OMAYELETUMBULO 25
25
Omayeletumbulo amwe aSalomo a ongelwa kuHiskia
1Naao omayeletumbulo aSalomo, ovalumenhu vaHiskia, ohamba yaJuda ve a ongela. 2Efimano laKalunga olo okuholeka oshinima, ndelenee efimano leehamba olo okukonakona nokuteneneka oshinima. 3Okukonakona oule wopombada weulu noule woposhi wedu nomitima deehamba, otaku nyengana. 4Kufa ko omange koshisiliveli, opo nee tapa holokele omuhambwidi woshisiliveli oshinima shi yela. 5Kufa ko omuhenakalunga koshipala shohamba, opo nee olukalwapangelo layo tali ka pamekwa nouyuki. 6Ino linenepeka koshipala shohamba, ndele ino litula ponhele yovanenenhu. 7Osheshi shi dule, ove to lombwelwa: “Ila oku komesho!” Ile to ninipikwa moipafi yomunedina, ou omesho oye e mu wete. 8Ino endelela okuhokololifa, fiku limwe ku na sha eshi to dulu, omukweni ngeenge te ke ku fifa ohoni. 9Popila oshinima shoye koshipala shomukweni, ndelenee ino holola oshiholekwa shamukweni, 10opo ou te shi udu te ku sheke ndele oku ku popila mowii itaku xulu po. 11Eendjovo da popiwa mefimbo lado odo da fa omaapula oingoldo moshiyaxa shoshingoldo. 12Omuhanyeni omunaendunge nokutwi taku pwilikine okwo okalinga koshingoldo noulenga woshingoldo. 13Ngaashi outalala weandu mefiku leteyo, osho omutumwa ou e shii kulineekelwa e li komutumi waye. Osheshi ta talaleke omwenyo womwene waye. 14Omulumenhu ou te litangele eeshali ite di yandje e li ngaashi oilemo nomhepo ihe nodula. 15Ohamba tai mwenekwa koutalanheni, nelaka lombili tali teya po omakipa. 16Ngeenge wa mona omaadi eenyiki, lya neendunge, uha nyonyodole ndele uhe a kunge mo. 17Omhadi yoye ino i lyangaanifa luhapu meumbo lamukweni, opo ye ehe ku loloke ndele te ku tondo. 18Omulumenhu wondobwedi yoipupulu kumukwao, oye ngaashi odibo, neongamukonda noshikuti sha upikwa. 19Eyoo la ola nomhadi hai punduka osho okulineekela omunaipupulu mefiku loluhepo. 20Ngaashi omunhu te lidula oshikutu shaye mokufu, nongaashi omaetika moshipute, osho yo ou ta imbile nakunyika oluhodi omaimbilo. 21Omutondadi woye ngeenge ta fi ondjala, mu pa omungome okulya, ndele ngeenge ta fi enota, mu pa omeva a nwe. 22Osheshi oto mu ongele omakala a hanya komutwe waye, nomwene ote shi ku alulile. 23Omhepo yokoumbangalanhu tai eta odula, nomalundilo omeholeko taa eta po oshipala shehandu. 24Okukala komutwe wonduda shiwa shi dule okukala meumbo limwe nomwalikadi e neenyamukudi: 25Ngaashi omeva matalala komwenyo wa notelwa, osho eenghundana diwa dokoshilongo shokokule. 26Ngaashi ofifiya ya dongala nongaashi ondungu ya nyonwa po, osho omuyuki ou ta tengauka koshipala shomuhenakalunga. 27Okulya omaadi eenyiki mahapu keshiwa, ndelenee okukonakona oinima idjuu, okwo oudjuu. 28Omulumenhu ehe shii kulipangela, e li ngaashi oshilando sha teywa po shihe nohotekuma.
Currently Selected:
OMAYELETUMBULO 25: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
