SAKARIA 5
5
Emoniko lomushangwatonywa tau tuka
1Ndele ame onda lyaamena ko vali, ndele nda mona, ndele tala: Okwa li ku nomushangwatonywa tau tuka. 2Ndele ye okwa tya kwaame: “Ou wete shike?” Opo nda nyamukula: “Ame ndi wete omushangwatonywa tau tuka, oule wao omaludimbo omilongo mbali nolumbubu lao omaludimbo omulongo.” 3Opo ye okwa lombwela nge, ta ti: “Eshi efingo tali i kedu alishe. Osheshi pakufingwa kwalo omulunga keshe ta ka kombwa po, nomunhu ou ta ane oipupulu ota kombwa mo moshilongo. 4Ame ohandi li efa ndele tali i meumbo lomulunga nomeumbo laau ta ane oipupulu medina lange, Omwene womatanga ovakwaita ta ti. Ndele efingo tali kala meumbo laye ndele tali li li po sheke fiyo okomiti nokomamanya alo omadikilo.”
Emoniko lomwalikadi moshiyelekifo eefa
5Ndelenee omweengeli ou a popifa nge okwe uya ndele ta ti kwaame: “Lyaamena, u tale, nokutya osho tashi linyenge oshike.” 6Opo ame nda tya: “Oshike hano?” Ye okwa nyamukula, ta ti: “Osho oshiyelekifo eefa, tashi linyenge. Ye okwa tya natango: Osho i li apeshe medu alishe.” 7Ndele tala, divadiva oshituviko shoholo sha yeluka, ndele omo mwa li omwalikadi a kala omutumba moshiyelekifo eefa. 8Ndele ye ta ti: “Ou oudinikalunga.” Ndele ye okwe mu ekela moshiyelekifo eefa ndele okwa ekela oshituviko shoholo komulungu washo. 9Ndele eshi nda lyaamena onda mona, tala, ovakainhu vavali va hovela okulinyenga ve nomhepo momavava avo. Nomavava avo a li ngaashi omavava exuwashi, ndele ova humbata po oshiyelekifo eefa pokati keulu nedu. 10Opo ame nda pula komweengeli, a popifa nge ndele handi ti: “Oshiyelekifo eefa otave shi twala peni?” 11Oye okwa nyamukula nge ndele ta ti: “Ovo ove ke mu tungila ongulu medu laSinear. Nongeenge ya pwa, ye ota ka nangekwa ko konhele yaye.”
Currently Selected:
SAKARIA 5: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
