OMAPSALOME 114
114
Oikumwifa yomokupita mo muEgipiti
1Israel eshi a tembwilwe muEgipiti,
eumbo laJakob eshi la dile moshiwana
shelaka tali duma,
2Opo Juda a ninga ouyapuki waye,
naIsrael onhele youhamba waye.
3Omeva efuta okwe shi mona,
ndele taa i onhapo,
omulonga Jordan owa shuna lwanima,
4osha nhukifa eemhunda ngaashi eemenye
oimhundangala, ongaashi eedjona.
5Efuta oove, oshike she ku hanga,
eshi to faduka po,
naave Jordan, eshi to i shanimanima?
6Nanye eemhunda, eshi tamu nhukaanhuka
ngaashi eedi deemhedi,
nanye oimhundangala ngaashi eedjona?
7Edu oove, kakama koshipala shOmwene,
koshipala shaKalunga kaJakob,
8ou ta shitukifa emanya ediva,
eenghungumanya di ninge ofifiya.
Currently Selected:
OMAPSALOME 114: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
