Ovaroma 10
10
1Vakwetu, me hala nomutima wandje auhe Ovaisraeli va hupithwe. Iya me kumbu kuKalunga va hupithwe. 2Iya ndji na oumbangi okuhipulula okutya Ovaisraeli va tiha okuundapela Kalunga, atjaa kave na ounongo woku tji ninga. 3Iya ouvyuuki waKalunga kave u i, atjaa va hala okuliutila ouvyuuki wawo ovene, kava tee kouvyuuki waKalunga. 4Iya Kristus oye a eta oveta komaandelo, ye oye e li ouvyuuki womuntu auhe ngwaa itavela.
Ehupitho lyovantu avehe
5Iya Moses wa soneka ouhunga nouvyuuki woveta ha tyaa: “Omuntu nguma hwithile po oveta, ma kala nomwenyo mena lyoveta.”#Lev. 18:5 6Iya ouvyuuki womeitavelo mau popi hinyahi: “Hó lipula momutima, u tyee: ‘Aan̯i nguma londo okuya meulu?’ Matji tya, a ka ete Kristus,#Deut. 30:12-14 7ne ‘Aan̯i nguma i menkomototo?’ Matji tya, a ka ete Kristus kout̯e.” 8Iya hehi himatji tyaa: “Odhondaka dhaKalunga dhi li popedhi naove, motjinyo tjoye nomomutima woye.” Ndhoka odho dhi li odhondaka dheitavelo ndhitu teetha. 9Iya andaa mo hipulula notjinyo tjoye okutya Jesus oye e li Muhona, atjaa ho itavele momutima woye okutya Kalunga we mu imuna kout̯e, mo ka hupithwa. 10Iya okwiitavela nomutima maku ku ningi okutya u ile omuvyuuki, nokuhipulula notjinyo maku hupitha. 11Omusonekwa mau tyaa: “Auhe nguma itavele muye, kaa ka t̯ithwa ohon̯i.”#Jes. 28:16 12Iya kape na tja okapungulula pokati kOmujuda nOmugreka. Kalunga oye e li Muhona wovantu avehe, ye oye a yandja ouhona we kovantu avehe mbava kumba kuye. 13Omusonekwa mau tyaa: “Auhe nguma kumbu mena lyaMuhona, ma ka hupithwa.”#Joel 2:32
14Mava ulu vi okukumba kunguhava itavelele? Mava ulu vi okwiitavela kunguhava teele? Mava ulu vi okutyaa, andaa kape na tja omuteethi? 15Mava ulu vi okuteetha, andaa kava tuminwe? Ngahi kwa sonekwa haku tiwaa: “Odhompadhi dhovateethi wondaka ombwa dhe thewa vi!”#Jes. 52:7 16Iya Ovaisraeli haavehe va itavela ondaka ombwa, Jesaja ngahi ma popi hima tyaa: “Muhona, aan̯i ngwaa itavela eteetho lyetu?”#Jes. 53:1 17Iya eitavelo li dha mokutyaa, nokutyaa ku dha modhondaka dhaKristus.
18Iya me pula okutya, kava teele? Va tyaa, omusonekwa ngahi mau popi himau tyaa:
“Ondaka yawo ya ya nohi aihe,
nodhondaka dhawo dha ya nouye auhe.”#Eps. 19:4
19Me pula uke okutya Ovaisraeli nan̯i kave tji i? Olutenga Moses ma tyaa:
“Ame me mu t̯itha onki kovantu mbahave thi otjiwan̯a,
me mu yumaneketha kotjiwan̯a hihatji na odhondunge.”#Deut. 32:21
20Jesaja ma popi nouvandhi hima tyaa:
“Mba moneka kovantu mbahava ntaendhele,
mbe liholololela ovantu mbahava mpulile.”#Jes. 65:1
21Iya Jesaja we tu heela okutya Kalunga ma popi ouhunga naIsrael ama tyaa:
“Etango alihe ndji tambula ovantu mbahava ntee,
mbava nkondjetha.”#Jes. 65:2
Currently Selected:
Ovaroma 10: DBNT
Highlight
Copy
Compare
Share
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.
Ovaroma 10
10
1Vakwetu, me hala nomutima wandje auhe Ovaisraeli va hupithwe. Iya me kumbu kuKalunga va hupithwe. 2Iya ndji na oumbangi okuhipulula okutya Ovaisraeli va tiha okuundapela Kalunga, atjaa kave na ounongo woku tji ninga. 3Iya ouvyuuki waKalunga kave u i, atjaa va hala okuliutila ouvyuuki wawo ovene, kava tee kouvyuuki waKalunga. 4Iya Kristus oye a eta oveta komaandelo, ye oye e li ouvyuuki womuntu auhe ngwaa itavela.
Ehupitho lyovantu avehe
5Iya Moses wa soneka ouhunga nouvyuuki woveta ha tyaa: “Omuntu nguma hwithile po oveta, ma kala nomwenyo mena lyoveta.”#Lev. 18:5 6Iya ouvyuuki womeitavelo mau popi hinyahi: “Hó lipula momutima, u tyee: ‘Aan̯i nguma londo okuya meulu?’ Matji tya, a ka ete Kristus,#Deut. 30:12-14 7ne ‘Aan̯i nguma i menkomototo?’ Matji tya, a ka ete Kristus kout̯e.” 8Iya hehi himatji tyaa: “Odhondaka dhaKalunga dhi li popedhi naove, motjinyo tjoye nomomutima woye.” Ndhoka odho dhi li odhondaka dheitavelo ndhitu teetha. 9Iya andaa mo hipulula notjinyo tjoye okutya Jesus oye e li Muhona, atjaa ho itavele momutima woye okutya Kalunga we mu imuna kout̯e, mo ka hupithwa. 10Iya okwiitavela nomutima maku ku ningi okutya u ile omuvyuuki, nokuhipulula notjinyo maku hupitha. 11Omusonekwa mau tyaa: “Auhe nguma itavele muye, kaa ka t̯ithwa ohon̯i.”#Jes. 28:16 12Iya kape na tja okapungulula pokati kOmujuda nOmugreka. Kalunga oye e li Muhona wovantu avehe, ye oye a yandja ouhona we kovantu avehe mbava kumba kuye. 13Omusonekwa mau tyaa: “Auhe nguma kumbu mena lyaMuhona, ma ka hupithwa.”#Joel 2:32
14Mava ulu vi okukumba kunguhava itavelele? Mava ulu vi okwiitavela kunguhava teele? Mava ulu vi okutyaa, andaa kape na tja omuteethi? 15Mava ulu vi okuteetha, andaa kava tuminwe? Ngahi kwa sonekwa haku tiwaa: “Odhompadhi dhovateethi wondaka ombwa dhe thewa vi!”#Jes. 52:7 16Iya Ovaisraeli haavehe va itavela ondaka ombwa, Jesaja ngahi ma popi hima tyaa: “Muhona, aan̯i ngwaa itavela eteetho lyetu?”#Jes. 53:1 17Iya eitavelo li dha mokutyaa, nokutyaa ku dha modhondaka dhaKristus.
18Iya me pula okutya, kava teele? Va tyaa, omusonekwa ngahi mau popi himau tyaa:
“Ondaka yawo ya ya nohi aihe,
nodhondaka dhawo dha ya nouye auhe.”#Eps. 19:4
19Me pula uke okutya Ovaisraeli nan̯i kave tji i? Olutenga Moses ma tyaa:
“Ame me mu t̯itha onki kovantu mbahave thi otjiwan̯a,
me mu yumaneketha kotjiwan̯a hihatji na odhondunge.”#Deut. 32:21
20Jesaja ma popi nouvandhi hima tyaa:
“Mba moneka kovantu mbahava ntaendhele,
mbe liholololela ovantu mbahava mpulile.”#Jes. 65:1
21Iya Jesaja we tu heela okutya Kalunga ma popi ouhunga naIsrael ama tyaa:
“Etango alihe ndji tambula ovantu mbahava ntee,
mbava nkondjetha.”#Jes. 65:2
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.