NEHEMIA 7
7
Ovaaluki moukwatwa va shangwa
1Nohotekuma eshi ya tungwa, ame nda tula mo omivelo. Novanangeli vopoivelo novaimbi nOvalevi va tulwa po. 2Ndele omumwatate Hanani, naHanania, omukulunhu wohotengulu, nde va lenga ovapangeli vaJerusalem, osheshi ye okwa li omulumenhu e shii kulineekelwa ndele ha tila Kalunga, e dule vahapu, 3ndele nde va lombwela: Oivelo yaJerusalem iha yeululwe fimbo omutenya inau twa. Novanangeli fimbo ve li po poivelo, oivelo i nokwiidilwa po nokutula po omiti da shindjakana. Noonakukala muJerusalem nava tulwe mo ovanangeli, nakeshe umwe ponhele yaye nakeshe umwe pongulu yaye.
4Oshilando shoovene sha li shinene sha tandavela, ndelenee ovanhu vomusho va li vanini, neengulu inadi tungululwa natango. 5Opo nee Kalunga a tula momutima wange ediladilo nokutya, ndi ifane ovanamadina novakomesho novanhu va ongale, va shangelwa meshikulafano lomapata. Naame nda mona eshikulafano lovanhu ava ve uya tete, ndele nda mona, nokutya mulo mwa shangwa: 6Ava hano oonakukalamo moshitukulwalongo eshi, vo va dja moukwatwa weenghwate, odo Nebukadnesar, ohamba yaBabilon, ye di twala, ndele da aluka kuJerusalem nomuJuda, keshe imwe moshilando shayo. 7Ovo ve uya pamwe naSerubbabel, Josua, Nehemia, Asaria, Raamja, Nahamani, Mordekai, Bilsan, Misperet, Bigvai, Nehum, Baana.
Omuvalu wovalumenhu vomoshiwana shaIsrael ou: 8Ovana vaParos omayovi avali nefele nomilongo hetatu navavali, 9ovana vaSefatja omafele atatu nomilongo heyali navavali, 10ovana vaArah omafele ahamano nomilongo nhano navavali, 11ovana vaPahat-Moab nokutya, oludalo laJosua nolaJoab omayovi avali nomafele ahetatu nomulongo navahetatu, 12ovana vaElam eyovi nomafele avali nomilongo nhano navane, 13ovana vaSattu omafele ahetatu nomilongo nhee navatano, 14ovana vaSakkai omafele aheyali nomilongo hamano, 15ovana vaBinnui omafele ahamano nomilongo nhee navahetatu, 16ovana vaBebai omafele ahamano nomilongo mbali navahetatu, 17ovana vaAsgad omayovi avali nomafele atatu nomilongo mbali navavali, 18ovana vaAdonikam omafele ahamano nomilongo nhano navaheyali, 19ovana vaBigvai omayovi avali nomilongo hamano navaheyali, 20ovana vaAdin omafele ahamano nomilongo nhano navatano, 21ovana vaAter nokutya, Hiskia, omilongo omugoi navahetatu, 22ovana vaHasum omafele atatu nomilongo mbali navahetatu, 23ovana vaBesai omafele atatu nomilongo mbali navane, 24ovana vaHarif efele nomulongo navavali, 25ovana vaGibeon omilongo omugoi navatano, 26Ovabetlehem nOvanetofa efele nomilongo hetatu navahetatu, 27ovalumenhu vokuAnatot efele nomilongo mbali navahetatu, 28ovalumenhu vaAsmavet omilongo nhee navavali, 29ovalumenhu vokuKiriat-Jearim, Kefira naBeerot omafele aheyali nomilongo nhee navatatu, 30ovalumenhu vokuRama naGeba omafele ahamano nomilongo mbali naumwe, 31ovalumenhu vokuMikmas efele nomilongo mbali navavali, 32ovalumenhu vokuBetel naAi efele nomilongo mbali navatatu, 33ovalumenhu vokuNebo omilongo nhano navavali, 34ovana vaElam mukwao eyovi nomafele avali nomilongo mbali navane, 35ovana vaHarim omafele atatu nomilongo mbali, 36ovana vaJeriko omafele atatu nomilongo nhee navatano, 37ovana vaLod, Hadid naOno omafele aheyali nomilongo mbali naumwe, 38ovana vaSenaa omayovi atatu nomafele amugoi nomilongo nhatu.
39Ovapristeli: ovana vaJedaja vomepata laJosua omafele omugoi nomilongo heyali navatatu, 40ovana vaImmer eyovi nomilongo nhano navavali, 41ovana vaPashur eyovi nomafele ane navaheyali, 42ovana vaHarim eyovi nefele navaheyali, 43Ovalevi: ovana vaJosua naKadmiel vomovana vaHodavia omilongo heyali navane.
44Ovaimbi: ovana vaAsaf efele nomilongo nhee navahetatu. 45Ovana vovanangeli vopoivelo: ovana vaSallum, ovana vaAter, ovana vaTalmon, ovana vaAkkub, ovana vaHatita, ovana vaSobai, aveshe kumwe efele nomilongo nhatu navahetatu.
46Ovayakuli votembeli: ovana vaSiha, ovana vaHasufa, ovana vaTabbaot; 47ovana vaKeros, ovana vaSia, ovana vaPadon; 48ovana vaLebana, ovana vaHagaba, ovana vaSalmai; 49ovana vaHanan, ovana vaGiddel, ovana vaGahar; 50ovana vaReaja, ovana vaResin, ovana vaNekoda; 51ovana vaGassam, ovana vaUssa, ovana vaPaseah; 52ovana vaBesai, ovana vaMeunim, ovana vaNefusim; 53ovana vaBakbuk, ovana vaHakufa, ovana vaHarhur; 54ovana vaBaslit, ovana vaMehida, ovana vaHarsa; 55ovana vaBarkos, ovana vaSisera, ovana vaTemah; 56ovana vaNesiah, ovana vaHatifa;
57Ovana vovapiya vaSalomo: ovana vaSotai, ovana vaHassoferet, ovana vaPeruda; 58ovana vaJaala, ovana vaDarkon, ovana vaGiddel; 59ovana vaSefatja, ovana vaHattil, ovana vaPogeret-Hassebaim, ovana vaAmon.
60Ovayakuli aveshe votembeli novana vovapiya vaSalomo va li omafele atatu nomilongo omugoi navavali. 61Ndele ovo tuu ovo va dja kuTel-Melah, Tel-Harsa, Kerub, Addon, Immer, ndelenee va nyengwa okuholola omapata avo nooxekulu vavo ile ngeenge vo oludalo laIsrael: 62ovana vaDelaja, novana vaTobia, novana vaNekoda va li omafele ahamano omilongo nhee navavali. 63Ndele movana vovapristeli: ovana vaHobaja, ovana vaHakkos, ovana vaBarsillai, ou a hombola umwe womovana oukadona vaBarsillai, Omugilead, ndele a ifanwa pamadina avo. 64Vo ova konga efina lepata lavo mwaava va tambulwa meshikulafano lepata, ndelenee inali monika. Onghee hano va talwa inava wana okuya moupristeli 65Nomupangeli okwe va lombwela vaha lye meeshali diyapukielela fiyo taku holoka omupristeli e na Urim naTummim.
66Oshiongalele ashishe sha li omayovi omilongo nhee naavali nomafele atatu nomilongo ahamano, 67ponho yovapika ovalumenhu novakainhu. Vo va li omayovi aheyali nomafele atatu nomilongo nhatu navaheyali. Ndele pa li ovaimbi ovalumenhu novakainhu omafele avali nomilongo nhee navatano. 68Eenghambe davo da li omafele aheyali nomilongo nhatu nahamano, nomamula avo omafele atatu omilongo nhee naatano. 69Eengamelo omafele ane nomilongo nhatu nanhano, eendongi omayovi ahamano nomafele aheyali nomilongo mbali.
70Ndele vamwe vomovakulunhu vomapata va yandjela etungo eeshali. Omupangeli okwa yandja koshikefa shoimaliwa yetungo eekilograma hetatu doingoldo, omaholo omilongo nhano noikutu yokoshi omafele atano nomilongo nhatu yovapristeli 71Ndele vamwe vomovakulunhu vomapata va yandja koshikefa shoimaliwa yetungo eekilograma efele nomilongo hamano nahetatu doingoldo neekilograma eyovi nomafele avali nomilongo nhano doisiliveli. 72Noixupe yovanhu ya yandja ngaha: eekilograma efele nomilongo hamano nahetatu doingoldo, neekilograma efele nomilongo nhee doisiliveli, noikutu omilongo hamano naiheyali youpristeli.
73Osho ngaha hano ovapristeli nOvalevi novanangeli vopoivelo novaimbi novomovanhu novayakuli votembeli nOvaisraeli aveshe va tula moilando yavo.
Currently Selected:
NEHEMIA 7: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
