NUMERI 7
7
Ovakulunhu vomapata hava etele Omwene eeshaliyambo davo
1Mefiku tuu olo Moses okwa li a dikila etwali liyapuki nokwe li vaeka noku li yapula noinima yalo aishe, noaltari noilongifo yayo aishe nokwe i vaeka noku li yapula, 2opo nee ovakulunhu vOvaisraeli, novakulunhu veengudu domaumbo ova eta omayambo avo, vo va li ovakulunhu vomapata, venya va tulwa kombada yaava va valwa, 3vo ova eta omayambo avo koshipala shOmwene: omatemba ahamano e neenduda deefaila neengobe omulongo nambali nokutya etemba limwe kovakulunhu vavali, nongobe imwe kukeshe omukulunhu. Ndele vo ve di eta komesho yetwali liyapuki. 4NOmwene okwa popya naMoses ndee ta ti: 5“I tambula, osheshi yo otai shiiva okulongifwa meyakulwalonga letwali leongalo. Ndee ove u noku i pa Ovalevi, kukeshe payakulwalonga laye.”
6Opo nee Moses okwa tambula omatemba neengobe ndele e i yandja kOvalevi. 7Ye okwa yandja kovana ovamati vaGerson omatemba avali neengobe nhee payakulwalonga lavo. 8Ndele kovana ovamati vaMerari ye okwe va pa omatemba ane neengobe hetatu payakulwalonga lavo, va longifwa kuItamar, omona womupristeli Aron. 9Ndelenee ye ina yandja sha kovana ovamati vaKohat, osheshi oshilonga shavo petwali liyapuki osha li okuhumbata komapepe avo oinima yalo. 10Novakulunhu va eta eeshali davo dokuyapula oaltari mefiku tuu olo, sho osha vaekwa, novakulunhu va eta omayambo avo komesho yoaltari. 11NOmwene okwa lombwela Moses: “ovakulunhu nava ete, keshe umwe mefiku laye, eyambo laye keyapulo loaltari.”
12Ndele mefiku lotete Nashon yaAminadab wepata laJuda okwa eta eyambo laye. 13Eyambo laye oleli: oshiyaxa oshisiliveli, ondjele yasho okilograma netata, neholo loshisiliveli, ondjele yasho eegrama omafele ahetatu, pandjele yosekeli yetwali liyapuki. Aishe ivali i yadi oufila wa nakwa wa pilulilwa omaadi eendjayambo. 14Oshikwatelwa shoshingoldo shi yadi oitwiminifo, ondjele yasho eegrama efele nomulongo, 15ongobe onyasha yomhedi, nodi imwe yomhedi, odjona imwe yomudo umwe exwikiloyambo, 16oshikombo shimwe oshindume etimbayambo, 17eengobe mbali deemhedi, eedi nhano deemhedi, oikombo itano yoipedi noudjona vatano vomudo umwe epanduloyambo. Olo hano eyambo laNashon yaAminadab.
18Netanel yaSuar, omukulunhu waIsaskar, okwa eta mefiku etivali: 19Ye okwa eta eyambo laye oshiyaxa shoshisiliveli, ondjele yasho eesekeli efele nomilongo nhatu, neholo loshisiliveli, ondjele yalo eesekeli omilongo heyali pasekeli yetwali liyapuki. Aishe ivali i yadi oufila wa nakwa wa pilulilwa omaadi eendjayambo. 20Oshikwatelwa shimwe shoshingoldo shoitwiminifo, shi yadi oitwiminifo, ondjele yasho eesekeli omulongo, 21ongobe onyasha yomhedi, odi yomhedi odjona yomudo umwe exwikiloyambo, 22oshikombo shimwe shoshindume etimbayambo. 23Ndele epanduloyambo: eengobe mbali deemhedi, eedi nhano deemhedi, oikombo itano yoipedi oudjona vatano vomudo umwe. Olo hano eyambo laNetanel yaSuar.
24Eliab yaHelon, omukulunhu wovana vaSebulon, okwa eta mefiku etitatu. 25Eyambo laye oleli: oshiyaxa shimwe shoshisiliveli, ondjele yasho eesekeli efele nomilongo nhatu. Eholo limwe loshisiliveli, ondjele yalo eesekeli omilongo heyali pasekeli yetwali liyapuki. Aishe ivali i yadi oufila wa nakwa wa pilulilwa omaadi eendjayambo. 26Oshikwatelwa shimwe shoshingoldo shoitwiminifo i yadi oitwiminifo, ondjele yasho eesekeli omulongo, 27ongobe imwe yonyasha yomhedi, odi yomhedi, odjona imwe yomudo umwe exwikiloyambo, 28oshikombo shimwe shoshindume etimbayambo. 29Ndelenee epanduloyambo: eengobe mbali, eedi nhano deemhedi, oikombo itano yoipedi, oudjona vatano vomudo umwe. Olo hano eyambo laEliab yaHelon. 30Elisur yaSedeur, omukulunhu wovana vaRuben, okwa eta mefiku etine. 31Eyambo laye: oshiyaxa shoshisiliveli, ondjele yasho eesekeli efele nomilongo nhatu. Eholo loshisiliveli, ondjele yalo eesekeli omilongo heyali pasekeli yetwali liyapuki. Aishe ivali i yadi oufila wa nakwa wa pilulilwa omaadi eendjayambo, 32Oshikwatelwa shoshingoldo shoitwiminifo, ondjele yasho eesekeli omulongo shi yadi oitwiminifo, 33nongobe onyasha yomhedi, odi yomhedi, odjona yomudo umwe exwikiloyambo, 34oshikombo shimwe oshindume etimbayambo. 35Ndele epanduloyambo: eengobe mbali, eedi nhano deemhedi, oikombo itano yoipedi, oudjona vatano vomudo umwe. Olo hano eyambo laElisur yaSedeur.
36Selumiel yaSurisaddai, omukulunhu wovana vaSimeon mefiku etitano. 37Eyambo laye oleli: Oshiyaxa shoshisiliveli, ondjele yasho eesekeli efele nomilongo nhatu. Neholo loshisiliveli, ondjele yalo eesekeli omilongo heyali pasekeli yetwali liyapuki. Aishe ivali i yadi oufila wa nakwa wa pilulilwa omaadi eendjayambo. 38Oshikwatelwa shoshingoldo shoitwiminifo, ondjele yasho eesekeli omulongo, shi yadi oitwiminifo, 39ongobe onyasha yomhedi, odi yomhedi, odjona imwe yomudo umwe exwikiloyambo, 40oshikombo shoshindume etimbayambo. 41Ndelenee epanduloyambo: eengobe mbali, eedi nhano deemhedi, noikombo itano yoipedi, oudjona vatano vomudo umwe. Olo hano eyambo laSelumiel yaSurisaddai.
42Eliasaf yaRehuel, omukulunhu wovana vaGad mefiku etihamano. 43Eyambo laye oleli: oshiyaxa shoshisiliveli, ondjele yasho eesekeli efele nomilongo nhatu. Neholo loshisiliveli, ondjele yalo eesekeli omilongo heyali pasekeli yetwali liyapuki. Aishe ivali i yadi oufila wa nakwa wa pilulilwa omaadi eendjayambo. 44Oshikwatelwa shoshingoldo shoitwiminifo, ondjele yasho eesekeli omulongo, shi yadi oitwiminifo, 45ongobe onyasha yomhedi, odi imwe yomhedi, odjona imwe yomudo umwe exwikiloyambo, 46oshikombo shimwe shoshindume etimbayambo. 47Ndele epanduloyambo: eengobe mbali, eedi nhano deemhedi, oikombo itano yoipedi, oudjona vatano vomudo umwe. Olo hano eyambo laEliasaf yaRehuel.
48Elisama yaAmmihud, omukulunhu wovana vaEfraim efiku etiheyali. 49Eyambo laye oleli: oshiyaxa shoshisiliveli, ondjele yasho eesekeli efele nomilongo nhatu. Neholo loshisiliveli, ondjele yalo eesekeli omilongo heyali pasekeli yetwali liyapuki. Aishe ivali i yadi oufila wa nakwa wa pilulilwa omaadi eendjayambo. 50Oshikwatelwa shoshingoldo shoitwiminifo, ondjele yasho eesekeli omulongo shi yadi oitwiminifo, 51ongobe onyasha omhedi, odi imwe omhedi, odjona imwe yomudo umwe exwikiloyambo, 52oshikombo shimwe shoshindume etimbayambo 53Ndele epanduloyambo: Eengobe mbali, eedi nhano deemhedi, oikombo itano yoipedi, oudjona vatano vomudo umwe. Olo hano eyambo laElisama yaAmmihud.
54Gamaliel yaPedasur, omukulunhu wovana vaManasse mefiku etihetatu. 55Eyambo laye oleli: oshiyaxa shoshisiliveli, ondjele yasho eesekeli efele nomilongo nhatu. Neholo loshisiliveli, ondjele yalo eesekeli omilongo heyali pasekeli yetwali liyapuki. Aishe ivali i yadi oufila wa nakwa wa pilulilwa omaadi eendjayambo. 56Oshikwatelwa shoshingoldo shoitwiminifo, ondjele yasho eesekeli omulongo, shi yadi oitwiminifo, 57ongobe onyasha yomhedi, odi imwe yomhedi, odjona imwe yomudo umwe exwikiloyambo, 58oshikombo shimwe oshindume etimbayambo. 59Ndele epanduloyambo: eengobe mbali, eedi nhano deemhedi, oikombo itano yoipedi, oudjona vatano vomudo umwe. Olo hano eyambo laGamaliel yaPedasur.
60Abidan yaGideon, omukulunhu wovana vaBenjamin mefiku etimugoi. 61Eyambo laye oleli: oshiyaxa shoshisiliveli, ondjele yasho eesekeli efele nomilongo nhatu. Neholo loshisiliveli, ondjele yalo eesekeli omilongo heyali pasekeli yetwali liyapuki. Aishe ivali i yadi oufila wa nakwa wa pilulilwa omaadi eendjayambo. 62Oshikwatelwa shoshingoldo shoitwiminifo, ondjele yasho eesekeli omulongo, shi yadi oitwiminifo, 63ongobe onyasha yomhedi, odi imwe yomhedi, odjona imwe yomudo umwe exwikiloyambo, 64oshikombo shimwe shoshindume etimbayambo. 65Ndele epanduloyambo: eengobe mbali, eedi nhano deemhedi oikombo itano yoipedi oudjona vatano vomudo umwe. Olo hano eyambo laAbidan yaGideon.
66Ahieser yaAmmisaddai, omukulunhu wovana vaDan omefiku etimulongo. 67Eyambo laye oleli: oshiyaxa shoshisiliveli, ondjele yasho eesekeli efele nomilongo nhatu. Neholo loshisiliveli, ondjele yalo eesekeli omilongo heyali pasekeli yetwali liyapuki. Aishe ivali i yadi oufila wa nakwa wa pilulilwa omaadi eendjayambo. 68Oshikwatelwa shoshingoldo shoitwiminifo, ondjele yasho eesekeli omulongo, shi yadi oitwiminifo, 69ongobe onyasha yomhedi, odi imwe yomhedi, odjona imwe yomudo umwe exwikiloyambo, 70oshikombo shimwe oshindume etimbayambo. 71Ndele epanduloyambo: eengobe mbali, eedi nhano deemhedi, oikombo itano yoipedi, oudjona vatano vomudo umwe. Olo hano eyambo laAhieser yaAmmisaddai.
72Pagiel yaOgran, omukulunhu wovana vaAsser mefiku etimulongo nalimwe. 73Eyambo laye oleli: oshiyaxa shoshisiliveli, ondjele yasho eesekeli efele nomilongo nhatu. Neholo loshisiliveli, ondjele yalo eesekeli omilongo heyali pasekeli yetwali liyapuki. Aishe ivali i yadi oufila wa nakwa wa pilulilwa omaadi eendjayambo. 74Oshikwatelwa shoshingoldo shoitwiminifo, ondjele yasho eesekeli omulongo, shi yadi oitwiminifo, 75ongobe onyasha yomhedi, odi imwe yomhedi, odjona imwe yomudo umwe exwikiloyambo, 76oshikombo shimwe shoshindume etimbayambo. 77Ndele epanduloyambo: eengobe mbali, eedi nhano deemhedi, oikombo itano yoipedi, oudjona vatano vomudo umwe. Olo hano eyambo laPagiel yaOgran.
78Ahira yaEnan, omukulunhu wovana vaNaftali omefiku etimulongo netivali. 79Eyambo laye oleli: oshiyaxa shoshisiliveli, ondjele yasho eesekeli efele nomilongo nhatu. Neholo loshisiliveli, ondjele yalo eesekeli omilongo heyali pasekeli yetwali liyapuki. Aishe ivali i yadi oufila wa nakwa wa pilulilwa omaadi eendjayambo. 80Oshikwatelwa shoshingoldo shi yadi oitwiminifo ondjele yasho eesekeli omulongo, 81ongobe onyasha yomhedi, odi imwe yomhedi, odjona imwe yomudo umwe exwikiloyambo 82oshikombo shimwe shoshindume etimbayambo, 83eengobe mbali deemhedi, eedi nhano deemhedi, oikombo itano yoipedi noudjona vatano vomudo umwe epanduloyambo. Olo hano eyambo laAhira yaEnan.
84Odo hano eeshali dovakulunhu vOvaisraeli meyapulo loaltari mefiku tuu olo yo ya vaekwa: Oiyaxa omulongo naivali yoshisiliveli. Omaholo omulongo naavali oshisiliveli. Oikwatelwa omulongo naivali yoshingoldo yoitwiminifo. 85Ondjele yoshiyaxa keshe eesekeli doshisiliveli efele nomilongo nhatu. Neholo keshe eesekeli omilongo heyali. Oisiliveli aishe yomoinima aishe oya li i fike pomayovi avali nomafele ane pasekeli yetwali liyapuki. 86Oikwatelwa omulongo naivali yoingoldo yoitwiminifo i yadi oitwiminifo. Oshikwatelwa keshe eesekeli omulongo pasekeli yetwali liyapuki. Oshingoldo ashishe shomoikwatelwa yoitwiminifo osha li shi fike peesekeli efele nomilongo mbali. 87Eengobe adishe dokexwikiloyambo oda li eengobe deemhedi omulongo nambali. Eedi deemhedi omulongo nambali. Oudjona aveshe vomudo umwe omulongo navavali pamwe neendjayambo. Noikombo yoipedi omulongo naivali yetimbayambo. 88Neengobe adishe depanduloyambo oda li eengobe deemhedi omilongo mbali nanhee. Eedi deemhedi omilongo hamano. Oikombo yoipedi omilongo hamano. Oudjona vomudo umwe omilongo hamano. Odo hano eeshali deyapulo loaltari, yo eshi ya vaekwa.
89Ndele Moses eshi a ya metwali leongalo a popye nOmwene, ye a uda ondaka ei ya popya naye koshituviko shekwatakanifo eshi shi li kombada yoshikefa shehangano, pokati kovakerubi vavali. Osho ngaha hano Ye a popya naye.
Oshikwanyama Bible Revised © Bible Society of Namibia, 2008, 2012.