EHOLOLO ETWALEMO
ETWALEMO
Ehololo la hololelwa Johannes ola shangwa pefimbo Ovakriste tava tewatewa omolweitavelo lavo mOmwene Jesus Kristus. Elalakano lomushangi okuyandja omukumo neteelelo kovaleshi vaye, noku va xwameka va diinine eitavelo pefimbo lomahepeko nomatewatewo.
Moitukulwa ihapu yembo eli omu na omisholondodo di lili nodi lili domahokololo nomamoniko a shangwa moityamayele oyo ya li i uditike ko nawa kOvakriste vopefimbo linya, ashike kuvamwe oi li oshiholekwa. Ngaashi omanenediladilo oshitevo haa endululwa, omanenediladilo embo eli nao otaa endululwa luhapu momamoniko e lili noku lili.
Nonande ope na omadiladilo a yooloka mokufatulula oshikalimo shembo eli, onghee tuu enenediladilo la yela: MolwaKristus Omwene, Kalunga ota ka finda filufilu ovatondi vaye aveshe, mwa kwatelwa Satana, oye nota ka yandja ondjabi kovanhu vaye ovalineekelwa, eshi tava ka pewa eulu lipe nedu lipe; eli olo efindano laxuuninwa.
Elandulafano loshikalimo
Etwalemo 1:1-8
Emoniko lotete neenhumwafo komaongalo aheyali 1:9—3:22
Omushangwatonywa noihako iheyali 4:1—8:1
Omanghuma aheyali 8:2—11:19
Oshikoko noilyani ivali 12:1—13:18
Omamoniko e lili noku lili 14:1—15:8
Oiyaxa iheyali yehandu laKalunga 16:1-21
Ehanaunepo laBabilon nokutewa kwoshilyani, omuxunganeki omunaipupulu nomushindadi 17:1—20:10
Epangulo laxuuninwa 20:11-15
Eulu lipe, edu lipe, naJerusalem shipe 21:1—22:5
Exulifo 22:6-21
Currently Selected:
EHOLOLO ETWALEMO: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.