga mena lyet̯ilonkenda lye. 6Iya andaa oket̯ilokenda, nan̯i hakovilinga, mena lyokutya ngaile okovilinga ngai et̯ilonkenda hat̯ilonkenda.
7Iya ovi? Israel hiaa tanta ke tji vadhele, ovaholowolwa ve tji vadha, ovakwawo va kukuta, 8ngahi kwa sonekwa, haku tiwaa:
“Kalunga we ve yumba ombepo yepot̯i,
omeho awo opo háe ku mono,
nomatwi awo opo háa tee
katee kundino hendi.”#Deut. 29:4; Jes. 29:10
9David ma tyaa:
“Otjipito tjawo ngatji ile omoo neliva
lyoku ve kambula noku ve yumaneka.#Eps. 69:22-23
10Omeho awo ngaa twike, ahamave ku mono.
Oluvedhe aluhe ve yongamekela kohi yomaudheu awo.”
11Ame me pula okutya Ovajuda va putalelela? Hatjo nokanunu. Iya hiva lundha, ehupitho lye ya kovapaani, Ovajuda opo ve ve t̯ile onki. 12Iya andaa napano okulundha kwOvajuda kwa etela ouye ouwa oun̯ingi, noluhepo lwawo lwopambepo lwa etela ovapaani ouwa oun̯ingi, ouwa mau ka kala au lithike pi, Ovajuda avehe himava havelwa mo!
Ehupitho lyovapaani
13Iya napano me popi ouhunga nan̯e ovapaani. Ame ngomuyapostoli mokati ken̯i me tumbaleke otjilinga tjandje, 14pamo ovantu womomuhoko wandje mava ka t̯ila ovapaani onki, opo ndji tjiiwe okuhupitha vamo owomuwo. 15Iya andaa okuyekelwahi kwawo kwa eta okuwanena kouye naKalunga, iya okutambulwa kwawo maku ngala tji? Maku ngala okwiimunwa kout̯e.
16Andaa okanyembu komungome okatenga ka yandjwa kuKalunga, okadhilikwa, okutya omungome auhe omudhilikwa. Omidhi vyomuti andaa omidhilikwa, nodhontai dhatjo odhondhilikwa. 17Andaa odhontai dhimo dhomuholivi dha tetwa ko, haku twikwa ontai yomuholivi womokuti, iya n̯e ovapaani mu ngala omuholivi womokuti, iya napano mamu li ovinyango oviwa momuholivi mbwaa tengelwa. 18Hó linomo, hó tombo odhontai ndhaa tetwa. Andaa mo linomo, kala au tji i okutya haove wa tjinda ethina, ethina olyo lye ku tjinda. 19Ove mpaeli mo tyaa: “Odhontai hendhi dha tetwa ko, ame opo ndji twikwa ko.” 20Eewa, ove otjo mo popi, wo va tetwa ko mena lyahihava itavelele, ove wa tuwa poluvedhe lwawo mena lyahiwa itavela. Iya hó linomo, tila. 21Iya ngaile Kalunga ka hupithile Ovajuda mbave li odhontai pakuutwa, naove wo ngai ke ku hupithile. 22Iya tala ouwa nomadhinge aKalunga, omadhinge e kovantu mbava putala. Iya Kalunga ma ile omuwa kwoove, andaa mo likambula nawa. Andaa hatjo, naove wo mo tetwa ko. 23Ovajuda wo andaa kava anyenene mokuhaitavela kwawo, mava ka twikwa ko, mena lyokutya Kalunga ma ulu oku ve twikulula ko uke. 24N̯e ovapaani mu ngala ontai yomuholivi womokuti, ndjaa tetwa ko, hai twikwa nounongo komuholivi mbwaa tengelwa. Ovajuda va ngala omuholivi mbwaa tengelwa, iya kombinga yaKalunga otjipu unene okutwika ko uke odhontai ndhoka ndhaa tetwa ko komuholivi mboka.
Onkenda yaKalunga kovantu avehe
25Vakwetu, opo hámu i nodhondunge dhen̯i, me hala oku mu holololela otjiholekwa hehi okutya Ovaisraeli mave likukutike katee otjihavelo tjovapaani matji hwile po himatji ya kuKalunga. 26Iya Ovaisraeli avehe mava ka hupithwa, omusonekwa ngahi mau popi himau tyaa: “Omuhupithi ma ka dha muSion, ye ma ka itha mo omutomba okutomba Kalunga modhontekulona dhaJakob.#Jes. 59:20-21 27Iya ewaneneno lyandje nawo hoolyondi, hime itha po odhonkali dhawo.”#Jes. 27:9 28Ovajuda va ila odhondjedhi dhaKalunga mena lyen̯i n̯e ovapaani, mena lyahiva anya ondaka ombwa. Iya mena lyeholowolo lyaKalunga, va ila ovahivilikwa mena lyowoiheombwale. 29Iya Kalunga ka lundulula otjali tje kovantu, ye ka lundulula eithano lye. 30N̯e ovapaani lukulu kamu teele kuKalunga, iya napano Kalunga we mu t̯ila onkenda, mena lyokuhatyaa kwOvajuda. 31Iya nan̯e himwa t̯ilwa onkenda, Ovajuda napano nawo kava tee kuKalunga, opo nawo wo napano va t̯ilwe onkenda kuKalunga. 32Iya Kalunga ovantu avehe we ve yethela monkalo yokuhatyaa, opo avehe e ve t̯ile onkenda.
Odhondunge dhaKalunga dha tumbala
33Oule wouhona nounongo nowodhondunge dhaKalunga wa hulila pi! Aan̯i nguma ulu okuthitulula omakoyo e? Aan̯i nguma ulu okutyaa odhondjila dhe?#Jes. 55:8
34 Omusonekwa mau tyaa:
“Aan̯i nguu i omalipulo aMuhona?
Ne aan̯i nguu mu longa?#Jes. 40:13
35Ne aan̯i ngwee mu pele tja olutenga,
Muhona e mu thute tjo?”#Job 41:11
36Iya ovipuka avihe vya dha kuye, mavi pitile muye, mavi i kuye. Kalunga nga tumbalekwe apehe katee apehe. Amen.#1 Kor. 8:6
Currently Selected:
Ovaroma 11: DBNT
Highlight
Copy
Compare
Share
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.
Ovaroma 11
11
Et̯ilonkenda lyaKalunga kOvaisraeli
1Iya me pula ame tyaa, Kalunga wa yetha ovantu ve? Hatjo nokanunu. Ame omwene ndjiMwiisraeli, ndjiwoluyumuko lwaAbraham, mba dha meanda lyaBenjamin.#Filp. 3:5 2Kalunga ka yethele ovantu ve mbae i ae lukulu. Nan̯i kamu tji i omusonekwa himau popi, Elia hiaa popya Israel kuKalunga ha tyaa: 3“Muhona, va dhipaa ovaprofeti woye, hava han̯auna po oviyambelo vyoye, aame vala aika mba hupa po. Va mbandela, va hala okundhipaa.”#1 Hamb. 19:10,14 4Kalunga we mu yaka vi? We mu yaka ama tyaa: “Ame mbe lithiila po ovalumentu omayovi epanduvali mbahava kumbile kotjikalunga Baal.”#1 Hamb. 19:18 5Iya nanapano otjo tji li, pe na otjihupe otjinunu vala tjovantu mbava holowolwa kuKalunga mena lyet̯ilonkenda lye. 6Iya andaa oket̯ilokenda, nan̯i hakovilinga, mena lyokutya ngaile okovilinga ngai et̯ilonkenda hat̯ilonkenda.
7Iya ovi? Israel hiaa tanta ke tji vadhele, ovaholowolwa ve tji vadha, ovakwawo va kukuta, 8ngahi kwa sonekwa, haku tiwaa:
“Kalunga we ve yumba ombepo yepot̯i,
omeho awo opo háe ku mono,
nomatwi awo opo háa tee
katee kundino hendi.”#Deut. 29:4; Jes. 29:10
9David ma tyaa:
“Otjipito tjawo ngatji ile omoo neliva
lyoku ve kambula noku ve yumaneka.#Eps. 69:22-23
10Omeho awo ngaa twike, ahamave ku mono.
Oluvedhe aluhe ve yongamekela kohi yomaudheu awo.”
11Ame me pula okutya Ovajuda va putalelela? Hatjo nokanunu. Iya hiva lundha, ehupitho lye ya kovapaani, Ovajuda opo ve ve t̯ile onki. 12Iya andaa napano okulundha kwOvajuda kwa etela ouye ouwa oun̯ingi, noluhepo lwawo lwopambepo lwa etela ovapaani ouwa oun̯ingi, ouwa mau ka kala au lithike pi, Ovajuda avehe himava havelwa mo!
Ehupitho lyovapaani
13Iya napano me popi ouhunga nan̯e ovapaani. Ame ngomuyapostoli mokati ken̯i me tumbaleke otjilinga tjandje, 14pamo ovantu womomuhoko wandje mava ka t̯ila ovapaani onki, opo ndji tjiiwe okuhupitha vamo owomuwo. 15Iya andaa okuyekelwahi kwawo kwa eta okuwanena kouye naKalunga, iya okutambulwa kwawo maku ngala tji? Maku ngala okwiimunwa kout̯e.
16Andaa okanyembu komungome okatenga ka yandjwa kuKalunga, okadhilikwa, okutya omungome auhe omudhilikwa. Omidhi vyomuti andaa omidhilikwa, nodhontai dhatjo odhondhilikwa. 17Andaa odhontai dhimo dhomuholivi dha tetwa ko, haku twikwa ontai yomuholivi womokuti, iya n̯e ovapaani mu ngala omuholivi womokuti, iya napano mamu li ovinyango oviwa momuholivi mbwaa tengelwa. 18Hó linomo, hó tombo odhontai ndhaa tetwa. Andaa mo linomo, kala au tji i okutya haove wa tjinda ethina, ethina olyo lye ku tjinda. 19Ove mpaeli mo tyaa: “Odhontai hendhi dha tetwa ko, ame opo ndji twikwa ko.” 20Eewa, ove otjo mo popi, wo va tetwa ko mena lyahihava itavelele, ove wa tuwa poluvedhe lwawo mena lyahiwa itavela. Iya hó linomo, tila. 21Iya ngaile Kalunga ka hupithile Ovajuda mbave li odhontai pakuutwa, naove wo ngai ke ku hupithile. 22Iya tala ouwa nomadhinge aKalunga, omadhinge e kovantu mbava putala. Iya Kalunga ma ile omuwa kwoove, andaa mo likambula nawa. Andaa hatjo, naove wo mo tetwa ko. 23Ovajuda wo andaa kava anyenene mokuhaitavela kwawo, mava ka twikwa ko, mena lyokutya Kalunga ma ulu oku ve twikulula ko uke. 24N̯e ovapaani mu ngala ontai yomuholivi womokuti, ndjaa tetwa ko, hai twikwa nounongo komuholivi mbwaa tengelwa. Ovajuda va ngala omuholivi mbwaa tengelwa, iya kombinga yaKalunga otjipu unene okutwika ko uke odhontai ndhoka ndhaa tetwa ko komuholivi mboka.
Onkenda yaKalunga kovantu avehe
25Vakwetu, opo hámu i nodhondunge dhen̯i, me hala oku mu holololela otjiholekwa hehi okutya Ovaisraeli mave likukutike katee otjihavelo tjovapaani matji hwile po himatji ya kuKalunga. 26Iya Ovaisraeli avehe mava ka hupithwa, omusonekwa ngahi mau popi himau tyaa: “Omuhupithi ma ka dha muSion, ye ma ka itha mo omutomba okutomba Kalunga modhontekulona dhaJakob.#Jes. 59:20-21 27Iya ewaneneno lyandje nawo hoolyondi, hime itha po odhonkali dhawo.”#Jes. 27:9 28Ovajuda va ila odhondjedhi dhaKalunga mena lyen̯i n̯e ovapaani, mena lyahiva anya ondaka ombwa. Iya mena lyeholowolo lyaKalunga, va ila ovahivilikwa mena lyowoiheombwale. 29Iya Kalunga ka lundulula otjali tje kovantu, ye ka lundulula eithano lye. 30N̯e ovapaani lukulu kamu teele kuKalunga, iya napano Kalunga we mu t̯ila onkenda, mena lyokuhatyaa kwOvajuda. 31Iya nan̯e himwa t̯ilwa onkenda, Ovajuda napano nawo kava tee kuKalunga, opo nawo wo napano va t̯ilwe onkenda kuKalunga. 32Iya Kalunga ovantu avehe we ve yethela monkalo yokuhatyaa, opo avehe e ve t̯ile onkenda.
Odhondunge dhaKalunga dha tumbala
33Oule wouhona nounongo nowodhondunge dhaKalunga wa hulila pi! Aan̯i nguma ulu okuthitulula omakoyo e? Aan̯i nguma ulu okutyaa odhondjila dhe?#Jes. 55:8
34 Omusonekwa mau tyaa:
“Aan̯i nguu i omalipulo aMuhona?
Ne aan̯i nguu mu longa?#Jes. 40:13
35Ne aan̯i ngwee mu pele tja olutenga,
Muhona e mu thute tjo?”#Job 41:11
36Iya ovipuka avihe vya dha kuye, mavi pitile muye, mavi i kuye. Kalunga nga tumbalekwe apehe katee apehe. Amen.#1 Kor. 8:6
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.