OMAPSALOME 19
19
Etumbaleko laKalunga moishitwa yaye nomeendjovo daye
Epsalme laDavid, la pewa enyakwa lolwiimbo.
1Eulu olo hali hepaulula oshinge shaKalunga,
nevalelwa lalo otali udifa
oshilonga shomake aye.
2Omutenya ohau shi lalekidile omutenya mukwao,
noufiku ohau shi ingidile oufiku mukwao,
3nande kae nelaka ile omatumbulo,
ondaka yao i udike;
4nondaka yao oya ya nedu alishe,
neendjovo dao fiyo okominghulo dounyuni.
Etango okwe li dikila ko onduda yalo.
5Lo otali piti mo,
ngaashi omuhomboli ta piti mondjuwo yaye,
otali kaluka ngaashi omukwaita omuladi
mokutondoka molweendo lalo.
6Koxulo yeulu otali piti ko,
neengeda dalo otadi li fikifa
koxulo yalo ikwao,
ndele kape na oshinima tashi kala
sha hondama moupyu womutenya walo.
7Omhango yOmwene oya wanenena,
yo ohai hekeleke omwenyo;
ehepaululo lOmwene
oli shii okulineekelwa shili,
olo hali nongopaleke omalai.
8Omalombwelo Omwene okwa yuka,
taa hafifa omutima;
omhango yOmwene oi yela sheke,
tai minikile omesho.
9Etilo lOmwene ola yela;
tali kalelele fiyo alushe.
Eemhangela dOmwene odo oshili;
adishe oda yukilila.
10Odo di noupuna u dule woshingoldo,
heeno, u dule woshingoldo shihapu
sha hoololekeka;
nodi nounyenye u dule womaadi eenyiki
ounyenyelela womashila ado.
11Omupiya woye ote liefele yo
okulondwelwa kudo;
moku di diinina, otamu di ondjabi inene.
12Olyelye ta kala e udite omapuko?
Mangulule nge mwaa inandi a shipulula.
13Osho yo omupiya woye
mu amena kovashishimani,
ino va efa va pangele nge.
Osho ngaha handi kala ndihe noshipo
nonda manguluka menyono linene.
14Eendjovo domokanya kange
nomadilongo omomutima wange
nae ku wapalele, Omwene,
emanya lange nOmukulili wange.
Currently Selected:
OMAPSALOME 19: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
