2 Ovatessalonika 1
1
1Omukanda hembu mau dhi kwaame Paulus naSilvanus naTimoteus.
Me sonekele eongalo lyomoTessalonika, ovantu vaKalunga Tate naMuhona Jesus Kristus.#Ovil. 17:1
2Et̯ilonkenda nouwa waKalunga Tate nowaMuhona Jesus Kristus ngau kale nan̯e.
Ompandu nealikano
3Vakwetu, nt̯e apehe twa thele okuyandja ompandu kuKalunga mena lyen̯i, otjo tji li nawa, mena lyokutya eitavelo lyen̯i mali kulu unene, nohole himu lihole amuhe ya ningi onene. 4Iya nt̯e momaongalo aKalunga tu litangela n̯e, mena lyelikambulithilo lyen̯i neitavelo lyen̯i, apehe amamu tatethwa namamu monethwa ovihuna mu likambulithila.
5Hehi matji yulike okutya ekoyo lyaKalunga lya vyuuka, iya n̯e mamu thevelwa otjilongo tjaKalunga ngahi mamu tji tatethelwa wo. 6Iya Kalunga tje mu vyuukila, ma yumaneke ovatatethi ven̯i mbave mu tatetha. 7N̯e mbamwa tatethwa, Kalunga me mu pa oluthuwo pamo nant̯e, Muhona wetu Jesus hima ka hololoka momulilo mbwaa tema okudha meulu pamo novaengeli ve ovanadhonkono 8okuyumaneka mboka mbahave i Kalunga namboka mbahava tee ondaka ombwa yaMuhona wetu Jesus. 9Ovantu mboka mava ka vadhwa koluyuma lwehan̯auno lyaapehe, ndyoka ndimali ke ve yapula kuMuhona noketumbalo lyodhonkono dhe.#Jes. 2:10 10Metango ndyoka Muhona Jesus hime ya, mbave mu itavela, mave mu tumbaleke, have kumwa. N̯e mamu ka kala mokati kawo, mena lyokutya mwa itavela elaka nditwe mu heela.
11Iya otjo tu mu kumbila apehe, Kalunga ketu, e mu tale okutya mwe thevelwa okwiithanwa, ye a hwithile po ehalo lyen̯i alihe nodhonkono, mu kale nehalo ewa motjilinga tjeitavelo. 12Ena lyaMuhona wetu Jesus opo li tumbalekwe mun̯e, nan̯e mu tumbalekwe muye ket̯ilonkenda lyaKalunga ketu naMuhona Jesus Kristus.
Currently Selected:
2 Ovatessalonika 1: DBNT
Highlight
Share
Copy
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.