1 Johannes 1
1
Ondaka yomwenyo
1Nt̯e matu mu heele Ondaka yomwenyo ndjaa li ko okudha peutilo. Twe i tyaa, nt̯e twe i mona nomeho etu, twe i tala, nomawoko etu e i t̯in̯a.#Joh. 1:1 2Omwenyo hembu wa holololwa, nant̯e twe u mona. Matu yandja oumbangi wahitwa mona, hatu mu heele omwenyo waapehe mbwaa li puTate, mbutwa holololelwa.#Joh. 1:14 3Matu mu heele wo hitwa mona nahitwa tyaa, opo nan̯e wo mu kale noukumo nant̯e. Iya tu na oukumo naTate nOmuna Jesus Kristus. 4Matu mu sonekele ovipuka hembi, opo ehuluko lyetu li hwithilwe po.
Kalunga oye e li otjiten̯i
5Matu mu heele elaka hendi nditwa tyaa muye okutya Kalunga oye e li otjiten̯i, muye kamu na tja et̯iku nokoholo. 6Andaa matu tya tu na oukumo naye, nt̯e amatu ende met̯iku okutya matu kembe, kaatu undapa otjatjili. 7Iya andaa matu ende motjiten̯i ngaye hiee li motjiten̯i, pokati ketu pe na oukumo, nombindhi yaJesus, Omuna, mai tu koho kodhonkali adhihe!
8Andaa matu tya katu na tja odhonkali, matu likembele po ovene, notjatjili katji mo munt̯e. 9Andaa matu hipulula odhonkali dhetu, Kalunga omuvyuuki nomuliun̯ikwa, okutya me tu ithile po odhonkali, ye me tu koho kokuhavyuuka kwetu. 10Andaa matu tya katu lundha, okutya matu mu ningi onkembi, nodhondaka dhe kadhi mo munt̯e.
Currently Selected:
1 Johannes 1: DBNT
Highlight
Share
Copy
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.