OMAPSALOME 124
124
Omuxupifi wOvaisraeli na hambelelwe!
Eimbilo lomolweendo lokuya kouyapuki, laDavid.
1Omwene ngeno okwa li ina ama kufye,
Israel osho na tye;
2Omwene ngeno ka amene kufye,
ovanhu eshi kwa li ve tu shivila olwoodi,
3ngeno vo ove tu pona po hamudilu tu nomwenyo,
eshi ehandu lavo kwa li le tu xwamenena;
4opo ngeno nomeva eyelu e tu yelula,
nomulonga ngeno we tu kungulukila;
5neemwenyo detu da uvikilwa ngeno
komakufikufi omeva madjuu.
6Omwene na hambelelwe,
eshi ine tu yandja tu nyanyaulwe komayoo avo.
7Eemwenyo detu oda xutuluka ngaashi okadila,
ke likufa melulo lomuteli womwiyo, elulo ola tokoka,
ndele fye otwa yululuka mo.
8Ekwafo letu oli li medina lOmwene,
ou omushiti weulu nedu.
Currently Selected:
OMAPSALOME 124: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
