Ovilinga 22
22
1“Valumentu vakwetu nootateombwale, nteelela ndjen̯i hime lipopile kotjipala tjen̯i.” 2Iya hiva tee hime ve popitha mOtjiheberi, va nyima hava tya thiluu. Iya Paulus wa twikila ko ha tyaa:
3“Ame ndjiMujuda, mba yumukilwa kotjitungwalongo tjaTarso moKilikia, mba kulila moJerusalem. Omulongethi wandje oGamaliel. Ame mba longwa nawa okwiiwa onteto yootateombwale, mba li ombandhi yokuundapela Kalunga ngan̯e amuhe nawanawa himu li ndino.#Ovil. 5:34-39 4Ame uke mba tatethele, he dhipaa ovantu mboka mbava landula ondjila yaMuhona Jesus. Mba kambulitha ovalumentu novakadhintu, he ve yedhilile mokaliwoso.#Ovil. 8:3; 26:9-11 5Nomuyambethi omunene novantu avehe womOtjoongi tjOvanene mava ulu oku tji popya okutya me popi otjatjili. Mboka owo va mpele wo omikanda mbyaa sonekelwa Ovajuda ovakwetu owokoDamasko, opo ndji ya ko, ndji ka kambule ovaitaveli, ndji ve ete koJerusalem ava kutwa nomalyenge, ve tjiiwe okuyumanekwa.
Paulus ma hipulula eliteyululo lye
(Ovil. 9:1-19; 26:12-18)
6“Iya himba li ame ende, tainkolo mba li mondjila mokati komutenya ame linanene koDamasko, ontukuluka vala mba laiminwa kotjiten̯i hitja dha meulu, hatji nkondoloka. 7Iya mbe lisata pohi, he tee ondaka ndjimai mpopitha hai tyaa: ‘Saulus, Saulus, mo ntaantele tji?’ 8Iya ame mba pula he tyaa: ‘Muhona, iya oove aan̯i?’ Ye wa ndjaka ha tyaa: ‘Aame Jesus Omunasareta, ngoka ngumo taata.’ 9Ovalumentu mboka mbava li pamo naame, va mona elaimo, atjaa ondaka ndjaa mpopitha kave i teele. 10Iya mbe mu pula he tyaa: ‘Muhona, mba thele okuninga tji?’ Muhona wa ntjeela ha tyaa: ‘Kulama, enda koDamasko, hoka humo ka heelwa ovipuka mbyoka avihe mbiwa ithanenwa mbimo ka ninga.’ 11Elaimo hendi lya twikitha omeho andje, iya ovalumentu hemba mbava li pamo naame, va nkambula kempangoti, hava ntwala koDamasko.
12“Motjitungwalongo moka mwa li omulumentu umo nguu tiwa oAnanias, omutilikalunga, nguu tumbaleka oveta yaMoses. Wa tumbalekelwe kOvajuda avehe womoDamasko. 13We ya kwaame, ha hweene popedhi naame, wa ntjeela ha tyaa: ‘Mukwetu Saulus, twikuluka!’ Powola yatjo vala ndjoka mba twikuluka, he mu mono. 14Okudha mpoka wa ntjeela ha tyaa: ‘Kalunga kootate we ku holowola, opo u iwe ehalo lye, ove u mone Omuvyuuki watjatjili, u tyee ondaka ndjimai dhi motjinyo tje, 15mena lyokutya ove mo ka ninga ombangi okuhipululila ovantu avehe soka hiwa mona nahiwa tyaa. 16Iya napano mo kevelele tji uke? Kulama! Tjatjwa, kumba kuKalunga, odhonkali dhoye dhi ithwe po.’
Paulus ma ithanwa a ka teethele ovapaani
17“Iya himba tjuna koJerusalem, tainkolo mba li ame kumbu motempeli, mba mona emoneko, 18andji lwete Muhona ama ntjeele ha tyaa: ‘Kanyauka, dha mo dhivadhiva moJerusalem, mena lyokutya kaava hala okwiitavela himo ntjipulula.’ 19Ame mbe mu yaka he tyaa: ‘Muhona, wo ve tji i ae okutya nahi ndji ya modhosinagoga okukambula nokutona ovantu avehe mboka mbave ku itavela. 20Omuhipululi woye Stefanus hiaa dhipawa, naame wo opo mba li. Mba li ambe hulukilwa okudhipawa kwe, mba li ame yungu omidhalo vyovadhipai ve.’#Ovil. 7:58 21Iya Muhona wa ntjeela ha tyaa: ‘Enda ko, mena lyokutya me ke ku tuma kokule kovapaani.’ ”
22Ovantu katee hempa va teelela soka Paulus hiaa li ama popi. Iya okudha mpoka va uta okuwololoka peulu hava tyaa: “Nga dhipawe! Kaa ulu okukala uke ae na omwenyo!” 23Ovantu va li amava wololoka, otjo mava dhungadhunga omidhalo vyawo, otjo mava nkindula eheke.
Paulus nondjai yovita
24Ondjai yovita ya popya okutya Paulus nga twalwe mokamba. Yo ye ve heela hai tya Paulus nga pulwe, ye nga tonwe, opo a tyee okutya omena lyatji Ovajuda mave mu kwiilile nyahoka. 25Iya hive mu kutu, ve mu tone nodhosokoti, Paulus wa pula omunene wovakwavita, ngoka ngwaa li aa kulama puwo ha tyaa: “Mamu ulu okutona Omuroma, tainkolo héya koywa?”
26Omunene hengu hiee tji tee, wa ya kondjai, he mu pula ha tyaa: “Mo hala okuninga vi nyahoka? Omulumentu hengu Omuroma.”
27Iya ondjai ya ya kuPaulus, hai mu pula hai tyaa: “Ntjeela ndje, uMuroma?”
Paulus we mu yaka ha tyaa: “Ii mbee.”
28Ondjai ya heela Paulus hai tyaa: “Ame mba mona oukwatjilongo hembu waRoma, himba thuta etumino odhombongo odhingi.”
Paulus we mu yaka ha tyaa: “Iya ame ndjiMuroma pakuyumukwa.” 29Dhivadhiva ovalumentu mboka mbava li ave na okupula Paulus, ve mu yetha. Ondjai ya li wo aya tila, hiya mono okutya nan̯i Paulus ngoka ngwaa kutitha nomalyenge, Omuroma.
Paulus kotjipala tjOtjoongi tjOvanene
30Iya ngamuhuka ondjai yovita ya li amai hala okutyaa nawa okutya Ovajuda otjitji mava hala okukondjetha Paulus. Ondjai ya popya okutya Paulus nga kutululwe, yo hai heele ovayambethi ovanene, Otjoongi atjihe tjOvanene tji ongane. Ondjai ya eta mo Paulus, hai mu kulameke komeho yawo.
Currently Selected:
Ovilinga 22: DBNT
Highlight
Copy
Compare
Share
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.
Ovilinga 22
22
1“Valumentu vakwetu nootateombwale, nteelela ndjen̯i hime lipopile kotjipala tjen̯i.” 2Iya hiva tee hime ve popitha mOtjiheberi, va nyima hava tya thiluu. Iya Paulus wa twikila ko ha tyaa:
3“Ame ndjiMujuda, mba yumukilwa kotjitungwalongo tjaTarso moKilikia, mba kulila moJerusalem. Omulongethi wandje oGamaliel. Ame mba longwa nawa okwiiwa onteto yootateombwale, mba li ombandhi yokuundapela Kalunga ngan̯e amuhe nawanawa himu li ndino.#Ovil. 5:34-39 4Ame uke mba tatethele, he dhipaa ovantu mboka mbava landula ondjila yaMuhona Jesus. Mba kambulitha ovalumentu novakadhintu, he ve yedhilile mokaliwoso.#Ovil. 8:3; 26:9-11 5Nomuyambethi omunene novantu avehe womOtjoongi tjOvanene mava ulu oku tji popya okutya me popi otjatjili. Mboka owo va mpele wo omikanda mbyaa sonekelwa Ovajuda ovakwetu owokoDamasko, opo ndji ya ko, ndji ka kambule ovaitaveli, ndji ve ete koJerusalem ava kutwa nomalyenge, ve tjiiwe okuyumanekwa.
Paulus ma hipulula eliteyululo lye
(Ovil. 9:1-19; 26:12-18)
6“Iya himba li ame ende, tainkolo mba li mondjila mokati komutenya ame linanene koDamasko, ontukuluka vala mba laiminwa kotjiten̯i hitja dha meulu, hatji nkondoloka. 7Iya mbe lisata pohi, he tee ondaka ndjimai mpopitha hai tyaa: ‘Saulus, Saulus, mo ntaantele tji?’ 8Iya ame mba pula he tyaa: ‘Muhona, iya oove aan̯i?’ Ye wa ndjaka ha tyaa: ‘Aame Jesus Omunasareta, ngoka ngumo taata.’ 9Ovalumentu mboka mbava li pamo naame, va mona elaimo, atjaa ondaka ndjaa mpopitha kave i teele. 10Iya mbe mu pula he tyaa: ‘Muhona, mba thele okuninga tji?’ Muhona wa ntjeela ha tyaa: ‘Kulama, enda koDamasko, hoka humo ka heelwa ovipuka mbyoka avihe mbiwa ithanenwa mbimo ka ninga.’ 11Elaimo hendi lya twikitha omeho andje, iya ovalumentu hemba mbava li pamo naame, va nkambula kempangoti, hava ntwala koDamasko.
12“Motjitungwalongo moka mwa li omulumentu umo nguu tiwa oAnanias, omutilikalunga, nguu tumbaleka oveta yaMoses. Wa tumbalekelwe kOvajuda avehe womoDamasko. 13We ya kwaame, ha hweene popedhi naame, wa ntjeela ha tyaa: ‘Mukwetu Saulus, twikuluka!’ Powola yatjo vala ndjoka mba twikuluka, he mu mono. 14Okudha mpoka wa ntjeela ha tyaa: ‘Kalunga kootate we ku holowola, opo u iwe ehalo lye, ove u mone Omuvyuuki watjatjili, u tyee ondaka ndjimai dhi motjinyo tje, 15mena lyokutya ove mo ka ninga ombangi okuhipululila ovantu avehe soka hiwa mona nahiwa tyaa. 16Iya napano mo kevelele tji uke? Kulama! Tjatjwa, kumba kuKalunga, odhonkali dhoye dhi ithwe po.’
Paulus ma ithanwa a ka teethele ovapaani
17“Iya himba tjuna koJerusalem, tainkolo mba li ame kumbu motempeli, mba mona emoneko, 18andji lwete Muhona ama ntjeele ha tyaa: ‘Kanyauka, dha mo dhivadhiva moJerusalem, mena lyokutya kaava hala okwiitavela himo ntjipulula.’ 19Ame mbe mu yaka he tyaa: ‘Muhona, wo ve tji i ae okutya nahi ndji ya modhosinagoga okukambula nokutona ovantu avehe mboka mbave ku itavela. 20Omuhipululi woye Stefanus hiaa dhipawa, naame wo opo mba li. Mba li ambe hulukilwa okudhipawa kwe, mba li ame yungu omidhalo vyovadhipai ve.’#Ovil. 7:58 21Iya Muhona wa ntjeela ha tyaa: ‘Enda ko, mena lyokutya me ke ku tuma kokule kovapaani.’ ”
22Ovantu katee hempa va teelela soka Paulus hiaa li ama popi. Iya okudha mpoka va uta okuwololoka peulu hava tyaa: “Nga dhipawe! Kaa ulu okukala uke ae na omwenyo!” 23Ovantu va li amava wololoka, otjo mava dhungadhunga omidhalo vyawo, otjo mava nkindula eheke.
Paulus nondjai yovita
24Ondjai yovita ya popya okutya Paulus nga twalwe mokamba. Yo ye ve heela hai tya Paulus nga pulwe, ye nga tonwe, opo a tyee okutya omena lyatji Ovajuda mave mu kwiilile nyahoka. 25Iya hive mu kutu, ve mu tone nodhosokoti, Paulus wa pula omunene wovakwavita, ngoka ngwaa li aa kulama puwo ha tyaa: “Mamu ulu okutona Omuroma, tainkolo héya koywa?”
26Omunene hengu hiee tji tee, wa ya kondjai, he mu pula ha tyaa: “Mo hala okuninga vi nyahoka? Omulumentu hengu Omuroma.”
27Iya ondjai ya ya kuPaulus, hai mu pula hai tyaa: “Ntjeela ndje, uMuroma?”
Paulus we mu yaka ha tyaa: “Ii mbee.”
28Ondjai ya heela Paulus hai tyaa: “Ame mba mona oukwatjilongo hembu waRoma, himba thuta etumino odhombongo odhingi.”
Paulus we mu yaka ha tyaa: “Iya ame ndjiMuroma pakuyumukwa.” 29Dhivadhiva ovalumentu mboka mbava li ave na okupula Paulus, ve mu yetha. Ondjai ya li wo aya tila, hiya mono okutya nan̯i Paulus ngoka ngwaa kutitha nomalyenge, Omuroma.
Paulus kotjipala tjOtjoongi tjOvanene
30Iya ngamuhuka ondjai yovita ya li amai hala okutyaa nawa okutya Ovajuda otjitji mava hala okukondjetha Paulus. Ondjai ya popya okutya Paulus nga kutululwe, yo hai heele ovayambethi ovanene, Otjoongi atjihe tjOvanene tji ongane. Ondjai ya eta mo Paulus, hai mu kulameke komeho yawo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.