Ovilinga 21
21
Paulus ma i koJerusalem
1Nt̯e twe ve lekela, hatu i. Okudha mpoka twa vyuukilila kompanga yaKos. Iya ngamuhuka twe ke thika koRodos, okudha mpoka hatu ya koPatara. 2MoPatara twa vadha mo ombapolo ndjimai i koFoinikia, hamo tu londa, hatu i. 3Iya hitwa li amatu ende, twa mona ompanga yaKipros komeho yetu, twe i yembetha komakumbinda, hatu vyuukilile koSiria. Hatu heluka moTiro, mena lyokutya ombapolo ya li ai na okuhelula ovimbundu vyayo. 4Moka twa vadha mo ovaitaveli, hatu ve valulile po omatango epanduvali, ovaitaveli va heela Paulus ngahi va heelwa kOmbepo Ondhilikwa hava tya koJerusalem há i ko. 5Iya omatango epanduvali hiaa pu ko, nt̯e twa twikila ondjila yetu. Ovaitaveli avehe pamo novakadhintu nodhondele ve tu thindikila katee twa dhi mondolopa. Hitwe thiki kontyo yelunga twa twika odhongolo pamo nawo, hatu kumbu. 6Iya twe lilekaela, nt̯e hatu londo mombapolo, ovakwetu va tjuna kodhoyawo.
7Twa dha moTiro, hatu i koPtolemais, hoka hutwa ka popitha ovaitaveli, hatu kala nawo etango limo. 8Iya ngamuhuka twa twikila ouyenda wetu katee koKesarea. MoKesarea twa ka thikila monganda yomweevaengeliste Filippus. Filippus yuumo owomovalumentu epanduvali mbava holowolelwe okwiila ovapopili moJerusalem.#Ovil. 6:5; 8:5 9Filippus wa li novana vane ovathukona wongendjo, mbava li ovaprofeti. 10Iya nt̯e hitwa kala mo omatango omengi, pe ya omuprofeti nguu tiwa oAgabus, ngwaa dhile koJudea.#Ovil. 11:28 11Ye we dhile kunt̯e, ha itha po omuvya waPaulus wokudhalela, he likutu nawo komakulu nokomawoko ha tyaa: “Ombepo Ondhilikwa mai tyaa: ‘Omwene womuvya hembu otjo ma ka kutwa hinyahi kOvajuda womoJerusalem, wo mave ke mu yandja momawoko ovapaani.’ ”
12Iya hitwa tee odhondaka ndhoka, nt̯e novakwetu mbava kala hempa, twe liheka kuPaulus okutya ahama i uke koJerusalem. 13Paulus we ve yaka ha tyaa: “Mamu ningi vi nyahoka, himamu lili, mamu yandja owoma komwenyo wandje? Ame mbe limana okupwa, haku ka kutwa vala moJerusalem, iya noku ka t̯a mena lyaMuhona Jesus.”
14Iya híhe tu itavelele oku mu anda, twa nyima, hatu tyaa: “Ehalo lyaMuhona Kalunga ngali hwithilwe po.”
15Iya kon̯ima yomatango ngoka, twa longela ovipuka vyetu, hatu i koJerusalem. 16Ovalongwa vamo owomoKesarea va ya pamo nant̯e. Wo ve tu twala konganda yaMnason, omulumentu mpatwa thele okuthikila, ngwaa dhile koKipros, ngwaa li umo owomovalongwa wolutenga.
Paulus ma ka valulila po Jakob
17Iya hitwe ya koJerusalem, ovaitaveli ovakwetu ve tu yakula nehuluko enene. 18Ngamuhuka Paulus wa ya pamo nant̯e kuJakob, ovanene veongalo avehe oko va onganene. 19Paulus we ve popitha, he ve hipululile nawanawa ovipuka avihe Kalunga mbyaa undapa, hiee mu undapetha mokati kovapaani. 20Hiva dhi pokuteelela otjihipululo tje, avehe va hiva Kalunga, wo have mu heele hava tyaa: “Ove Paulus, u tji i ae okutya muno mu na Ovajuda omayovi omengi mbava ninga ovaitaveli, avehe va kambulitha nawa oveta yaMoses. 21Iya wo va heelwa okutya kwa tiwa ove u longa Ovajuda avehe mbava kala movilongo vyovapaani okutya ngava yethe oveta yaMoses, wo háva pititha odhondele dhawo etanda, wo ahamava holele odhonteto dhOvajuda. 22Wo otjatjili, mave ku tee okutya we ya, napano ngatu ninge vi? 23Ninga ngahi matu ku heele. Hempa pe na ovalumentu vane mbava ana eano.#Num. 6:13-21 24Tambula iya ovalumentu hemba, ove u likohole pamo nawo, ove u ve thutile, wo ve likulule, avehe opo ve tji mona okutya ovipuka avihe hembi mbiva popya kavi na thina namutwe, mena lyokutya naove wo u takametha oveta yaMoses. 25Iya kombinga yovapaani mbava ninga ovaitaveli, twe ve sonekela omukanda wetokolo, hatu ve heele okutya ngave litjaele ovipuka hembi: Ombaveka, okulya ombindhi, otjipuka hitja pondwa ne okulala novantu.”#Ovil. 15:29
26Paulus wa itha ovalumentu vane, he likohola pamo nawo. Okudha mpoka va ya kotempeli, e ke ve heele okutya omatango awo okulikohola maa pu ko nalun̯i, mena lyokutya auhe u tha okweeta eyambo, tainkolo omatango ahaeya pwa ko.
Paulus ma kambulwa
27Iya omatango ngoka epanduvali hiaa li pokupwa ko, Ovajuda vamo mbava dhile koAsia va mona Paulus motempeli. Wo va uta okuhongaetha owingi wovantu auhe, hava kambula Paulus, 28va wololoka unene hava tyaa: “Valumentu n̯e Ovaisraeli, indjen̯i mu tu popile! Omulumentu ngoka oye e li ye nguu endaenda novilongo ama longo ovantu avehe, elongo lye mali kondjetha otjiwan̯a tjetu noveta yetu notempeli hendji. Iya napano motempeli wa hititha mo Ovagreka, wa penyetha oluvedhe oludhilikwa hendu.” 29Wo va popya nyahoka, mena lyokutya va mwene Trofimus ngwaa dhile koEfeso, ae li pamo naPaulus motjitungwalongo, wo hava tya pamo we mu twalele motempeli.#Ovil. 20:4
30Omangwangwaneko e yulile motjitungwalongo atjihe, ovantu avehe ve liongele, hava kambula Paulus, have mu kokololele kotjila tjotempeli, omivelo vyo havi yedhilwa dhivadhiva. 31Ovantu tainkolo va li amava hala okudhipaa Paulus, elaka lye ya kondjai yovita yOvaroma okutya Jerusalem atjihe tji li momangwangwano. 32Ondjai yovita ya itha po dhivadhiva ovakwavita novanene wovakwavita, hava ka dhamukila kowingi wovantu. Iya owingi wovantu hiwa mono ondjai novakwavita, Paulus ve mu yetha oku mu tona. 33Ondjai ya vyuukilila kuPaulus, hai mu kambulitha, hai tya nga kutwe nomalyenge avali, ye hai mu pula okutya omulumentu nguka aan̯i, ye wa ninga tji? 34Owingi wovantu wa uta okuwololoka, hau popi odhondaka ndhihamadhi i kumo, mena lyotjuuyila ondjai yovita kai ivilwe hitji li mondjila. Iya ye wa heela ovakwavita okutya va twale Paulus mokamba yawo. 35Iya Paulus hiee ya povilyatelelo, ovakwavita ve mu tjinda po, mena lyokutya ovantu va li ava tjituka. 36Owingi wovantu we mu landula amau wololoka hau tyaa: “Nga dhipawe!”
Paulus me lipopile
37Iya ovakwavita hiva li amava hala okuhititha Paulus mokamba yawo, wa pula ondjai ha tyaa: “Matji tjiiwa tuu ndji ku heele tja?”
Ondjai ye mu pula hai tyaa: “U popya Otjigreka? 38Nan̯i haove Omweegipiti ngunya nahi mpenya ngwaa utithitha ovita novalumentu omayovi ane, mbava maneka, ha i nawo mokuti?”
39Paulus wa yaka ha tyaa: “Ame ndjiMujuda, ngumba yumukilwa moTarso, motjitungwalongo hitja tumbala moKilikia. Alikana ndjandjela ndje ndji popye notjiwan̯a.”
40Ondjai ye mu yandjela, a popye. Iya Paulus wa kulama kovilyatelelo, ha nyimitha ovantu nokuwoko. Wo hiva nyimi, wa popya nawo mOtjiheberi ha tyaa:
Currently Selected:
Ovilinga 21: DBNT
Highlight
Copy
Compare
Share
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.
Ovilinga 21
21
Paulus ma i koJerusalem
1Nt̯e twe ve lekela, hatu i. Okudha mpoka twa vyuukilila kompanga yaKos. Iya ngamuhuka twe ke thika koRodos, okudha mpoka hatu ya koPatara. 2MoPatara twa vadha mo ombapolo ndjimai i koFoinikia, hamo tu londa, hatu i. 3Iya hitwa li amatu ende, twa mona ompanga yaKipros komeho yetu, twe i yembetha komakumbinda, hatu vyuukilile koSiria. Hatu heluka moTiro, mena lyokutya ombapolo ya li ai na okuhelula ovimbundu vyayo. 4Moka twa vadha mo ovaitaveli, hatu ve valulile po omatango epanduvali, ovaitaveli va heela Paulus ngahi va heelwa kOmbepo Ondhilikwa hava tya koJerusalem há i ko. 5Iya omatango epanduvali hiaa pu ko, nt̯e twa twikila ondjila yetu. Ovaitaveli avehe pamo novakadhintu nodhondele ve tu thindikila katee twa dhi mondolopa. Hitwe thiki kontyo yelunga twa twika odhongolo pamo nawo, hatu kumbu. 6Iya twe lilekaela, nt̯e hatu londo mombapolo, ovakwetu va tjuna kodhoyawo.
7Twa dha moTiro, hatu i koPtolemais, hoka hutwa ka popitha ovaitaveli, hatu kala nawo etango limo. 8Iya ngamuhuka twa twikila ouyenda wetu katee koKesarea. MoKesarea twa ka thikila monganda yomweevaengeliste Filippus. Filippus yuumo owomovalumentu epanduvali mbava holowolelwe okwiila ovapopili moJerusalem.#Ovil. 6:5; 8:5 9Filippus wa li novana vane ovathukona wongendjo, mbava li ovaprofeti. 10Iya nt̯e hitwa kala mo omatango omengi, pe ya omuprofeti nguu tiwa oAgabus, ngwaa dhile koJudea.#Ovil. 11:28 11Ye we dhile kunt̯e, ha itha po omuvya waPaulus wokudhalela, he likutu nawo komakulu nokomawoko ha tyaa: “Ombepo Ondhilikwa mai tyaa: ‘Omwene womuvya hembu otjo ma ka kutwa hinyahi kOvajuda womoJerusalem, wo mave ke mu yandja momawoko ovapaani.’ ”
12Iya hitwa tee odhondaka ndhoka, nt̯e novakwetu mbava kala hempa, twe liheka kuPaulus okutya ahama i uke koJerusalem. 13Paulus we ve yaka ha tyaa: “Mamu ningi vi nyahoka, himamu lili, mamu yandja owoma komwenyo wandje? Ame mbe limana okupwa, haku ka kutwa vala moJerusalem, iya noku ka t̯a mena lyaMuhona Jesus.”
14Iya híhe tu itavelele oku mu anda, twa nyima, hatu tyaa: “Ehalo lyaMuhona Kalunga ngali hwithilwe po.”
15Iya kon̯ima yomatango ngoka, twa longela ovipuka vyetu, hatu i koJerusalem. 16Ovalongwa vamo owomoKesarea va ya pamo nant̯e. Wo ve tu twala konganda yaMnason, omulumentu mpatwa thele okuthikila, ngwaa dhile koKipros, ngwaa li umo owomovalongwa wolutenga.
Paulus ma ka valulila po Jakob
17Iya hitwe ya koJerusalem, ovaitaveli ovakwetu ve tu yakula nehuluko enene. 18Ngamuhuka Paulus wa ya pamo nant̯e kuJakob, ovanene veongalo avehe oko va onganene. 19Paulus we ve popitha, he ve hipululile nawanawa ovipuka avihe Kalunga mbyaa undapa, hiee mu undapetha mokati kovapaani. 20Hiva dhi pokuteelela otjihipululo tje, avehe va hiva Kalunga, wo have mu heele hava tyaa: “Ove Paulus, u tji i ae okutya muno mu na Ovajuda omayovi omengi mbava ninga ovaitaveli, avehe va kambulitha nawa oveta yaMoses. 21Iya wo va heelwa okutya kwa tiwa ove u longa Ovajuda avehe mbava kala movilongo vyovapaani okutya ngava yethe oveta yaMoses, wo háva pititha odhondele dhawo etanda, wo ahamava holele odhonteto dhOvajuda. 22Wo otjatjili, mave ku tee okutya we ya, napano ngatu ninge vi? 23Ninga ngahi matu ku heele. Hempa pe na ovalumentu vane mbava ana eano.#Num. 6:13-21 24Tambula iya ovalumentu hemba, ove u likohole pamo nawo, ove u ve thutile, wo ve likulule, avehe opo ve tji mona okutya ovipuka avihe hembi mbiva popya kavi na thina namutwe, mena lyokutya naove wo u takametha oveta yaMoses. 25Iya kombinga yovapaani mbava ninga ovaitaveli, twe ve sonekela omukanda wetokolo, hatu ve heele okutya ngave litjaele ovipuka hembi: Ombaveka, okulya ombindhi, otjipuka hitja pondwa ne okulala novantu.”#Ovil. 15:29
26Paulus wa itha ovalumentu vane, he likohola pamo nawo. Okudha mpoka va ya kotempeli, e ke ve heele okutya omatango awo okulikohola maa pu ko nalun̯i, mena lyokutya auhe u tha okweeta eyambo, tainkolo omatango ahaeya pwa ko.
Paulus ma kambulwa
27Iya omatango ngoka epanduvali hiaa li pokupwa ko, Ovajuda vamo mbava dhile koAsia va mona Paulus motempeli. Wo va uta okuhongaetha owingi wovantu auhe, hava kambula Paulus, 28va wololoka unene hava tyaa: “Valumentu n̯e Ovaisraeli, indjen̯i mu tu popile! Omulumentu ngoka oye e li ye nguu endaenda novilongo ama longo ovantu avehe, elongo lye mali kondjetha otjiwan̯a tjetu noveta yetu notempeli hendji. Iya napano motempeli wa hititha mo Ovagreka, wa penyetha oluvedhe oludhilikwa hendu.” 29Wo va popya nyahoka, mena lyokutya va mwene Trofimus ngwaa dhile koEfeso, ae li pamo naPaulus motjitungwalongo, wo hava tya pamo we mu twalele motempeli.#Ovil. 20:4
30Omangwangwaneko e yulile motjitungwalongo atjihe, ovantu avehe ve liongele, hava kambula Paulus, have mu kokololele kotjila tjotempeli, omivelo vyo havi yedhilwa dhivadhiva. 31Ovantu tainkolo va li amava hala okudhipaa Paulus, elaka lye ya kondjai yovita yOvaroma okutya Jerusalem atjihe tji li momangwangwano. 32Ondjai yovita ya itha po dhivadhiva ovakwavita novanene wovakwavita, hava ka dhamukila kowingi wovantu. Iya owingi wovantu hiwa mono ondjai novakwavita, Paulus ve mu yetha oku mu tona. 33Ondjai ya vyuukilila kuPaulus, hai mu kambulitha, hai tya nga kutwe nomalyenge avali, ye hai mu pula okutya omulumentu nguka aan̯i, ye wa ninga tji? 34Owingi wovantu wa uta okuwololoka, hau popi odhondaka ndhihamadhi i kumo, mena lyotjuuyila ondjai yovita kai ivilwe hitji li mondjila. Iya ye wa heela ovakwavita okutya va twale Paulus mokamba yawo. 35Iya Paulus hiee ya povilyatelelo, ovakwavita ve mu tjinda po, mena lyokutya ovantu va li ava tjituka. 36Owingi wovantu we mu landula amau wololoka hau tyaa: “Nga dhipawe!”
Paulus me lipopile
37Iya ovakwavita hiva li amava hala okuhititha Paulus mokamba yawo, wa pula ondjai ha tyaa: “Matji tjiiwa tuu ndji ku heele tja?”
Ondjai ye mu pula hai tyaa: “U popya Otjigreka? 38Nan̯i haove Omweegipiti ngunya nahi mpenya ngwaa utithitha ovita novalumentu omayovi ane, mbava maneka, ha i nawo mokuti?”
39Paulus wa yaka ha tyaa: “Ame ndjiMujuda, ngumba yumukilwa moTarso, motjitungwalongo hitja tumbala moKilikia. Alikana ndjandjela ndje ndji popye notjiwan̯a.”
40Ondjai ye mu yandjela, a popye. Iya Paulus wa kulama kovilyatelelo, ha nyimitha ovantu nokuwoko. Wo hiva nyimi, wa popya nawo mOtjiheberi ha tyaa:
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.