OMAPSALOME 10
10
Ekuwo longhuwo molwokupopilwa kovamonifi voixuna
1Omwene, oshike u li kokule ngaho
ndele to hondama pomafimbo oudjuu?
2Moumbudilinenepeko otava taataa epongo;
nave likwatife neemhangela davo vene edi va tota.
3Osheshi omukehenakalunga
ote litadele oiningwa yokahalu kaye;
ndele omunalwisho ta sheke Omwene.
4Omukehenakalunga mokufulalala kwaye
ita kongo Kalunga;
Omadiladilo aye aeshe osho:
“Kaku na Kalunga.”
5Meendjila daye efimbo alishe ota mono ouwa;
nomatokolo oye a fa e li kokule naye ngaashi eulu,
ovakondjifi vaye aveshe ote va tauluka.
6Ote lipopile momutima waye, ta ti:
“Itandi ka punduka nande;
fiyo alushe itandi ka hangika komupya.”
7Mokanya kaye omwa yada efingotukano,
nomaketuketu omafininiko;
koshi yelaka laye oku nehanauko nowii.
8Ota hondjaunine pomikunda meenhele da fita,
opo a dipae omuyuki;
omesho aye otaa mono omunamupya.
9Oye ta hondama mengade
ngaashi onghoshi monhele yayo;
ta nangele a kwate epongo;
ta kwata epongo moku li yula
meendjadja daye;
10ta hondjaunine, te livate po,
nomunamupya ota wile momakasha aye.
11Te lipopile momutima waye nokutya:
“Kalunga ote shi dimbwa,
Oye okwe likwata komesho,
Ye ite shi mono nande.”
12Omwene, yambuka!
Kalunga, yelula okwooko kwoye!
Ove ino dimbwa ovanamupya!
13Omukehenakalunga, oshike ta dini Kalunga
ndele ta ti momutima waye:
“Ito shi yavala.”
14Ove we shi mona nokuli;
osheshi okuningwa nai nokulilifwa,
oto shi dimbulukwa,
noto shi tambula shi kale momake oye;
to lineekelwa kwaau, ehe nomukwafi,
Oove omukwafi weefiye.
15Teyaula okwooko
kwomukolokoshi nomuhenakalunga,
u yukife owii waye, fiyo ito u mono vali.
16Omwene, Ove ohamba fiyo alushe;
mouhamba woye ovapaani ova pwa mo.
17Omwene, Ove ho udu odjuulufi yovalininipiki;
Oove ho pameke omitima davo;
nokutwi kwoye to ku ehenifa kuvo,
18opo u yandjele ouyuki keefiye nokeehepele,
paha kale vali omukwadu
ta eta po etilifohaluko.
Currently Selected:
OMAPSALOME 10: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
